Уур амьсгалын өөрчлөлт, эдийн засаг хүн амын хурдацтай өсөлт, хэрэглээ, үйлчилгээний хэт өсөлт, байгалийн нөөцийн хомсдол нь дэлхийн хүн амын тогтвортой хөгжилд сөрөг нөлөөлөл үзүүлж байна. Иймд дэлхийн улс орон, иргэн бүр өөрийн ахуй амьдрал үйлдвэрлэл, хэрэглээнийхээ хэв маягыг өөрчилж байгальд илүү ээлтэй “Ногоон” хэв загварт шилжиж байна. Тиймээс Монгол эрдэмтдийн судалгаа, туршилтын үр дүнд бий болсон инноваци, бүтээгдэхүүн, тоног төхөөрөмжийг үйлдвэрлэл хэрэглээнд нэвтрүүлэх, энэ чиглэлээр ажиллаж байгаа иргэд, аж ахуй нэгж байгууллагыг дэмжих шаардлагатай байгаа. Иймээс Монгол орны нөхцөлд тохирсон байгальд ээлтэй техник, технологи, инновацийн шинэ санаа шийдлийг нэвтрүүлэх, олон нийтэд сурталчилах, түгээн дэлгэрүүлэхэд бизнесс эрхлэгчид, хөрөнгө оруулагчид, шинийг санаачлагчид, гарааны бизнесс эрхлэгчдийг хөрөнгө оруулагч, банк санхүүгийн байгууллага оролцогч талуудын хамтын ажиллагаа, түншлэлийг хөгжүүлэх зорилгоор энэхүү үзэсгэлэн, зөвөлгөөнийг зохион байгууллаа.

Үзэсгэлэн, зөвөлгөөнийг БОАЖЯ, МҮХАҮТ-аас санаачлан жил бүр уламжлал болгон зохион байгуулдаг бөгөөд энэ жилийн 6 дахь арга хэмжээг Эрчим хүчний зохицуулах хороо, Даян дэлхийн ногоон хөгжлийн байгууллагатай хамтран ажиллаж байгаа юм. “Ногоон технологи, эрчим хүчний хэмнэлт-2018” үзэсгэлэнд 60 гаруй аж ахуй нэгж байгууллага техник, технологи, бараа бүтээгдэхүүнээ танилцуулж байна.

“ИКОН” ХХК-ийн төслийн инженер М.Энхжин
-Манай ИКОН компани нь 2002 оноос Эрчим хүчний чиглэлээр үйл ажиллагаа явуулж ирсэн. Ерөнхийдөө дулааны тоолууран дээр голлож үйл ажиллагаа явуулдаг. Бид Европ стандартын шинэ тоног төхөөрөмжийг Монголд нэвтрүүлэн ажиллаж байгаа. Ингэснээр айл өрх хэрэглээгээ задгайгаар биш хэрэглээн дээрээ суурилан төлбөрөө төлөх боломжтой болох юм.
“Дархан Сэлэнгийн ЦТС” ХК-ийн Мэдээлэл технологи, автоматикийн албаны парга О.Сэр-Од
– “Дархан Сэлэнгийн ЦТС” ХК нь 2012 оноос цахилгаан эрчим хүчний хяналт, удирдлага арилжааны автоматжуулалтын системийг нэвтрүүлж эхэлсэн. Энэ үзэсгэлэнгийн хүрээнд бид ухаалаг тоолуурын системээ танилцуулж байна. Энэхүү тоолуурыг нэвтрүүлснээр алдагдал буурч байгаа. Ингэснээр 14 тонн хүлэмжийн хийг хэмнэх боломжтой учраас ухаалаг тоолуурын системээ танилцуулж оролцож байгаа юм.

Мөн өнгөрсөн жилүүдийн үзэсгэлэнгийн үед дэвшүүлсэн зорилго, зорилтоо амжилттай хэрэгжүүлэх зорилгоор БОАЖЯ-ы зүгээс анхаарч, байгаль орчинд ээлтэй 41 төрлийн тоног төхөөрөмжийг Аж ахуй нэгжийн орлогын албан татвараас чөлөөлсөн нь ногоон технологийг дэмжиж татварын орчинг бүрдүүлсэн шинэлэг ажил болсон. Уг тогтоолын дагуу 2017 оны жилийн эцсийн байдлаар 15 аж ахуй нэгж 33 тэрбум төгрөгийн орлогод ногдох хөнгөлөлтийг эдэлсэн нь аж ахуй нэгжүүдэд бодит дэмжлэг туслалцаа болж байгаа юм.

