Month: July 2018

Баяр наадмын өдрүүдэд нийтийн зорчигч тээврийн үйлчилгээ дараах байдлаар зохион байгуулахаар төлөвлөөд байна. Үүнд:

1. Баярын өдрүүдэд нийтийн тээврийн үйлчилгээнд үндсэн /хотын доторх болон хот орчмын/ 89 чиглэлд их багтаамжийн 612, туслах 4 чиглэлд бага багтаамжийн 11, зуслангийн 3 чиглэлд 5, шөнийн тээврийн үйлчилгээний 3 чиглэлд 10 автобус нийт 638 автобус үйлчилгээнд ажиллана.

1. 7 сарын 11,12-ны өдрүүдэд Төв цэнгэлдэх хүрээлэн орох наадамчдад зориулж “Мишээл экспо төв” хүртэл нийт 13 чиглэлийн 101 автобус, “Дүнжингарав худалдааны төв” хүртэл 24 чиглэлийн 176 автобус үйлчилнэ.
2. “Мишээл экспо төв” болон “Дүнжингарав худалдааны төв”-өөс “Төв цэнгэлдэх хүрээлэн” хүртэл 20 автобус 3 минут тутам, Рейлбусын зогсоол буюу “Урбанек”-ын урд талын “Дундгол”-ын зогсоолоос Төв цэнгэлдэх хүрээлэн” хүртэл 3 автобус 10 минут тутамд, Хүй 7 худгийн Рейлбусны зогсоол буюу “Давааны зөрлөг”-өөс Морь барианы газар хүртэл 5 автобус 4 минут тутамд тус тус богино эргэлтээр наадамчдад үнэ төлбөргүй үйлчилнэ.

№	Чиглэл	Тээврийн хэрэгслийн тоо	Хүлээлгийн хугацаа
1	“Давааны зөрлөг-Хүй 7 худаг”	5	4 мин
2	“Дунд гол-Төв цэнгэлдэх хүрээлэн”	3	10 мин
3	“Дүнжингарав худалдааны төв-Төв цэнгэлдэх хүрээлэн-Мишээл экспо”	20	3мин

1. 7-р сарын 11,12-ны өдрүүдэд Гандийн гудамжны автобусны зогсоолоос,7 сарын 13-ны өдөр хотын төв буюу “МУБИС”-ийн баруун тал буюу “Улаанбаатар зочид буудал”-ын автобусны зогсоолоос 08:00 цагаас 20 их багтаамжийн автобус 10 минут тутамд “Хүй 7 худаг” хүртэл 1000 төгрөгийн тарифаар үйлчилнэ.
2. “Төв цэнгэлдэх хүрээлэн” орчмын 3 түр зогсоолоос таксийн үйлчилгээг Нийслэлийн тээврийн газартай гэрээтэй ажилладаг 10 аж ахуйн нэгжийн 569 такси иргэдэд хүргэнэ. Үүнд: “Төв цэнгэлдэх хүрээлэн”-гийн урд тал: Нийслэлийн гудамж, Хурд хорооллын урд зогсоол “Төв цэнгэлдэх хүрээлэн”-гийн хойд тал: Махатма Гандийн гудамж, ХАҮТанхимын арын зогсоол; 3. “Төв цэнгэлдэх хүрээлэн”-гийн баруун тал: Чингисийн өргөн чөлөө , KH apartment баруун талын зогсоол.
3. Баяр наадмын өдрүүд буюу 7-р сарын 10, 11, 12, 13-ны өдрүүдэд “Амгалан”-гаас “Давааны өртөө” хүртэл Рейлбус 1500 төгрөгийн тарифаар үйлчилнэ.

