Month: August 2018

Багшийн цалинг нэмүүлэх түр хорооноос багш нарын цалинг нэмэгдүүлэх асуудлаар хэвлэлийн бага хурал хийлээ.

Энэ талаар Багшийн цалинг нэмүүлэх түр хорооны удирдах төвийн гишүүн А.Санжмятав “Монгол улсын эдийн засаг эхнийхагас жилд 6,3 хувиар өссөн. Татварын орлого 30 хувиар нэмэгдсэн байна. Үүнээс харахад Монгол Улсын эдийн засаг эрчимтэй өссөн нь багш нарын цалинг нэмэгдүүлэх боломж буйг илтгэж байна.Энэ асуудлаар наймдугаар сарын 03-ны өдөр Ерөнхий сайдад шаардлага хүргүүлсэн. Хоёр засгийн газрын нүүрийг үзээд буй ч өнөөг хүртэл шийдвэрлэгдээгүй байна. Монгол Улсын эдийн засаг эрчимтэй өссөн ч үнийн дарамтаас шалтгаалж багш нарын цалин буурч байна. Тийм учир бодит байдалд тулгуурлан багш нарын цалинг нэмэгдүүлэх шаардлагыг хүргүүлж байна” гэв

БЗД-ийн 44-р сургуулийн багш С.Сарантуул “Бид долоодугаар сарын 26-ны өдөрэнэ асуудлаар төрийн гурван өндөрлөгт хүсэлт хүргүүлсэн. Засгийн газрын хэрэг эрхлэх газраас салбарын сайд руу хүргүүлж асуудлаа шийдвэрлэ гэсэн. Жилийн турш цаасны хооронд л явж байна. Бодит байдал дээр хөрсөн дээр буусан зүйл огт алга. Багш нар шаардлагыг тавьж байна. Үүнд,

– Монголын ирээдүй болсон хүүхдийн эрүүл аюулгүй амьдрах баталгааг хангаж, уул уурхай болон архи тамхины орлогын 5 хувийг хүүхдийн хөгжилд зарцуулах

– Ард иргэддээ амласан амлалтаабиелүүлэх

– Төрийн албан хаагчдын ажиллах орчинг олон улсын стандарт жишигт нийцүүл. Эдгээр асуудлыг шийдвэрлэх хүртэл тэмцлийг үргэлжлүүлнэ гэсэн байр суурьтай байна” хэмээв.

БЗД-ийн 84-р сургуулийн багш Б.Цэрэндолгор “Багш нарын цалинг нэмэгдүүлснээр хүүхдүүдэд чанартай боловсрол олгогдоно гэж үзэж байсан. Засаг төр албан тушаалтны асуудлыгөдрийн дотор шийдвэрлэчихээд хүүхдийн төлөөх асуудлыг бүтэн жил шийдвэрлэж чадахгүй байна. Өнөөдөр Монгол улсад хүүхэд эндэж, гэмтэж, осолдож байхад засаг төр дорвитой ажил хийгээгүй. Бид одоо хариуцлага тооцох цаг болсон” гэв.

Багшийн цалинг нэмүүлэх түр хорооны удирдах зөвлөлийн гишүүн, орон нутгийн багш нарын төлөөлөл С.Мөнхсаруул ” 1980-аад оны багш бид нар ажил мэргэжилдээ үнэнч байж улсынхаа боловсролын төлөө өнөөдрийг хүртэл хүчин зүтгэж байна. Нийгэм өөрчлөгдөхийн хэрээр багш нарын амьдрал улам доройтсон. Үр дүнгийн урамшуулал 45 хувь байдаг ч хэзээ ч бүрэн авч үзээгүй. Би 35 жил хөдөлмөрлөөд тэтгэвэрт гарсан боловч үр хүүхэд гаргасан, боловсролоо дээшлүүлсэн гэх шалтгаанаар жил хассан. Цалин нэмэгдүүлэх санал дээр орон нутгийн багш нар санал нэг байдаг ч үзэл бодлыг нь боогдуулж, дарамталж байна” гэлээ.

