Нийслэлийн Боловсролын газар, Их дээд сургууль, коллежийн оюутнуудад нийтийн тээврээр хөнгөлөлттэй зорчих цахим карт түгээх ажлыг энэ жил 4 дэх жилдээ зохион байгуулж байна. БСШУСЯ-наас ирүүлсэн хяналтын тоогоор энэ жил төрийн болон хувийн хэвшлийн 84 их дээд сургуульд 108,970 гаруй мянган оюутан суралцаж, цахим карт авахаар байна. Энэ хяналтыг тоог нийслэлийн Тээврийн газарт мөн хүргүүлжээ.
Нийслэлийн Боловсролын газрын Захиргааны хэлтсийн дарга Л.Буянтогтох “Энэ жил шинээр их дээд сургууль, коллежид элсэн орж байгаа оюутнуудын нийтийн тээврээр хөнгөлөлттэй зорчих цахим картын хүсэлтийг тухайн сургуулийн захиргаагаар дамжуулан 8 дугаар сарын 21-29-ныг дуустал хүлээн авч байна. Бид шинээр карт авах хүсэлтийг хүлээн аваад ажлын 2-8 хоногт шийдвэрлэнэ. Мөн 2, 3, 4 дүгээр курсэд дэвшин сурч буй цахим картаа сунгах оюутнуудын хүсэлтийг ирэх 9 дүгээр сарын 3-нд хүлээн авч мөн ажлын 2-8 хоногт шийдвэрлэнэ. Цахим картаа гээсэн зэрэг дахин авах хүсэлтэй оюутнуудын хүсэлтийг 9 дүгээр сарын 10-ны дотор хүлээн авч шийдвэрлэх юм” гэлээ.
Нийслэлийн Хөдөлмөр эрхлэлтийн газрын Сургалт, судалгааны хэлтсийн дарга С.Нямдорж “Энэ жил коллеж, МСҮТ-үүдэд 26 мянга гаруй оюутан суралцана. Суралцагч оюутнуудын цахим картыг нийслэлийн Хөдөлмөр эрхлэлтийн газар олгоно. Өнгөрсөн жилийнхээс бага зэргийн өөрчлөлт орсон нь картыг гээгдүүлсэн бол шинээр авах 3600 төгрөг, сунгалтын 1000 төгрөг буюу нийт 4600 төгрөг тушаах ёстой” гэж ярилаа.
Хичээлийн жил эхлээд явцын дунд шинээр авсан картаа хаяж гээгдүүлсэн тохиолдолд нийслэлийн нэгдсэн үйлчилгээний төвүүдээр дамжуулан хүсэлт гаргаж картаа хүчингүй болгох, цэнэглүүлэх боломжтой.
Гэрээсээ 1 км зайд сургуульд суралцах оюутан бүрт цахим карт олгогдоно. Үүнийг сургуулийн захиргаа баталгаажуулж, ирүүлсэн хүсэлт бүрийг шийдвэрлэнэ гэж “Улаанбаатар цахим карт” ХХК-ны Үйл ажиллагааны мэргэжилтэн Х.Хонгорзул хэллээ.
Их дээд сургуулиуд цахим картын хүсэлт гаргахдаа сургуулийн захирлын гарын үсэг бүхий албан бичиг, оюутнуудын нэрсийн жагсаалтыг цаасан болон файл хэлбэрээр, хураамж төлсөн баримт зэргийг бүрдүүлэн нийслэлийн Засаг захиргааны 4 дүгээр байр 2 давхарт Улаанбаатар смарт карт компанийн байранд өгнө. Материалыг хүлээн авснаас хойш тухайн сургуулийн оюутны тооноос хамааран өдөрт нь болон ажлын 1-2 өдөрт шийдвэрлэж сургуулийн сургалтын албанд шилжүүлэх юм. Оюутнууд цахим картаа сургуулийнхаа сургалтын албаар дамжуулан авах боломжтой юм гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Хөвсгөл аймаг Япон Улсын Нигата мужтай 2014 онд хамтын ажиллагаа өрнүүлж санамж бичиг байгуулан хамтран ажиллаж байна. Тус санамж бичгийн хүрээнд “Сурагч солилцоо” хөтөлбөрийг хэрэгжүүлж Япон багш, сурагчид гурав дахь удаагаа Хөвсгөл аймагт зочилжээ.
Баянзүрх дүүргийн Засаг даргын 2018 оны 06 дугаар сарын 27-ны өдрийн А/263 дугаар захирамжийн дагуу иргэдийн эрүүл, ая тухтай орчинд амьдрах нөхцөлийг бүрдүүлэхийн тулд дүүргийн хэмжээнд хөл газрын ургамал, шарилжны их цэвэрлэгээг “Харшлын эсрэг хамтдаа’’ уриатайгаар 2 удаа зохион байгуулан ажиллалаа.
Засгийн газрын ээлжит хуралдаан өнөөдөр болж байна. Хуралдаанаар сайд нар нийт 25 асуудал хэлэлцэж буй юм. Тухайлбал, Их майдар төслийн газрыг тусгай хэрэгцээнд авах, Туул голын эрэг дагуух зарим газрын асуудал, газар тариалангийн асуудал зэргийг хэлэлцэж байна.
ЖИНГИЙН ИЛҮҮДЛЭЭС СЭРГИЙЛЖ
Монгол Улсад өнгөрсөн жил буюу 2017-2018 оны хичээлийн жилд төрийн болон төрийн бус өмчийн 96 их сургуульд 155 мянган оюутан суралцсан байна. Магадлан итгэмжлэлийн хугацаа нь дууссан 32 их сургууль байсны 27 нь магадлан итгэмжлэлийн батламжаа авч, үйл ажиллагаагаа хэвийн явуулахаар болжээ.
Азийн нааадмын жүдогийн тэмцээн өнөөдөр эрэгтэйчүүдийн 60, 66, эмэгтэйчүүдийн 48, 52 кг-ын жингийн тэмцээнээр эхэллээ. Манай бөхчүүдээс
Монгол Улсын Шадар сайд Ө.Энхтүвшин өчигдөр БНХАУ-ын ӨМӨЗО-ны дэд тэргүүлэгч Ай Лихуа тэргүүтэй төлөөлөгчдийг хүлээн авч уулзлаа.