Рейлбусын үйлчлэх цагийн хуваарь

7 дугаар сарын 11, 12-ны өдрүүдэд нийтийн зорчигч тээврийн үйлчилгээний богино эргэлтээр явах тээврийн хэрэгслийн зөвшөөрөл

Дүнжингарав – Төв цэнгэлдэх – Мишээл экспо төв, Дунд гол – Төв цэнгэлдэх хүрээлэн чиглэлийн үйлчилгээнд ажиллах нийтийн тээврийн хэрэгсэлд олгох зөвшөөрөл БОР өнгөтэй байна.

7 дугаар сарын 11, 12-ны өдрүүдэд Чингисийн өргөн чөлөө, Гандийн гудамж, Нийслэлийн гудамжаар үйлчлэх нийтийн тээврийн хэрэгслийн зөвшөөрөл

Баярын өдрүүдэд Чингисийн өргөн чөлөө, Гандийн гудамж, Нийслэлийн гудамжийг дайран өнгөрөх нийтийн тээврийн хэрэгсэлд олгох зөвшөөрөл УЛААН өнгөтэй байна.

7 дугаар сарын 11, 12-ны өдрүүдэд нийтийн зорчигч тээврийн үйлчилгээнд ажиллах тээврийн хэрэгслийн зөвшөөрөл

Дүнжингарав худалдааны төв орох нийтийн тээврийн хэрэгсэлд олгох зөвшөөрөл НОГООН өнгөтэй байна.

Хүй 7 худагт 7 дугаар сарын 10, 11, 12, 13-ны өдрүүдэд нийтийн зорчигч тээврийн үйлчилгээнд ажиллах тээврийн хэрэгслийн зөвшөөрөл

Хүй 7 худаг чиглэлийн богино эргэлтийн үйлчилгээнд ажиллах нийтийн тээврийн хэрэгсэлд олгох зөвшөөрөл ХӨХ өнгөтэй байна.

7 дугаар сарын 11, 12-ны өдрүүдэд Төв цэнгэлдэх хүрээлэнд такси үйлчилгээнд ажиллах тээврийн хэрэгслийн зөвшөөрөл

Таксийн үйлчилгээнд ажиллах тээврийн хэрэгсэлд олгох зөвшөөрөл ШАР өнгөтэй байна.

Иймд иргэд та бүхэн дээрх зураглалын дагуу зорчилтоо төлөвлөнө үү.

Үйлчилгээтэй холбоотой санал хүсэлтийг 70044040 болон 11323176 дугаарын утсаар 24 цагийн турш хүлээн авах болногэж нийслэлийн Тээврийн газраас мэдээллээ.

Цагдаагийн ерөнхий газрын дэд дарга бөгөөд Нийслэлийн цагдаагийн газрын дарга, цагдаагийн хурандаа Д.Ядамдорж өнгөрсөн 14 хоногт гарсан гэмт хэргийн дуудлага мэдээллийн талаар мэдээлэл өглөө.

НИТХ-ын Тэргүүлэгчид өнөөдөр хуралдаж, хэлэлцэх асуудлын жагсаалтын эхэнд эрэмблэгдсэн “Иргэдийн амьдрах орчны аюулгүй байдлыг хангах чиглэлээр авах зарим арга хэмжээ”-ний асуудлаар хэлэлцлээ. Хуралдаанд гэмт хэргээс урьдчилан сэргийлэх ажлыг зохицуулах зөвлөлийн гишүүд, холбогдох албан тушаалтнууд, нийслэлийн харъяа газар, агентлагийн удирдлагууд оролцов. НЦГ, НОБГ, НМХГ, НХГБХГ-ын төлөөлөл цаг үеийн байдлаар мэдээлэл хийж сүүлийн хагас жилийн хугацаанд хүүхдүүдэд тохиолдсон гэнэтийн эрсдэлүүд болон хүүхдийн аюулгүй орчны талаарх өнгөрсөн жилийн мөн үетэй харьцуулсан судалгаа зэргийг танилцууллаа. Мэдээлэлтэй холбогдуулж Тэргүүлэгчид асуулт асууж, санал хэлэв.

