Month: August 2018

Бага насны хүүхдүүд өдөр бүр зам тээврийн осолд өртөж, амиа алдах, эрүүл мэндээрээ хохирсоор байна. Одоо хичээл сургууль эхлэхээр зам тээврийн ослын тоо нэмэгддэг талаар албаныхан хэлж байна.

2018 он гарсаар эхний 7 сард 500 гаруй хүүхэд зам тээврийн осолд өртөж, тэдгээрээс 24 хүүхдийн амь нас хохирч, 95 нь хүнд гэмтсэн байна.

Нийслэлд явганаар замын хөдөлгөөнд оролцож осолд өртсөн 10 хүртэл насны хүүхдийн 48.4хувь нь насанд хүрсэн харгалзах хүнтэй замын хөдөлгөөнд оролцсон бол 38.7 хувь нь харгалзах хүнгүй ганцаараа, 12.9 хувь нь насанд хүрээгүй найз, ах, эгч дүү нартайгаа замын хөдөлгөөнд оролцсон байна.Түүнчлэн осолд өртсөн хүүхдийн насны байдлаар үзвэл 85 хувь нь 0-14 насны буюу эцэг, эх, асран хамгаалагчийн хараа хяналтад байх ёстой, бие даан замын хөдөлгөөнд оролцох чадваргүй хүүхдүүд осолд хамгийн өртөж байна.

Өнгөрсөн жилийн наймдугаар сарын 20-ноос 9 дүгээр сарын 20-ны хороонд буюу хичээлийн шинэ жилийн үеэр гэхэд улсын хэмжээнд 11 хүүхдийн амь нас хохирч, 18 хүүхэд хүнд гэмтсэн байжээ.

Хүүхдийг замын хөдөлгөөнд аюулгүй оролцоход насанд хүрсэн ямар ч хүн багш ч, УИХ-ын гишүүн ч, сэтгүүлч ч, жирийн нэг ажилчин, жолооч ч, хүүхдийн аав ээж, ах эгч ч бүгд хувь нэмрээ оруулах шаардлагатай байна.

Мэдээж “Хүүхдүүдээ хамгаалъя” гэсэн урианы хажуугаар жишим ч үгүй тоохгүй өнгөрөх хүн байхгүй байх.

Хүүхэд зам тээврийн осолд өртөх нь бусад золгүй явдалд өртөхөөс хэдэн арав дахин их байна. Энэ нь томчууд замын хөдөлгөөнд оролцохдоо хүүхдэд буруу үлгэр дууриал үзүүлэхгүй, хүүхдэдээ хайхрамжгүй хандаж хоёрдугаар байрт тавихгүй байхыг шаардаж байна.

Замын хөдөлгөөнд оролцох үедээ хийсэн нэг буруу үйлдэл чинь урд нь өгсөн мянган зөвлөгөөг арчаад л хаячихна. Иймд та зам хөндлөн гарахын өмнө, автомашин жолоодож явахдаа хүүхдэд муу үлгэр дууриал бүү үзүүлээрэй.

Дотоодын цэргийн анги, байгууллагын алба хаагчдад Монгол Улсын Засгийн газрын 2017 оны 01 тоот сахилга хариуцлага, дэг журмыг чангатгах тухай” албан даалгаврын 2018 оны эхний хагас жилийн тайланг танилцуулав.

Мөн энэ оны эхний хагас жилд Дотоодын цэргийн штаб, анги, тусгай салбар салааны алба хаагч нарын гаргасан сахилга, ёс зүйн зөрчилд хийсэн дүн шинжилгээ тайлан болон Цагдаагийн ерөнхий газрын дарга, дотоодын цэргийн командлагчийн үүрэг, даалгаврыг танилцуулж, цаашид алба хаагч нарын сахилга хариуцлагыг дээшлүүлэхэд хэрэгжүүлэх ажил арга, хэмжээний санал асуулга авч, алба хаагчдын дунд нээлттэй хэлэлцүүлэг зохион байгуулсан байна.

Уг үйл ажиллагааг Дотоодын цэргийн штабын даргын баталсан удирдамжийн дагуу Дотоодын цэргийн штабын захиргааны удирдлага, цэргийн албаны зохион байгуулалтын хэлтсийн дарга, дэд хурандаа Ц.Наранбаатараар ахлуулсан бүрэлдэхүүн зохион байгуулжээ.

