Month: August 2018

Завханы Ургамал сум нь говийн бүсийн сум бөгөөд сүүлийн хэдэн жил дараалан ган гачиг болжээ. Иймээс Завханы иргэд тарьсан модооамжилттайургуулсан тохиолдолт урамшуулж, цэцэрлэгт хүрээлэн байгуулах ажлыг амжилттай эхлүүлээд байна. Тиймээс сумын уугуул, дунд сургуулийн 20 дахь төгсөгчийн нэг З.Эрхэмбаяр сумандаа мод тарих хөдөлгөөнийг эмэгтэйчүүдийн байгууллагатай хамтранэхлүүлжээ.

Тэд 2017 оныхавар тавдугаар сараас эхлэн мод тарьж эхлэн, өнөөдрийн байдлаар тавь гаруй мод, 13 төрлийн цэцэг суулгажээ. Сайн дураараа мод тарьж , модоо арчилж тордон амжилттай ургуулсан иргэн бүрт мод бүрийн тоогоор 20000 төгрөгийн урамшуулал өгөх юм байна. Урамшууллын хөдөлгөөнийг санаачлагч иргэн З.Эрхэмбаяр 2019 оны зун ургасан модных нь тоогоор өгөх ажээ. Ийнхүү ирэх жилийн зун модот цэцэрлэгт хүрээлэнг иргэдтэй хамтранбайгуулахаар болжээ. Түүнчлэн цэцгийн мандлын тоог нэмж цэцэрлэгт хүрээлэнд шаардагдах бусад тохижилтыг мөн иргэдийн хандиваар хийх юм. Мөн хандив өргөсөн иргэн, байгууллагын нэрийг цэцэрлэгт хүрээлэндээ мөнхжүүлж үүнийг ямар нэгэн байгууллага, хүний нэрэмжит болгохоорярилцаж байгаа гэнэ.

Мөн хөрөнгө оруулсан бүх хүн хандивын тайлан мэдээллийгцаг тухайд нь цахимаархарах эрхтэй болох бөгөөд гарах гүйлгээ нь зөвхөн бэлэн бус гүйлгээ буюу тухайн модыг ургуулсан иргэний данс байх юм. Ургасан модыг тоолох ажлыг Ургамал сумын Эмэгтэйчүүдийн зөвлөл, 20 дахь төгсөлтийн итгэмжлэгдсэн төлөөлөл, Иргэдийн хурлын төлөөлөл оролцсон бүрэлдэхүүн давхар хянаж, санхүүжилтыг олгохоор төлөвлөжээ.

Эрдэнэт хотод суугаа Ургамал сумын уугуул иргэн З.Эрхэмбаяр энэ тухайд“Нэг мод таривал энэ насны буян, хоёр мод таривал хойд насны буян” гэж Монголчууд бид ярьдаг шүү дээ.Мод тарих нэг талаараа буянтай ч хуурайшилт, цөлжилтийн нөлөөллөөс бид ус нутгаа хамгаалж чадна. Тиймээс хүн бүрийг мод тарихыг уриалж байна хэмээжээ.

А.Анужин

2018 оны долдугаар сарын 4-ний өдрийн Засгийн газрын ээлжит хуралдаанаар “Хөдөө аж ахуйн салбарын 2018-2019 оны өвөлжилт, хаваржилтын бэлтгэл хангах зарим арга хэмжээний тухай” 218 дугаар тогтоолыг баталсан юм. Уг тогтоолтой холбогдуулан ХХААХҮ-ийн сайд Б.Батзориг аймаг, нийслэлийн Засаг дарга, ЗДТГ, аймаг, нийслэлийн Хүнс, хөдөө аж ахуйн газар, Мал эмнэлгийн ерөнхий газар, малчид, мал бүхий иргэдэд хандаж зөвлөмж гаргасан.

Зөвлөмжийн хэрэгжилтэд хяналт тавих, Ерөнхий сайд У.Хүрэлсүхийн 2018 оны долдугаар сарын 30-н гэхэд Засгийн газрын бүх гишүүд, яам, агентлагийн албан тушаалтнууд тус тус ажилдаа орсон байх чиглэлийн дагуу 2018 долдугаар сарын 31-ний өдөр ХХААХҮ-ийн сайд Б.Батзориг яамны шуурхай хурал зохион байгуулж, бүх газар, хэлтсийн дарга нарыг өндөржүүлсэн бэлэн байдалд ажиллахыг үүрэгдлээ.

