Month: July 2018

Хан-Уул дүүргийн Прокурорын газраас тус дүүргийн Засаг даргын тамгын газрын Цэргийн штабын эрх бүхий албан тушаалтнаас шинээр батлагдсан Зөрчил шалган шийдвэрлэх тухай хуулийг хэрхэн хэрэгжүүлсэн байдлыг 2018 оны эхний хагас жилийн байдлаар шалгажээ.

Ингэхдээ тавдугаар сарын 5-ны өдөр зохион байгуулагдсан цэрэг татлагын арга хэмжээнд хамрагдаагүй буюу зарлан дуудах мэдэгдэл авсан боловч тогтоосон өдөр, цагт цэрэг татлагын байр, товлосон газарт хүндэтгэн үзэх шалтгаангүйгээр ирээгүй есөн этгээдэд холбогдох шалгалтыг явуулсан байна.

Улмаар “Цэргийн албаны тухай хууль зөрчих” зөрчил үйлдсэн гэж Зөрчлийн тухай хуулийн 15.17 дугаар зүйлд зааснаар 150 мянган төгрөгөөр торгох шийтгэл оногдуулж, нийт нэг сая 350 мянган төгрөгийн торгох шийтгэлийг оногдуулав. “Эх орноо хамгаалах, хуулийн дагуу цэргийн алба хаах” үндсэн үүргээ умартаж “Цэргийн албаны тухай хууль зөрчих” зөрчил гаргасан дээрх иргэд нь 22-оос 23 насны хүмүүс байсан аж.

Тэдгээр иргэд цэрэг татлагын байранд ирээгүй шалтгаанаа “өөр орон нутагт байсан, ажлаар явсан, тогтоосон хугацаанд ирж амжаагүй гэх зэргээр тайлбарласныг хүндэтгэн үзэх шалтгаан гэж үзэх үндэслэлгүй гэж үзсэнээр прокурор хянаж, хэвээр үлдээсэн байна.

“One Warrior Series”-т тулалдсан Золцэцэгийн Шинэчагтага Японы тулаанч Акури Рондаг эхний үед хүнд цохилтоор буулган авлаа. Ялагдал хүлээсэн Японы тамирчин Акури Ронда нь 1989 онд төрсөн 170 см өндөртэй, 65 кг жинтэй тамирчин юм. Тэрээр ММА-д нийт зургаан тулаан хийхдээ 5:1 харьцаагаар ялсан амжилт үзүүлжээ.

Манай тамирчин Золжаргалын Шинэчагтагын хувьд ММА-д 6-1 амжилттай яваа юм. Тэрээр 2017 онд Улаанбаатар хотноо зохиогдсон “MGL Fight Night” тулааны аварга, “Мастер тулаанч” холимог тулааны шоуны 65 кг жинд ялагч болсон амжилт үзүүлээд байна.

Гурван жилийн өмнө хөнгөлөлттэй зээлээр хорт хавдрыг эмчлэхэд зориулагдсан аппаратыг авсан ч огт ашиглаагүй байжээ. Хавдар судлалын үндэсний төвийн барилгын өргөтгөлийн ажил гурван жил гацсан. Барилгын ажлыг дуусгаад байсан ч зоорь нь үерт автаж, үнэтэй туяаны аппарат эвдэрсэн байна. Туяаны зориулалттай учир зоорийн давхарт байрлуулах ёстой гэсэн хэмээн холбогдох албаны хүмүүс хэлж байв. Тэгвэл энэ аппарат нь 3 сая ам.долларын үнэтэй ажээ. Туяа аппаратыг засахад шаардагдах хөрөнгийн эх үүсвэрийг шийдэж өгөх хүсэлтийг тус эмнэлэг Засгийн газарт хандан тавьсан ч өчигдөр болсон Улсын онцгой комиссын хуралдааны үеэр Ерөнхий сайд хариулт өгөөгүй юм. Аппарат ажиллагаагүй болсны хариуцлагыг хүлээлгэх ёстой гэж үзсэн юм.

Туяа аппаратыг засахад 400 мянган ам.доллар шаардлагатай аж: Заслаа гэхэд ажиллах уу гэдэг бас эргэлзээтэй байгаа юм байна. Засгийн газраас хөрөнгө шийдэж өгөөд туяа аппаратыг засахад дор хаяж 2-3 сар шаардлагатай аж.

