Монголбанкны алтны худалдан авалт энэ сарын 20-ны байдлаар 8.3 тоннд хүрч, өнгөрсөн оны мөн үеэс 14 хувийн өсөлттэй гарсан байна.
Монголбанкнаас “Эх орныхоо алтыг Эрдэнэсийн сандаа” аяны хүрээнд төрийн болон төрийн бус байгууллага, иргэдтэй хамтран олон ажлыг зохион байгуулж, мэдээллийг шуурхай хүргэн ажиллаж байна. Мөн алтны үнийг өдөр бүр Лондонгийн металын биржийн үнээр шинэчлэн тогтоож, олон улсын зах зээлийн ханшаар худалдан авч буй юм.
Авилгатай тэмцэх газраас сар бүрийн хийсэн ажлаа тайлагнадаг билээ. Өнгөрсөн долдугаар сарын ажлын тайлангаа өнөөдөр АТГ-ын Олон нийтийн зөвлөлийн байранд тавилаа. Үүний дараа сэтгүүлчдийн асуултад хариуллаа. Ээлжит хэвлэлийн хуралд АТГ-ын Тамгын хэлтсийн дарга, эрхэлсэн комиссар З.Баасанням, Мөрдөн шалгах хэлтсийн дарга, эрхэлсэн комиссар Э.Идэрцог, Хяналт шалгалт дүн шинжилгээний хэлтсийн дарга, эрхэлсэн комиссар Х.Хашбаатар, Урьдчилан сэргийлэх, соён гэгээрүүлэх хэлтсийн дарга, эрхэлсэн комиссар Т.Баярхүү нар оролцов.
Ч.Сайханбилэг болон С.Баяр нарыг мөрдөн шалгах ажиллагааны тухайд, тэднийг тусгаарлагдсан хугацаанд мөрдөн шалгах ажиллагаа тодорхой хэмжээнд хийгдсэн. Прокурор үнэлэлт дүгнэлт өгөөд одоо гадуур шалгагдаж байна. Ингэснээр хилээр гарах, тодорхой хүмүүстэй уулзахыг хориглосон. Дуудаж байцаалт, мэдүүлэг авах ажиллагаа үргэлжилж байна. АТГ-ын дарга Х.Энхжаргал Ерөнхий сайд асан С.Баяртай уулзсан бичлэг тойрсон асуултын хариуд, АТГ-ын дарга хэрэгтэй танилцах эрхтэй байдаг. Яллагдагчтай прокурорын хяналтын дор өрөөндөө уулзах ажиллагаа явагдсан. Ерөнхий сайд асан С.Баяр өөрөө уулзах хүсэлт тавьсан. Энэ уулзалт бол иргэн хүний өөрт оногдсон эрхийнх нь хүрээнд явагдсан ажил юм. Түүнээс мөрдөн шалгах ажиллагаанд хөндлөнгөөс нөлөөлөх гэсэн зүйл биш . С.Баяр өөрөө зарим асуудлыг анхаарч өгөөч гэсэн хүсэлт тавьсны дагуу л уулзсан гэв. Ерөнхий сайд У.Хүрэлсүхийн туслах асан бөгөөд МИАТ-ын Захиргаа хууль эрх зүйн асуудал хариуцсан дэд захирал Н.Энхбаатарыг шалгаж байгаа талаарх асуултад, Ямар нэг албан тушаал болон улс төрийн шалтгаанаар шалгаагүй. Зөвхөн прокурорын зөвшөөрлөөр шалгаж эхэлж байгаа тул энэ талаар дэлгэрэнгүй мэдээлэл өгөх боломжгүй. Мөрдөн шалгах ажиллагаа дөнгөж эхэлж байна. Хэвлэлээр гараад байгаачлан 600 сая төгрөгийн авлига авсан, үйлдэл дээрээ баригдсан гэх зүйл байхгүй. Түүнийг авлига албан тушаалын гэмт хэрэгтэй холбогдуулан мөрдөн шалгах шаардлага гарсан. Өчигдөр баривчилсан гэлээ.