Цагдаа, дотоодын цэргийн анги, байгууллагын үйл ажиллагаа, алба хаагчдын мэргэшлийн түвшинг үнэлэх, шинээр батлагдсан хууль тогтоомжуудын хэрэгжилттэй танилцах, сургалт зохион байгуулах үүрэг бүхий ажлын хэсгүүд хөдөө орон нутгийн цагдаагийн газар хэлтсүүдэд ажиллаж байна.

Энэ үйл ажиллагааны гол зорилго нь цагдаа, дотоодын цэргийн анги, байгууллагын үйл ажиллагаа, алба хаагч, ажилтнуудын тухайн албан тушаалд тавигдах ерөнхий болон тусгай шаардлага хангасан байдал, үйл ажиллагааны үр дүн, мэргэшил, ажлын ур чадварын түвшинг тогтоох, сургалт зохион байгуулах юм.

Дотоодын цэргийн штабын дарга, хурандаа С.Ганбатаар ахлуулсан ажлын хэсэг Баян-Өлгий, Ховд, Увс аймаг дахь цагдаагийн газар, Эрүүгийн цагдаагийн албаны дарга, цагдаагийн хурандаа Б.Даваажаваар ахлуулсан ажлын хэсэг Дундговь, Дорноговь, Төв, Өмнөговь аймаг дахь цагдаагийн газар, Мөрдөн байцаах албаны дарга, цагдаагийн хурандаа Д.Отгонжаргалаар ахлуулсан ажлын хэсэг Дорнод, Говьсүмбэр, Хэнтий, Сүхбаатар аймаг дахь цагдаагийн газар хэлтэст ажиллах юм.

Мөн Цагдаагийн ерөнхий газрын Аюулгүй байдлын хэлтсийн дарга, цагдаагийн хурандаа Х.Буянтүмэнгээр ахлуулсан ажлын хэсэг Баянхонгор, Говь-Алтай, Завхан аймаг дахь цагдаагийн газар, Хэрэг бүртгэх албаны дарга, цагдаагийн хурандаа А.Амгалангаар ахлуулсан ажлын хэсэг Архангай, Өвөрхангай, Хөвсгөл аймаг дахь цагдаагийн газар, Хяналт шалгалт, үнэлгээ, дотоод аудитын хэлтсийн дарга, цагдаагийн хурандаа Д.Батсайханаар ахлуулсан ажлын хэсэг Булган, Дархан –Уул, Орхон, Сэлэнгэ аймагт тус тус ажиллаж байна.

Цагдаагийн ерөнхий газрын удирдлагын бүрэлдэхүүн хөдөө орон нутагт ажиллах үеэрээ орон нутгийн иргэдтэй уулзалт зохион байгуулж, цагдаагийн байгууллагын үйл ажиллагааны талаарх санаа бодлыг сонсон, үйл ажиллагаандаа тусгах тул иргэд та бүхэн өргөнөөр оролцож, санал хүсэлтээ өгч болох аж.

Цагдаагийн ерөнхий газрын даргын тушаалаар томилогдсон ажлын хэсэг ирэх сарын 15-ныг хүртэл ажиллаж, үр дүнг тооцох юм байна.

Зуны эхэн сарын шинийн 15 буюу Бурхан багшийн Их Дүйчин өдөр өнөөдөр тохиож байна. Энэ өдрийг Бурхан Буддагийн эхээс мэндэлсэн, гэгээрлийн хутгийг олсон, нирваан дүрийг үзүүлсэн гурван үйл явдал давхцсан өдөр хэмээн хүндэтгэдэг байна. Их Дүйчин өдрийг Бурханы шашин дэлгэрсэн Азийн улс орнуудад баярын өдөр болгон тэмдэглэдэг уламжлалтай. Мөн энэ өдрийг НҮБ-аас “Эв нэгдлийн өдөр” болгон тэмдэглэдэг байна.

