Month: July 2018

Өвөрхангай аймгийн цагдаагийн газраас Уянга сумын зургадугаар багийн нутаг Бөөрөлжүүтийн ам гэх газраас 10 тооны тарвага хууль бусаар агнасан зөрчлийг илрүүлж, иргэн “Б”, “Н”, “Г” нарын гаргасан зөрчлийг хуулийн дагуу шалгаж, мэргэжлийн байгууллагад шилжүүлжээ.

Зөрчлийн тухай хуулийн 7.6 дугаар зүйлийн 1.3-д зааснаар хугацаа дууссан гэрээ зөршөөрлөөр, эсхүл гэрээ зөвшөөрөлгүйгээр амьтныг агнасан бол зөрчил үйлдэхэд ашигласан эд зүйл, хууль бусаар олсон хөрөнгө орлогийг хурааж, учруулсан хохирол, нөхөн төлбөрийг гаргуулж, иргэнийг 150 нэгж, хуулийн этгээдийг 1500 нэгжтэй тэмцэх хэмжээний төгрөгөөр торгоно гэж заасан байна. Иймд иргэд та бүхэн хуулийг чанд сахин ховордож байгаа ан амьтныг хууль бусаар агнахгүй байхыг сануулж байна.

Сүхбаатар дүүргийн нутаг дэвсгэр Төрийн ордоны зүүн талд орших “Таванбогд” группийн эзэмшлийн худалдаа үйлчилгээний зориулалтын барилгад өнөөдөр өглөө /07.23/ 6 цаг 08 минутад гал гарч байна гэсэн дуудлага НОБГ-т ирсэн.

Хонины ястай махны үнэ өмнөх сараас 2.5, үхрийн ястай махны үнэ 4.3 хувь, үхрийн цул махны үнэ 3.3 хувь, ямааны ястай махны үнэ 9.3 хувь, адууны ястай махны үнэ 2.0 хувиар тус тус өссөн байна. Өмнөх 7 хоногтой харьцуулахад хонины ястай махны үнэ 1.7 хувь, адууны ястай махны үнэ 2.0 хувь, ямааны ястай махны үнэ 6.0 хувиар өссөн байна.

Харин үхрийн ястай махны үнэ 0.5 хувиар буурч, үхрийн цул махын үнэ өөрчлөлтгүй байлаа. 2018 оны 7-р сарын 10-ны байдлаар 1 кг хонины /ястай/ мах дунджаар 7700 төгрөг, үхрийн /ястай/ мах 9110 төгрөг, үхрийн цул мах 10880 төгрөг, адууны /ястай/ мах 6730 төгрөг, ямааны /ястай/ мах 5670 төгрөгийн үнэтэй байна.

Тоосны харшлын анхны шинж тэмдгийг ханиадтай андуурч буруу эм хэрэглэх тохиолдол их байна. Үүнээс болж эмийн хордлого болох тохиолдол ч бий гэж эмч нар санууллаа. Одоо шарилжны харшлын ид үе болж байна. Тодруулбал, долоодугаар сарын сүүлээс есдүгээр сарын дунд хүртэл шарилж тоосоо гөвдөг.

Харшилтай иргэдийн 70 хувь нь ургамлын тоосны харшилтай байдаг байна. Энэ тоо жил ирэх тусам нэмэгдсээр байгаа юм. Шарилж тоосоо гөвөх үеэр дархлаагаа дэмжих нь харшлаас сэргийлэх нэг арга болдог. Түүнчлэн өглөө дөрвөн цагаас өглөөний 11, орой 17-20 цагт шарилж тоосоо гөвөх идэвхтэй үе байдаг байна. Иймд энэ үеэр салхивчаа онгойлгохгүй байхыг Улсын Нэгдсэн Төв эмнэлгийн, Харшлын тасгийн их эмч н.Рэгзэдмаа ингэж зөвлөлөө.