Нийслэл, дүүргийн Засаг даргын захирамжаар мал аж ахуй эрхлэхийг хориглосон бүсээс малаа нүүлгэн шилжүүлсэн өрхийн малын хашаа саравчийг буулгаж, өтөг бууцыг ачих, ариутгал халдваргүйжүүлэлт хийх ажлыг мэргэжлийн байгууллагуудын оролцоотойгоор дүүргийн хэмжээнд зохион байгуулагдаж 2018 оны долдугаар сарын 20-ны байдлаар 58 өрхийн малын хашаа саравчийг буулгаж, ариутгал халдваргүйжүүлэлт хийгээд байна.

Малын хашаа саравч буулгах ажилд дүүргийн Онцгой байдлын хэлтэс, Цагдаагийн хоёрдугаар хэлтэс, Хөдөлмөр, халамж үйлчилгээний хэлтэс, “Тохижилт үйлчилгээний төв”ОНӨААТҮГ, “Хан-Уул агро” ОНӨААТҮГ-ын ажилтан албан хаагчид ажиллаж, мал эмнэлэг үржлийн нэгж “Гүнтэрэм” ХХК ариутгал халдваргүйжүүлэлт хийж гүйцэтгэн, нэг өрхөөс дунджаар 4-5 машин өтөг бууцыг ачиж тээвэрлэн төвлөрсөн хогийн цэгт буулгаж байна.

Мөн Хан-Уул дүүргийн Засаг даргын 2018 оны А/153 дугаар захирамжаар Богдхан уул, Чандманы ам, Жаргалантын ам, Арцатын ам, Нүхтийн ам, Тайны ам, Морингийн даваа, Айцын даваанаас хот руу, 12 дугаар хороо Улаан булангаас Туул гол өгсөх чиглэлд мал тууварлах, бэлчээхийг хориглож, хариулгагүй бэлчээсэн малыг хашаалан, мал эмнэлгийн үзлэг шинжилгээнд хамруулан малын эздэд хариуцлага тооцон ажиллаж байна.

Цаашид дүүргийн мал аж ахуй эрхлэхийг хориглосон байршилд мал нэвтрүүлэхгүй байх зорилгоор зургаан байршилд мал оруулахыг хориглосон тэмдэг, тэмдэглэгээг байршуулж, мотоцикльтой эргүүл жижүүрийг ажиллуулж байна.

Өнгөрсөн дөрөвдүгээр сарын 18-наас 19-нд шилжих шөнө Монгол Улсын иргэн С, А, Э, А нар бүлэглэн БНХАУ-аас Дорноговь аймгийн Замын-Үүд сумын авто замын шалган нэвтрүүлэх боомтоор хар тамхи, мансууруулах бодисыг бэлэг эрхтэндээ нууж, улсын хилээр хууль бусаар нэвтрүүлж, бусдад зарж борлуулах зорилгоор тээвэрлэж явсныг илрүүлэн Баянзүрх дүүргийн нутаг дэвсгэрээс баривчилсан байдаг. Улмаар Монгол Улсын Эрүүгийн хуулийн 23-р зүйлд заасны дагуу мэргэжлийн их эмч, сувилагч нарыг оролцуулан улсын нэгдүгээр амаржих газрын хүлээн авах тасагт дотуур үзлэг хийхэд иргэн С-ийн бэлэг эрхтэн дотроос их хэмжээний “мөс” гэх нэршилтэй мансууруулах бодис гарч ирсэн байдаг.

С буюу хэдэн жилийн өмнө Хууль зүйн сайд асантай нэр холбогдож явсан Г.Сарангэрэл гэх бүсгүйд холбогдох хар тамхины хэргийн шүүх хурал өнөөдөр өглөө 10:00 цагт Баянзүрх Сүхбаатар, Чингэлтэй дүүргийн эрүүгийн хэргийн анхан шатны шүүхэд эхэллээ. Түүнд Эрүүгийн хуулийн 20.7.2-т зааснаар эрүүгийн хэрэг үүсгэн ийнхүү шүүхэд шилжүүлсэн байна. Шүүхээс Г.Сарангэрэлийн гэмт буруутайг тогтоовол түүнийг 2-8 жил хүртэлх хугацаагаар хорих ялаар шийтгэхээр хуульд заажээ.

Тэрбээр өмнө нь буюу 2014 онд Дүүргийн эрүүгийн хэргийн анхан шатны нэгдүгээр шүүхээр Эрүүгийн хуулийн тусгай ангийн 192 дугаар зүйлийн 1-д зааснаар мөн л мансууруулах болон сэтгэцэд нөлөөлөх эм, бэлдмэл, бодисыг хууль бусаар бэлтгэх, олж авах, хадгалах, тээвэрлэх, илгээх, борлуулсан хэргээр нэг жил 6 сарын хорих ялаар шийтгүүлж байсан билээ.

