Month: July 2018

Энэ сарын 3-6-ны өдрүүдэд Улаанбаатар хотноо Гамшгийн эрсдэлийг бууруулах Азийн сайд нарын бага хурал болно.

Ази, номхон далайн бүс нутгийн 50 гаруй орны 3000 гаруй төлөөлөгч энэ хуралдоролцох юм. Иймд хурлын үеэр үүсэх замын хөдөлгөөний хэт ачааллаас урьдчилан сэргийлэх зорилгоор Замын цагдаагийн албанаас төв замын дагууд хэсэгчлэн замын хөдөлгөөнийг түр хязгаарлах юм байна.

Мөн хурлын үеэр зохион байгуулагдах арга хэмжээний талаар дэлгэрэнгүй мэдээлэл өгөх зорилгоор ОБЕГ, ЦЕГ, ЗЦА хамтран хэвлэлийн бага хурал зохион байгуулна. Энэ үеэр гол, усны ослоос урьдчилан сэргийлэх сэрэмжлүүлэг, цаг үеийн нөхцөл байдлын талаар мэдээлнэ. Хэвлэлийн бага хурал өнөөдөр 12:00 цагт Онцгой байдлын ерөнхий газарт болно.

Хоёр хоногийн өмнө буюу өнгөрсөн бямба гарагт Үндэсний цэцэрлэгт хүрээлэнд тоглож явсан охин тогонд цохиулсан харамсалтай хэрэг гарчээ.

Үндэсний цэцэрлэгт хүрээлэнгийн явган хүний зам дагуух гэрлийн шонгийн хажуугаар гүйсэн 12 орчим насны охин тогонд цохиулж шидэгджээ. Учраа олохгүй айж сандарсан хүмүүсийн дотор анхан шатны тусламж үзүүлсэн эмэгтэй охины амийг аварчээ. Тэрбээр охинд хиймэл амьсгал хийж, зүрхний массаж хийсний дараа охин ухаан орсон гэнэ.

Ил задгай цахилгааны утас ухсан нүх онгорхой траншей зэрэг эрсдэлтэй зүйлсийг бүх тасаг нэгжийн хэмжээнд сайтар шалгаж харж байж янзлуулахгүй бол хойрго ажилдаа хайхрамжгүй ханддаг иргэд албан байгууллагаас шалтгаалсан золгүй ослуудын тоо буурахгүй бололтой. Тиймээс ил задгай, цахилгааны утас гарсан байвал холбогдох газруудад нь хандаж таглуулж, аюулгүй болгуулахыг анхааруулж байна.

Энэ жил 43846 шалгуулагч ЭЕШ өгөхөөр мэдүүлгээ өгсөн билээ. Тэгвэл элсэлтийн ерөнхий шалгалтын дүн, оноо өнөөдөр гарлаа. Хариугаа шалгахыг хүсвэл www.eec.mn хаягаар орж бүртгэлийн дугаар, нууц үгээ ашиглан шалгуулагчийн булангаар нэвтэрч өөрийн дүн оноогоо харж болох юм.

Урьдчилсан байдлаар Дорнод аймаг тэргүүлж, удаах байруудад Өвөрхангай, Увс, Дархан Уул, Баян-Өлгий зэрэг аймгууд оржээ.

“Гамшгийн эрсдэлээс урьдчилан сэргийлснээр тогтвортой хөгжлийг хамгаалах нь” уриан дор зохион байгуулагдах Гамшгийн эрсдэлийг бууруулах Азийн сайд нарын бага хуралд Ази, Номхон далайн бүс нутгийн 50 гаруй улс, орны өндөр дээд хэмжээний төлөөлөгчид оролцож байна. Ази, Номхон далайн бүс нутгийн 49 орны хоёр Шадар сайд, парламентын гурван гишүүн, 15 сайд, 15 дэд сайд зэрэг өндөр дээд хэмжээний оролцогчид оролцох юм.

Орон сууцны тасралтгүй санхүүжилтийн сувгийг нээх олон улсын туршлагаас судлах Азийн Тогтмол Орлоготой Үнэт Цаасны тав дахь удаагийн чуулга уулзалт (AFIS) Улаанбаатар хотноо 2018.07.02-нд болох гэж байна. Дээд хэмжээний энэхүү чуулга уулзалтыг Монголын ипотекийн корпораци (МИК ОССК) нь Барилга, Хот байгуулалтын яам (БХБЯ), Сангийн яам, Санхүүгийн зохицуулах хороотой хамтран зохион байгуулах юм.