Хөрөнгийн биржийн өчигдрийн арилжаагаар I, II, III ангиллын 17 хувьцаат компанийн 480,961 ширхэг хувьцаа арилжсанаас 7 компанийн хувьцааны ханш өсчээ.

Харин мөн өдрийн арилжаагаар 8 хувьцаат компанийн хувьцааны ханш буурсан бол 2 хувьцаат компанийн ханш тогтвортой байв. Тодруулбал “Багануур” ХК BAN+8.28 хувиар, “Эрдэнэ Ресурс Девелопмент Корпорэйшн” ХК ERDN+2.43 хувиар буюу хамгийн өндөр өсөлттэй байсан бол “Монгол Шуудан” ХК MNP-10.00 хувиар, “Махимпекс” ХК MMX-3.63 хувиар компанийн хувьцаа хамгийн их уналттай байлаа.

Ингэснээр “TOP 20” индекс 19170.64 нэгж болж 0.03 хувиар буурсан бол зах зээлийн үнэлгээ 2,3 их наяд 23 тэрбум 494 сая 299 075.00 төгрөг боллоо.

Замын хөдөлгөөний түгжрэл, ачааллыг бууруулах Нийслэлийн Засаг дарга бөгөөд Улаанбаатар хотын Захирагч С.Батболд захирамж гаргалаа. Хичээлийн шинэ жил эхэлж байгаатай холбогдуулан замын хөдөлгөөний түгжрэл, ачааллыг бууруулах зорилгоор хэд хэдэн арга хэмжээг авч хэрэгжүүлэхээр болжээ.

Тодруулбал амралтын өдрүүдэд тээврийн хэрэгслийн улсын угаарын төгсгөлийг тэгш сондгойгоор нь ялган змын хөдөлгөөнд оролцуулахаар болсон юм. Торуулбал, автомашины улсын дугаарын сүүлийн орон тэгш тоо /0, 2, 4, 6, 8/-гоор төгссөн автомашин 08 дугаар сарын 25-ны өдөр буюу өнөөдөр 08:00-20:00 цагийн хооронд, сондгой тоо /1, 3, 5, 7, 9/-гоор төгссөн автомашиныг 26-ны өдрийн 08:00-20:00 цагийн хооронд зорчуулахаар шийдвэр гаргасан.

Мөн ерөнхий боловсролын сургууль, цэцэрлэг орчмын аюулгүй байдлыг хангаж, сургуулийн хүүхдийн автобусанд үзлэг, шалгалт хийх арга хэмжээ авахыг холбогдох албаныханд даалгалаа.

“UB Food Festival” арга хэмжээг 6 дахь жилдээ энэ сарын 24-26-ны өдрүүдэд Үндэсний соёл амралтын хүрээлэнд нийслэлийн Аялал жуулчлалын газар Гэрэл плас медиа групптэй хамтран зохион байгуулж байна.

Монгол хоолны дахин давтагдашгүй соёлыг дотоод гадаадын иргэдэд түгээн дэлгэрүүлэх, аялал жуулчлалын бүтээгдэхүүний тоог нэмэгдүүлэх, тусгай сонирхлын аялал жуулчлалыг хөгжүүлэх зорилготой тус арга хэмжээний хоёр дах өдөр буюу 8 дугаар сарын 25-ны өдөр Нийслэлийн нэрийн “Улаанбаатар шөл” болон “Улаанбаатар хуурга” шалгаруулах анхдугаар тэмцээнийг зохион байгуулна.

“UB Food Festival”-д оролцогч байгууллагууд төрөл бүрийн хоол зууш, амттаныг бэлтгэн 1000-5000 төгрөгөөр иргэдэд үйлчлэх бөгөөд хүрэлцэн ирсэн зочид, үзэгчид дунд “Хэн хамгийн олон хотдог, бургер идэх вэ?”, “Аавтайгаа хамт”, Зайрмагны баяр, Айрагны баяр зэрэг уралдаан, хөгжөөнт тоглоом, урлаг соёлын хөтөлбөрүүд, хоол урлалын сонирхолтой үзүүлбэрүүд зохиогдоно.

