Month: May 2018

Төрийн банкнаас хүүхдийн эрхийг хамгаалах өдрийг тохиолдуулан “Аз жаргалын өдөр” хүүхдийн баярын өдөрлөгийг 6 дах жилдээ зохион байгуулж байна. Энэхүү өдөрлөгөөр дамжуулан бидний ирээдүй болсон хүүхэд багачууд, бяцхан харилцагчиддаа урам зориг, хүсэл мөрөөдөл өгөх зорилготойгоор 2018 оны 5-р сарын 31-ний өдрийн 11:00-14:00-д БЗД-ийн 23-р хорооны Улиастайн эцсийн буудлын ЕБС-ийн 87 дугаар гадаа талбайд, 14:00-16:00-д Гачуурт тосгоны “Монгол шилтгээн” цогцолборт, 2018 оны 6-р сарын 1-ний өдрийн 10:00-16:30-д Сүхбаатарын талбайд тус тус зохион байгуулна.

• Пороро болон түүний нөхөд
• Хөгжөөнт тоглоом
• Шилдэг хүүхэд шалгаруулах;
• Урлаг соёлын одод ая дууны мэндчилгээ
• Азын сугалаа

• 10:00-16:00 цагт Хүүхдийн хадгаламж нээсэн хүүхэд бүр азын сугалаа, зайрмагтай
• 10,000₮-өөс дээш дүнтэй Хүүхдийн хадгаламж нээсэн хүүхэд бүр оролцоно)
• 12:00 цагаас Шатрын тэмцээн /Бүртгэл 11:00 эхэлнэ/

• 15:00 цагаас Пороро ба түүний нөхөд
• 15:30 цагаас Little Pony, Өндөр хөлт АЛИАЛАГЧ, Хөгжөөнт тоглоом
• 16:00 цагаас Азын сугалаа /500,000₮-ийн 3 азтан, 300,000₮-ийн 3 азтан 100,000₮-ийн 3 азтан/
• Дуучин Энжи, Акробат үзүүлбэр, Эрвээхий охид, Амьд хөгжмийн хамтлаг оролцоно)

Нийслэлд энэ онд хийгдэх бүтээн байгуулалтын ажлын хүрээнд нийслэлийн Газрын албанаас 96 байршилд 1841 нэгж талбарын 220га газарт газар чөлөөлөлтийн ажлыг хийнэ. Өнөөдрийн байдлаар нийт 1841 нэгж талбарын 63 хувийг бүрэн чөлөөлсөн бөгөөд үлдсэн нэгж талбаруудад иргэдтэй зөвшилцөх ажил хийгдэж байна. Үүнд:

·Сэлбэ болон Баянхошуу дэд төвийн нөлөөлөлд 807 нэгж талбар

·Авто зам, замын байгууламжийн 34 ажлын нөлөөлөлд 363 нэгж талбар

·Сургууль, цэцэрлэгийн барилгын 36 ажлын нөлөөлөлд 464 нэгж талбар

·Эмнэлэг, хорооны цогцолбор, бусад 7 барилга байгууламжийн ажлын нөлөөлөлд 125 нэгж талбар

·Инженерийн байгууламжийн 17 ажлын нөлөөлөлд 82 нэгж талбар өртсөн.

2018 онд улс, нийслэлийн төсвийн хөрөнгө оруулалтаар 36 байршилд газрын асуудлыг шийдвэрлэж, сургууль цэцэрлэг барих шийдвэр гарсан бөгөөд сургууль, цэцэрлэг, авто зам тавигдах газруудын байршлыг хүргэж байна гэж нийслэлийн Газрын албанаас мэдээллээ.

СУРГУУЛЬ, ЦЭЦЭРЛЭГ

АВТО ЗАМ

Бүгд найрамдах Беларусь улсаас Монгол Улсад суугаа ЭСЯ-наас XVI зууны Беларусийн их соён гэгээрүүлэгч, энэрэнгүй үзэлтэн, анагаах ухааны доктор, зохиолч, орчуулагч, зураач, дорно дахины хамгийн анхны хэвлэлийг үндэслэгч Франциск Лукич Скорины бүтээлийн цоморлиг 21 боть номыг Монголын Үндэсний номын санд хүлээлгэн өглөө.

Дэлхий дахинаа сүүний өдрийг 18 дахь жилдээ энэ оны 6 дугаар сарын 01-ний өдөр тэмдэглэн өнгөрүүлэх гэж байна. Монголын сүүний нэгдсэн холбооны санаачлагаар уг өдрийг Хүнс, хөдөө аж ахуй, хөнгөн үйлдвэрийн яам, Нийслэлийн Хүнс, хөдөө аж ахуйн газар, НҮБ-н хүнс, хөдөө аж ахуйн байгууллага, “Глобал коммунитс” олон улсын байгууллага хамтран гуравдахь жилдээ зохион байгуулж байна.

