Month: August 2018

Хан-Уул дүүргийн Засаг даргын Тамгын газраас, “Агаар, орчны бохирдлыг бууруулахад иргэд, олон нийтийн оролцоог нэмэгдүүлэх нь” сэдэвт нээлттэй хаалганы өдөрлөгийг зохион байгуулсан байна.

Агаар орчны бохирдлыг бууруулах Үндэсний хөтөлбөр, Засгийн газрын энэ оны 43 ,62 дугаар тогтоол, Нийслэлийн Засаг даргын энэ оны зургадуугар сарын 25-ны өдрийн А/579 дугаар захирамжийн хүрээнд тус арга хэмжээг хэрэгжүүлжээ .

Өдөрлөгийн үйл ажиллагаанд Засаг даргын Тамгын газрын Тохижилт, нийтийн аж ахуйн хэлтсийн дарга Ц.Бат-Эрдэнэ, Нийслэлийн агаарын бохирдлыг бууруулах газрын бодлого зохицуулалтын хэлтсийн дарга Ц.Цолмон нар оролцож, аж ахуйн нэгж байгууллагуудыг “Түүхий нүүрснээс татгалзаж, Агаарын бохирдлыг бууруулахад хамтран ажиллацгаая” хэмээн уриалсан байна.

Өдөрлөгт Нийслэлийн агаарын бохирдлыг бууруулах газар, цахилгаан халаалтын 10 гаруй аж ахуйн нэгж байгууллага, дүүргийн 16 хорооны 2200 гаруй иргэд оролцжээ.

Хан-Уул дүүргийн Засаг даргын үйл ажиллагааны хөтөлбөр, эдийн засаг, нийгмийн хөгжүүлэх үндсэн зорилтын хүрээнд өрхийн тариалан эрхлэгчдийг дэмжих, хүнсний ногооны үйлдвэрлэл, хэрэглээг нэмэгдүүлэх чиглэлээр “Монгол ногоо” төслийг хэрэгжүүлж байна.

Уг төслийг хүрээнд Хан-Уул дүүргийн Засаг даргын Тамгын газар, төрийн бус байгууллага, олон улсын байгууллагуудтай хамтран Швейцарын хөгжлийн агентлагийн санхүүжилтээр хэрэгжүүлж байгаа аж.

Энэ нь амьжиргааны баталгаажих түвшнээс доогуур орлоготой өрхүүдийг бүлэг болгон “Монгол ногоо” төсөлд хамруулан ногоо тарих арга, технологийг мэргэжлийн хүмүүсээр заалгаж, үр шимээ хүрттэл нь хамтран ажиллаж буй төсөл юм. Мөн хүнсний ногооны үйлдвэрлэлийг нэмэгдүүлэхэд туслах шинэ технологи нэвтрүүлсэн гэдгээрээ онцлог болж байнаа талаар дурдлаа.

Тус төслийн хүрээнд тариаланчдын туршлага судлах аялалыг мөн зохион байгуулжээ. Туршлага судлах аялалд хөдөө орон нутгаас тариаланчид оролцож байгаа бөгөөд төслийн хүрээнд хийгдсэн ногооны цех, загвар өрхийн хүнсний ногооны талбайтай танилцаж, тариаланчдад зориулсан цогц мэдлэг олгох сургалтад хамрагджээ.

Цэцэрлэгийн бүртгэл явагдаж байгаатай холбоотойгоор хамрагдсан хүүхдүүд цагаан хорхой, шээсний шинжилгээ өгсөн байх шаардлагатай байдаг.

Энэ хүрээнд Сүхбаатар дүүргийн Эрүүл мэндийн төв есдүгээр сарын 1-ний өдрийг хүртэл амралтын өдрүүдэд уртасгасан цагаар ажиллаж, цэцэрлэгийн насны хүүхдүүдийн шинжилгээг авахаар болжээ. Шинжилгээ авах цагийн хуваарийг хүргэж байна.

Орон нутгийн замын хөдөлгөөний аюулгүй байдал, хяналтыг сайжруулах, хамгаалах зорилгоор улсын төсвийн хөрөнгө оруулалтаар Дарви, Манхан, Мянгад сумдад авто замын хяналтын пост байгууллаа.

Энэ онд Цагдаагийн ерөнхий газраас 18 аймагт 27 пост шинээр байгуулж байгаа бөгөөд түүний гурван пост нь Ховд аймагт ашиглалтад орж байна. Эдгээр хяналтын пост нь ажлын байр, алба хаагч нарын амрах өрөө, гал тогооны хэсэг, автомашины дулаан гражтай, хатуу түлш болон цахилгаанаар халдаг орчин үеийн жишигт нийцсэнээрээ онцлог ажээ. Орон нутгийн авто замын хяналтын байнгын постууд ашиглалтад орсноор гэмт хэрэг, зам тээврийн ослын эрсдэлийг бууруулахад чухал ач холбогдолтой гэж холбогдох мэргэжилтнүүд хэллээ.

