Month: May 2018

ХҮҮХДИЙН БАЯРТ ЗОРИУЛСАН МААМУУ ХҮҮХЭЛДЭЙН КИНО ТУСГАЙ ҮЗВЭР

Хаана: Prime Cineplex Mongolia кино театр

Хэзээ: 2018.06.01 12.00 цаг

Дэлгэрэнгүй: Албан ёсны онцгой эрхтэйгээр Зөвхөн Prime Cineplex Mongolia кино театрт Үндэсний контент Маамуу Хүүхэлдэйн кино 6-р сарын 1,2,3-ны өдрүүдэд гарах гэж байна.

ЧИНГИСИЙН ҮРСИЙН БАЯР

Хаана: Цонжин болдог

Хэзээ: 2018.06.01 10.00 цагаас

Дэлгэрэнгүй: Жил бүрийн 6-р сарын 01-ний өдрийг уламжлал болгон бид “Чингис хааны морьт хөшөөн” дээр өхөөрдөм хөөрхөн үрстэйгээ хамт тэмдэглэдэг билээ. Энэ өдөр таныг болон бяцхан үрсийг тань олон сонирхолтой уралдаан тэмцээн, үзвэр үйлчилгээ хүлээж байна.

Нэмэлт мэдээлэл: 7012-0202, 99191332

ОNCEUPONATIME ЗАДГАЙ ТАЛБАЙН ШОУ ФЕСТИВАЛ

Хаана: UB палас Open Air-ын задгай талбайд

Хэзээ: 6 сарын 1-нээс 6 сарын 3 хүртэл

Дэлгэрэнгүй: бяцхан ханхүү гүнж нартаа зориулж Монголдоо анх удаа хамгийн том Диснейн ордныг барьж байгаа билээ. Мөн диснэйн гүнж нар маань үлгэрийн ертөнцөөсөө амилсан мэт сэтгэгдэлийг төрүүлж хүүхдүүдээ жихэнэ утгаар нь баярлуулах нь бидний зорилго оршино

Нэмэлт мэдээлэл: 90195001

ЭЭЖ ОХИН МИСС ШАЛГАРУУЛАХ ТЭМЦЭЭН

Хаана: СТАРТАП ТЕРМИНАЛ төв Их Монгол цогцолборын 3-р давхарт

Хэзээ: 2018.06.01

Дэлгэрэнгүй: “ЭЭЖ ОХИН МИСС”-ийн тэмцээн нь Монголын маш олон сайхан ЭЭЖҮҮДИЙН гоо үзэсгэлэн, үр хүүхдээ өсгөн хүмүүжүүлэх арга ухаан, гэр бүлээ эрхэмлэн нандигнах хайр халамж, хичээл зүтгэлийг үнэлж, урамшуулах мөн цаашлаад гэр бүлийн харилцааг аз жаргалтай, дотно болгох зорилгоор хэзээ ч мартагдашгүй, хөгжилтэй нэг өдрийг хайртай дотны хүмүүстэйгээ бүтээхэд оршино.

Нэмэлт мэдээлэл: 89169926 88015299

ХҮҮХДҮҮДИЙН ТҮҮХ БА УРЛАЛЫН ЦАГ

Хаана: Story Hub Mongolia coffee shop

Хэзээ: 2018.06.01 17.30 цагт

Дэлгэрэнгүй: Хүүхдүүдийнхээ Англи Хэлийг төрөлхийн юм шиг сайжраасай гэж хүсч байна уу? Та хүүхдүүдээ манай сонирхолтой Түүх ба Урлалын цагт бүртгүүлээрэй.

Нэмэлт мэдээлэл: 77007034

АЗ ЖАРГАЛЫГ “СКАЙ РЕЗОРТ”-ООС

Хаана: Скай Ресорт

Хэзээ: 2018.06.01 10.00-20.00 цаг хүртэл

Дэлгэрэнгүй: Скай Резорт үргэлж аз жаргал болон гайхалтай дурсамжуудыг бусдад бэлэглэхийг хичээсээр ирсэн. 6 сарын 1-нд бүх үрс, гэр бүлүүдэд бид нар хамгийн том бэлгийг бэлдэж байна.