МИК ОССК нь 2017 онд Индонезийн Бали аралд болсон Азийн Тогтмол Орлоготой Үнэт Цаасны дөрөв дэх удаагийн чуулганы үеэр уг нэр хүндтэй, дээд хэмжээний чуулга уулзалтыг эх орондоо зохион байгуулах эрх авчээ. Монголын ипотекийн корпораци нь энэхүү арга хэмжээг нийгмийн хариуцлагынхаа хүрээнд Монгол Улсад зохион байгуулах гэж буй бөгөөд орон сууцны санхүүжилтийг шийдэхийн төлөөх МИК-ийн эрэл хайгуулын нэг хэсэг хэмээн тус компанийн гүйцэтгэх захирал Б.Гантулга тодорхойлж байна.

Дэлхийн олон оронд иргэдээ орон сууцжуулах бодлого нь Төр засгийн дэмжлэгтэй урагшилдаг. Харин Монгол Улсад нийгэм, эдийн засгийн өндөр ач холбогдолтой энэ хөтөлбөрийг МИК ОССК хувийн хэвшлийн санаачилга дор, төр засагт аль болох дарамт учруулахгүй шийдэхээр зорьж байна. Ингэснээр орчин цагийн хотжилт, нийгмийн дундаж давхарга бүрэлдэн тогтоход үнэ цэнэтэй хувь нэмрээ оруулж байгаа юм.

Монгол Улсад хэрэгжүүлж буй ипотекийн тогтолцоог ASMMA-ийн гишүүн орнууд өндрөөр үнэлж, үлгэр жишээ санхүүжилтийн систем гэж үзэж байна. Азийн моргейжийн хоёрдогч зах зээлийн холбооны Ерөнхийлөгч Ананта Вигуяа МИК ОССК-ийн үйл ажиллагаатай танилцаж, “Монголд хэрэгжүүлж буй орон сууцны санхүүжилтийн бүтэц нь Төр, хувийн хэвшлийн хамтарсан, оновчтой, банк, санхүүгийн зах зээлийн эрсдэлийг бууруулсан, олон талын оролцоог хангасан” болохыг онцолсон. Мөн “Иргэдээ орон сууцжуулах Төрийн зорилтыг богино хугацаанд үр дүнтэй хэрэгжүүлсэн, шинэ гэр бүл, бага, дунд орлоготой иргэдийг дэмжсэн, чөлөөт зах зээлийн зарчимд нийцсэн систем” гэж тэрбээр дүгнэсэн юм.

2014 онд Монгол, Малайз, Япон, БНСУ, Тайланд, Казахстан, Индонез, Филиппин улс нэгдэж Азийн моргейжийн хоёрдогч зах зээлийн холбоо /ASMMA/-ийг үүсгэн байгуулсан. Энэ холбоо нь моргейжийн зээлийн үнэт цаасны хоёрдогч зах зээлд үйл ажиллагаа явуулдаг байгууллагуудын нэгдэл юм. Тус байгууллага нь гишүүн орныхоо иргэдэд орон сууцны санхүүжилтийн дэмжлэг үзүүлж, хэтдээ амьдралын чанараа дээшлүүлэхэд чиглэсэн орон сууцны санхүүжилтийн зах зээлийг бэхжүүлэх зорилготой. Энэ хүрээнд үзэл санаа, ололт амжилт, шилдэг туршлагаа хуваалцах хамтын талбар, үндэс суурь бүрдүүлэх нь тус байгууллагын эрхэм зорилго юм. Дэлхийн хүн амын багагүй хэсгийг бүрдүүлдэг, хөгжиж буй орнууд голлосон ASMMA-ийн гишүүн улсуудад иргэдээ орон сууцаар хангах асуудал анхаарал татсан хэвээр байна.

Азийн Тогтмол Орлоготой Үнэт Цаасны тав дахь удаагийн чуулга уулзалт (AFIS)-ыг эх орондоо зохион байгуулж буй Монголын ипотекийн корпораци нь 2006 онд байгуулагдсан. Үл хөдлөх хөрөнгөөр баталгаажсан үнэт цаас гарган, дотоод, гадаадын хөрөнгийн зах зээлд борлуулж, ипотекийн анхдагч болон хоёрдогч зах зээлийг хөгжүүлж, Монгол Улсын хүн амыг орон сууцаар хангах, цаашид орчин үеийн хот байгуулалтыг эрчимжүүлэхэд чиглэсэн урт хугацаат санхүүжилтийн тогтолцоог бий болгон төлөвшүүлэх эрхэм зорилго бүхий байгууллага юм. Энэ хүрээнд иргэдээ эрүүл, аюулгүй орчноор хангах төрийн бодлогын үндсэн үүргийг хувийн хэвшлийн хувьд хамтран хэрэгжүүлж, Монгол Улсын хөгжил дэвшил, нийгмийн сайн сайхны төлөө хувь нэмрээ оруулж буй.

