Month: August 2018

Уул уурхайн салбарт тохиолдож болзошгүй гамшгийн эрсдэлээс урьдчилан сэргийлэх зөвлөмж гаргана

ОБЕГ-ын Үндэсний аврах бригадын Уул уурхайн аврах ангиас “Уурхай, уулын үйлдвэрүүдэд тохиолдож болзошгүй гамшгийн эрсдэлийг бууруулахад төрийн захиргааны байгууллагуудын оролцоо ба харилцан ажиллагаа” сэдэвт сургалт, дадлагыг Төв аймгийн Заамар суманд орших “Платинум Ланд” ХХК-ийн уурхайн байрлалд энэ амралтын өдрүүдэд зохион байгуулна.

Сургалт, дадлага нь онол аргазүйн мэдлэг олгох танхимын хичээл, цагийн байдлын дагуу ажиллах дадлага сургууль, сургалтын талаарх оролцогчдын санал, бодлыг тусган зөвлөмж гаргах гэсэн гурван үе шаттайгаар явагдах юм.

Сургалтад УУХҮЯ, БОАЖЯ, ОБЕГ, Үндэсний аврах бригадын УУАА, ХСИС-ийн Онцгой байдлын сургууль, Сэлэнгэ, Булган, Төв аймгийн Онцгой байдлын газрын холбогдох мэргэжилтнүүд, МХЕГ, Ашигт малтмал, газрын тосны газар, төвийн бүсийн уурхай, уулын үйлдвэрийн ажилтнууд, төрийн бус байгууллагын төлөөллүүд оролцоно.

Энэхүү сургалт, дадлага нь уурхай, уулын үйлдвэрүүдийн аюулын үед хэрэгжүүлэх төлөвлөгөөний боловсруулалт, түүний хэрэгжилтийг хангах хүрээнд цагийн байдлыг үнэлэх, хариу арга хэмжээг төлөвлөх, шийдвэр гаргах, аврах ажиллагааг зохион байгуулах мэдлэг чадварыг эзэмшүүлэх, төрийн захиргааны болон төрийн бус байгууллагуудын түншлэл, хамтын ажиллагааг өргөжүүлэх зорилготой юм гэж Онцгой байдлын ерөнхий газраас мэдээллээ.

мэдээ улс-төр

УИХ-ын дарга М.Энхболд БНХАУ-ын Гадаад хэргийн сайд Ван Иг хүлээн авч уулзлаа

Монгол Улсын Гадаад харилцааны сайд Д.Цогтбаатарын урилгаар манай улсад айлчилж буй Бүгд Найрамдах Хятад Ард Улсын Төрийн Зөвлөлийн гишүүн, Гадаад хэргийн сайд ноён Ван Иг Монгол Улсын Их Хурлын дарга М.Энхболд өнөөдөр (2018.08.23) хүлээн авч уулзлаа.

Уулзалтын эхэнд УИХ-ын дарга М.Энхболд БНХАУ-ын Төрийн Зөвлөлийн гишүүн, Гадаад хэргийн сайд эрхэмсэг ноён Ван И болон дагалдан яваа төлөөлөгчдийг хүлээн авч уулзаж буйдаа сэтгэл хангалуун байгаагаа илэрхийлээд энэхүү айлчлал хоёр орны харилцааны түүхэнд чухал хувь нэмэр оруулна гэдэгт итгэлтэй байгаа илэрхийлэв.

Монгол Улс, БНХАУ-ын хооронд тогтоосон Иж бүрэн стратегийн түншлэлийн хүрээнд олон салбарт бүхий л чиглэлээр харилцаа хамтын ажиллагаа сүүлийн жилүүдэд өргөжин, тодорхой үр дүнгээр баяжиж байгаад сэтгэл их хангалуун байгаагаа тэмдэглэлээ. Харилцаа хамтын ажиллагааг хөгжүүлэхэд хоёр орны язгуур ашиг сонирхолыг харилцан ойлголцож, хүндэтгэлтэй хандан, тулгарч буй асуудлуудыг яриа хэлэлцээрийн замаар шийдвэрлэж байх нь хамтын ажиллагааны үр дүн гарах үндэс суурь гэдгийг УИХ-ын дарга онцлов. Мөн манай хоёр орны хамтын ажиллагаанд өндөр дээд хэмжээний болон төрийн яамдын сайд нарын харилцан айлчлалууд болж, эдгээрийн хүрээнд яригдсан тодорхой яриа хэлэлцээрийг бодит ажил хэрэг болгох чиглэлээр талууд санал санаачилга гарган ажиллах нь чухал болохыг дурдлаа.