Багшийн цалинг нэмүүлэх түр хороо шаардлагынхаа хариугэнэ сарын 22-нд ирүүлэхийг шаардав. Хэрэв бодит үр дүнд хүрэхгүй байвал ажил хаялт зарлана хэмээн мэдэгдлээ.

А.АНУЖИН

“Дэлхийн Монгол ногоон нэгдэл” ТББ Төв аймгийн Заамар болон Булган аймгийн Бүрэгхангай суманд ажиллажээ. Энэ үеэр гурван компаний үйл ажиллагаатай танилцан Туул голын гольдролд алт олборлож буйг илрүүлсэн байна.

“Дэлхийн монгол ногоон нэгдэл”ТББ-ын тэргүүн Х.Бээжин “Манай байгууллага энэ сарын есний өдрөөс эхлэн гурван өдөр Төв аймгийн Заамар суманд ажиллалаа. Тухайн сумдад ажиллахад гурван компани Туул голын сав дагуу алт олборлож, байгал орчинд хохирол учируулж байсан. Эдгээр компаний нэг нь УИХ-ын гишүүнЦ.Гарамжавын“Монполимет” ХХКюм. Онцгой хамгаалалтын бүс 50 метр, энгийн хамгаалалтын бүс 200 метр байдаг. Энэ хамгаалалтын бүс дотор олборлолт хийх, байшин барих хориотой. Гэтэл энэ компани удаа дараа хууль зөрчиж голын гольдрол дагуу алт олборлож байна.Урьд нь 2015, 2016 онд очиж шаардлага тавьж байсан.Гэтэл бидний шаардлагыг хүлээж аваагүй өдий хүртэл үйл ажиллагаа явуулж байна. Үлдсэн компаниуд нэр хаяг нь тодорхойгүй. Уг нь манай байгууллага Байгал орчны тухай хуулийн 32-р зүйлийн дагуутус компаниудад үзлэг шалгалт хийх эрхтэй. Гэтэл биднийг оруулдаггүй, холбогдох албан тушаалтнууд байхгүй гэсэн хариу өгсөн. Иймээс өнөөдөр Байгал орчин, аялал жуулчлалын сайд Н.Цэрэнбатад шаардлага хүргүүлнэ. Үүнд Төв аймгийн Заамар, Булган аймгийн Бүрэгхангай суманд хууль бус үйл ажиллагаа явуулж буй компаниудыг зогсоож, байгал орчинд учруулсан хохирлыгбарагдуулах, цаашид байгаль орчныг хамгаалах чиглэлээр манай байгууллагатай хамтран ажиллах гэсэн хоёр шаардлага хүргүүлж байгаа. Хэрэв шаардлагыг биелүүлэхгүй бол огцрох хэрэгтэй” гэлээ.

“Дэлхийн монгол ногоон нэгдэл”ТББ-ын удирдах зөвлөлийн гишүүн Т.Алтангэрэл “ Бид дөрвөн жил дараалан шалгалт хийх явцад “Монполимет” ХХК туул гол дотор томалтныкарьераа ажилуулж байсан. Шаардлага тавьсан ч биднийг эсэргүүцсээр байна. УИХ-н гишүүн Ц.Гарамжав өөрөө хуулиа гаргачихаад зөрчөөд байгал орчноо сүйтгэж байгаа нь үнэхээр харамсалтай. Иймээс бид энэ хүний эсрэг зогсож тэмцэх болно” гэлээ.

С.ОЮУНЖАРГАЛ

Говь-Алтай аймгийн Прокурорын газраас “Прокурорын албаны өдөр”-ийг тохиолдуулан нийгмийн хариуцлагын хүрээнд сайн үйлсийн аян зохион байгуулжээ.

Өмнөх оны байдлаар Монгол улсад нийт 894016 авто тээврийн болон өөрөө явагч хэрэгсэл бүртгэлтэй байдаг гэсэн баримт байдаг. Үүний 508459 тээврийн хэрэгсэл нийслэлд, 385557 нь орон нутагт бүртгэлтэй байна.