Өнгөрсөн Баасан гарагт /2018.07.20/ Нийслэлийн Авто замын хөгжлийн газрын дарга Ж.Тогтохбаяр, НАЗХГ-ын Орлогч дарга Б.Индра, Геодези, Усны барилга байгууламжийн газрын дарга Т.Цэрэнноров, Мэргэжлийн хяналтын ерөнхий газар, Нийслэлийн газрын алба болон бусад холбогдох албаныхан Баянзүрх дүүргийн Монелийн уулзвараас Дарь эхийн зам хүртэлх Гадна тойруугийн 3 дугаар хэсгийн зам дээр ажиллалаа.Нийслэлийн хэмжээнд үер усны гамшгаас шалтгаалан зам цөмөрч, эвдрэл гарсан замууд дээр холбогдох албаныхан шуурхай ажиллаж, Улаанбаатар зам засвар, арчлалтын газраас 4, Геодези, Усны барилга байгууламжийн газраас 5 бригад, Нийслэлийн Авто замын хөгжлийн газар гэсэн нийт 16 баг 24 цагаар ажиллаж байна.

Энэ үеэр НАЗХГ-ын дарга Ж.Тогтохбаяр “Ойрын өдрүүдэд усархаг аадар бороо орж, үерлэсний улмаас 5-10 жилийн өмнөөс ашиглагдаж буй замууд өртөж, замын эвдрэл, цөмрөх зэрэг асуудал гарч байна. Шинээр тавьсан замуудад эвдрэл үүсээгүй, замын хөдөлгөөн хэвийн ажиллаж байна” гэв.Мөн 07 дугаар сарын 18-ны өдөр Баянзүрх дүүргийн Монелийн уулзвараас Дарь эхийн зам хүртэлх Гадна тойруугийн 3 дугаар хэсгийн замын үерийн ус зайлуулах жалга дээр зөвшөөрөлгүй буусан иргэн, аж ахуйн нэгжүүдэд дүүргийн Газрын албанаас шаардах хуудсыг хүргүүлсэн бөгөөд 7 хоногийн хугацаанд албан шаардлагыг биелүүлээгүй, газар чөлөөлөөгүй тохиолдолд хуулийн дагуу Нийслэлийн газрын албаны Газар чөлөөлөлтийн хэлтсээс албадан нүүлгэх юм. Мөн эдгээр газруудад Мэргэжлийн хяналтын ерөнхий газраас хохирлын тоо, хэмжээг гаргаж, тухайн аж ахуйн нэгжүүдэд хариуцлага тооцож, хохирлыг барагдуулна.

НАЗХГ-ын Орлогч дарга Б.Индра “Зарим иргэн, аж ахуйн нэгжийн эрх ашгаас шалтгаалж, нийтийн эрх ашиг зөрчигдөж, авто зам эвдэрч, тээврийн хэрэгслийн хөдөлгөөнд хүндрэл, хүний амь нас, эд хөрөнгөд хохирол учруулж байна” гэдгийг онцлов.Мөн олон нийтийн хэвлэл мэдээллийн хэрэгслээр “Дарь эхийн шинэ зам урсчихлаа” гэдгийг ташаа мэдээлэл гэдгийг тэрээр хэлж байсан юм. Мэдээллээр яваад буй гадна тойруугийн 4 дүгээр хэсгийн Дарь эхийн авто Ганц худаг, Цагаан даваа чиглэлийн авто зам нь 2011 онд ашиглалтад орсон бөгөөд үерийн ус зайлуулах шугам сүлжээн дээр 51 айл өрх, аж ахуй нэгж бууснаас болж үерийн ус авто зам руу урссан байна.

/Гадна тойруугийн 4 дүгээр хэсгийн Дарь эхийн авто Ганц худаг, Цагаан даваа чиглэлийн 2018 оны 06 дугаар сарын 20-ны өдөр ашиглалтад орсон шинэ авто зам/

/Гадна тойруугийн 4 дүгээр хэсгийн Дарь эхийн авто Ганц худаг, Цагаан даваа чиглэлийн 2011 онд ашиглалтад орсон хуучин авто зам/

/Гадна тойруугийн 4 дүгээр хэсгийн Дарь эхийн авто Ганц худаг, Цагаан даваа чиглэлийн хуучин авто замаас шинэ зам явах хүртэлх уулзвар/

Хан-Уул дүүргийн Засаг дарга бөгөөд Онцгой Комиссын дарга Ж.Алдаржавхлан үерийн гамшигийн голомтонд шаардлагатай, яаралтай арга хэмжээ авч ажиллалаа.

Үүссэн нөхцөл байдлын хор уршгийг арилгуулах, сэргээн засварлах зорилгоор ариутгал халдваргүйжүүлэлтийн үйл ажиллагааг Засаг даргын нөөц хөрөнгөөр хийхээр боллоо.