Монгол Улсын Ерөнхийлөгч Х.Баттулга, Монгол Улсын Ерөнхий сайд У.Хүрэлсүх болон зарим яамны удирдлагууд БНХАУ-д албан айлчлал хийх үеэр, мөн тус улсад олон улсын арга хэмжээнд оролцохдоо хоёр орны харилцаа хамтын ажиллагааг хөгжүүлэх чиглэлээр олон асуудлыг ярилцан, санал нэгдэж тэдгээр нь түрүүчээсээ бодит ажил хэрэг болж буйд сэтгэл их хангалуун байгааг УИХ-ын дарга М.Энхболд илэрхийллээ.

Ноён Ван И уулзалтын эхэнд БХАТИХ-ын Байнгын хорооны дарга Ли Жаньшүгийн мэндчилгээг УИХ-ын дарга М.Энхболдод уламжлаад, хүлээн авч уулзсанд талархал илэрхийлсэн юм. Тэрбээр “Монгол Улсын Их Хурал бол ард түмний төлөөлөл бөгөөд хоёр орны ард иргэд хоорондын харилцааг өргөжүүлэх, ойлголцлыг нэмэгдүүлэхэд чухал үүрэг гүйцэтгэх боломжтой юм. Хоёр улсын ард түмэн хоорондын харилцан ойлголцол нэмэгдэн, найрсаг харилцаа бэхжсэн тохиолдолд БНХАУ болон Монгол Улсын харилцаа хамтын ажиллагааны тогтвортой хөгжлийн том түлхэц болох нь лавтай. БНХАУ бусад улс оронтой эрх тэгш харилцах зарчмыг баримталдаг. Хөршийн хувиар Монгол Улсын тусгаар тогтнол, бүрэн эрхийг хүндэтгэж ирсэн болохыг хоёр орны Гадаад харилцааны сайд нарын өнөөдрийн уулзалтын үеэр онцлон ярилцлаа. Хоёр улс бүх түвшиндээ харилцан ойлголцож хамтран ажиллах нь чухал. Монгол Улсын Их Хурлын даргын хувиар Та хоёр улсын ард иргэд хоорондын харилцан ойлголцлыг нэмэгдүүлэхэд анхаарал хандуулна гэж найдаж байна” гэлээ.

Уулзалтын үеэр “Бүс ба Зам” санаачилгын үр ашгийн талаар, Монгол Улс дэмжин оролцвол эдийн засаг, нийгмийн харилцаанд гарах олон талын ахиц дэвшлийн талаар ярилцав. Тухайлбал, дээрх санаачилгын хүрээнд дэд бүтцийн бүтээн байгуулалт хийгдсэнээр худалдааны эргэлт нэмэгдэн, бизнесийн хамтын ажиллагаа идэвхжиж, иргэд хоорондын харилцаа өргөжих замаар улс орны хөгжилд үнэтэй хувь нэмэр оруулах ач холбогдолтой бөгөөд хамтын ажиллагаанд Монгол Улсын санаачилга, нийт ард түмнийх нь хүсэл эрмэлзлэлийг хүндэтгэн үзэх болно гэдгийг Ноён Ван И хэллээ.

Мөн “Бүс ба Зам” санаачилгын анхаарч буй нэг чухал салбар бол байгаль орчны асуудал бөгөөд БНХАУ-ын төрийн зүгээс ногоон хөгжлийг дэмжсэн бодлогуудыг хэрэгжүүлж байгаа талаар дурдав. Түүнчлэн Монгол Улс уг санаачилгыг дэмжин оролцсоноор экспортоо нэмэгдүүлэх, нэмүү өртөг шингэсэн бүтээгдэхүүн үйлдвэрлэх, бүх төрлийн үйлдвэрлэл хөгжих бололцоо бүрдэх ач холбогдолтой гэв.

УИХ-ын дарга М.Энхболд “Монгол Улс “Бүс ба Зам” санаачилгыг дэмжин, оролцох сонирхолтой. Монгол Улс, БНХАУ, ОХУ-ын “Эдийн засгийн коридор байгуулах хөтөлбөр”-ийг хэрэгжүүлэх ажил үргэлжилж байна. Уг хөтөлбөрийн хүрээн дэх дэд бүтцийн бүтээн байгуулалтын ажлуудыг үр дүнтэй хэрэгжүүлэх нь чухал. Хоёр улсын хооронд дээрх хүрээнд яригдсан асуудлуудыг бодит ажил хэрэг болгох тал дээр ноён Ван И Таныг дэмжин ажиллана гэдэгт итгэлтэй байна” гэв. Түүнчлэн 2014 онд баталсан хоёр орны төмөр замын салбарын хамтын ажиллагааны Засгийн газар хоорондын хэлэлцээрийг БНХАУ-ын тал соёрхон батлах учиртай бөгөөд үүнд БНХАУ-ын Төрийн Зөвлөлийн гишүүн, Гадаад хэргийн сайд ноён Ван Иг дэмжлэг үзүүлнэ гэдэгт найдаж буйгаа УИХ-ын дарга илэрхийллээ.