НИТХ-ын дарга С.Амарсайхан: Наадам болдгоороо болно, баяр гээд хариуцсан ажлаа эзэнгүйдүүлж орхиж болохгүй, харин ч сонор сэрэмжээ өндөржүүлж ажиллах ёстой гэдгийг холбогдох байгуулагуудад санууллаа. Өнөөдөр бид энд баяр наадмын тухай ярих биш, ажил, хариуцлага, сахилга бат, сэрэмжийн тухай ярихаар цуглаад байна. Төрийн байгууллагуудын үүрэг бол иргэдээ эрүүл аюулгүй орчинд амьдрах боломжийг олгох явдал. Харамсалтай нь бид энэ зорилгоо бүрэн дүүрэн хэрэгжүүлж чадахгүй байна. Иргэдийн “Амьдрах орчны аюулгүй байдал”-ыг хангах асуудлаар Нийслэлийн бүх шатны байгууллага, агентлаг, газрууд хяналт шалгалт явуулж, хүүхэд багачууд болон иргэдийн эрүүл мэнд, амь насанд сөрөг нөлөө үзүүлэхүйц бүх нөхцлийг арилгаж ажиллах үүргийг өгч байна. Ажил аргацаасан, гацаасан, өдөр хоногийг үр дүнгүй өнгөрүүлсэн, элдэв шалтаг тоочиж ажлаас хойш суусан ажилтан, албан тушгаалтнуудтай дарга цэрэг гэхгүй хариуцлага ярихаас өөр аргагүй гэдгийг хатуу сануулъя гэв.

Мөн сар бүрийн есний өдрийг “Иргэдийн амьдрах орчны аюулгүй байдлын өдөр” болгон зарлаж иргэдийг аливаа эрсдэлд оруулж болохуйц бүхий л нөхцлийг арилгах чиглэлийн ажлыг шат дараатай хэрэгжүүлэх үүргийг төрийн байгууллага, төрийн бус байгууллага, хувийн хэвшлийн аж ахуйн нэгжүүдэд хандан гаргасан бол хэвлэл мэдээллийн байгуулагуудад хандан хүүхэд багачууд, иргэдийн эрүүл мэнд, амь насанд аюул учруулж болзошгүй нөхцлөөс урьдчилсан сэргийлэх чиглэлээр нийгмийн хариуцлагаа урамсарлан ажиллахыг уриаллаа.Түүнчлэн ажлын хариуцлага алдсан албан тушаалтнуудтай хариуцлага тооцохыг Нийслэлийн засаг даргад даалгав.

Тогтоол шийдвэр гаргаад орхихгүй сар бүрийн есний өдрийг эрүүл мэнд, амьдрах орчны аюулгүй байдлаа өндөржүүлэх өдөр болгон зарласнаар нийслэл даяар нийтийн аюулгүй байдлын арга хэмжээнүүдийг албан ёсоор авч хэрэгжүүлдэг болох ач холбогдолтой юм. Албан байгууллага, аж ахуйн нэгж, иргэд оршин суугчид хэн нэгэнд амьдралаа даатгаад орхидог биш, хэн нэгэн хийх ёстой гээд шат, шатандаа хэнэггүй хайнга байдлаасаа болоод өөрөө өөрсдийгөө эрсдэлд оруулдаг асуудлыг цэгцлэх хүрээнд энэ ажлыг зохион байгуулж байгаа юм.

Өнгөрсөн хугацаанд НИТХ-ын Тэргүүлэгч, төлөөлөгчид “Нийслэлийн стандарт”-ыг бий болгох асуудлыг хэрэгжүүлэхээр ажиллаж байгаа. Энэ ажлыг бодьтойгоор хэрэгжүүлэх том алхамыг хийх ёстой. Тиймээс сар бүрийн нэг өдрийг аюулгүй байдлын өдөр болгосноор нийслэлээс журам гаргаж нийслэлийн нутаг дэвсгэрт үйл ажиллагаа явуулж байгаа бүх байгууллагууд өмчийн хэлбэр харгалзахгүйгээр төр захиргааны байгууллага, хувийн хэвшил, иргэн, айл өрх бүгд дагаж мөрддөг байх шаардлагатай юм.