Мөн өмнөх оны гуравдугаар улирлын байдлаар 57974 тээврийн хэрэгслийг шинээр бүртгэж, улсын дугаар олгожээ. Харин он гарсаар 57300 тээврийн хэрэгслийг шинээр бүртгэж, улсын дугаар олгосон тухай авто тээврийн үндэсний төвөөс мэдээллээ. Энэ нь өнгөрсөн оны мөн үеийнхээс 28%-иар өссөн үзүүлэлт юм.

Нийслэлийн нутаг дэвсгэрт “Газрын зөрчил арилгах нэгдсэн арга хэмжээ” эрчимтэй явагдаж байна. Өчигдөр Нийслэлийн Засаг даргын орлогч П.Баярхүүгээр ахлуулсан ажлын хэсэг Сүхбаатар, Чингэлтэй дүүргүүдийн зуслангийн бүсэд орц, гарц гаргаж, зөрчил арилгах ажлын явцтай газар дээр нь очиж танилцлаа.

Ажлын хэсэгт НГА-ны орлогч дарга Д.Нямдаваа, Сүхбаатар дүүргийн Газрын албаны дарга Д.Сугар, Чингэлтэй дүүргийн Газрын албаны дарга Ж.Мөнх-Эрдэнэ болон бусад албаныхан байлцлаа.

Ажлын хэсэг Сүхбаатар дүүргийн 19 дүгээр хороо Майхан толгой зусланд байрлах “Сонгоулд” ХХК төмөр хашааг буулгаж баталгаат кадастрыг зургийн дагуу хашааг 200 метр татуулсан байна. Ингэснээр тухай хэсгээр ганцхан машин явж, түгжрэл ихээр үүсдэг байсныг хоёр машин зорчих бүрэн боломжтой гудамж гаргаж өгсөн байна. Чингэлтэй дүүргийн 19 дүгээр хороо, Майхан толгой 1 зусланд айлуудын хашааг татаж, орц гарц гаргаснаар тухайн хэсгийн 12 айл өөрсдийн зусландаа чөлөөтэй нэвтрэх боломжтой болсон байна.

Чингэлтэй дүүргийн 19 дүгээр хороо Майхан толгой зуслан зөвшөөрөлгүй 4 метртэй төмөр хашааг буулгаж, газрыг чөлөөлж, тухайн хэсэгт есөн айлын орц гарц нээгдэж, иргэдийн тав тухтай амьдрах нөхцөл боломжоор хангалаа. Сүхбаатар дүүргийн 19 дүгээр хороо, Баянбулагийн зусланд бусдын орц гарцыг хааж хашаа барьсан байсныг буулгаж, зөрчлийг арилгаснаар тухай байршилд байрлах 10 гаруй айлын орц гарцыг нээсэн байна.

Чингэлтэй дүүргийн 19 дүгээр хороо Шадивлан зуслангийн хэсэгт байрлах айлуудын хашааг татуулж, орц гарц гаргасан гээд зуслангийн ногоон бүсэд газрын зөрчил арилгах нэгдсэн арга хэмжээг дүүргүүдийн Газрын албанаас зохион байгуулан ажиллаж байна.

Энэ жилийн хувьд Зуслангийн бүсийн газар чөлөөлөлтийн ажил эхэлснээс хойш 40 гаруй байршилд орц, гарцыг нээсэн бөгөөд зуслангийн ногоон бүсэд зөрчил арилгаж, орц, гарц гаргаснаас тухайн хэсэгт амьдарч буй айл өрхүүд хэд хэдэн хашаа дамжин давж, гэр лүүгээ явдаг, үүнээс үүдсэн үл ойлголцол үүсдэг гэх мэт бусад хүндрэлтэй асуудлуудыг шийдвэрлэж ажиллажээ.

