Улсын Их Хурлын гишүүн Н.Оюундарь ХБНГУ-аас хүрэлцэн ирсэн “Хил хязгааргүй эмч нарын нийгэмлэг” төрийн бус байгууллагын эмч нартай хамтран Сэлэнгэ аймгийн иргэдэд шүд, амны хөндийн үзлэг, эмчилгээ, үйлчилгээ үзүүлсэн талаараа өнөөдөр мэдээлэл өглөө.
26 эмч 14 хоногийн турш Сэлэнгэ аймгийн Хүдэр, Жавхлант, Алтанбулаг, Шаамар, Дулаанхаан, Сүхбаатар, Мандал, Хөтөл, Сайхан сумдад ажиллаж, 8500 гаруй иргэдийн шүд, амны хөндийг үзэж, анхан шатны усламж, эмчилгээг хүргэжээ.
Энэ талаар УИХ-ын гишүүн Н.Оюундарь, “Хил хязгааргүй эмч нарын нийгэмлэг” төрийн бус байгууллага манай улсад 12 дахь жилдээ ажиллаж байна. Энэ үйл ажиллагаандаа хагас тэрбум төгрөгийн хөрөнгө оруулалтыг тус байгууллага зарцуулсан байдаг. Өмнө нь Баянхонгор, Говь-Алтай, Хөвсгөл, Төв зэрэг аймагт ажилласан. Ирэх жил мөн зарим аймаг, сумдад ажиллуулахаар ярилцаж байна гэлээ.
Энэ үеэр “Хил хязгааргүй эмч нарын нийгэмлэг” төрийн бус байгууллагын эмч “Эцэг эхчүүд шүдээ яаж угаах талаар хүүхэддээ зөвлөдөггүй нь хүүхдийн шүд өвчлөх суурь шалтгаан болдог. Хүүхдэд бичиж сурахыг заадагтай адил шүдээ яаж угаахыг зааж өгөх хэрэгтэй. Хүүхэд өөрөө бие дааж угааж чаддаг болох хүртэл асран хамгаалагч нь угааж өгөх нь зүйтэй” хэмээв.
Мөн, ХБНГУ-д 0-18 насны хүүхдийн шүд, амны хөндийг эрүүл байлгах нь Засгийн газрын бодлогын нэг хэсэг байдаг бөгөөд эрүүл ахуйн сургалт, зөвлөгөөг энэ насныханд тогтмол хүргэдэг. Мөн шүдний цооролтоос хамгаалах сайн чанарын түрхлэгийг 0-18 нас хүртэлх насны бүх хүүхдийн шүдэнд түрхдэг” хэмээн ярив гэж УИХ-ын Хэвлэл мэдээлэл, Олон нийттэй харилцах хэлтсээс мэдээлэв.
МАН-аас мэдээлэл хийлээ. Найман сарын өмнө МАН-ын 28 дугаар их хурал хуралдсан. Энэ хурлаар гишүүдийнхээ ёс зүйн асуудалд онцгой анхаарал хандуулжээ. Намын удирдлагаа шинэчилсэн, намын даргаа шинээр томилсон байна. Энэ талаар МАН-ын хяналтын хорооны дарга Д.Батбаатар мэдэгдэхдээ “Удирдах зөвлөл намын бага хурлаа өөрчилсөн. Намын дүрэмдээ гишүүдийн ёс зүйн асуудалд анхаарал хандуулна гэж ёс зүйн хороог байгуулсан. Ёс зүйн хороон дарга нь манай хяналтын хороон даргаар томилогдож байх дүрмийн өөрчлөлт орсныг мэдэгдэж байна. Намын их хурлын шийдвэр нь Монгол дахь нийгмийн амьдралд шударга ёсыг тогтооход намынхаа гишүүдыг манлайлах, үүргийг өндөржүүлэх зорилготой бодлого байсан. Энэ шийдвэрийг эрчимжүүлэх үүднээс манай хяналтын ерөнхий хороо 21 аймаг, есөн дүүргийн намын хяналтын хорооны гишүүдийн сургалт семинарыг наадмын өмнөх өдрүүдэд хийсэн. Нийт 250 гаруй хяналтын хорооны гишүүд удирдах ажилтнууд оролцсон. Энэхүү нэгдсэн сургалт семинарын үед манай намын гишүүд дэмжигчдээс хяналтын хороон гишүүдээр дамжуулж хэд хэдэн асуудалд онцгой анхаарал хандуулахыг шаардсан санал хүсэлт ирсэн. Манай намын нэр холбогдсон үнэн худал нь мэдэгдэхгүй 60 тэрбумын асуудалд гишүүд дэмжигчид их эмзэглэж байгаа. Энэ асуудлыг нэг тийш нь болгож хурдан шийдээч ээ гэсэн асуулгыг их тавьж байна. Оффшор данстай намын нэр бүхий албан тушаалтан холбогдсон байвал зохих хууль хяналтын байгууллагуудад нь нэн яаралтай шийдвэрлэж, хуулийн дагуу арга хэмжээ авах шаардлагатай. Хэрвээ ямар нэгэн асуудалгүй бол асуудалгүй гэдгийг шуурхай мэдэгдэх шаардлагатай байна. Энэ мэт асуудлууд манай намын нэр хүндэд сэв суулгаж байна гэдгийг онцгой анхааруулсан. Шударга ёсыг тогтооход манлайлал болон тэргүүлж, гишүүдийн нэр хүндийг дээшлүүлэх, хэвлэл мэдээлэл сошиал орчинд явж байгаа худал мэдээллийг намын хяналтын хороо анхааралдаа аваач ээ гэсэн нийтлэг үндэслэлээр санал шүүмжлэлийг ирүүлсэн. Сургалтын үед намын удирдлагууд оролцож, өөрсдийн санал шүүмжлэл, байр сууриа илэрхийлсэн. Үүнтэй холбогдуулан бид дараах хэдэн саналыг хяналтын хороонд тавьсан.