Дэлхийн сүүний өдөр нь манай орны эх үрсийн баярын өдөр тохиодог тул бид уг өдрийг “ЭХ ОРНЫ СҮҮ-ЭРҮҮЛ ХҮНС” гэсэн уриан дор хүүхэд – сүү – эрүүл мэнд гэсэн агуулгатайгаар тэмдэглэдэг.

Дэлхийн сүүний өдрийг тэмдэглэн өнгөрүүлэх ажлын хүрээнд бид ерөнхий боловсролын сургуулийн хүүхдүүдийг сүүний үйлдвэрийн үйл ажиллагаатай танилцах аяныг зохион байгуулан “АПУ” ХХК-ны сүүний үйлдвэр, “ТЭСО” ХХК-ны “Милко” сүүний үйлдвэрийг үзүүлж, ”Та сүүгээ уусан уу” сүүний салбарын мэдээллийн индэр-уулзалтыг зохион байгуулсан. Мөн 6 дугаар сарын 1-ний өдөр 10 мянган хүүхдэд сүү бэлэглэх, Монгол улсад Азийн сүүний холбооны хурлыг зохион байгуулах, фермийн үйл ажиллагааг танилцуулах, сүү эрүүл мэндэд ямар ач холбогдолтой талаар сурталчлах зэрэг ажлуудыг зохион байгуулахаар төлөвлөн ажиллаж байна.

Сүүний өдрүүдийг тэмдэглэх зорилго нь үнээний цэвэр сүүгээр үйлдвэрлэсэн сүү, сүүн бүтээгдэхүүнийг хүүхэд багачуудад өдөр тутам хэрэглэдэг амьдралын зөв дадлыг хэвшүүлэх, улмаар хүүхдүүд эрүүл чийрэг өсөн бойжиход зайлшгүй шаардлагатай зөв хооллолтын асуудлыг дэвшүүлж байгаад оршино.

Хүн амын дунд сүү, сүүн бүтээгдэхүүний хэрэглээг бага наснаас нь хэвшүүлж, эрүүл мэндээ хамгаалан бэхжүүлж байх зорилтын хүрээнд, бид сүүний өдрөөр бодлого боловсруулагчид, шийдвэр гаргагч нарт хандаж эн тэргүүнд “Үдийн цай” хөтөлбөрт “амьд” сүү, сүүн бүтээгдэхүүн оруулах асуудлыг шийдвэрлэхийг уриалж байна. Хүүхдэд чанартай сүү, сүүн бүтээгдэхүүн нийлүүлэхийн тулд чанартай түүхий эд шаардлагатай учир энэ ажил фермийн хөгжлөөс эхлэх ёстой билээ. Сүүний өдрүүд тэмдэглэх явцад сүүний эрчимжсэн аж ахуйн хөгжлийн талаар өргөн хэлэлцэхээр төлөвлөж байна гэж нийслэлийн Хүнс, хөдөө аж ахуйн газраас мэдээллээ.

Хөдөлмөр, нийгмийн хамгааллын сайд С.Чинзориг өчигдөр НҮБ-ын Хөгжлийн хөтөлбөр болон Азийн хөгжлийн банкны төлөөллийг хүлээж авч уулзлаа. Уулзалтад НҮБ-ын Суурин зохицуулагч, Хөгжлийн хөтөлбөрийн суурин төлөөлөгч Биата Транкман, суурин төлөөлөгчийн орлогч Даниел Гаспарикова, ахлах эдийн засагч Билл Бикалес, Тогтвортой хөгжлийн зорилтын зөвлөх О.Энх-Ариунаа, АХБ-ны ахлах эдийн засагч Деклан Маге нар оролцож тогтвортой хөгжлийн зорилтыг хангаж ажиллах талаар хийсэн тайлан судалгаа, зөвлөмжүүдээ танилцуулсан юм.