ХҮҮХДИЙН ЖОЛООДЛОГЫН СУРГАЛТ

Хаана: Скай Ресорт

Хэзээ: 2018.06.01-02

НОМТОЙ НӨХӨРЛӨЕ: ХҮҮХДИЙН БАЯР – ЗУНЫ ТАГТНЫ НЭЭЛТ

Хаана: Ногоон Тагт ресторан

Хэзээ: 2018.06.01

Дэлгэрэнгүй: “Ногоон Тагт” ресторан зуны тагтны нээлтээ НОМТОЙ НӨХӨРЛӨЕ уриан доор Эх Үрсийн баярт зориулан хүүхэд багачуудаа баярлуулан тэмдэглэх гэж байгаадаа маш их билэгшээж, баяртай байгаагаа хуваалцаж байна.

Нэмэлт мэдээлэл: 95952388

ЧИХЭРНЭЭС ҮНЭТЭЙ ДУРСАМЖ БҮТЭЭЦГЭЭЕ

Хаана: Ид Шидийн Орон Хүүхэд Хамгааллын Төв

Хэзээ: 2018.06.01 10.00-18.00 цаг

Дэлгэрэнгүй: Хүүхэд бүхний инээд цалгисан энэ л өдөр бид гайхалтай дурсамжийг бүтээхээр зорьж ажиллаж байна. Бид чихэр тараахаас илүүтэй хүүхэд бүхэнд инээд, хүүхэд бүхэнд дурсамж бэлэглэхээр маш сонирхолтой хөтөлбөрийг бэлтгэж байна.

Нэмэлт мэдээлэл: 94222888,77076996

ХҮҮХДИЙН БАЯРЫН ГАЙХАЛТАЙ ӨДРИЙГ “СКАЙ” ИХ ДЭЛГҮҮРТЭЙ ХАМТ

Хаана: Скай их дэлгүүр

Хэзээ: 2018.06.01 11.00-20.00

Дэлгэрэнгүй: Энхрий бяцхан үрсдээ зориулан урлагийн үзүүлбэрүүд, олон олон гэнэтийн бэлэгүүд хүлээж байна.

1 ХОГИЙГ 1 АМТТАНААР – 5 АЯН

Хаана: Сүхбаатарын талбай

Хэзээ: 2018.06.01

Дэлгэрэнгүй: Монгол улсын Ирээдүйн эзэд болох хүүхэд багачуудад цэвэр, эрүүл орчинг өөрсдийн гараар бий болгох, багаас нь хог хаягдлыг ил задгай хаяхгүй байж хэвшихэд зориулан энэхүү аянг зохион байгуулж байна.

Нэмэлт мэдээлэл: 90069005, 90909989

ГАЙХАМШИГТ САФАРИ

Хаана: Хүннү Шоппинг Молл

Хэзээ: 2018.06.01-03

Дэлгэрэнгүй: Адал явдлыг эрэлхийлэгч, сониуч бяцхан дүү нарыгаа Африк тивийн нууцлаг ертөнцөөр хамтдаа аялахыг урьж байна.

Нэмэлт мэдээлэл: 7711 2222

АМОРЕ ФЕСТИВАЛЬ – КОСПЛАЙ УРАЛДААН

Хаана: Макс Моол худалдааны төв

Хэзээ: 2018.06.01 11.00-19.00

Дэлгэрэнгүй: Макс Моол худалдааны төвөөс хүүхэд багачууддаа бэлэг барьж 6-р сарын 1-ны өдөр Косплай уралдааныг 2 насны ангилалтайгаар зарлаж байна.

3Х3 САГСАН БӨМБӨГИЙН ТЭМЦЭЭН

Хаана: Сүхбаатарын талбай

Хэзээ: 2018 оны 06 дугаар сарын 01-ны өдрийн 09.00 цагт эхэлнэ.

Дэлгэрэнгүй: Тэмцээн16-гаас доош, 18 хүртэлх гэсэн насны ангиллаар зохион байгуулагдана. Тамирчид төрсний гэрчилгээ болон иргэний үнэмлэх, 2 ээлжийн тоглолтын хувцастай байна.

Нэмэлт мэдээлэл: 88107660

“ГУРВАН БЯЦХАН ТООРОЙ” ХҮҮХДИЙН ЖҮЖИГЧИЛСЭН ТОГЛОЛТ

Хаана: Шангри-Ла Молл, 1-р давхар

Хэзээ: 2018.06.01 15:00, 18:00 цагуудаас тус тус тоглогдоно.