Үндэсний соёл амралтын хүрээлэнд гэр бүл, найз нөхөд, хамт олноороо хүрэлцэн ирж амтат хоол зооглонгоо амралт, чөлөөт цагаа хөгжилтэй дурсамжаар дүүрэн өнгөрүүлэхийг урьж байна гэж нийслэлийн Аялал жуулчлалын газраас мэдээллээ.

“UB FOOD FESTIVAL 2018” ХӨТӨЛБӨР

2018.08.24 /13:00-00:00/

13.00 Нээлтийн үйл ажиллагаа

13.30 “Монголын Үндэсний Урлагийн Их Театр” тоглолт

14.00 Циркийн тоглолт

14.15 Мастер тогоочийн шоу

14.25 Хөтлөгчийн цаг

14.35 Үндэсний дуу бүжгийн “Түмэн Эх“ чуулга тоглолт

15.15 Мастер тогоочийн шоу

15.35 Хэн хамгийн хурдан хотдог идэх вэ? тэмцээн

15.50 Бартендерийн шоу

19.00 Уран бүтээлчдийн тоглолт

19.30 Уран бүтээлчдийн тоглолт

21.30 Амьд хөгжмийн хамтлагийн бүрэн хэмжээний тоглолт

2018.08.25 /12:00-00:00/

12.00 Үйл ажиллагааны ерөнхий танилцуулга

12.15 Ардын дууны тоглолт

12.25 Циркийн уран нугаралт

12.35 Дуучин Жавхаасайхан

12.45 Мастер тогоочийн шоу

13.05 Хөгжөөнт тоглоом

13.35 “Улаанбаатар чуулга” тоглолт

14.05 Мастер тогоочийн шоу

14.35 “Мөрөөдлийн театр” хөтөлбөр

14.50 “Аавтайгаа хамт” тэмцээн

15:20 Бартендер шоу

15.30 Уран бүтээлчдийн тоглолт

15.40 Оролцогч байгууллагын үзүүлбэр

19.00 DJ, Амьд хөгжим

19.30 Бартендер шоу

19.50 “Зумба” бүжгийн шоу

21.30 Амьд хөгжмийн хамтлагийн бүрэн хэмжээний тоглолт

2018.08.26 /12:00-00:00/

12.00 Үйл ажиллагааны ерөнхий танилцуулга

12.15 Ардын дуу

12.25 Циркийн галт үзүүлбэр

12.35 Уртын дуу /Цэргийн дуу бүжгийн чуулга/

12.45 Мастер тогоочийн шоу

13.05 “Хайртдаа” хоолны тэмцээн

13.35 “Цэргийн дуу бүжгийн эрдмийн чуулга” тоглолт

14.05 Мастер тогоочийн шоу

14.35 “Маск продакшн” хошин хөтөлбөр

14.50 Хөтлөгчийн хөгжөөнт цаг

15.30 Оролцогч байгууллагын үзүүлбэр

19.00 DJ, Амьд хөгжим

20.30 Салса, Бачата бүжгийн шоу

21.30 Амьд хөгжмийн хамтлагийн хэмжээний тоглолт

ЗАДГАЙ ТАЛБАЙН ХӨТӨЛБӨР

• Ивээн тэтгэгчийн нэрэмжит тоглоом
• Айрагны тэмцээн
• Зөв хооллолтын зөвлөгөө
• Хоолны группүүдын нэрэмжит тэмцээн
• Мөхөөлдөсний тэмцээн
• Жуулчдад зориулсан үндэсний хоолны өдөрлөг
• “Гэрийн эзэгтэй” ток шоу
• “Эх орны өглөө хөтөлбөр” шууд дамжуулалт
• “Бяцхан тогооч” уралдаан
• Амьтдын хоол
• Шоколадны баяр
• Сугалаат уралдаан
• Шар айрагны тэмцээн
• “УЛААНБААТАР ШӨЛ” шилдэг хоол шалгаруулах тэмцээн
• “УЛААНБААТАР ХУУРГА” шилдэг хоол шалгаруулах тэмцээн

Цагдаа, дотоодын цэргийн анги байгууллагуудад Монгол Улсын Засгийн газрын 2017 оны 01 тоот “Сахилга хариуцлага, дэг журмыг чангатгах тухай” албан даалгавар, Цагдаагийн ерөнхий газрын дарга, дэд дарга нараас сахилга хариуцлагыг дээшлүүлэх, дотоод аюулгүй байдлыг хангах талаар өгсөн үүрэг чиглэлийн хэрэгжилт болон өвөлжилтийн бэлтгэлийг хангаж буй байдлыг шалгаж эхэлжээ.

