Хэнтий аймгийн Дадал сумын нутагт энэ сарын 8-ны орой мотоциклтой хүн иргэд рүү бууджээ.
Урьдчилсан мэдээллээр хоёр иргэнийг гөрөөс хэмээн андуурч буудсанаас 28 настай иргэн газар дээрээ нас барж, 32 настай иргэн шархадсан байдалтай байгаа юм байна.
Хэргийг Хэнтий аймгийн цагдаагийн газар ажлын хэсэг гаргаж, буудсан гэх этгээдийг саатуулан шалгаж байгааг Цагдаагийн ерөнхий газраас мэдээллээ.
Элчин сайд Ц.Жамбалдорж Ватиканы Нууц Архивын Гүйцэтгэх захирал, Хамба лам Сержио Пагано-тай энэ 7 дугаар сарын 4-ний өдөр албан өрөөнд нь уулзаж ярилцав. Ватиканы Нууц Архивт ХШ зууны үеэс буюу Их Монгол Улс байгуулагдсан цагаас дэлхий дахинтай, ялангуяа Ромын Пап лам нартай харилцаж ирсэн түүхэн захидал, баримт материал цөөнгүй тоогоор хадгалагдаж байх ёстой хэмээн манай эрдэмтэн судлаачид үздэгийг дурдаад, өнөөгийн байдлаар Монголын Их хаан Гүегээс Ромын Пап IY Инносент-д 1246 онд илгээсэн захидлын хувийг л Ватиканы талаас манайд хүлээлгэн өгсөнийг тэмдэглэж, тус архивт хадгалагдаж буй түүхэн материалуудтай танилцах, хувийг авах боломж олгохыг Элчин сайд хүслээ.
Монгол Улс латин, перс хэл бүхий 1-2 эрдэмтэн судлаачаа Ватиканы Нууц Архивт цөөн сараар ажиллуулж, судалгаа хийлгэх эрмэлзэлтэй байдаг ч зардал мөнгөний асуудлаас өнөөдрийг хүртэл арга хэмжээ авч чадахгүй явж ирснийг дурдахад, манай эрдэмтдийг судалгаа хийлгэх боломжтойг Гүйцэтгэх захирал Сержио Пагано илэрхийлэв.
Ватиканы Нууц Архивын Гүйцэтгэх захирал Сержио Пагано Ромын Папууд Монголын Эзэнт Гүрэнтэй харилцаж ирсэн 7 түүхэн материалуудын нэрсийг Элчин сайд Ц.Жамбалдоржид танилцуулж, улмаар монгол хэл дээр худам монгол бичгээр бичигдсэн хамгийн эртний баримт бичиг болох Ил хаант улсын Ил-хан Абага-гийн захидлын эх хувийг үзүүлэв.
Тулгар төрийн 2227, Их Монгол улс байгуулагдсаны 812, Ардын хувьсгалын 97 жилийн ойн баяр наадамд хүч үзэх 512 бөхийн бүртгэл өнөөдөр, маргааш явагдана.
МҮБХ-ны маргааны улмаас Бөхийн өргөөг битүүмжилсэн учир Спортын төв ордонд бүртгэхээр болжээ.
Бөхчүүдийг баяр наадмын бөхийн салбар хороо бүртгэх аж. Улсын наадамд барилдах бөхчүүд өөрийн биеэр ирж бүртгүүлэх юм байна.
Үндэсний их баяр наадмын хүүхдийн барилдаанд 128 бөх барилдах бөгөөд мөн өнөөдөр, маргааш Хүүхдийн ордонд бүртгэнэ.
Улсын баяр наадмаар давхардаагүй тоогоор 5000-6000 хүүхэд морь унаж уралддаг байна. Энэ жилийн Улсын их баяр наадмаар хурдан морь унаж уралдах хүүхдийн бүртгэл Хүй долоо худагт эхэлжээ. Энэ жилийн Үндэсний их баяр наадам болон 21 аймгийн баяр наадмаар уралдаанч хүүхдийн хурууны хээн цахим бүртгэлийг хэрэгжүүлэх болсон. Ийнхүү бүртгэлжүүлж цахим карт олгох бөгөөд унаач хүүхэд тухайн картаар өөрийгөө нотолж, уралдаанд оролцох боломж бүрдэх аж.