МУГЖ Д.Алтанхуягийн үүсгэн байгуулсан Монголын балетын хөгжил сан тавдугаар сарын 28-ны өдрөөс зургаадугаар сарын 1-ний өдрүүдэд Монголд Олон улсын анхдугаар болон үндэсний хоёрдугаар балетын уралдааныг зохион байгуулж байна. Тодруулбал, Монголын үндэсний балетын хоёрдугаар уралдаан энэ сарын 28-29-ний өдрүүдэд болж байгаа бол 30, 31-нд олон улсын уралдаан болох юм байна. Олон улсын тэмцээнд гадны зургаан орноос 30 гаруй балетчин ирж оролцож буйгаараа онцлогтой аж. Шагналтнуудын гала тоглолт зургадугаар сарын 01-нд ДБЭТ-т болох юм.

Хан-Уул дүүргийн Засаг даргын Тамгын газраас 2018 оныг “Тохижилт төрийн үйлчилгээг сайжруулах жил” болгон зарласантай холбогдуулан Улаанбаатар хотын Ерөнхий менежерийн 2018 оны А/44 тушаалаар “Манай хороо – Миний гудамж” аяны хүрээнд Хан-Уул дүүргийн Засаг даргын Тамгын газрын албан хаагчид иргэдтэй хамтран ес дүгээр хорооны 14,15 дугаар гудамжны 30 гаруй айлын хашааг будаж, хаягжуулах ажлыг зохион байгууллаа.

“Нэг бүс, нэг зам” санаачилгын хүрээнд “Гар гараасаа атгая” сэдэвт олон улсын арга хэмжээ энэ сарын 13-25-ны өдрүүдэд БНХАУ-д зохион байгуулагдлаа. Бээжин, Сиан, Ханжоу, Сүжоу, Фүжоу, Жухай, Гуанжоу хотуудад явагдсан уг арга хэмжээнд Хятад, Монгол, Камбож, Вьетнам, Лаос, Мьянмар, Тайланд зэрэг 7 улсын ерөнхий боловсролын сургуулийн бага ангийн сурагчид оролцов. “Нэг бүс, нэг зам” буюу Шинэ торгоны зам санаачилгыг БНХАУ-ын дарга Си Жиньпин 2013 онд дэвшүүлсэн билээ. Санаачилгын гол зорилго нь одоогоос 2000 гаруй жилийн тэртээ Ази болон Европ тивийг холбож байсан худалдааны замын маршрутаар Евро-Азийг холбосон эдийн засаг, санхүүгийн бүс байгуулах төсөл юм.

Олон улсын Хүүхдийн эрхийг хамгаалах өдөр ирэх баасан гаригт болно. Энэ баяраар Сүхбаатарын талбайд хүүхдүүд зориулсан баярын нэгдсэн арга хэмжээ зохион байгуулагддаг. Үүнтэй холбогдуулан Д.Сүхбаатарын талбайн баруун болон зүүн хэсгийн авто замын хөдөлгөөнийг зургаадугаар сарын нэгний өдрийн 09.00-17.00 цагийн хооронд түр хугацаагаар хязгаарлана гэж Замын цагдаагийн албанаас мэдээллээ.

Шударга өрсөлдөөн хэрэглэгчийн төлөөх газрын Хэрэглэгчийн эрхийг хамгаалах үндэсний хөтөлбөрийг хэрэгжүүлэх орон тооны бус салбар зөвлөл дүүргийн Засаг даргын Тамгын газарт ажиллаж байгаа билээ. Тэгвэл тус салбар зөвлөлөөс Олон улсын хүүхдийн эрхийг хамгаалах өдрийг тохиолдуулан ‘’Хүүхэд-Хэрэглэгч’’ аяныг амжилттай зохион байгууллаа.