Монгол Улс, БНХАУ худалдаа эдийн засгийн хамтын ажиллагаандаа анхаарал хандуулахын зэрэгцээ боловсрол, соёл, спорт, хүмүүнлэгийн, төрийн бус байгууллагын, иргэд хоорондын болон орон нутгуудын хамтын ажиллагааг хөгжүүлж байгааг УИХ-ын дарга М.Энхболд тэмдэглэв. 2018 оны нэгдүгээр сард хоёр улсын Хүмүүнлэгийн зөвлөлийн хурал болж, 40 гаруй ажлыг төлөвлөн, энэ дагуу ажил хэрэг өрнөж байгаад баяртай байна гэлээ.

Хууль тогтоох байгууллага хоорондын хамтын ажиллагаа хоёр орны харилцааг өргөжүүлэхэд чухал ач холбогдолтой гэдгийг тэрбээр тэмдэглээд Монгол Улс, БНХАУ-ын бүх шатны хамтын ажиллагааг хөгжүүлэхэд шаардлагатай эрх зүйн орчныг боловсронгуй болгох чиглэлээр хамтран ажиллаж байгаа бөгөөд идэвжүүлэх нь зүйтэй гэв. 2014 онд Монгол Улсын Их Хурал, БНХАУ-ын БХАТИХ-ын Байнгын хороо хооронд хамтын ажиллагааны байнгын механизм байгуулах тухай харилцан ойлголцлын санамж бичиг байгуулсан. Энэ хүрээнд парламент хоорондын байнгын уулзалтын механизмын арга хэмжээ болсон талаар УИХ-ын дарга дурдав. Үргэлжлүүлэн тэрбээр “Монгол Улсад айлчлах урилгыг БХАТИХ-ын Байнгын хорооны дарга Ли Жаньшүд хүргүүлсэн бөгөөд энэ удаагийн уулзалтаар урилгаа нотолж байна. Эрхэмсэг ноён Ван И Та айлчлалыг хэрэгжүүлэхэд анхаарал хандуулна гэдэгт итгэлтэй байна” гэлээ.

Уулзалтын төгсгөлд ирэх онд тохиох, хоёр орны хооронд дипломат харилцаа тогтоосны 70 жилийн ойг хамтын ажиллагаагаа өргөжүүлж, үр дүнд хүргэсэн далайцтай амжилтаар угтах, цаашид хоёр орны харилцаа хамтын ажиллагааны шинэ хуудас нээгдэх ач холбогдлыг анхаарч тэмдэглэн өнгөрүүлэх нь зүйтэй гэдэгт санал нэгтэй байгаагаа тэмдэглэв.

мэдээ нийгэм

Цацрагийн аюулгүйн үнэлгээ хийж, баталгаажууллаа

Post author By
Post date 2018-08-24
No Comments on Цацрагийн аюулгүйн үнэлгээ хийж, баталгаажууллаа

Хүүхдийн ясны өсөлтийг рентген аппаратаар тодорхойлж буй “Тод-Эйч” эмнэлэг нь үйл ажиллагаагаа өргөжүүлэн шинэ байранд орсонтой холбоотойгоор Мэргэжлийн хяналтын ерөнхий газрын даргын баталсан 01/106 тоот “Баталгаажуулалт хийх тухай” удирдамжийн дагуу ажлын байранд цацрагийн хэмжилт хийж, рентген кабинетын цацрагийн хамгаалалт, аюулгүй байдалд цацрагийн аюулгүйн үнэлгээ хийж, баталгаажууллаа. Баталгаажилтаар байгууллагын удирдлага, цацрагийн аюулгүй байдал хариуцсан ажилтан, эмч, рентген техникчдэд мэргэжил арга зүйн зөвлөгөө өгч ажиллав.

онцлох-нийтлэл туслах-ангилал

Маргааш тэгш тоогоор төгссөн автомашин замын хөдөлгөөнд оролцоно

Post author By
Post date 2018-08-24
No Comments on Маргааш тэгш тоогоор төгссөн автомашин замын хөдөлгөөнд оролцоно

Хичээлийн шинэ жил эхэлж байгаатай холбогдуулан замын хөдөлгөөний түгжрэл, ачааллыг бууруулах зорилгоор хэд хэдэн арга хэмжээг авч хэрэгжүүлэхээр болжээ.