Үндэсний их баяр наадмын дараа бөхчүүдийн цолыг наймаалцсан гэх яриа байсхийгээд гардаг. Энэ ам дамжсан яриа сүүлдээ аймгууд нөөц хөрөнгөөрөө бөхчүүдийн цолны найрыг зохион байгуулдаг гэх хүртлээ даамжраад байна.
Энэ асуудлыг АТГ хэрэг үүсгэн шалгах боломжтой эсэхийг тодруулахад “Хуульд авлигын субьект нь төрийн байгууллага, албан хаагчид гэж заасан байдаг. Тиймээс бөхчүүдийн асуудлыг шалгах боломжгүй” гэсэн хариулт өгсөн юм.
Нийслэлийн Засаг даргын хэрэгжүүлэгч агентлаг Залуучуудын хөгжлийн газар “Залуучуудын хөгжлийг дэмжих төв”-ийг өнгөрсөн оны гуравдугаар сард нээн, үйл ажиллагааг нь эхлүүлж байсан юм. Тус төвийн дэргэд БНСУ-ын Засгийн газрын агентлаг, ОУ-ын хамтын ажиллагааны байгууллага (KOICA)-ын санхүүжилттэй “Эм Кэй Ай Ти” /MKIT/ мэдээллийн технологийн сургалтын төв байгуулсан юм. 2017 оноос өнөөдрийг хүртэл тус төвд 2638 залуучууд суралцах хүсэлтээ өгч, бүртгүүлсэн байна. Сургалт явуулах орчны хүртээмжээс хамааран 1835 залуучуудыг мэдээллийн технологийн сургалтын төвд хамруулснаас 611 нь амжилттай төгсөж, 20 иргэнийг инкубатор төвөөр дамжуулан бойжуулж, 45 залуучуудыг ажлын байранд холбож өгчээ.
Чингэлтэй дүүргийн Гэр бүл, хүүхэд, залуучуудын хөгжлийн хэлтсээс мэдээллийн технологийн нарийн мэргэжил эзэмших хүсэл сонирхолтой, дүүргийнхээ залуучуудад зориулан сургалтын төвийг нээж, компьютерийн үндсэн хэрэглээний зургаан төрөлт хичээлийг өнөөдрөөс эхлэн явуулах аж. “MKIT” сургалтын төвийг жишиг болгон, тус сургалтын төвийн хичээлийн хөтөлбөрийг бүрэн нэвтрүүлж ажиллах юм байна.
Энэхүү үйл ажиллагааны нээлтэд нийслэлийн Залуучуудын хөгжлийн газрын Захиргааны хэлтсийн дарга Н.Мандуул, Чингэлтэй дүүргийн Гэр бүл, хүүхэд, залуучуудын хөгжлийн хэлтсийн дарга М.Цэцэгээ нар оролцов. Мэдээллийн технологийн сургалтад хамрагдаж, “A” үнэлгээтэй төгссөн залуучууд “Бизнес инкубатор төв”-д элсэж, тэтгэлэгт хөтөлбөрт хамрагдах боломжтой.
Мөн Чингэлтэй дүүргийн Гэр бүл, хүүхэд, залуучуудын хэлтсийн дэргэдэх “Залуучуудын хөгжлийн төв”-д өнөөдрөөс эхлэн амьдрах ухаан, хувь хүний хөгжил болон түүхэн сэдэвт 100 номтой уншлагын танхим, шатар, даам, хөгжим сонирхогчдын клубүүд ажиллаж эхэлнэ гэж нийслэлийн Залуучуудын хөгжлийн газраас мэдээллээ.
Хаан банк үерийн гамшигт нэрвэгдэж их хэмжээний хохирол амссан Баян-Өлгий аймгийн Өлгий сумын ард иргэдэд 15 сая төгрөгийн бэлэн мөнгөний хандив өргөхөөр болжээ.
Энэ талаар тус банкны Иргэдийн банк хариуцсан дэд захирал М.Энхсайханаас ирүүлсэн албан бичигтээ дурджээ.