Энэ дагуу 2018-2019 оны өвлийг өнтэй, хохирол багатай даван туулах, өвөлжилт, хаваржилтын ажлыг эртнээс зохион байгуулах, ургац хураалтын ажлыг цаг хугацаанд нь гүйцэтгэх, түүнчлэн ургацаа хамгаалах, үүсч болзошгүй цаг агаарын гамшигт үзэгдлээс урьдчилан сэргийлэх ажлыг эрчимжүүлэхээр ХХААХҮЯ-ны хамт олон ажиллаж байна.

“Оюутан цэрэг” хөтөлбөрт хамрагдаж байгаа залуусыг энэ сарын 17-нд хугацаат цэргийн албанаас хална. Гурав дахь жилдээ Дорнод аймагт амжилттай хэрэгжиж байгаа дээрх хөтөлбөрт энэ жил 50-иад оюутан хамрагджээ.

Залуус зургадугаар сарын 18-наас эхлэн алба хаах хугацаандаа “Цэргийн ерөнхий бэлтгэл”, “Цэргийн тусгай бэлтгэл”-ийн шаталсан сургалтад хамрагджээ. Өнөөдөр аймгийн Засаг даргын орлогч Ч.Ганбатаар ахлуулсан ажлын хэсэг хөтөлбөрийн хэрэгжилттэй танилцахаар оюутан цэргүүд дээр зочлов.
Энэхүү хөтөлбөрт хамрагдаж буй оюутан цэргүүд жагсаалын үзүүлэх тоглолтыг зохион байгуулж, жагсаалын сүр хүчийг гайхуулан, эр цэргийн албыг амжилттай хааж буйгаа нотоллоо.
Монгол Улс 2013 оноос эхлэн “Оюутан цэрэг” хөтөлбөрийг хэрэгжүүлж эхэлсэн байдаг. Орон нутаг дахь их, дээд сургууль, коллежид суралцаж байгаа бакалаврын өдрийн ангийн 18 насанд хүрсэн нэгдүгээр дамжааны оюутнууд сайн дурын үндсэн дээр цэргийн жинхэнэ албыг хаадаг хуультай.

Нийслэлийн Мэргэжлийн хяналтын газрын 70128012 утсанд иргэдээс ирүүлсэн гомдол саналыг хүлээж авдаг юм. Сүүлийн үед “Нүүрсний утаанд амьдрах нөхцөлгүй байна”, “Сүхбаатар дүүргийн 20 дугаар хороонд хүнсний үйлдвэртэй залгаа байдаг хөөсөнцрийн үйлдвэр их хэмжээний нүүрс түлснээс болоод тортог, утаа их гарч байна. Шалгаж өгнө үү” гэсэн гомдлын дагуу хяналт шалгалтын ажлыг тус газраас хийсэн байна.

Шалгалтаар байгаль орчны үнэлгээ, дулаан боловсруулах, түгээх зөвшөөрөлгүйгээр зуух ажиллуулсан зөрчил илэрчээ. Энэ нь үйлдвэрийн орчимд үнс, хог хаягдал хуримтлагдах болон байгаль орчинд хэрхэн нөлөөлөх байдлын үнэлгээгүй үйл ажиллагаа явуулж байсан гэсэн үг аж.

Тиймээс байгууллагыг Зөрчлийн тухай хуулийн 7.1 дэх заалтад үндэслэн халаалтын зуухны үйл ажиллагааг түр зогсоон, гурван мянган нэгжийн торгуулийн арга хэмжээ ногдуулсан байна.

З.МӨНХСУВД

Улсын хэмжээнд даун, аутизм, хавсарсан оноштой, тархины саажилттай хүүхдүүдийг асран сувилж нийгэмшүүлдэг ганц цэцэрлэг байдаг нь аравдугаар цогцолбор төв байсан. Хөгжлийн бэрхшээлтэй хүүхдийн аравдугаар цэцэрлэг ашиглалтад орох хүртэл тус цэцэрлэгт суралцах хүүхдүүдийг 186 дүгээр цэцэрлэгт хүмүүжүүлэхээр болжээ.