Энэ оныг ‘’Иргэдийн оролцоотой-Амьдрах орчныг сайжруулах жил’’ болгон зарласантай холбогдуулан нийслэлийн 9 дүүргийн хэмжээнд зохион байгуулж буй ‘’Манай хороо-Миний гудамж’’ аян Баянзүрх дүүрэгт амжилттай үргэлжилж байгаа билээ. Тус аяны гол зорилго нь дүүргийн нутаг дэвсгэрт үйл ажиллагаа явуулж буй байгууллага, аж ахуй нэгжийн үйл ажиллагааг бэхжүүлж нийгмийн хариуцлагыг өндөрсгөх, тохижилт, ногоон байгууламж, хог хаягдал, цэвэрлэгээний менежментийг сайжруулах мөн хотын өнгө үзэмжийг дээшлүүлэх, иргэдийн ая тухтай орчинд амьдрах нөхцөлийг бүрдүүлэх зэрэг ач холбогдолтой юм.

Тэгвэл тус аяны хүрээнд дүүргийн Нийтлэг Үйлчилгээний Газар-3 ОНӨААТҮГ, Дүүрэг хөгжлийн төв болон Иргэдийн бүлэг хамтран 19 дугаар хорооны нэгдүгээр хотхоны явган хүний зам, авто машины зогсоол зэрэг тохижилтын ажлыг хийж гүйцэтгэлээ.

Дашрамд мэдээлэхэд уг аян энэ оны 10 дугаар сард нэгдсэн дүнгээ гаргаж Шилдэг дүүрэг, Шилдэг байгууллага, аж ахуй нэгж, Шилдэг тохижилттой хороо /орон сууц хороо, гэр хороо/, Шилдэг тохижилттой гэр хорооллын өрх, Шилдэг хог хаягдлын үйлчилгээний байгууллага зэрэг төрлөөр шилдгүүдээ шалгаруулах тул дүүргийн нутаг дэвсгэрт үйл ажиллагаа явуулж буй аж ахуй нэгж, байгууллага, хороод, иргэдийг ‘’Манай хороо-Миний гудамж’’ аянд идэвхтэй оролцохыг уриалж байна хэмээн Баянзүрх дүүргийн ЗДТГ-ын Хэвлэл мэдээллийн албанаас мэдээллээ.

Уулчин аврагчдын бэлтгэл, бэлэн байдлыг хангах, мэргэжлийн ур чадварыг дээшлүүлэх зорилгоор Онцгой байдлын ерөнхий газраас зохион байгуулж буй “Өндөр уулнаас эрэн хайх, аврах ажиллагаа”-ны дадлага сургалт Баян-Өлгий аймагт эхэллээ. Сургалтын эхний өдөр буюу өнөөдөр Монгол улсын гавьяат тамирчин, Ховд аймгийн онцгой байдлын газрын сургагч багш Т.Гүррагчаа сургалтад оролцогчдод танхимын сургалтыг зохион байгуулсан юм.

АТҮТ ТӨҮГ-ын удирдлагууд нийт ажилтан албан хаагчдад хэд, хэдэн асуудлаар өнөөдөр анхааруулга, санамж өглөө.

Тодруулбал, ажлын байран дээр архидан согтуурсан, зохисгүй авир гаргасан албан тушаалтанд холбогдох хуулийн дагуу тухай бүрт нь хариуцлага тооцох тул анхаарч ажиллах, ажлын цагийг үр бүтээлтэй, үр дүнтэй, төлөвлөсөн ажлуудаа хэрэгжүүлж ажиллахад онцгой анхаарах, үйл ажиллагаандаа багаар ажиллах зарчмыг баримталж, хамт олонтойгоо эвтэй найрсаг хүндэтгэлтэй харилцаж байх зэрэг “Хөдөлмөрийн дотоод журам”-д тусгасан заалтуудыг мөрдөн ажиллахыг сануулсан байна.

АТҮТ ТӨҮГ-ын захирал П.Дэлгэрнаран, “Сахилга, дэг журмыг чанд сахиж, сахилга хариуцлагыг өндөржүүлж, ёс зүйн хэм хэмжээг сахин, улс төрөөс ангид мэргэжлийн өндөр ур чадвартай ажиллахаас гадна чанартай үйлчилгээг олон нийтэд хүргэхийг эрмэлзэж, “Хөдөлмөрийн дотоод журам”-ыг чанд сахиж, хатуу мөрдөж ажиллахыг нийт ажилтнуудад үүрэг болгов. Мөн аливаа онцгой нөхцөл байдал буюу үер ус, байгалийн гамшгийн үед бэлэн байдлын төлөвлөгөө, техник хэрэгслийг бэлэн байлгаж, давагдашгүй хүчин зүйлийг давж гарах бэлэн байдалд байх хэрэгтэй” хэмээн онцлов.

Дашрамд дурдахад, шударга, ил тод, хариуцлагатай төрийн албыг төлөвшүүлж, төрийн бүх шатны байгууллагад ажлын хариуцлага, сахилга, дэг журмыг чангатгах зорилгоор “Сахилга, хариуцлага, дэг журмыг чангатгах тухай” Засгийн газар, Зам, тээврийн хөгжлийн сайд, ТӨБЗГ-ын албан даалгаврын дагуу АТҮТ ТӨҮГ-аас тодорхой ажлууд зохион байгуулан, хэрэгжилтийг улирал, хагас жилээр ЗТХЯ-нд тайлагнан ажилладаг байна.