Саяхан аймгийн ИТХ-ын дарга Д.Бауыржан Өлгий хотод үйл ажиллагаа явуулдаг арилжааны банкуудын удирдлагуудыг хүлээн авч уулзан үерт автсан иргэдэд өөрсдийн шугамаар хандив босгох, иргэдийн зээлийн хүүг бууруулах, хугацааг нь сунгах хүсэлт тавьж, холбогдох эрх бүхий албан тушаалтнуудад албан тоот хүргүүлээд байсан юм.
Түүнчлэн төрийн болон олон улсын байгууллага, иргэдээс хандив өргөсөөр байна. Өчигдрийн байдлаар олон улсын байгууллагуудаас 277,2 сая, 113 иргэнээс 5,1 сая төгрөгийн мөнгөн тусламж ирүүлээд байгаа ажээ.
Ерөнхий сайд аа, НИНЖА нар Монгол Улсын газар нутгийг экологийн сүйрэлд оруулж алтны судал илэрсэн эрүүл газрыг онгичижхөрсийг нь эрүүлж нутаг орноо сүйдэлж дууслаа. Уг нь өнгөрсөн хугацаанд олон ч хэвлэлүүд НИНЖА нартай холбоотой ноцтой мэдээллийг таны сонорт хүргэж байсан ч нэг их ач холбогдол өгөөгүйн улмаас НИНЖА нарын хууль бус үйлдэл хэрээс хэтэрч маш олон хүн амь насаа алдчихлаа.
Монгол хүний эрдэнэт амь нас өнөөдөр төрийн хараа хяналтгүйн улмаас үнэгүйдэж,заримсонирхолын бүлгийн эрх ашигт хэлмэгдэн хохирсоор байна.
Ингэж хэлэхийн учир нь сүүлийн үед аймаг орон нутгийн удирдлагууд НИНЖА нартайгаа үгсэн хуйвалдаж, нинжа нарын уул уурхайд баримтлах ёстой наад захынхөдөлмөрийн аюулгүй байдал, технологийн горим, стандартын дагуу ажиллах нөхцөлөөр хангаагүйн улмаас амь насаа алдсан олон хэргийг нам дарж, олны хэл амаас нууж байна.
Хэдий муу нэртэй луу данстай ч НИНЖА нар хүн. Тэдний энэхүү хууль бус үйлдэлд төр засаг анхаарлаа хандуулахгүй бол маш олон гэр бүл хагацал зовлон үзээд зогсохгүй нутаг орон, байгаль дэлхий, мал хуй гээд маш олон зүйл тэдний золиос болж экологийн сүйрэлд орж эхлээд байна. Монгол хүний амь гэдэг юу юунаас илүү чухал. Гэтэл хүний амь нас эрсдчихээд байхад тухайн аймаг, орон нутгийн удирдлага хийгээд тус аймгаас сонгогдсон УИХ-ын гишүүд үүнийг мэдсэн ч мэдээгүй мэт байгаа нь хачирхалтай. Хэрвээ аймаг орон нутагт нь байнга хүний амь нас эрсдээд байгаа тухай олон нийт мэдвэл тэд дараагийн удаа сонгогдохгүй гэсэн болгоомжлол бий учраас ийнхүү аашилж буй хэрэг гээд хэлчихэд нэг их хол зөрөхгүй л болов уу.
НИНЖА нар мэдээж тухайн аймаг орон нутгийн уугуул иргэд. Тэд хэчнээн хариуцлагагүй загнаж нутаг орноо сэндийчиж улсад их хэмжээний хохирол учруулсаныг мэдсэн ч улстөрчид өөрсддөө дайсан бэлдэж дараагийн сонгуульдаа хар толбо үлдээхгүй гэсэн ахархан бодлыгтээж, асуудлыг шийдэх нь битгийг хэл нинжа нарыг дэмжээд чимээгүйхэн сууж байгаа нь харамсалтай.
Тиймээс л нутгийн НИНЖА нар орон нутгийнхаа удирдлагуудтай үгсэн хуйвалдаж улсад татвар төлж буй хууль ёсны компаниуд руугаа бүлэглэн дайрч, том дарга нарын ашиг сонирхлыг гүйцэлдүүлж ийнхүү олноороо хорвоогоос цаг бусаар хальж байна. Тухайлбал, өнгөрсөн оны сүүлээр Налайх дүүргийнIII хороо сүмбэр худаг ХХК-ийн талбайд үйл ажиллагаа явуулж байсан “Хамтдаа” нөхөрлөлийн гишүүн Б гэгчсанаандгүй байдлааршороонд даруулж амиа алдсан. МөнХэнтий аймгийн Баян-Адрагасумыннэгдүгээр баг “Хөлийн холбоо” гэх газарт “ББГ АНДУУД” нөхөрлөлийн уурхайд ажиллаж байсан иргэн К мөн л шороонд даруулж нас барсан.