Сүхбаатар дүүрэгт байрлах тус цэцэрлэгийн бүртгэл энэ сарын 20-ноос 24-ний хооронд 09:30-17:00 цагт явагдах аж. Түүнчлэн цэцэрлэгийн элсэлтийг онлайнаар явуулахгүй учир эцэг эхчүүдэд цэцэрлэг дээр өөрийн биеэр очиж хүүхдээ бүртгүүлэх хэрэгтэйг холбогдох албаныхан сануулсан байна.

Эхнэр тань хөл хүндтэй боллоо. Залуу таны амьдралд шинэ үе эхэлж байна. Та хоёр зөвхөн хоёрхон биенээ хайрлаж байсан бол одоо нэгэн бяцхан хүнийг хүлээж авах боллоо. Эхнэр хөл хүндтэй болно гэдэг ирээдүйн аавын сэтгэл санаанд ч тодорхой өөрчлөлтийг авчирдаг. Зарим эрчүүд мөдхөн төрөх хүүхдээ эрэгтэй байгаасай, намайг дуурайгаасай зэргээр илүү ихийг хүсдэг нь буруу юм. Эхнэр тань захиалгат бараа авчрах гэж байгаа хэрэг биш шүү дээ. Хэрэв хүссэн хүүхэд тань трөөгүй бол эхнэр тань буруу хэрэг хийсэн хүүхэд мэт гэмших болно гэдгийг санаарай.

Та яах хэрэгтэй вэ?

• Хүү, эсвэл охин төрөх талаар удаан битгий ярилц.
• Эхнэр минь надад цаг зарцуулахгvй байна гэж бүү гомдолло
• Дэлгүүр явж, хувцасаа угаа. Ингэснээр та эхнэрийнхээ талархалыг хүлээх болно
• Хүүхдээ төрсний дараа хийх ажлаа төлөвлөн ярилц.
• Шинэ хүнийхээ өрөөг хэрхэн тохижуулах, ямар зүйлс хэрэгтэй болох талаар зөвлөлд.
• Эхнэрийхээ биед харшлах зүйлийг бүү авч өг.
• Зүгээр суулгүй эхнэрээ дагуулан цэвэр агаарт алхлах, салхинд суух зэргээр цагаа үр дүнтэй өнгөрүүлээрэй.
• Тамхи татдаг бол гэртээ тамхи татахгүй байхыг хичээ.
• Эхнэрээ төрөх дөхөж буй үед буюу таны эзгүйд гэнэт өвдөх тохиолдолд ямар арга хэмжээ авах талаар урьдчилан төлөвлөгөө гаргаж, хэрэгцээтэй утасны дугаар, унаа зэргийг бэлтгэн найз нөхөд, ойр төрлийн хүмүүс, хариуцсан эмч зэрэг хүмүүстэйгээ урьдчилан тохиролцсон байх шаардлагатай.
• Өдөрт хангалттай хугацаагаар буюу 10-аас доошгvй цаг унтуулж бай.
• Жирэмсний хугацаанд эхийн хооллолт нь хүүхдийн бүхий л эрхтэн тогтолцооны хөгжил, цаашид хүүхэд болоод өөрийн эрүүл мэндэд асар их ач холбогдолтой. Энэ үед эхийг зөв хооллуулах талаар анхаарч, олон төрлийн илчлэг, амин дэмээр баялаг, амттай хоол бэлтгэн бага багаар ойрхон цагаар идүүлэх нь маш чухал.
• Амаржихаас өмнө төрөх газарт хэвтэхэд хэрэглэгдэх дараах зүйлийг бэлтгээрэй. Хөвөн даавуугаар хийсэн ээлжийн дотуур хувцас, эвтэйхэн шаахай, эмнэлэгт өмсөх хөнгөн хувцас, цамц, өмд эсвэл унтлагын хувцас, толгой боох даавуу ариун цэврийн хэрэгсэл саван, алчуур, оо, сойз, хөвөн, тос зэрэг.
• Эхийн гэдэс томорч эхлэхэд нь усанд орох, хөлийн хумсаа авахад нь туслаарай.