Мөн унаач хүүхэд зайлшгүй даатгалтай байх ёстой гэдгийг Гэр бүл хүүхэд залуучуудын хөгжлийн газрын Хууль эрх зүй, хамтын ажиллагааны газрын дарга А.Энхбаатар хэлсэн. Мөн унаач хүүхдээс эцэг эхийн зөвшөөрлийг зайлшгүй бичгээр шаардах юм байна. Эцэг, эх асран хамгаалагчын зөвшөөрөлгүй хүүхдийг уралдаанд оролцуулахгүй аж.
Уралдаанч хүүхдийг бүртгүүлэхдээ:
1.Уяачийн иргэний үнэмлэх
2.Уралдаанч хүүхдийн төрсний гэрчилгээ
3.Гэнэтийн ослын даатгалд даатгуулсан баримт
4.Эрүүл мэндийн даатгалын дэвтэр
5. Эцэг эхийн зөвшөөрлийн бичиг
6. Уяач, уралдаанч хүүхэд өөрсдийн биеэр ирэх
Тулгар төр байгуулагдсаны 2227 жил, Их монгол улс байгуулагдсаны 812, Ардын хувьсгалын 97 жилийн ойн Үндэсний их баяр наадмын Буриад сурын харваанд нийт 160 харваач оролцож онч мэргэнээ сорилоо.
Буриад сурын харвааны дүнг танилцуулж байна.
Эрэгтэйчүүд:
Эмэгтэйчүүд:
Спортын мастер болзол хангасан харваачид:
Спортын дэд мастерын болзол хангасан:
Өмнөговьчууд Бүтээн байгуулалтын жилд ДАХИН ТӨЛӨВЛӨЛТ хийж Даланзадгад сумын 3-р багийн нутаг дэвсгэрт 2дугаар орон сууцыг буулгаж, шинээр барьж байна. 9 давхар, үйлчилгээний газартай, 45 айлын орон сууц 2019 онд ашиглалтад орно.
МҮБХ-ныхон Шадар сайд Ө.Энхтүвшинд шаардлага хүргүүллээ. Учир нь Үндэсний их баяр наадмын комисс өнгөрсөн долоо хоногт хуралдаж, 2018 оны Үндэсний их баяр наадмын бөхийн барилдаанд сэтгүүлчдийг Төв цэнгэлдэх хүрээлэнгийн бөхчүүдийн оноолт хийж, ам авдаг газар нэвтрүүлэхгүй байх шийдвэр гаргасан байна. Нэвтрүүлэхгүй шийдвэр гаргасан учир нь Дархан аварга Б.Бат-Эрдэнийн шавь, улсын арслан Э.Оюунболд 2017 оны Улсын наадмын бөхийн барилдааны тавын даваанд ам авахдаа гурван хуруу /гурван зуун сая/ гарган унаж өгөх тохиролцоо хийж, тэр бичлэг нь олон нийтэд ил болж, үндэсний бөхийн нэр хүндийг унагаасан гэж үзэж дахин ийм зүйл телевизээр гаргахгүйн тулд оноолт хийх, ам авах газарт цагдаагийн хүчийг ашиглан нэг ч сэтгүүлч, зураглаач оруулахгүй байх үүргийг ЦЕГ, бөхийн барилдаан зохион байгуулах хорооны гишүүдэд өгсөн хэмээн шаардлагадаа дурджээ.
Иймд МҮБХ-ноос монголын ард түмэн, бөх сонирхогчид, наадамчин олон шударга, допинггүй, найраагүй наадам үзэх эрхтэй. Хэвлэл мэдээллийн хэрэгсэл бол баяр наадмыг шударга болгох хөндлөнгийн хяналт юм Тиймээс оноолт хийж, ам авдаг газар сэтгүүлчдийг нэвтрүүлэх, саад хийхгүй байх, цагдаагийн хүчээр хөөхгүй байх, наадмыг сурвалжилж байгаа сэтгүүлч нарыг хөөж, эрхэнд нь халдахгүй байх шаардлагыг Ө.Энхтүвшинд хүргүүлсэн байна.
Мөн Монгол Үндэсний Бөхийн хөлийн цэц гэх хүмүүс нь сүүлийн жилүүдэд хээл хахууль авч илт буруу шүүлт хийх тохиолдол гаргасан. Тиймээс МҮБХ дүрмэндээ өөрчлөлт оруулж, Үндэсний Их Баяр Наадмын бөхийн барилдаанд маргаан гарсан тохиолдолд хөлийн цэц бус камерын бичлэгээр шүүхээр болсоноо энэхүү бичгээр мэдэгдэж байна гэжээ.