Өнгөрөгч амралтын өдрүүдэд өмнөговь аймагт орсон усархаг борооны улмаас автозам эвдэрч, бог мал үерт урссан тухай дуудлагууд онцгой байдлын байгууллагад иржээ. Мөн өмнөговь аймгийн баяндалай сумын баян багийн “ховил” гэдэг газар /аймгийн төвөөс баруун хойт зүгт 75 км-т/ малчин э-ын 1,700 толгой бог мал үерт урссан тухай дуудлагыг 28-ны өдрийн 09:40 цагт хүлээн авчээ. Тус аймгийн онцгой байдлын газрын 9 алба хаагч, 1 автомашин, нутгийн захиргааны байгууллагын 6 хүн, 3 автомашинтай, нийт 15 хүн, 4 техник хэрэгсэлтэйгээр 13:05 цагт очиж, 4 цаг 35 минут ажиллаж, 1,000 орчим малыг олж, 100 гаруй бог мал хорогдсон. Үлдсэн малыг эрэн хайх ажиллагаа үргэлжилж байна.
Нийслэлийн Засаг даргын хэрэгжүүлэгч агентлаг Залуучуудын хөгжлийн газар, “Цацрах эгшиг” ТББ-тай хамтран нийслэлийн “Улаанбаатар чуулга” ОНӨҮГ, мэдээллийн технологийн “Yesuimind” ХХК-ийн дэмжлэгтэйгээр энэ сарын 28-ны өдөр нийслэлийн Улаанбаатар чуулгын Их танхимд “Бодитоор мэдэрье, эерэгээр харъя” уриатай алкохолгүй амьд хөгжмийн тоглолтыг зохион байгууллаа.
Хотын Ерөнхий менежер Т.Гантөмөрөөр ахлуулсан шуурхай ажлын хэсэг Хан-Уул дүүрэгт хуралдаж шийдвэр гаргалаа. Тус дүүргийн 11, 15-р хорооны нийт 14 байрны зоорийн давхар буюу В1 давхарууд их хэмжээний ус хөрснөөсөө нэвчиж цахилгааны утсанд чийг өгсөн учир тогийг бүрэн хязгаарлаж болзошгүй эрсдлээс сэргийлэх арга хэмжээ аваад байсан юм. НОБГ, ХУД-ийн Онцгой байдлын хэлтэс, ОСНААУГ, УБЦТС, МХЕГ, Хувийн СӨХ зэрэг 150 гаруй хүний бүрэлдэхүүнтэй шуурхай ажлын хэсэг байрнуудад бүрэн үзлэг шалгалт хийж дуусаад байна.
“Оюу толгой” ХХК-ийн тээрмийн ашиглалтын түвшин дээшлэн, тэсэлгээний үйл ажиллагаа сайжирсантай холбоотой боловсруулсан хүдрийн хэмжээ өмнөх улирлаас 6.3 хувиар нэмэгджээ.
Туркийн Ерөнхийлөгч Тайип Эрдоган БРИКС-ийн орнуудын удирдагчдад хандан Туркийг бүрэлдэхүүндээ багтааж өгөхийг хүссэн байна. Энэ тухай өнгөрсөн ням гаригт “Hürriyet” сонинд мэдээлснийг 
Японы мэргэжлийн Сумо бөхийн 70 дахь их аварга Харумафүжи Д.Бямбадоржийн зодог тайлах ёслолын тов гарч, ирэх есдүгээр сарын 30-нд зодог тайлах ёслолоо хийхээр болсноо зарлажээ.
Долдугаар сарын 29-ний өдрийн 18:24 цагт онцгой байдлын албанд Баянзүрх дүүргийн 11 дүгээр хороо, “Ассем Вилла” хотхоны харалдаа Туул голд 08-30 УНГ улсын дугаартай “Прадо” загварын суудлын автомашин хоёр зорчигчтой урссан тухай дуудлага иржээ.
Өчигдөр буюу долоодугаар сарын 29-нд БНХАУ-ын Бээжин хотод явагдсан Рубик шооны “Beijing Summer 2018” тэмцээнд нийт 350 тамирчин өрсөлдсөн бөгөөд манай улсыг төлөөлж Монголын Оюун Ухааны Академийн багш Э.Эрдэнэмандах амжилттай оролцон “Хөл”-өөр эвлүүлэх төрөлд 4-р байрт шалгарлаа.