Шалгалтыг энэ сарын 24-нөөс 27-ны өдрийг хүртэл ЦЕГ-ын Аюулгүй байдлын хэлтэс, Хяналт, шалгалт, үнэлгээ, дотоод аудитын хэлтэс, Төрийн нууцын хэлтсийн дарга, ахлах байцаагчдын бүрэлдэхүүнтэйгээр анги, байгууллагуудад явуулах аж.

Цагдаа, дотоодын цэргийн анги, байгууллагын алба хаагчдын удирдах ажилтны манлайлал, алба хаагчдын сахилга хариуцлага, ёс зүй, ажлын цаг ашиглалт, Цагдаагийн байгууллагын үйл ажиллагааны “Дотоод аюулгүй байдлыг хангах журам код 113”-ын хэрэгжилт зэргийг тухайлан шалгах юм байна.

Өнгөрсөн баасан гаригт Дотоодын цэргийн анги, байгууллагын алба хаагчдад Монгол Улсын Засгийн газрын 2017 оны 01 тоот сахилга хариуцлага, дэг журмыг чангатгах тухай” албан даалгаврын 2018 оны эхний хагас жилийн тайланг танилцуулжээ.

Мөн энэ оны эхний хагас жилд Дотоодын цэргийн штаб, анги, тусгай салбар салааны алба хаагч нарын гаргасан сахилга, ёс зүйн зөрчилд хийсэн дүн шинжилгээ тайлан болон Цагдаагийн ерөнхий газрын дарга, дотоодын цэргийн командлагчийн үүрэг, даалгаврыг танилцуулж, цаашид алба хаагч нарын сахилга хариуцлагыг дээшлүүлэхэд хэрэгжүүлэх ажил арга, хэмжээний санал асуулга авч, алба хаагчдын дунд нээлттэй хэлэлцүүлэг зохион байгуулсан байна.

Уг үйл ажиллагааг Дотоодын цэргийн штабын даргын баталсан удирдамжийн дагуу Дотоодын цэргийн штабын захиргааны удирдлага, цэргийн албаны зохион байгуулалтын хэлтсийн дарга, дэд хурандаа Ц.Наранбаатараар ахлуулсан бүрэлдэхүүн зохион байгуулжээ.

Манай улсад хөгжлийн бэрхшээлтэй хүүхдүүдийг сургах, тэднийг нийгэмшүүлэх ажил эрхлэх мэргэшсэн багш нар цөөхөн байдаг. Иймд сүүлийн 30 жил тасраад байсан хөгжлийн бэрхшээлтэй хүүхдүүдэд аливааг зааж, сургах мэргэжлийн багш бэлтгэх ажлыг дахин эхлүүлсэн байна. Тодруулбал, хөгжлийн бэрхшээлтэй хүүхдүүдийг хөтлөх, зааж сургах арван багшийг ОХУ-д бэлтгэхээр болжээ.

Энэ хүрээнд БСШУС-ын сайд Ц.Цогзолмаа багшийн мэргэжлээр суралцах оюутнууд, тусгай дунд сургуулийн залуу багш нарыг хүлээн авч уулзлаа. Тэд нийгмээс тусгаарлагдсан хүмүүст чадах бүхнээр туслах хүсэлтэй, мэдлэг боловсролоо дээшлүүлэх зорилготой явдгаа энэ үеэр илэрхийлсэн аж.

ОХУ-д суралцах арван оюутны дөрвөн жилийн зардлыг төр 100 хувь дааж байгаа юм байна. Тусгай хэрэгцээт мэргэжлийн багш нар ирэх даваа гаригт ОХУ-ыг зорихоор болжээ.