Монгол Улсын Шадар сайд Ө.Энхтүвшин НҮБ-ын Хөгжлийн хөтөлбөрийн захирагч А.Штайнертэй өчигдөр уулзаж, хамтын ажиллагааны асуудлаар санал солилцов.
Шадар сайд Ө.Энхтүвшин Монгол Улсын Засгийн газар, НҮБ-ын Гамшгийн эрсдэлийг бууруулах газартай хамтран Улаанбаатар хотноо энэ сарын эхээр зохион байгуулсан Гамшгийн эрсдэлийг бууруулах асуудлаарх Азийн сайд нарын хоёрдугаар бага хурлын дүнг товч танилцуулж, Монгол Улс “Тогтвортой хөгжлийн 2030 хөтөлбөр”-ийн хэрэгжилтийн үндэсний сайн дурын тайлангаа НҮБ-ын Эдийн засаг, нийгмийн зөвлөлийн Тогтвортой хөгжлийн асуудлаарх улс төрийн өндөр түвшний 2019 оны чуулга уулзалтаар танилцуулахаар төлөвлөж буйг мэдэгдлээ.
Монгол Улсын Засгийн газар “Тогтвортой хөгжлийн 2030 хөтөлбөр”-ийн хэрэгжилтийг хангах чиглэлээр идэвхтэй ажиллаж байгаад НҮБ-ын Хөгжлийн хөтөлбөрийн захирагч А.Штайнер талархал илэрхийлээд, Шадар сайд Ө.Энхтүвшинг НҮБ-ын Хөгжлийн хөтөлбөрөөс зохион байгуулж буй “Амьдралын төлөөх байгаль: Хүн ба дэлхийд хөрөнгө оруулж, тогтвортой хөгжлийн зорилтуудын хэрэгжилтийг эрчимжүүлэх нь” сэдэвт хэлэлцүүлэгт оролцож, туршлагаасаа хуваалцахыг урив. Шадар сайд энэхүү хэлэлцүүлэгт Сенегал Улсын Байгаль орчны сайд, Египет Улсын Хөрөнгө оруулалт, олон улсын хамтын ажиллагааны сайд, НҮБ-ын Цөлжилттэй тэмцэх конвенцийн Гүйцэтгэх нарийн бичгийн дарга, Биологийн төрөл зүйлийн тухай конвенцийн Гүйцэтгэх нарийн бичгийн дарга нарын хамт оролцлоо.
Шадар сайд Ө.Энхтүвшин Монгол Улс “Тогтвортой хөгжлийн 2030” хөтөлбөрийг хэрэгжүүлэхэд чухал дэмжлэг болох байгалийн арвин нөөц баялагтай, том зах зээлд ойр, ардчилал, зах зээлийг эрхэмлэсэн хуультай зэрэг олон давуу талтай ч эдгээрийг бүрэн ашиглаж чадахгүй байгаагаас үүдэн ядуурал, ажилгүйдэл, байгалийн доройтол, агаарын бохирдол, хот хөдөөгийн ялгаа, шилжилт хөдөлгөөн зэрэг олон сорилттой тулгарч байгааг тэмдэглэн хэллээ. Түүнчлэн “Манай улс сүүлийн жилүүдэд уул уурхайн салбарт илүү анхаарал хандуулж байсан бол одоо эдийн засгийг солонгоруулах бодлого баримталж байна. Цөөн хүн амтай, газар нутаг өргөнтэй манай улсын хувьд байгаль, уур амьсгалын өөрчлөлтөд хамгийн их өртөж байна. Тийм учраас бид байгалиа хамгаалах асуудлыг бүх нийтийн үйлс гэж үздэг. Энэ бол зөвхөн төрийн үүрэг биш, иргэд, төрийн бус байгууллага гээд бүх тал байгаль хамгаалах үйлсэд оролцох учиртай. Манай Засгийн газрын хувьд бүх сайд нарт байгаль хамгаалах чиг үүргийг олгосон, сайдын ажлыг дүгнэхдээ байгаль хамгаалах чиглэлээр хэрхэн ажилласныг дүгнэх ёстой гэж үзэж байгаа. Байгалийн нөөц хязгаарлагдмал учраас байгалийн баялгаа цаашид хэрхэн ашиглах талаар бодлого гарган хэрэгжүүлж байна” гэв.
Шадар сайд Ө.Энхтүвшин НҮБ-ын энэхүү арга хэмжээнд оролцож “Тогтвортой хөгжлийн 2030 хөтөлбөр”-ийн хэрэгжилтэд чухал үүрэг гүйцэтгэх байгаль орчинд суурилсан бодлого, арга хэмжээний талаар танилцуулан, бусад улс оронтой өөрийн туршлагаасаа хуваалцсан нь ач холбогдолтой болов гэж Шадар сайдын Ажлын албанаас мэдээллээ.
Улаанбаатар хотын Захирагчийн ажлын албанаас “Жэй Си Дэко Монголиа” компанитай байгуулсан гэрээ түүний өөрчлөлт, санамж бичгийн хүрээнд 2018 онд 50 автобусны буудлыг олон улсын жишигт нийцүүлэн тохижуулахаар болсон. 
Нийгмийн даатгалын үндэсний зөвлөлийн газраас өнгөрсөн онд “Даатгуулагчийг урьдчилан сэргийлэх, эрт илрүүлэх үзлэг, оношилгоо, шинжилгээнд хамруулах журам”-ыг 11-р тогтоолоор баталсан билээ. Үүний дагуу урьдчилан сэргийлэх, эрт илрүүлэх үзлэг, оношилгоонд 40, 45, 50, 55, 60, 65 насны даатгуулагчид зөвшөөрөгдсөн эрүүл мэндийн байгууллагуудаас өөрт ойрхон салбарт очиж, 50 мянган төгрөг бүхий гурван төрлийн багц шинжилгээнээс нэгийг нь сонгон үнэ төлбөргүй хамрагдах боломжтой.
Улсын Онцгой комиссын хуралдаан болж Монгол Улсын Ерөнхий сайд У.Хүрэлсүх үер, усны нөхцөл байдлын талаар мэдээлэл сонсож, холбогдох байгууллагуудын удирдлагуудад үүрэг чиглэл өглөө.
Өмнөговь аймагт хоёр дахь гэрэлт гудамжийг байгууллаа. Өмнөговь аймгийн ерөнхий боловсролын сургуулийг 1998 онд дүүргэсэн төгсөгчдийн “Их говийн тэнгэрлэг залуус-98” холбооны гишүүд ийнхүү гэрэлт гудамжийг Даланзадгаддаа байгуулсан байна.
Усанд живэх нь 1-4 насны хүүхдүүдийн дунд гэнэтийн ослоос үүдэлтэй нас баралтын шалтгааны тэргүүн байр, 14 хүртэлх насны хүүхдүүдийн хувьд хоёрдугаар байранд ордог байна. Эцэг, эхчүүд бага насны хүүхдийг бассейн, ванн, гол усны ойролцоо хараа хяналтгүй орхисноос болж хүүхдүүд усанд живэх тохиолдол өндөр байдаг.
Нийслэлийн автозамын хөгжлийн газар (НАЗХГ), Нийслэлийн газрын алба, НМХГ-ын хамтарсан ажлын хэсэг ажлын хэсэг нийслэлийн есөн дүүрэгт үерийн улмаас эвдэрсэн автозамын засварын ажилтай танилцаж байна.