Энэхүү аяны зорилго нь хүүхдэд зориулсан өргөн хэрэглээний бүтээгдэхүүний үйлдвэрлэлийн үйл явцыг танилцуулж, хүүхдийн хэрэглээний эрхийг хамгаалахад аж ахуй нэгж, байгууллагын оролцоог нэмэгдүүлэх, мэдлэг мэдээлэл, зөвлөгөөгөөр хангах юм. Иймд дүүргийн Хэрэглэгчийн эрхийг хамгаалах үндэсний хөтөлбөрийг хэрэгжүүлэх орон тооны бус салбар зөвлөлийн гишүүд ‘’Цэцээ гүн’’ дунд сургуулийн ахлах ангийн сурагчдийг дүүргийн нутаг дэвсгэрт үйл ажиллагаа явуулж буй ‘’Стимо’’ ХХК-ийн ажлын байр, үйлдвэрлэлийн явцтай танилцуулах аялалыг зохион байгууллаа.

БНХАУ-ын Бээжин хотноо 2018 оны 5-р сарын 23-27-ны хооронд зохион байгуулагдсан Шанхайн хамтын ажиллагааны байгууллагын гишүүн орнуудын Дээд шүүхийн тэргүүн нарын 13-р хурал уулзалтад Монгол Улсын Дээд шүүхийн захиргааны хэргийн танхимын тэргүүн М.Батсуурь, Гадаад харилцаа хамтын ажиллагааны албаны даргын албан үүргийг түр орлог гүйцэтгэгч Д.Тулга нар амжилттай оролцлоо.

Олон Улсын хурлын хүрээнд 2018 оны 5-р сарын 24-ны өдөр БНХАУ-ын Ардын Дээд шүүхийн Дэд дарга Ноён Шен Деюон Монгол Улсын Дээд шүүхийн захиргааны хэргийн танхимын тэргүүн М. Батсуурийг хүлээн авч уулзлаа. Уулзалтын үеэр Дэд дарга Шен Деюон хоёр орны шүүхийн хамтын ажиллагаа онцгой ач холбогдолтой бөгөөд сүүлийн жилүүдэд эрчимтэй хөгжиж буйг цохон тэмдэглээд БНХАУ-ын Ардын Дээд шүүхийн дэргэдэх Үндэсний шүүгчдийн сургуульд Монгол улсын шүүхийн шүүгч нар бусад орны шүүхийн шүүгч нараас харьцангуй олон хамрагдсан бөгөөд цаашид ч тус сургалт хөтөлбөрт дэмжлэг үзүүлэн ажиллах болохоо мэдэгдэв.

Уулзалтын дараа хоёр талын төлөөлөгч нар шүүхийн хамтын ажиллагааны санамж бичгийг үзэглэлээ.

Нийт 9 зүйл бүхий тус санамж бичиг нь Талуудын хамтын ажиллагааг бэхжүүлэх хүрээнд шүүхийн шинэчлэл, шүүхийн ил тод байдал, шүүхийн судалгаа мэдээлэл, шүүхийн захиргаа, шүүгчдийн сургалт, судалгаа, эрх зүйн харилцан туслалцаа болон бусад асуудал ялангуяа Монгол Улсын шүүхийн шүүгчдийн мэдлэг, чадварыг бэхжүүлэх хүрээнд БНХАУ-ын Ардын Дээд шүүхийн дэргэдэх Үндэсний шүүгчдийн сургуульд Монголын шүүгч нарт зориулсан сургалт хөтөлбөр тогтмол хамруулах талаар хамтран ажиллахаар тохиролцсон юм.

Дашрамд дурдахад энэ удаагийн Шанхайн хамтын ажиллагааны байгууллагын гишүүн орнуудын Дээд шүүхийн тэргүүн нарын 13-р хуралд тус байгууллагын гишүүн 8 орон, ажиглагч 6 орны Дээд шүүхийн Ерөнхий шүүгч, шүүгч нар болон олон улсын байгууллагуудын төлөөлөл оролцсон ба танхимын тэргүүн М.Батсуурь Монгол Улсын шүүхийн хамтын ажиллагааны талаар илтгэл хэлэлцүүллээ.

Өнөөдөр билгийн тооллын шинийн 15 буюу Бурхан багшийн их дүйчин өдөр тохиож байна. Энэ өдөр гандан, хийдүүд ном хурж, айлдах юм. УИХ-ын дарга М.Энхболд Бурхан багшийн их дүйчин өдрийг тохиолдуулан Монголын бурхан шашны төв Гандантэгчинлэн хийдэд очиж, лам хувраг, сүсэгтэн олонтой уулзах юм байна.