Ингэж иргэдийн амьдрах орчины аюулгүй байдлын асуудлыг хянадаг, шалгадаг, зохицуулдаг тогтмол ажиллагааг зохион байгуулснаар Нийслэлчүүдийн аюулгүй байдлыг хангаж ажиллахгүй бол энэ байдал хэзээ ч засрахгүй гэж НИТХ-ын дарга онцоллоо.

Монгол Улсын Улаанбаатар хотноо энэ сарын 3-6-нд амжилттай зохион байгуулагдсан Азийн сайд нарын хоёрдугаар бага хурлын үеэр идэвх зүтгэлтэй ажилласан Монголын Улаан загалмайн нийгэмлэгийн 250сайн дурынханд Монгол Улсын Засгийн газарболон НҮБ-ын Гамшгийн эрсдэлийг бууруулах газар, МУЗН-ээс өнөөдөр тусгайлан талархал илэрхийлэв.

Азийн сайд нарын бага хуралд гадаадын 2000 гаруй төлөөлөгч хүрэлцэн ирж оролцсон бөгөөд тэднийг “Буянт-Ухаа” нисэх буудалд газардахад нь угтан авахаас эхлээд хурлын үйл ажиллагаанд оролцох үеэр туслалцаа үзүүлэх, буцахад нь үдэж мордуулах гээд Монгол Улсад байх бүхий л хугацаанд хэлмэрчлэх, газарчлах болон бусад ажил хэрэгч үйлчилгээг түргэн шуурхай үзүүлэхэд сайн дурын ажилтнууд буюу Монголын их, дээд сургуулийн оюутнуудын гүйцэтгэсэн үүрэг маш их байсныг Шадар сайд Ө.Энхтүвшин онцлон тэмдэглэж, Монгол Улсын Засгийн газрын нэрийн өмнөөс болон хувиасаа баяр хүргэн талархал дэвшүүлсэн билээ.

Уг ёслол Төрийн ордны Их танхимд болж, Шадар сайдын Ажлын албаны дарга Л.Саянаа, МУЗН-ийн ерөнхий нарийн бичгийн дарга Н.Болормаа, Онцгой байдлын ерөнхий газрын тэргүүн дэд дарга, бригадын генерал Г.Ариунбуян нар Шадар сайд Ө.Энхтүвшин, НҮБ-ын Ерөнхий нарийн бичгийн даргын Гамшгийн эрсдэлийг бууруулах асуудлаарх Тусгай элч Мами Мизүтори, МУЗН-ийн ерөнхий нарийн бичгийн дарга Н.Болормаа нарын гарын үсэг бүхий Талархлын бичгийг хүндэтгэлтэйгээр гардууллаа гэж Шадар сайдын Ажлын албанаас мэдээлэв.

Монгол Улсын тулгар төрийн 2227, Их Монгол Улс байгуулагдсаны 812, Ардын хувьсгалын 97 жилийн ой, Үндэсний их баяр наадмыг тэмдэглэн өнгөрүүлэхтэй холбогдуулан Онцгой байдлын байгууллагын хэмжээнд 2018 оны долдугаар сарын 10-ны өдрийн 09:00 цагаас долдугаар сарын 16-ны өдрийн 09:00 цаг хүртэлх хугацаанд өндөржүүлсэн бэлэн байдлын зэрэгт шилжлээ. Албаны өндөржүүлсэн бэлэн байдлын зэрэгт шилжүүлсэнтэй холбогдуулан Онцгой байдлын ерөнхий газрын даргаас ажлын хариуцлага, сахилга, ёс зүйн хэм хэмжээг чанд сахин, бэлтгэл бэлэн байдлаа хангаж ажиллахыг төв, орон нутгийн анги, байгууллагын дарга, захирагч нарт үүрэг болгоод байна.