Бурханы шашинт Азийн бүх улс орнууд болон Европын холбооны зарим улс орнууд, Австрали тивд “Будда Весак”, “Сакадава”, “Будда Пурнима” гэх зэрэг нэрэн дор дэлхий дахинаа өргөн дэлгэр тэмдэглэн заншжээ.

Монгол оронд бурхны шашин гурван удаа дэлгэрсэн. Монголын түүх соёл, уламжлал, хэл, заншилтай нягт холбоотой энэ баярыг бид ч мөн тэмдэглэх нь зүйн хэрэг билээ.

Дүйчин өдрийн гол утга нь энэрэнгүй сэтгэлийг үүсгэн эелдэг зөөлөн үг хэлэлцэх өдөр юм. Энэ өдөр эгнэшгүй буян хурааж, өөрийн тусыг огоорон бусдын тусыг санан амьтны амь таслахгүй, болж өгвөл махан хоол хэрэглэхгүй, хүний эс өгснийг авахгүй, худал ярихгүй, муу үг хэлэхгүй, бусдыг хүндлэн уучилж энэ өдрийг тэмдэглэх учиртай аж.

“Ёс суртахуунаа эрхэмлэе” уриан дор ерөнхий зохион байгуулагчаар Монголын Бурхан Шашинтны Төв Гандантэгчэнлин хийд болон нийгмийн сайн сайхны төлөө Бурханы шашны сургаал номлол, ёс суртахуун, зөв амьдрах ухааныг олон нийтэд таниулах чиглэлээр сургалт, үйл ажиллагаа явуулдаг төрийн бус байгууллага, төвүүд хамтран зохион байгуулж байна.

Б.НОМИН-ЭРДЭНЭ

04.00 цагт Гандантэгчлэн хийдийн Жанрайсэгийн талбайд Бурхан багшийн Их дүйчэн өдрийн баярын өдөрлөг эхэлнэ.

09.00 цагт “Holiday Inn” зочид буудалд “Ойн тогтвортой менежмент хэрэгжүүлж, нутгийн иргэдийн амьжиргааг дэмжих нь” төслийн үр дүнгийн семинар болно.

10.00 цагт “Ашигт малтмал, аж үйлдвэр, технологийн салбарт хамтран ажиллах тухай Монгол Улс, ХБНГУ-ын Засгийн газар хоорондын хэлэлцээр”-ийн хэрэгжилтийг зохион байгуулах, хяналт тавих үүрэг бүхий ажлын хэсгийн хуралдаан ГХЯ-нд болно.

10.00 цагт Спортын төв ордонд “Хөгжлийн бэрхшээлтэй хүүхдийн спортын наадам”-ын нээлт болно.

10.00 цагт УИХ-ын Нийгмийн бодлого, боловсрол, соёл, шинжлэх ухааны байнгын хорооны гишүүд Хавдар судлалын үндэсний төвд ажиллана.

10.00 цагт Эрдмийн ордонд “XXI зууны шинэ даяаршил ба Хөгжил” хэлэлцүүлэг болно.

11.00 цагт ХНХЯ-нд Монголоос Япон улсад дадлагажигч илгээх үйл ажиллагааны талаар мэдээлэл хийнэ.

11.00 цагт АТГ-т тус газрын дэргэдэх Олон нийтийн зөвлөлөөс цаг үеийн асуудлаар мэдээлэл хийнэ.

11.00 цагт ШЕЗ-д Шүүгчийн сонгон шалгаруулалтыг шинэчилсэн журмын дагуу явуулж эхэлсэн талаар мэдээлэл хийнэ.

11.30 цагт “Монгол ньюс” мэдээллийн төвд гавьяат эмч Л.Жамбалжав Улсын нэгдүгээр төв эмнэлэгт зүрх шилжүүлэн суулгах мэс заслын үеэр хүний амь хохирсон талаар мэдээлэл хийнэ.

11.40 цагт Монголын Үндэсний музейд “Вагиндра” нийгэмлэгээс нийтэд танилцуулж буй “Түвд, Монгол, Оросын найрамдалт харилцааны нэрт зүтгэлтэн Ценшав Хамбо Ринбүүчи Агваан Доржиев” гэрэл зургийн үзэсгэлэнгийн нээлт болно.