НҮБ-ын Суурин зохицуулагч Биата Транкман “Бидний хийсэн судалгаагаар төрийг тогтвортой байлгах талд нь илүү анхаарвал тогтвортой хөгжлийн зорилтууд биелэхэд илүү дөхөм болохоор байна. Ингэснээр урт, дунд хугацааны баримт бичгүүдийн биелэлт илүү байх болов уу. Мөн төсвийн хувьд илүү зохион байгуулалттай, илүү нарийн зохицуулалттай, тооцоо судалгаатай байх нь тогтвортой хөгжлийн нэг үндэс болно гэж үзсэн. Бид гурван зөвлөмжлийг чиглэл тус бүрээр нь гаргасан бөгөөд танай улсын хувьд халамжийг зорилтод бүлгийн хүмүүстээ чиглүүлэх бодлого барьж байгаа нь туйлын зөв. Халамж хүртэгчээ зөв тодорхойлсноор төсвийн мөнгийг зөв зохистой зарцуулах боломж гарч ирнэ” хэмээн судалгааныхаа үр дүнг тодорхойлсон. Тэрбээр мөн цаашид энэ чиглэлээр хамтран ажиллаж тодорхой үр дүнд хүрсэн олон ажлыг хийнэ гэдэгт итгэлтэй байгаагаа илэрхийллээ.

С.Чинзориг сайд хамтын ажиллагааныхаа хүрээнд тайлан боловсруулж, тодорхой зөвлөмж хүргүүлж буйд талархаад “Манай орны ядуурал нэлээд архагшиж байгаа гэхэд болно. 1990-ээд оноос эхлэлтэй ядуурлыг бууруулах чиглэлээр үе үеийн Засгийн газар тогтмол үйл ажиллагаа явуулсаар ирлээ. Та бүхний зөвлөмжүүдтэй санал нэг байна. Ялангуяа төрийн бодлогыг тогтвортой байлгах, төсвийн сахилга батыг сайжруулах тал дээр бид илүүтэй анхаарч ажиллах нь зүйтэй юм. ХНХЯ-ны зүгээс өнгөрсөн хугацаанд тогтвортой хөгжлийн зорилтыг биелүүлэх, ядуурлыг бууруулах зорилгоор хөтөлбөрүүд боловсруулж, тодорхой бодлогуудыг гаргаж ажилгүйдэл, ядуурлыг бууруулахад чиглэсэн олон ажил хийж байна. Энэ хүрээнд бид анхан шат буюу орон нутгийн удирдлагуудтай илүү нягт хамтарч ажиллахыг зорьж байгаа. Тэд иргэдийнхээ талаар илүү дэлгэрэнгүй мэдээлэлтэй болж байж илүү сайн ажиллах юм. Халамжийн чиглэлээр бид шинэ бодлого барьж ажиллах болно. Энэ оны төсөвт бид 12 төрлийн халамжийн арга хэмжээнд нийтдээ 460 орчим тэрбум төгрөгийг зарцуулахаар суулгасан. Энэ бүгд иргэдийн бодит орлогыг нэмэгдүүлэхэд чиглэсэн бодитой дэмжлэг болж очиж буйгаараа илүү ач холбогдолтой. Бид мөн ойрын үед халамж, даатгалын хуульдаа өөрчлөлт оруулахаар ажиллаж байна” гээд цаашид ажилгүйдэл, ядуурлыг бууруулах, ажлын байр нэмэгдүүлэх, тогтвортой хөгжлийн зорилтуудыг хэрэгжүүлэх талаар санал солилцож, мэргэжил арга зүйн зөвлөгөө, төсөв санхүүгийн хувьд дэмжлэг туслалцаа үзүүлэхийг НҮБ болон АХБ-наас хүслээ. Тэрбээр мөн сүүлийн жилүүдэд хүүхдүүдийн дунд буй ядуурал санаа зовоож буй нэг чухал асуудал болж буйг онцлоод зорилтод бүлгийн өрхийг зөв тодорхойлж, тэдний нийгмийн хамгааллыг дээшлүүлэх тал дээр илүүтэй анхаарч ажиллахад техникийн болоод арга зүйн тусламж, дэмжлэг үзүүлж хамтарч ажиллахыг хүслээ.

УУХҮ-ийн сайдын “Зэрэг олгох тухай” 2018 оны А/97 дугаар тушаалаар “Металлург, металл боловсруулалт, машин үйлдвэрлэлийн салбар”-ын 34 мэргэжилтэнд “Зөвлөх инженер”-ийн зэрэг, Нефть, химийн салбарын 15 мэргэжилтэнд “Мэргэшсэн инженер”-ийн зэрэг олголоо.

УУХҮЯ-ны Хүнд үйлдвэрийн бодлогын газрын дарга, Хүнд үйлдвэрийн салбарын мэргэжилтэнд мэргэшлийн зэрэг олгох зөвлөлийн орлогч дарга Д.Даваадорж болон Үндэсний аж үйлдвэрийн зөвлөл, сургуулийн төлөөллүүд энэ сарын 18-нд батламж, тамга, энгэрийн тэмдэгийг гардууллаа.