Үүнд:

-Өндөржүүлсэн бэлэн байдлын зэрэгт шилжсэн үед үүрэг гүйцэтгэх хариуцлагатай эргүүл, жижүүрийн бүрэлдэхүүнийг томилж, бэлтгэл бэлэн байдлыг хангах;

-Онцгой байдлын ерөнхий газрын даргын тушаалаар томилогдсон ерөнхий эргүүл нь төв, орон нутгийн Онцгой байдлын байгууллагын үйл ажиллагаанд хяналт тавьж, удирдлага зохицуулалтаар хангах;

-Төв, орон нутгийн Онцгой байдлын байгууллагын хариуцлагатай эргүүл, жижүүрийн бүрэлдэхүүн нь Онцгой байдлын ерөнхий газрын ерөнхий эргүүл, шуурхай удирдлагын ерөнхий зохицуулагчтай холбоотой ажиллах;

-Баяр, амралтын өдрүүдэд шуурхай албаны болон аврах, гал унтраах автомашин, техник, тоног төхөөрөмжийн бэлэн байдлыг хангаж шатахууны дүүргэлтийг 80 хувиас доошгүй байлгах;

-Алба хаагчид нь төв, орон нутгаас гадагш гарах тохиолдолд шууд захирах дарга /захирагч/-аас зөвшөөрөл авч явсан, ирсэн тухайгаа дарга /захирагч/-д биеэр илтгэж мэдэгдэх;

-Гамшиг, аюулт үзэгдэл, осол гарсан тохиолдолд хариуцсан дарга нар үүрэг гүйцэтгэлд хяналт тавьж, мэргэжил, арга зүйн удирдлагаар хангаж, Онцгой байдлын ерөнхий газрын удирдлага, ерөнхий эргүүлд тухай бүр танилцуулж байх;

-Аймаг, нийслэлийн гамшгаас хамгаалах албад, мэргэжлийн ангийн бэлэн байдлыг хангуулж, гамшгаас хамгаалах төлөвлөгөөг тодотгох, албад, мэргэжлийн ангийн томилгоот албан тушаалтныг үүрэг чиглэлээр хангах, гамшгийн нөхцөл байдал үүссэн үед хариу арга хэмжээг газрын дарга нар шуурхай зохион байгуулж удирдлагаар хангах;

– Болзошгүй гамшиг, аюулт үзэгдэл, ослоос урьдчилан сэргийлэх, сэрэмжлүүлэх мэдээ, мэдээллийг төв, орон нутгийн хэвлэл мэдээллийн бүх хэрэгслийг ашиглан шуурхай хүргэх;

-Баяр, амралтын өдрүүдэд хүн ам олноор цугларах худалдаа, үзвэр үйлчилгээний газруудад гамшгаас хамгаалах болон гал түймрийн аюулаас урьдчилан сэргийлэх хяналт шалгалтыг зохион байгуулах;

-Үер, усны аюул, ослоос урьдчилан сэргийлэх арга хэмжээг эрчимжүүлж, аялал зугаалгаар явж байгаа иргэдэд санамж, сэрэмжлүүлэг, зөвлөмж тараах, гол, мөрний эрсдэлтэй газруудад тэмдэг, тэмдэглэгээ, хамгаалалт тавих, цагдаагийн байгууллагатай хамтран завьт болон хөдөлгөөнт эргүүл ажиллуулах;

– Ой, хээрийн түймрээс урьдчилан сэргийлж эрсдэлтэй газруудад аялал зугаалгыг түр хугацаагаар хязгаарлах, хяналтын цэг, хөдөлгөөнт болон морин эргүүлийг холбогдох байгууллагуудтай хамтран зохион байгуулж явуулах зэрэг үүрэг чиглэл өглөө гэж Онцгой байдлын ерөнхий газраас мэдээллээ.