Автомашины улсын дугаарын сүүлийн орон тэгш тоо /0, 2, 4, 6, 8/-гоор төгссөн автомашин маргааш буюу бямба гаригийн 08:00-20:00 цагийн хооронд, сондгой тоо /1, 3, 5, 7, 9/-гоор төгссөн автомашиныг ням гариг буюу энэ сарын 26-ны өдрийн 08:00-20:00 цагийн хооронд замын хөдөлгөөнд оролцоно.

Мөн Улаанбаатар хотын нутаг дэвсгэрт хийж байгаа зам засварын ажлыг чанартай, шуурхай гүйцэтгэж, замын хөдөлгөөнд оролцогчдын хэвийн зорчих нөхцөл, боломжийг бүрдүүлж ажиллахыг холбогдох хэлтэс албадын дарга нарт болон, дүүргийн Засаг дарга нарт үүрэг болгожээ.

Маргааш тэгш тоогоор төгссөн автомашин замын хөдөлгөөнд оролцоно

мэдээ спорт

Азийн наадамд анх удаа оролцоод найман медаль хүртжээ

Post author By
Post date 2018-08-24
No Comments on Азийн наадамд анх удаа оролцоод найман медаль хүртжээ

Энэ удаагийн Азийн наадамд 18 настай Япон улсын усан сэлэлтийн тамирчин Рикако Икее анх удаа оролцоод найман медаль хүртжээ. Азийн наадмын түүхэнд нэг жилд найман медаль хүртсэн эмэгтэй тамирчин үгүй юм. Тэрээр усан сэлэлтийн зургаан төрөлд алтан медаль хүртэж, дээд амжилт тогтоогоод байна.

1982 оны Азийн наадмаас Хойд Солонгосын мэргэн буудагч Со Гин Ман найман медаль хүртсэн нь эрчүүдээс цор ганц нь юм.

Япон улсын тамирчин Азийн наадамд анх удаа оролцоод найман медаль хүртжээ

мэдээ спорт

Э.Бадар-Ууганы олимпоос алтан медаль хүртсэн 10 жилийн ой өнөөдөр тохиож байна

Монгол Улсын хөдөлмөрийн баатар, гавьяат тамирчин, Төв аймгийн Баяндэлгэр сумын харьяат Энхбатын Бадар-Ууганы “Бээжин-2008” зуны олимпийн наадмаас боксын төрөлд алтан медаль хүртэж байсан түүхт 10 жилийн ойн өдөр өнөөдөр тохиож байна.

Өдгөө МҮОХ-ны ерөнхий нарийн бичгийн даргаар ажиллаж буй түүний амжилтыг уншигч танаа энэ дашрамд эргэн сануулья.

Тэрбээр 1985 оны зургадугаар сарын 3-нд Улаанбаатар хотод төрсөн бөгөөд тамирчны замналдаа 48-56 кг-ийн жинд хүч үздэг байв.

Боксын спортоор 1998 оноос ССТ-д Монгол Улсын гавьяат дасгалжуулагч Д.Ганзоригийн удирдлагаар эхлэн хичээллэсэн гэдэг. 2005 оны нэгдүгээр сарын 19-өөс үндэсний шигшээ багийн, гишүүн болж, ШШГЕГ-ын “Сүлд” спорт хороо, Иргэний нисэхийн ерөнхий газрын тамирчин байв.

Монгол Улсын дөрөв (2002, 2003, 2005, 2006), МБАТ-ий XII спартакиадын нэг (2008) аварга, Монгол Улсын залуучуудын дөрөв, (2001, 2002, 2003, 2004), Улаанбаатар хотын нэг удаагийн аварга (2003).

2007 онд АНУ-ын Чикаго хотод болсон ДАШТ-ий мөнгөн медальт, Казахстанд болсон Оюутны ДАШТ-ий аварга (2006), 2007 оны Ази тивийн аварга, 2005 оны Ази тивийн АШТ-ий хүрэл медальтай, Катар Улсад болсон Азийн спортын XV наадмын хүрэл медальт (2006).

Турк улсад болсон Ахмед Комертийн тэмцээний алт (2006), ХБНГУ. “Химийн цом” “А” зэрэглэлийн тэмцээний алт (2006), БНАСАУ. “Пхеньяны цом” тэмцээний алт (2005), ОХУ. “Өвөр Байгал” тэмцээний алт (2005). 2007 онд Улаанбаатар хотноо болсон Монгол Улсын гавьяат тамирчин Т.Үйтүмэнгийн нэрэмжит тэмцээний аварга.