Нийслэл, дүүргийн газрын албанаас газар чөлөөлөлтийн ажлуудыг эрчимтэй хийж байгаа бөгөөд холбогдох ажлын хэсэг явцын хяналтыг тухай бүрт нь явуулж, асуудлыг шийдвэрлэж байгаа аж.

Хавдар судлалын үндэсний төвийн захирал Ж.Чинбүрэн тэргүүтэй төлөөлөгчид энэ сарын 14-ний өдөр МУИС-д зочилж, эхлээд Биоорганик хими-Фармакогнозын лабораторид хийгдэж буй Монгол орны ургамал, эндофит микроорганизмын биологийн идэвхт нэгдлийн судалгаатай танилцжээ. Тус лабораторид одоогоор бэлэн байгаа 250 орчим зүйл ургамлын ханд, 3000 орчим зүйл эндофит актиномицетийн омог болон цэврээр ялган авсан нэгдлүүд дээр хавдрын эсрэг идэвхийн скрининг судалгааг хамтран явуулахаар болсон байна.

Мөн Генийн инженерчлэлийн лабораторид хийгдэж буй судалгаа болон одоогоор 22 шугаман эс бүхий хавдрын эсийн банктай танилцаж, тус санг цаашид Монгол хүнээс ялган авсан хавдрын эсээр баяжуулах судалгааг хамтран хийхээр тохиролцжээ.

МУИС дээр хийгдэж буй судалгааны ажилтай танилцсаны дараа Хавдар судлалын үндэсний төвийн төлөөлөгчдийг МУИС-ийн захирал Я.Төмөрбаатар хүлээн авч уулзан, цаашдын хамтын ажиллагааны талаар санал бодлоо солилцсон юм. Хоёр тал хамтарсан ажлын хэсэг байгуулж, ирэх 10 дугаар сарын 1-ний дотор хамтын ажиллагааны гэрээ байгуулах, лаборатори, судлаачдын түвшинд хамтарсан судалгааг албан ёсоор эхлүүлэхээр тохиролцлоо.

Монгол Улсын Их Хурлын дэд дарга Я.Санжмятавын ивээл дор 2018 оны наймдугаар сарын 17-26-ны өдрүүдэд Улаанбаатар хотноо болох “Ази тивийн залуучуудын аварга шалгаруулах шатрын тэмцээн-2018”-ыг зохион байгуулах хорооны хурал өнөөдөр Төрийн ордноо боллоо.

Зохион байгуулах хорооны дарга, Улсын Их Хурлын дэд дарга, Монголын шатрын холбооны тэргүүн дэд ерөнхийлөгч Я.Санжмятав хурлын эхэнд, “Шатар монголоос үүдэлтэй гэдэг. Манай шатрын нас, насны тамирчдын амжилт жил ирэх тутам нэмэгдэж байгаад баяртай байна. Олон улсын чанартай тэмцээнийг эх орондоо зохион байгуулж байгаа нь олон талын ач холбогдолтой. Хэдийгээр манай улс эдийн засгийн хөгжлөөрөө бусад улс орнуудтай харьцуулахад төдийлөн сайн биш ч гэсэн оюуны чадавхаараа дэлхийд тэргүүлж байна. Гадаадад зохион байгуулагдаж байгаа тэмцээнүүдэд төсөв, мөнгөний асуудлаас болж 10 орчим тамирчин л оролцдог бол эх орондоо болох томоохон тэмцээнд илүү олон тамирчин оруулж, чансааг нь ахиулах, ур чадварыг нь нэмэгдүүлэх боломжтой. Дэлхийн шатрын холбоо, Азийн шатрын холбооноос Монгол Улсыг сонгож, энэ жилийн Ази тивийн залуучуудын аварга шалгаруулах шатрын тэмцээнийг зохион байгуулах эрхийг олгосон нь бидэнд үзүүлж буй том итгэл, хариуцлага юм. Манай улсад шатрын спортын хөгжил ямар байгааг илтгэж байгаа нэг үзүүлэлт гэж бодож байна. Энэ удаагийн тэмцээнийг амжилттай зохион байгуулж чадвал магадгүй дараагийн Дэлхийн аварга шалгаруулах шатрын тэмцээнийг эх орондоо хийх боломж бүрдэхийг үгүйсгэхгүй. Тамирчдаа бэлтгэх, олон улсад үзүүлэх амжилтыг нь нэмэгдүүлэх үүднээс олон талын ажлыг зохион байгуулж байна” хэмээн онцлов.