Өнөөдрийн байдлаар улсын хэмжээнд галзуу өвчний сэжигтэй зэрлэг амьтдад 77 хүн уруулж хазуулж, вакцин, ийлдэс эмчилгээнд хамрагдсан байна. Өчигдөр Өмнөговь аймгийн Баяндалай сум, Даланзадгад сумдад хоёр хүн галзуу чоно, мануулд уруулж хазуулсан ба одоо галзуу өвчний эсрэг эмчилгээнд хамрагдаж байна.

Иймд та бүхэнд галзуу өвчний эрсдэлийн талаар цуврал танилцуулга хүргэж байна.

Баяр наадмын өдрүүдэд банкуудын салбар нэгжийн ажиллах цагийн хуваарь, байршлыг танилцуулж байна.

Худалдаа хөгжлийн банк

Долдугаар сарын 11-14-ны хооронд бүх салбар амарна. Харин долдугаар сарын 15-ны өдөр Тэнгэр плаза, Картын үйлчилгээний төв, Энхтайван, Чингэлтэй, Гурвалжин салбарууд тус тус 10:00-16:30 цагын хооронд ажиллана.

Голомт банк

Хаан банк

Хас банк

Ардын хувьсгалын 97 жилийн ойг тохиолдуулан Үндэсний цэцэрлэгт хүрээлэн дэх “Цагдаа” цогцолборт цагдаа, дотоодын цэргийн алба хаагчдад цол, шагнал гардуулах ёслол өнөөдөр боллоо.

ЦЕГ-ын Хүний нөөцийн дарга, хурандаа Н.Баясгалан “Төрийн одон, Хууль зүй дотоод хэргийн яамны шагналаар шагнагдсан алба хаагчдын шагнал гардуулах ёслол боллоо. Цагдаагийн алба хаагчдад жил бүрийн долдугаар сард хугацааны цолыг олгодог. Энэ уламжлалаар цагдаагийн дэслэгч цолоор шагнуулж офицерын бүрэлдэхүүнд орж байгаа алба хаагчид цолоо гардан авлаа. Мөн хугацааны ээлжит цолоо авч буй албан хаагчдад цол гардууллаа. Нийт цагдаагийн дэслэгч цолоор 397, хурандаа цолоор найман албан хаагч шагнууллаа. Мөн шинэ хошууч, ахлах дэслэгч, ахлагч, ахмад цолтнууд төрлөө. Түүнчлэн нутаг дэвсгэр хариуцсан цагдаагийн албан хаагчдад тухайн орон нутагт цол, шагнал гардуулах ёслол болж байгаа” гэв.

Хугацааны цолоо гардан авч буй Дотоодын цэргийн 805-р ангийн эргүүлийн офицер, харуулын дарга З.Бат-Эрдэнэ: Цагдаагийн байгууллагад 15 жил ажиллаж байна. Урьд нь 2005 онд академи төгсөж дэслэгч цол авч байсан. Өнөөдөр цолоо ахиулж байгаадаа баяртай байна. Хүрэлцэн ирсэн гэр бүлийнхэндээ баярлалаа.

Цагдаагийн албан хаагчийн эхнэр Б.Одонжаргал: Манай нөхөр тусгай ажиллагааны газарт 10 дахь жилдээ ажиллаж байна. Өнөөдөр хошууч цол авч байгаад маш их баяртай байна. Төрийн албыг нэр хүндтэй хашиж байгаад нь нөхрөөрөө маш их бахархдаг.

ЦЕГ-ын хяналт шалгалт, үнэлгээ, дотоодын аудитын хэлтсийн ахлах байцаагч дэд хурандаа Т.Цэрмаа “Цагдаагийн байгууллагад 17 дахь жилдээ ажиллаж байна. Цэргийн хүндэт медалиар шагнуулж байгаадаа баяртай байна. Нийт цагдаагийн бие бүрэлдэхүүндээ эрүүл энх, сайн сайхныг хүсэн ерөөе” гэв.

Э.ЯНЖМАА