Энэхүү чуулга уулзалт нь “Орон сууцны бодлого ба санхүүжилтийн шийдлүүд” сэдвийн дор өрнөж, “Орон сууцны бодлогын сонголтууд”, “Орон сууцны санхүүжилтийн шийдлүүд”, “Азийн хөрөнгийн зах зээл дээрх боломжууд” дэд сэдвүүдээр үргэлжлэх юм. Мөн бүс нутгийн болон олон улсын орон сууцны бодлого, шилдэг туршлагуудыг хуваалцаж, орон сууцны санхүүжилтийн хоёрдогч зах зээлийн үүрэг оролцоо, түүний дэд бүтэц, хууль эрх зүйн орчныг хөндөх ажээ.

НҮБ-ын мандаттай Азийн сайд нарын бага хурал эхэлж буй эдгээр өдөр Монгол Улс олон улсын анхааралын төвд байна. Тэр ч утгаараа Монголыг сонирхож, зорин ирэх өндөр дээд хэмжээний зочид төлөөлөгчдийн цуваа үргэлжилсээр байна. Тэр дундаа Монгол Улсын гардан зохион байгуулж буй Азийн сайд нарын бага хуралд 50 гаруй орны 3000 гаруй төлөөлөгч оролцохоор ирсэн нь манай улсын нэр хүндийг өндөрт өргөж, чуулганы цар хүрээ, үр өгөөжийг илтгэж байна гэж хэлж болно. Мөн Азийн сайд нарын бага хурлыг эх орондоо зохион байгуулах эрх авна гэдэг Монгол Улсын гамшгаас хамгаалах бодлого, эрхзүйн орчин, гамшигтай тэмцэх бодлого шинэчлэл бүс нутагтаа ямар хэмжээнд байгааг хүлээн зөвшөөрч, харуулж буй үнэлгээ гэдгийг онцлох нь зүйтэй.

Өнөөдөр буюу 2018 оны 7 дугаар сарын 02-ны Даваа гарагт хийх засварын хуваарийг танилцуулж байна. Хэрэглэгчид ээ, засвар хийх хугацаанд хэрэглээгээ түр зохицуулна уу.

БАЯНЗҮРХ ДҮҮРЭГ

-09:00-21:00 цагт: 11-р хороо Хонхор орчмоор, 20-р хороо,

НАЛАЙХ ДҮҮРЭГ

-10:00-18:00 цагт: 2-р хороо 16-18, 20-22-р байр, Дулааны станцын контор, Хас банк, Сод-Ирээдүй цэцэрлэг, Татварын алба, Халамж үйлчилгээний хэлтэс.

Төв болон зүүн аймгуудын нутгаар өнөөдөр дуу цахилгаантай усархаг бороо орох тул үер усны аюулаас сэрэмжтэй байхыг Ус цаг уур, орчны хүрээлэнгээс малчид, ард иргэдэд онцгойлон анхааруулж байна.

Маргааш зарим газраар, энэ сарын 04-нд баруун аймгуудын нутаг, төвийн аймгуудын нутгийн баруун хэсгээр, 05-нд баруун болон төвийн аймгуудын нутгийн зарим газар, говийн аймгуудын нутгийн хойд хэсгээр, 06-нд төвийн аймгуудын нутаг, говь болон зүүн аймгуудын нутгийн зарим газраар бороо орно. Дуу цахилгаантай. Борооны өмнө салхи түр зуур ширүүснэ. Алтай, Хангай, Хөвсгөл, Хэнтийн уулархаг нутгаар шөнөдөө 8-13 градус, өдөртөө 19-24 градус, говийн бүс нутгаар шөнөдөө 17-22 градус, өдөртөө 28-33 градус, бусад нутгаар шөнөдөө 13-18 градус, өдөртөө 22-27 градус дулаан байна. 5,6-нд нутгийн хойд хэсгээр бага зэрэг сэрүүснэ.