2008 онд Украйны Мариуполь хотноо болсон Макар Мазайн нэрэмжит олон улсын “А” зэрэглэлийн тэмцээний алтан медальтай. 2008 онд Улаанбаатар хотноо зохиогдсон Монголын боксын 60 жилийн ойн нэрэмжит олон улсын тэмцээнээс алтан медаль зүүж байлаа.

Түүнчлэн Чех улсад болдог “А” зэрэглэлийн “Grand Рriх” тэмцээний мөнгө (2007), хүрэл (2006) медальтай, “China Mobile Cup” тэмцээний мөнгө (2004). ОХУ-ын Хабаровск хотод болсон ЗХУ-ын баатар К.А.Коротковын нэрэмжит олон улсын тэмцээний мөнгөн медальт (2008).

БНХАУ-ын Шинжаан Уйгурын Урумчи хотноо болсон олон улсын тэмцээний хүрэл медальтай (2003), Пакистанд болсон “Green Hill” тэмцээний хүрэл (2004) медальтай, ОХУ-ын Сахад болдог С. Исмайловын нэрэмжит тэмцээний хүрэл медальтай (2006

2005 онд БНХАУ-ын Мианиан хотод зохиогдсон дэлхийн аварга шалгаруулах тэмцээнд хүч үзэж байв.

2007 оны ДАШТ-ээс мөнгөн медаль авснаар БНХАУ-ын нийслэл Бээжин хотноо зохиогдох Олимпийн их наадамд оролцох эрхийг Монголын боксчдын дундаас анх түрүүлэн хүртсэн байна.

Ингээд 2008 оны 8-р сарын 9-24-ний өдрүүдэд зохиогдсон Олимпийн XXIX их наадмын боксын тэмцээнд амжилттай хүч үзэж, Мексикийн боксчин Оскар Зальдезийг 15:4, Ирландын Жон Жо Невинийг 2 удаа нокдаунд оруулан 9:2, Ботсван улсын боксчин Хумисо Игкополенгийг 15:2, шөвгийн дөрөвт Молдав улсын Вячеслав Гожаныг 15:2, шувтаргын тулаанд БНКУ-ын Янкиел Леон Аларконыг 16:5 харьцаатай онногоор тус тус ялж, олимпийн аварга боксчин цолыг Монгол эх орондоо анх удаа дуулгасан билээ.

2008 оны арванхоёрдугаар сард ОХУ-ын Москва хотноо зохиогдсон дэлхийн цомын тэмцээний үеэр олон улсын сонирхогчдын боксын холбооноос (AIBA) 2008 оны дэлхийн шилдэг боксчныг тодруулан зарлахад Э.Бадар-Ууган шалгарч, энэ эрхэм хүндэт алдрыг Монголын тамирчдаас анх удаа хүртсэн юм.

Мөн 2007-2008 оны Монгол Улсын шилдэгийн шилдэг тамирчнаар шалгарчээ.

мэдээ нийгэм

Нийслэл хотод 2018 онд хэрэгжиж байгаа бүтээн байгуулалтын ажлууд

Post author By
Post date 2018-08-24
No Comments on Нийслэл хотод 2018 онд хэрэгжиж байгаа бүтээн байгуулалтын ажлууд

Нийслэл хотод 2018 онд хэрэгжиж байгаа бүтээн байгуулалтын ажлуудыг танилцуулья.

Баянгол дүүргийн 20 дугаар хороо, 47 дугаар цэцэрлэгийн барилга

Баянгол дүүргийн 20 дугаар хороо 47 дугаар цэцэрлэгийн барилгын ажил үргэлжилж байна. Тус барилгын ажлыг гүйцэтгэгч компанитай 2017 оны 9 дүгээр сард гэрээ байгуулан, ажил эхлүүлсэн. Гадна холбооны шугам шилжүүлэх ажил болон цахилгаан, холбоо дохиоллын ажил хийгдэж дуусчээ. Нэгдүгээр давхрын багана, дам нуруу, хучилт цутгагдаж, хоёрдугаар давхрын баганын цутгалт хийгдэж дууссан. Дээврийн салхивчны өрлөгийн ажил дотор ханын замаск бүрэн дуусаж, хана шалны плита чулуу наах, хаалга угсрах, гадна фасадны чулуун эмульс будах ажил хийгдэж байгаа бөгөөд ажлын явц 75 хувьтай хэрэгжиж байна.