Хамгийн сүүлийн жишээ гэхэдэнэ сарын 20-ндДархан-Уул аймгийн Шарын гол суманд сумын Шар хөндий хэмээх газарт алт олборлож байсан 40 настай эрэгтэй А, 53 настай эрэгтэй Д нар амиа алдсан. Сүхбаатар аймгийн зүүн хойд зүгт 18 километр газар байрлах Төмөртэй гэх газарт иргэн О шороонд дарагдаж нас барсан. Баянхонгор аймгийн Баян-Овоо суманд нинжа нарын нийлж байгуулсан нөхөрлөлийн иргэн А нь шороонд даруулсан байдалтай олдсон бол, Баян-Овоо сумын 1-р багт иргэн Ж нь эрэгтэй 29 настай эрэгтэй нүхэнд цогцос нь хэвтэж байсныг олсон байна. Тэдний ар гэрт нөхөрлөлийнх нь зүгээс нөхөн олговор гэж 10 сая төгрөг хүрэхтэй үгүйтэй мөнгө өгдөг байна. Мөн Баянхонгор аймагт хувиараа ашигт малтмал олборлож байсан 28 настай эрэгтэй Ж гэгч иргэн олборлолт хийж байх үедээ нүхэнд унаж амь насаа алдсан байна. Баянхонгор аймагт л гэхэд он гарснаас хойш дөрвөн хүний алтан амь эрсдэж гамшгийн хэмжээнд хүрчихээд байна.
Эдгээр цаг бусын үхлүүд бүгд хөдөлмөрийн аюулгүй байдал, технологийн горим, аюулгүй ажиллагааны стандарт мөрдөөгүйгээс болж амиа алдсан гэдгийг харуулж байна. Тиймээс Монгол Улсын Ерөнхий сайд У.Хүрэлсүх таныг НИНЖА нарын асуудалд анхаарлаа хандуулаачээ хэмээн хэвлэлүүд захиж, бичиж байсан юм. Хамгийн эмгэнэлтэй нь тэдний байгуулсан нөхөрлөл гээч нь нөхөн олговор нэрээр НИНЖА нарынхаа амь насыг 10-н сая төгрөгөөр үнэлж байна.
Тэгэхээр НИНЖА нарыг өдөөн турхирч тэдний гэр бүлийг амьдийн зовлонд унагаасан нөгөө Засаг дарга нар яагаад хариуцлагаас мултарч хэргийн гадна үлдэнэ вэ. Дээрх хэлсэнчлэн Баянхонгор аймагт он гарсаар дөрвөн хүний амь нас эрсдчихээд байхад тус аймгийн удирдлагууд яагаад энэхүү ээлж дараалан амиа алдсан дөрвөн хүний хэргийг нуун дарагдуулна вэ. Яг үнэндээ тус аймгийн Засаг дарга түүний хамсаатнууд нь нутгийн НИНЖА нараараа төрөөс албан ёсны зөвшөөрөлтэй ажиллаж буй аж ахуйн нэгж, компаниудаа дарамтлуулж, хуулийн хүрээндажил эрхлэх боломжийг нь хаагаад удаж байна.
Тиймээс Монгол хүний амь настай холбоотой энэ асуудалд Ерөнхий сайд та анхаарлаа хандуулж, асуудлыг хуулийн дагуу цэгцэлж өгнө үү.