Шаардлагыг бүрэн эхээр нь хүргэж байна.
Дэлхийн бөхийн нэгдсэн холбоо (UWW)-ны календарт багтдаг Чөлөөт бөхийн “Канадын цом” олон улсын тэмцээн долдугаар сарын 7-нд Канадын Онтарио мужийн Гуэльф хотод боллоо.
Тэрбээр Канад, АНУ-ын бөхийг ялж, алтан медалийн төлөөх барилдаанд АНУ-ын Брэндон Соренсенд ялагдсан байна.
Дашрамд дуулгахад, С.Ганбаяр өнгөрсөн тавдугаар сарын сүүлээр Италид болсон Сассаригийн ОУТ-д ганцаараа хүчээ сорин түрүүлж алтан медаль хүртсэн юм.
Засгийн газрын ээлжит хуралдаан өнөөдөр 10.00 цагт эхэлж, 15 асуудал хэлэлцэж байна.
Хуралдаанаар хэлэлцэх асуудлын жагсаалтад Х.Болорчулуун гишүүний боловсруулсан Газрын тосны тухай хуульд өөрчлөлт оруулах тухай хуулийн төсөл болон Н.Учрал гишүүний боловсруулсан Мэргэжлийн нэгдсэн холбооны эрх зүйн байдлын тухай хуулийн төсөлд өгөх Засгийн газрын санал, дүгнэлт багтжээ.
Мөн Тавантолгой-Гашуунсухайт чиглэлийн төмөр замын төслийг эрчимжүүлэх тухай, Монгол Улсын нутаг дэвсгэрт оношлогдсон мал, амьтны гоц халдварт, халдварт өвчний жагсаалт батлах тухай, Гадаад харилцааны сайдын айлчлалын дүнгийн талаар хэлэлцэх аж. Мөн Концессын гэрээгээр хэрэгжүүлэх авто замын төслүүдэд хяналт тавих талаар, Шивээхүрэн-Сэхэ боомтын төмөр замын талаар ЗТХ-ийн сайдын мэдээллийг сонсохоор төлөвлөсөн байна.
Хоёр сарын турш үзэгчидтэй ням гариг бүрт болзоо тогтоон цэнхэр дэлгэцээр уулздаг байсан “Яг түүн шиг-3” шоу өнөөдөр өндөрлөн шилдэг оролцогчооо тодрууллаа. 10 дугаарын турш үзэгчдийг дэлхийн болоод Mонголын ододтой уулзуулан өөрийгөө өөр өөр өнцгөөс тольдох боломжийг олгосон оролцогч Б.Нацагдорж сүүлийн дугаарт шилдгийн шилдгээр тодорч Гранпри шагналын эзэн болж 20 сая төгрөг гардан авлаа.
Финалын дугаарт шүүгч, оролцогч, үзэгчдийн мессэж саналын нийлбэр 53 оноогоор хөгжмийн зохиолч, хөгжмийн найруулагч, дуучин Б.Нацагдорж яллаа. Тэрээр “Та бүхэндээ маш их баярлалаа. Наки нь микрофон авахаар маш их сандардаг. Ийм гайхалтай шоунд ийм мундаг хүмүүстэй оролцсондоо баярлалаа. Өнөөдөр миний хувьд Тэмка ялагч байсан шүү. Та нараасаа маш их урам авлаа. Шүүгч нартаа баярлалаа. Цэнхэр дэлгэцээр үзэж суугаа танд баярлалаа. Надад урам өгч бүх зүйлээр тусалж байсан арын албаныхан, бүжигчид, зураглаач, сэтгүүлчид, бүгдэд нь маш их баярлалаа” хэмээн сэтгэгдлээ хуваалцлаа.
Эргэн сануулахад “Яг түүн шиг” шоуны анхны улирлын ялагчаар дуучин П.Баярцэнгэл тодорч байсан бол “Яг түүн шиг-2” шоуны шилдгээр жүжигчин Т.Бархүү шалгарч байсан билээ.
Ийнхүү үзэгчдийг хоёр сарын турш “Боловсрол” телевиз дээр сувгаа тааруулан дэлхийн болон Монголын ододтой болзуулж урлагаар амьсгалуулдаг байсан “Яг түүн шиг-3” шоу өндөрлөлөө.
Хамтдаа хоёр сарын турш оролцогч бүрийг дэмжин урам хайрлаж байсан үзэгчдэдээ баярлалаа.