Үргэлжлэн орсон борооны улмаас гудамж зам талбай, гэр хорооллын айл өрхүүдийн ариун цэвэр /жорлон/-ийн бохир хальж орчныг бохирдол үүсч байгаа учраас Нийгмийн эрүүл мэндийн үндэсний төвөөс үер усны аюул нүүрлэсэн үед хүнсний аюулгүй байдлаа хэрхэн хангах талаар зөвлөмжийг хүргэж байна.

УРИН ДУЛААН ЦАГТ АНХААРАХ ЗҮЙЛС:

1. Үер, гол усны гамшиг
2. Дугуй, роликны аюулгүй байдал
3. Наршилт
4. Хорхой, шавьжинд хазуулах
5. Хүнсний аюулгүй байдал зэрэгт зуны цагт бусад үеэс илүү онцгойлон анхаарах шаардлагатай.
6. Мөн аялал, зугаалгын улиралтай холбогдуулан эцэг, эх, асран хамгаалагчид бага насны хүүхдээ авто машинд тээвэрлэхдээ насны онцлогоос нь хамааран зориулалтын суудал, аюулгүй бүсийг зайлшгүй зүүлгэх шаардлагатай.

МҮЭ-ийн холбооны ерөнхийлөгч Х.Амгаланбаатар “Чингис” шатрын клубын үүсгэн байгуулагч Б.Баярааг хүлээн авч уулжэ. Энэ үеэр шатрын “А” зэрэглэлийн тэмцээн Монголд анх удаа зохион байгуулах гэж буй талаар тус шатрын клубийн үүсгэн байгуулагч танилцуулаад хамтран ажиллах, дэмжигч байгууллага болох санал тавьсан юм. МҮЭ-ийн холбооны ерөнхийлөгч Х.Амгаланбаатар хэлэхдээ “Монгол хүүхэд залуучуудад оюуны боловсрол олгох авьяаслаг өсөх ирээдүйтэй шатарчдыг бага наснаас эхлэн тодруулан гаргаж тэднийг системтэйгээр мэргэжлийн төвшинд бэлтгэж дэлхийд данстай тамирчид болгох их үйлсэд нь амжилт хүсье. МҮЭ-ийн холбоо ямагт хөдөлмөрчдөө дэмжиж, тэдний дуу хоолой болдог байгууллага хэмээгээд дэмжигч байгууллагаар хамтран ажиллахдаа таатай байна” гэв.

Ирэх сарын 8-16-ны өдрүүдэд болох Олон улсын “А” зэрэглэлийн энэхүү тэмцээнд АНУ, Орос, Энэтхэг, Азарбажайн, Монгол улсын шатрын 10 их мастер авхайлж самбаа, оюун ухаанаа сорих аж.

Тус шатрын клуб нь 2018 оны нэгдүгээр сараас Монголд үйл ажиллагаагаа эхлүүлж ганцаарчилсан болон бүлгийн сургалтууд хичээллүүлэхээс гадна өсөх ирээдүйтэй өсвөрийн шатарчдыг шалгаруулан авч үнэ төлбөргүй сургалтанд хамруулдаг байна. Түүнчлэн Чингис шатрын клубын нэрэмжит дэлхийн шилдэг шатарчдыг урьж оролцуулдаг Chinggis Invitational тэмцээнийг уламжлал болгон 2015, 2016, 2017 онуудад АНУ-д амжилттай зохион байгуулсан төдийгүй энэ удаагийн тэмцээн нь тэдний нэрэмжит дөрөв дэх тэмцээн гэв.

Энэхүү тэмцээн нь Монгол улсад анх удаа зохион байгуулагдаж буй “А” зэрэглэлийн тэмцээн бөгөөд МҮЭ-ийн холбоо, ЗГХЭГ-ын дарга Г.Занданшатар, “Монгол үнэн” сонины эрхлэгч Б.Ганболд, “Содмонгол” групп, “Номин констракшн Девелопмент групп”, Мобиком корпораци, Хаан банк, гэх зэрэг байгууллагууд дэмжлэг үзүүлэн хамтран ажиллаж байгаа юм байна.

Цаг үеийн асуудлаар НОБГ-ын Гамшгаас урьдчилан сэргийлэх хэлтсийн дарга, хурандаа Г.Нэргүйтэй ярилцлаа.