Үлэг гүрвэлийн төв музейд “Балар эртний цадиг” үзэсгэлэн өнөөдөр нээгдлээ. Монголд анх удаа улс, аймгийн чанартай музей болон хувийн музейгээс бөөгийн хувцас хэрэглэлийг цуглуулж, энэхүү үзэсгэлэнг дэлгэн олон түмэнд толилуулж байна. Дэлхийн нүүдэлчдийн язгууртан, оюун ухааны академийн ТББ-ын тэргүүн Т.Ангар “Балар эртний цадиг нэртэй үзэсгэлэн маань өнөөдөр олон түмэнд дэлгэгдэж, хүртээл болж тавигдлаа. Уг үзэсгэлэнд арван нэгэн бөөгийн эд хэрэглэл аймаг сум нутгуудаас, олон музейн алтан сан хөмрөгөөс авчирч, тавиад байгаа юм. Монгол түмний биет өв буюу монголчуудын өөрсдийнх нь бишрэл шүтлэг болсон бөө мөргөл, тэдний эдлэл хэрэглэл гэж чухам ямар юм байдаг зэрэг энэ бүхнийг харуулсан эртний хувцас хунар, дээд хэнгэргийг дэлгэжээ. Тус үзэсгэлэнд :
-Монголын үндэсний музей
– Төв аймгийн орон нутгийг судлах музей
– Сүхбаатар аймгийн угсаатны зүйн музей
– Хэнтийн аймгийн орон нутгийг судлах музей
– Баян-Өлгий аймгийн орон нутгийг судлах музей
– Говь-Алтай аймгийн орон нутгийг судлах музей
– Завхан аймгийн орон нутгийг судлах музей
– Сэлэнгэ аймгийн нэгдсэн музей
– Монголын угсаатны гэр музей зэргээс авчирсан бөөгийн хувцас хэрэглэлийг дэлгэн үзүүлсэн юм. “Балар эртний цадиг” үзэсгэлэн наймдугаар сарын 20-ныг хүртэл олны хүртээл болох аж
Японы олон улсын хамтын ажиллагааны “JICA” байгууллагын буцалтгүй тусламжаар дизель хөдөлгүүрээс ялгарах хөө тортогжилтын ялгарлыг бууруулах зорилгоор нийтийн тээврийн үйлчилгээний автобуснуудад “DPF” шүүлтүүрийг суурилуулах ажил үе шаттайгаар хэрэгжиж байна. “DPF” шүүлтүүр нь дизель түлшнээс ялгарч буй утаа, тортогжилтыг 100 хувь хүртэл шүүж байна.
“Монголын сайхан бүсгүй-2018” наадмын ялагчаар Б.Энхриймаа шалгарч, 20 сая төгрөгийн мөнгөн шагналын эзэн болсон. Тэрээр шагналын бүх мөнгөө хамт уралдаанд оролцсон найз Б.Азбилэгийн өнчин үлдсэн дүү нарт хашаа байшин авч өгөхөд зарцуулжээ. Энэ талаар тус тэмцээний ерөнхий шүүгч Д.Энхсайхан хэлэхдээ “Шагналын бүх мөнгөө хандивлах сэтгэл айлын энхрий охиноос гарлаа гэж үү гэж бодоход хүрсэн. Түүний ачаар бүтэн өнчин үлдсэн дөрвөн хүүхэд гэр оронтой боллоо. Б.Энхриймаатай уралдаанд оролцсон Б.Азбилэгийн маань эгч /агсан/ зургадугаар сарын 30-ны өдөр буюу Монголын сайхан бүсгүйг шалгаруулсан өдөр зуурдаар өөд болсон юм. Таван сартайгаас 18 насны дөрвөн хүүхэд бүтэн өнчин үлдсэнийг Б.Энхриймаа хараад найзынхаа зовлонг хуваалцсан нь тэр. Хамтдаа оролцсон охидууд маань хэдийнэ найз нөхөд болж, бие биендээ тус дэм боллоо. Өргөө цагаан гэрт нь гэрэл гийж, инээд хөөр цалгиж байх болтугай” гэжээ.
Хэн нэгэн жолооч тан руу санаатайгаар ус цацсан тохиолдолд Замын цагдаагийн газрын утас болох 93021124 болон 124 дугаарт залгаж, тус машины улсын дугаарыг хэлж гомдол мэдүүлэх боломжтой. Таны гомдлын дагуу Замын цагдаагийн газраас шалгаж тухайн жолоочид хариуцлага тооцон торгох арга хэмжээ авах журамтай хэмээсэн мэдээлэл олны дунд тараад байсан юм.