Фэйсбүүк компани БНХАУ-д салбараа нээх зөвшөөрөл авчээ. Ингэснээр тус компани Фэйсбүүкийг хориглосон тус улсын ашиг өндөртэй зах зээлд нэвтрэх эхний алхмаа хийж байгаа юм. Хятадад нээх гэж буй салбар тус улсын мэдээллийн салбарыг хөгжүүлэгчид, шинийг санаачлагчид болон шинээр бизнес эрхлэгчдэд дэмжлэг үзүүлэх шинэчлэлийн төв болно хэмээн компанийн зүгээс хэлж байв. Салбар нээх зөвшөөрлийг БНХАУ-ын Засгийн газрын харьяа агентлагийн цахим хуудаснаас утгасан байгаагаас үзвэл зарим нэг хүндрэл гарч болзошгүй байна гэж “New York Times” сонин мэдээлжээ. БНХАУ нь дэлхий дээрх олон нийтийн хэвлэлийн сүлжээний хамгийн том зах зээл боловч твиттер, фэйсбүүк, “YouTube” зэрэг цахим хуудсыг ашиглахыг хориглодог билээ. Эдгээрийн оронд Хятадын иргэд Засгийн газраас хянах боломжтой Weibo, Renren, YouKu зэрэг дотоодын олон нийтийн цахим сүлжээг ашиглах эрхтэй байдаг ажээ.
Харин Фэйсбүүк компанийг үүсгэн байгуулагч Марк Зукерберг Мандарин хятад хэл сурч байгаа аж.
Тус компани Хятадын өмнөд нутгийн Ханжоу хотод салбараа бүртгүүлсэн бөгөөд 30 сая фунтын хөрөнгө оруулалт байна гэж “Reuters”, “New York Times” сонинд мэдээлжээ.
Дорноговь аймгийн ЗДТГ, Нутгийн зөвлөл хамтран говийн тавдугаар дүрийн ноён хутагт Данзанравжаагийн мэлмий гийсний 215 жилийн ойг тохиолдуулж Дорноговь аймгийн нийт өрх айлд хутагтын лагшин дүрийг бэлэг болгон гардуулж байна.
Долдугаар сарын 24-нд Сайншанд сумын иргэдийн төлөөлөлд хутагтын лагшин дүрийг гардуулах ёслол болсон бөгөөд есдүгээр дүрийн ноён хутагт Данзанлувсантүдэв сүсэгтэн олонд ерөөл айлдаж, УИХ-ын гишүүн Б.Дэлгэрсайхан, аймгийн Засаг дарга Т.Энхтүвшин, Сайншанд сумын Засаг дарга С.Одбаяр нар иргэдийн төлөөлөлд гардууллаа.
Дорноговь аймаг 2018 оныг “Хүний хөгжлийг дэмжих-Их бүтээн байгуулалтын жил” болгон зарласан. Жилийн ажлын хүрээнд Сайншанд суманд 50 ортой төрөх эмнэлэг, төмөр замын суурин буюу Сайншанд сумын дөрөвдүгээр багт 320 хүүхдийн багтаамжтай бага сургууль, Данзанравжаагийн музей, болон орон нутгийг судлах музейн засвар, хүүхдийн цэцэрлэг, “Мандах наран-3” орон сууцны хороолол, авто замын шинэчлэл, цэнгэлдэх хүрээлэн, соёл амралтын цэцэрлэгт хүрээлэн, гэр бүлийн талбай гээд олон бүтээлч ажлыг өрнүүлж байна.
Мөн Их хутагтынхаа ойг угтаж аймгийн ЗДТГ-аас хутагтынхаа бүтээл туурвилыг алдаршуулах, эрдэмтдийн дуу хоолойг сонсох зорилгоор олон улсын эрдэм шинжилгээний хурал, мөн “Хурмаст тэнгэр” яруу найргийн наадам зэргийг зохион байгуулж байгаа юм. Өнөөдөр аймгийнхаа нийт өрх айлд хутагтын лагшин дүрийг бэлэг болгон гардуулж байна” гэж аймгийн Засаг дарга Т.Энхтүвшин онцлов.
Хутагтын лагшин дүрийг гардуулах аравнайлах ёслолыг долдугаар сарын 23-нд Айраг, Даланжаргалан, Өргөн, Эрдэнэ, Замын-Үүд суманд зохион байгуулжээ.