Монголын шатрын холбоо Ази тивийн залуучуудын аварга шалгаруулах шатрын тэмцээнийг гурав дахь жилдээ ийнхүү эх орондоо зохион байгуулж байгаа бөгөөд хамтран зохион байгуулагчаар Монгол Улсын Засгийн газар, Улсын Их Хурлын Тамгын газар, Боловсрол, соёл, шинжлэх ухаан, спортын яам, Биеийн тамир спортын газар, Монголын үйлдвэрчний эвлэлийн соёлын төв ордон, Баянгол зочид буудал зэрэг байгууллагууд ажиллаж байна.

Одоогоор тэмцээнд оролцохоор Австрали, Хятад, Энэтхэг, Солонгос, Индонез, Хонконг, Киргизтан, Казакстан, Узбек, Непал, Сингапур, Бангладеш, Иран, Тимур зэрэг 15 орны 46 тамирчин мэдүүлгээ ирүүлээд байгаа бол манай улсын 70 гаруй тамирчин бүртгүүлжээ.

Мөн “Ази тивийн залуучуудын аварга шалгаруулах шатрын тэмцээн-2018”-ын хүрээнд “Mongolian open-2018”, өсвөрийн шатарчдын “Ирээдүйн олимп-2018”, “Ахмадын аварга шалгаруулах шатрын тэмцээн-2018” зэрэг тэмцээнүүдийг зохион байгуулах юм. Эдгээр тэмцээнүүдэд 400 орчим тамирчин оролцохоор бүртгүүлсэн гэдгийг Зохион байгуулах хорооны нарийн бичгийн дарга Ц.Цогбаяр танилцууллаа.

Уг хуралд Монголын шатрын холбоо, Боловсрол, соёл, шинжлэх ухаан, спортын яам, Гадаад харилцааны яам, Биеийн тамир, спортын газар, Нийслэлийн цагдаагийн газар, Нийслэлийн замын цагдаагийн газар зэрэг байгууллагын төлөөлөл оролцов гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.

Монголын зохиочлдын эвлэл /МЗЭ/-ийн Удирдах зөвлөл өчигдөр хуралдаж Бага чуулган хуралдуудах шийдвэр гаргажээ. Бага чуулганыг энэ сарын 25-ны өдөр хуралдуулж МЗЭ-ийн Удирдах зөвлөлийн даргаар ажиллаж байсан А.Эрдэнэ-Очир агсны орны хүнийг томилох асуудлыг хэлэлцүүлэх юм.

А.Эрдэнэ-Очир өнгөрсөн зургадугаар сарын эхээр албан үүргээ гүйцэтгэж яваад зуурдаар нас барсан юм. Тиймээс их хурлын хооронд хуралддаг Бага чуулганаар уг асуудлыг шийдэхээр болжээ. Учир нь ирэх жилийн эхээр МЗЭ-ийн 90 жилийн ой тохиож байгааг МЗЭ-ийн Гүйцэтгэх захирал М.Саруулдалай хэлж байв.

Нийслэлийн нутаг дэвсгэрт “Газрын зөрчил арилгах нэгдсэн арга хэмжээ” эрчимтэй явагдаж байна. Өчигдөр Нийслэлийн Засаг даргын орлогч П.Баярхүүгээр ахлуулсан ажлын хэсэг Сүхбаатар, Чингэлтэй дүүргүүдийн зуслангийн бүсэд орц, гарц гаргаж, зөрчил арилгах ажлын явцтай газар дээр нь очиж танилцлаа.