“Гэгээн Муза-14” ОУ-ын театрын шилдгийг шалгаруулах уралдаанд зургаан төрлөөр өрсөлдөж буй “Өндөр Гэгээн” дуулалт жүжгийн талаар уран бүтээлчид өнөөдөр мэдээлэл хийлээ. Хэвлэлийн хуралд “Өндөр гэгээн” төслийн Гүйцэтгэх продюсер Хөгжимт жүжгийн театрын дарга СТА Г.Солонго, зохиолч, Төрийн соёрхолт Ц.Бавуудорж, ерөнхий найруулагч Төрийн соёрхолт Н.Наранбаатар, ерөнхий зураач, СТА Т.Ганхуяг, хөгжмийн зохиолч, УГЗ Т.Сэр-Од нар оролцов.
Завхан аймагт нийт 15 удаа тавигдсан “Өндөр Гэгээн” дуулалт жүжиг Гэгээн Муза наадмын хоёрдугаар шатад тэнцэж, зургаан төрөлд нэр дэвшээд байгаа талаар ерөнхий найруулагч Төрийн соёрхолт Н.Наранбаатар энэ үеэр онцолж байв. Тэрбээр “2018 оны гуравдугаар сард үзэгчдэд хүрсэн Завхан аймгийн Хөгжимт жүжгийн театрын бүтээл болох “Өндөр Гэгээн” дуулалт жүжгийг бүтээх явц жил гаруй үргэлжилсэн. Өндөр Гэгээн бол Монголыг маань дэлхийд таниулж буй суут соён гэгээрүүлэгч гэдэг утгаараа танин мэдэхүйн ач холбогдолтой. Цаг үедээ хүн өөрийнхөө нэрийг үлдээх, нэр төртэй амьдарна гэдэг Өндөр Гэгээний амьдралаас тод харагдана. Бид түүхийг шүүж болохгүй гэдгийг маш сайн ойлгох хэрэгтэй. Зарим хүмүүс түүхийг дүгнээд, хүнийг буруутгаад байдаг ухвар мөчид зангаа больчихмоор байгаа юм. Өнгөрсөн юм бүхнээс бид хэрэгтэй, хойч үед минь сургамж болох, тархи оюунд нэмэр болох зүйлүүдийг бүтээл болгож өнөө цагийн үзэгчдэдээ хүргэхийг зорьдог. Тэгэхээр Өндөр Гэгээн гэдэг хүн Монголд ямар хувь нэмэр оруулсан, шашин талаасаа ямар мэдлэг боловсролыг түгээж байсан, урлаач, уран бүтээлч хүний хувьд ямар гайхамшигтай хийцүүдийг бидэнд өв болгож үлдээв гэдгийг л харах хэрэгтэй” хэмээлээ.
МУУГЗ Л.Ванганы нэрэмжит Завхан аймгийн Хөгжимт жүжгийн театрын бүтээл “Өндөр Гэгээн” дуулалт жүжиг энэ сарын 5, 8-нд 19:00 цагааас Улсын Драмын Эрдмийн Театрын тайзнаа тоглогдох юм байна гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Баянгол дүүргийн төр, захиргааны байгууллагуудын 2018 оны спорт наадам өнгөрсөн бямба гаригт “Их тамир-Олимп” цогцолборт амжилттай болж өндөрлөлөө. 
Олон Улсын Сагсан Бөмбөгийн Холбооноос зохион байгуулдаг 2018 оны Ази тивийн аварга шалгаруулах тэмцээн БНХАУ-ын Шэньжен хотод 2018 оны дөрөвдүгээр сарын 27-ноос тавдугаарсарын 01-ны өдрүүдэд зохион байгуулагдлаа.
Баянзүрх дүүрэг энэ оныг “Хүүхдийн хөгжлийн жил” болгон зарласан билээ. Жилийн хүрээнд дүүргийн Иргэдийн Төлөөлөгчдийн хурал, Засаг даргын Тамгын газар, НҮБ-ын Хүүхдийн сан, Дэлхийн Зөн Олон улсын байгууллага, Гэр бүл, хүүхэд, залуучуудын хөгжлийн хэлтэс хамтран “Хүүхэд хамгаалал миний оролцоо” хүүхдийн III чуулганыг амжилттай зохион байгууллаа.
Улсын нэгдүгээр төв эмнэлгийн Элэг шилжүүлэн суулгах төвийн эмч нар энэ сарын 4, 5-нд элэг шилжүүлэн суулгах 48, 49 дахь удаагийн хагалгааг хийх гэж байна. Хагалгааны эхний өдөр анх удаа 4 нас хоёр сартай хүүхдэд элэг шилжүүлэн суулгах аж. Харин хоёр дахь өдөр нь хүндрэлтэй өндөр настанд хийх юм. Тус хагалгаанд БНСУ-ын “Асан” эмнэлгийн мэргэжилтнүүд хүрэлцэн ирж оролцох юм байна. 
Өмнөговь аймгийн Гэр бүл, хүүхэд, залуучуудын хөгжлийн газрын дэргэдэх Залуучуудын хөгжлийн төвөөс санаачлан үндэсний эх соёлоо танин мэдэх, сурталчилах, монгол хэлний үгсийн баялаг, зөв бичих дүрмийг таниулах зорилгоор Даланзадгад сумын ЕБ-ын сургуулиудын аварга шалгаруулах “Үсэглэлийн хаад” уралдааныг амжилттай зохион байгуулж дууссан билээ.
Нийслэлийн Онцгой байдлын газраас усчин аврагчдыг бэлтгэх, дадлагажуулах, алба хаагчдын бие бялдар, сэтгэлзүйн хөгжлийг дэмжих, уснаас эрэн хайх, аврах ажиллагааны мэдлэгийг дээшлүүлэх зорилгоор Улаанбаатар хотын усан спорт, сургалтын төвд усчин аврагчдын сургалтыг зохион байгуулж байна. 
Онцгой байдлын ерөнхий газраас АНУ-ын Элчин сайдын яам, Номхон далайн цэргийн командлалтай хамтран “Говийн чоно-2018” гамшгийн хор уршгийг арилгах олон улсын сургалт, дадлага сургуулийг энэ сарын 28-наас ирэх сарын 08-ны өдрүүдэд Ховд аймагт зохион байгуулахаар бэлтгэлийг ханган ажиллаж байна.