“Даншиг наадам-Хүрээ цам 2018” шашин соёлын наадмыг ирэх сарын 4,5-ны өдрүүдэд Нийслэлийн Засаг даргын Тамгын газар Монголын Бурхан Шашинтны Төв Гандантэгчэнлин хийдтэй хамтран Хүй долоон худагт дөрөв дөх жилдээ зохион байгуулах гэж байна.
Жил болгоны наймдугаар сарын эхний долоо хоногийн амралтын өдрүүдэд зохиогддог тус арга хэмжээний үеэр лам нарын дунд ном хаялцах, мэтгэлцэх, балин тосон урлалын тэмцээн зохиогддог ба цам харайх, маань татах, Соёмбот туг залах, шашны сүлд дуулал эгшиглүүлэх зэрэг олон сонирхолтой арга хэмжээнүүд болдог. Мөн 256 хүчит бөх барилдан, их насны болон жороо морьд уралдах бөгөөд морьт харвааны тэмцээнийг зохион байгуулна.
Ингээд наадмын нэгдсэн хөтөлбөрийг танилцуулж байна.
Улсын хилээр энэ оны эхний хагас жилд орж ирсэн гадаадын зорчигчид өмнөх оны мөн үеэс 9.7 хувиар өссөн байна. Үүний 61.7 хувь нь Зүүн Ази, Номхон далайн бүс нутгаас иржээ. Тодруулбал, гадны зорчигчдын 98.7 хувийг БНХАУ-ын иргэд эзэлж буй юм. Манай улсын хилээр энэ оны эхний хагас жилд давхардсан тоогоор 2.8 сая зорчигч нэвтэрсэн нь өмнөх оны мөн үеэс 34.9 мянгаар буурчээ. Зорчигсдын 84.2 хувь нь 30 хүртэл хоног, 14.3 хувь нь 90, түүнээс дээш хоног, 1.5 хувь нь 30-аас 90 хүртэл хоногийн хугацаагаар ирсэн байна. Тэдний 85.1 хувь аяллын зорилгоор хилээр нэвтэрсэн бол 35.4 мянга нь буюу 14.9 хувь нь ажиллах, суралцах болон байнга оршин суух зорилгоор иржээ. Өмнөх оны мөн үеэс Тайландын жуулчид 79.6 хувиар, Турк улсынх 58.7 хувиар, Индонез улсынх 47.1 хувиар, ОХУ-ынх 28.7 хувиар, Энэтхэг улсынх 26.3 хувиар өссөн байна. Харин БНАСАУ-ынх 315, Вьетнам улс 231, Малайз улс 167, Япон улсын жуулчид 1526 хүнээр буурчээ. Улсын хилээр орсон гадаадын зорчигчдын 70.3 хувь нь эрэгтэйчүүд, 29.7 хувь нь эмэгтэйчүүд байна хэмээн Үндэсний Статистикийн хорооноос мэдээллээ.
Энэ сарын 24-ний өдрийн 19:30 цаг Өмнөговь аймгийн онцгой байдлын газарт Цогтцэций сум (Тавантолгой) Сийрст багийн “Эхэн хадан-Ус” гэдэг газар нэг хүн мотоцикльтой зорчиж яваад үерийн усанд боогдсон тухай дуудлага иржээ. Тус дуудлагын дагуу Өмнөговь аймгийн Онцгой байдлын газрын 7 алба хаагч, 1 автомашинтай ажиллаж, мотоциклтой зорчиж явсан Ө /15 настай, эрэгтэй/-г 21:14 цагт тус тус аюулгүй газарт гаргасан байна.
Мөн өдөр Хан-Уул дүүргийн 11 дүгээр хороо, 81-ийн “В” байрны суурийн давхарт борооны ус соруулж байсан иргэн Т /43 настай, эрэгтэй/ цахилгаанд цохиулан нас баржээ. Энэ тухай дуудлагыг 00:40 цагт хүлээн авч, Нийслэлийн Аврах ангийн 7 алба хаагч, 2 автомашинтай 5 км замыг туулан 00:53 цагт очиж, 01 цаг 13 минут ажиллан, иргэн Т цахилгаанд цохиулан нас барсан байсныг гарган, Цагдаагийн байгууллагад шилжүүлэн өгсөн байна.