14.00 цагт Эрүүл мэндийн сайд Д.Сарангэрэл Хан-уул дүүрэгт байрлах 300 ортой төрөх эмнэлгийн үйл ажиллагаатай танилцана. Утас:99179899 86885060

15.00 цагт “Монгол ньюс” мэдээллийн төвд МУИС-ийн Оюутны холбооноос цаг үеийн асуудлаар мэдээлэл хийнэ.

Төрийн ордонд

09.00 цагт “Их Эзэн Чингис хаан” танхимд Төсвийн байнгын хороо хуралдана.

11.00 цагт “Жанжин Д.Сүхбаатар” танхимд Төрийн байгуулалтын байнгын хороо хуралдана.

Өглөө бүр тантай хамт байдаг “Өдрийн сонин”-ымягмаргарагийн дугаар 16нүүрээр хэвлэгдэж, та бүхний гар дээр хүрч байна.

“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог, баримт, үзэл бодлын гуравдугаар нүүрээс“Нийгмийн солиорол галзуурлын шатандаа орж байна“хэмээх нийтлэлийг хүлээн авч үзээрэй.

Төмөр замын зөвлөх инженер Л.Пүрэвбаатар: Таван толгойн төмөр зам дээр Засгийн газар тээвэр логистикийн стратегийг гүйцэт харж чадахгүй байна хэмээн “Эдийн засаг” нүүрт ярьжээ.

“Нийгэм” нүүрт Монголын Хуульчдын холбооны анхны ерөнхийлөгч, өмгөөлөгчД.Батсүх: Хоёр Ерөнхий сайдыг хорьсон асуудал Эрүүгийн хэрэг хянан шийдвэрлэх тухай хуулийг ноцтой зөрчсөн хэмээн ярьсан байна.

УИХ-ын гишүүнЖ.Ганбаатар: Бичил бизнес эрхлэгчдэд 500 хүртэлх сая төгрөгийн зээл авах боломж бүрдэнэ хэмээн “Улст төр” нүүрт өгүүлжээ.

Хүүхдийн баярыг дэлхийн улс орнууд хэрхэн тэмдэглэдэг вэ? хэмээн “Танин мэдэхүй” нүүрт өгүүлсэн байна.

Улсын хоёрдугаар эмнэлгийн эмчилгээ эрхэлсэн орлогч Ц.Ганзориг: С.Баярын эрүүл мэндийн талаар ирэх пүрэв гаригт албан ёсны мэдээлэл өгнө хэмээн “Баримт, үйл явдал” нүүрт ярьжээ.

“Өдрийн сонин”-ы “Гоёл,Соёл” нүүрт “Эрчүүд өнгөлөг, өвөрмөц хувцсаар гангарна” хэмээснийг тольдоорой.

Хулгай нь зан үйлийн шалтгаант донтолт хэмээн “Нийгэм” нүүрт өгүүлжээ.

Д.Бат-Өлзий: Манай орны дээгүүр өнгөрч буй үүлний усархаг чанар бага, шилжилтийн хурд их байна хэмээн “Цаг үе” нүүрт өгүүлсэн байна.

“Эмч”нүүрт Монгол Улсын хүний гавьяат эмч“П.Батчулуун: Манай алба эрхтэн шилжүүлэн суулгах үйл ажиллагааг зангидаж зохицуулах үүрэгтэй”хэмээн ярьсан байна.

Сингапурын уулзалт гурван талт болох уу? хэмээн “Дэлхий мэдээ” нүүрт өгүүлжээ.

Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. https://admin.dnn.mn/plugins/news/login/

Эдгээр болон бусад цаг үеийн мэдээ мэдээлэл, ярилцлагуудыг “Өдрийн сонин”-ы даваа гаригийн дугаараа суншаарай.

Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдан авч болохыг дуулгая. “Өдрийн сонин”-ы өөрийн байранд ирж худалдан авч бас болно.

“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 99090658 дугаарт холбогдож дэлгэрэнгүй мэдээллийг лавлаарай.

“ӨДРИЙН СОНИН” ӨГЛӨӨ БҮХЭН ТАНТАЙ ХАМТ