НҮБ-ын Хүнс, хөдөө аж ахуйн газрын Secim төслийн хүрээнд Ховд аймгийн Дуут сум сүү, цагаан идээ боловсруулах цехтэй боллоо. Тус цехийн ажилчид одоогийн байдлаар 8 төрлийн 12 нэрийн бүтээгдэхүүн үйлдвэрлэж байна. Цаашид бүтээгдэхүүнийхээ нэр төрлийг нэмэгдүүлж, илүү өргөн хүрээтэй ажиллахаар төлөвлөж байгаа ажээ.
Энэ тухай Secim 2 төслийн Ховд аймаг дахь зохицуулагч Н.Батцагаан ”Цехийн ажилчид үйлдвэрлэсэн бүтээгдэхүүнээ эхний ээлжинд сургууль, цэцэрлэг болон нутгийн иргэдэд хүргэж эхэлж байна. Мөн “Нэвт” амралтын газартай гэрээ байгуулж бүтээгдэхүүнээ нийлүүлэхээр болоод байна “гэв.
2022 онд Бээжин хотод болох өвлийн Олимпийн тоглолтын хөтөлбөрт шинээр спортын 6 төрлийг нэмж оруулах тухай шийдвэрийг Олон улсын Олимпийн хороо /ОУОХ/ гаргасан байна. 
Энэ сарын 14-16-ны өдрүүдэд Баян-Өлгий аймгийн Өлгий хотод их хэмжээний усархаг бороо орж уулын үер буусны улмаас одоогоор 500 гаруй айл өрхийн 2512 иргэн, аймгийн Мэргэжлийн хяналтын газар, хүүхдийн дөрөвдүгээр цэцэрлэг 10 тэрбум орчим төгрөгийн хохирол амсаад байна. Тиймээс тус аймгийн Улаанбаатар хот дахь Нутгийн зөвлөлөөс орон даяар хандив, тусламжийн аянг албан ёсоор өрнүүллээ. 
Өмнөд Африкийн анхны өнгөт арьст Ерөнхийлөгч Нелсон Мандела агсны 100 насны ойг тохиолдуулан тус улсын иргэд өчигдөр дурсгалын арга хэмжээ зохион байгуулжээ. 1918 оны долдугаар сарын 18-нд Өмнөд Африкийн Зүүн Кейп мужийн Мфезо тосгонд төрж өссөн тэрбээр апартейдын дэглэмийн эсрэг хөдөлгөөний тэргүүн байсан юм. Апартейдын дэглэмийн эсэргүүцсэн ард иргэд үзэн ядалтад автаад байсныг Нелсон Мандела өөрчилж, Өмнөд Африк уучлал, хайр энэрлийг бий болгож чадсанаараа тэрбээр дэлхий нийтэд өөрийгөө таниулсан билээ. Түүний анх төрөхөд Ролихлала Далибунга гэж нэр хайрласан боловч сургуульд орсон эхний өдөр багш нь түүнд Нелсон Мандела гэж нэр өгчээ. Тэрбээр сургуулийнхаа сүүлийн жилүүдэд арьс өнгөөр ялгаварлан гадуурхах үзлийн эсрэг тэмцэж, оюутны зөвлөлийн төлөөлөгчийн байр сууриасаа шахагдаж, улмаар сургуулиасаа хасагдсан байна. Энэ нь зорилгынхоо төлөө хийсэн түүний анхны золиос байсан юм. Үүний тэрбээр хуулийн сургуульд сурч төгсөөд, Оливер Тамботай хамтран хуулийн зөвлөгөө өгдөг компани байгуулан Өмнөд Африкийн хамгийн анхны хуулчиар ажиллаж эхэлжээ. Мөн тэрбээр 25 насандаа Африкийн үндэсний конгресст орж, Уолтер Сисулу, Оливер Тамбо нартай хамтран Залуучуудын холбоог байгуулсан байна. Уолтер Сисулу, Оливер Тамбо нар нь цагаан арьстнуудын давамгайллыг арилгаж, тэгш байдлыг бий болгох тэмцлийг дэмждэг байв.
Энэ сард усархаг бороо нийт нутгаар үргэлжлэн орж олон айлын амины сууц, цэцэрлэг, сургууль, үзвэр үйлчилгээ, олон нийтийн барилгууд усанд автаж зарим барилгуудад хүн ажиллаж, амьдрах боломжгүй, нуралт үүсэх аюултай нөхцөл байдал үүсч байгаа тул болзошгүй эрсдэлээс урьдчилан сэргийлэх, эрсдэлийг бууруулах зорилгоор МХЕГ-аас иргэд, аж ахуйн нэгж, байгууллагад зөвлөмж хүргүүлж байна.
Монгол Улсын Их Сургуулийн Хэрэглээний Шинжлэх ухаан, Инженерчлэлийн сургуулийн Электроник, холбооны инженерчлэлийн тэнхимийн багш, доктор М.Баярпүрэвтэй ярилцлаа. Тус сургуулийн төгссөн электроникийн инженерүүд Японы Тошиба компаний хамтрагч байгууллагад ажиллахаар болсон юм.