Month: April 2018

Та дараахь линкээ ороод хүүхдийн регистрийн дугаарыг бичээд шалгаарай

https://check.hudulmur-halamj.gov.mn/check/checkin…

МЭДЭГДЭЛ

Монгол Зэс Корпораци ХХК нь хоёр Улсын Засгийн газар хоорондын хэлэлцээр, тэдгээрийн хүчин төгөлдөр шийдвэрт үндэслэж гадаад улсын компанийн эзэмшиж байсан Эрдэнэт үйлдвэр ХХК, Монголросцветмет ХХК-иудын хувьцааг худалдан авсан. Энэхүү хэлцэл нь Монгол Улсад, Улсын төсөвт эсхүл аливаа аж ахуй нэгжид олон зуун сая долларын хохирол учруулсан, үйлдвэрийг барьцаанд тавих замаар хувьдаа их хэмжээний мөнгө завшсан үйлдлээс эрс ялгаатай болохыг зориуд цохон тэмдэглэх хэрэгтэй.

Хувийн хэвшлийн оролцоотой болсноор эдгээр үйлдвэр улс төр намын бус цэвэр бизнесийн зарчмаар үйл ажиллагаа явуулах боломж бүрдсэн. Гэсэн хэдий ч нээлттэй ил тод байх, санхүүгийн сахилга баттай байх, боловсон хүчний шударга зарчим нэвтрүүлэх нь үйлдвэрийг олон жил дарлаж ирсэн цөөнгүй улс төрч, тэдний гэр бүл, найз нөхөд, ойр дотны аж ахуй нэгжид таалагдаагүйг төвөггүй харж болно.

Өнгөрсөн хугацаанд уг асуудлыг улс төржүүлж, Эрдэнэт үйлдвэр ХХК дээр өмнө нь хийгдэж байсан, цаашид хийхээр төлөвлөж байсан олон булхай, луйвар, гэмт хэргийн шинжтэй үйлдлээ холбогдох этгээдүүд нь нуун дарагдуулах оролдлого хийсээр ирлээ. Манай компанийг үйлдвэрийн хувьцаа эзэмшигчээс ямар ч үнээр хамаагүй зайлуулах нь үүнээс сэргийлэх, өмнөх булхай, хууль бус үйлдлээ нуун дарагдуулах гол арга нь юм.

Энэ зорилгын хүрээнд тэд улс төрийн арга хэрэгсэл ашиглаж, олон нийтийн дэмжлэгийг авах зорилгоор огт үндэслэлгүй, худлаа ташаа мэдээллийг зохион байгуулалттайгаар тарааж, улмаар түүнийг шалгах нэрийдлээр манай компани, ажилтан албан хаагчид, хамтран ажилласан аж ахуйн нэгжүүдэд дарамт шахалт үзүүлж, мөрдөн шалгаж байгаа.

Эдгээрийн нэг нь 2018 оны 4-р сарын 5-аас эхлэн сошиал, цахим сайтуудаар Эрдэнэт үйлдвэрийн нэр бүхий ажилтнуудад урамшуулал тараасан гэх ямар ч баталгаагүй, хэн ч богино хугацаанд бэлтгэн цацах боломжтой, худал мэдээллийг Монголын Зэс Корпорацийн логог ашиглаж тараалаа. Үйлдвэрийн олон мянган ажилтнууд өдөр бүр тохоон томилсон ажлаа хийж, Улсын төсөвт онцгой их хэмжээний татвар төвлөрүүлж, түүнээс нь төрийн албан хаагчдын цалин, ахмадын тэтгэвэр тавьж байдгийг бид мэднэ.

Иймд олон нийт эх сурвалжгүй, худал мэдээлэлд хөтлөгдөхгүй байхыг хүсье. Цаашид ийм худал мэдээ тарааж манай компани болоод үйлдвэрийн шударга ажилтнуудын нэр төрийг гутааж байгаа этгээдүүдийг хууль хяналтын байгууллагуудаар шалгуулах аа албан ёсоор мэдэгдэж байна.

2018.04.05
МОНГОЛЫН ЗЭС КОРПОРАЦИ ХХК

-УНААЧ ХҮҮХДИЙН ХАМГААЛАЛТЫН ХУВЦАС, МОРИНЫ ХЭРЭГСЛИЙН СТАНДАРТАД САНАЛ АВЧ БАЙНА-

“Үндэсний морин уралдааны морь унаач хүүхдийн хамгаалалтын хувцас, морины хэрэгсэлд тавих шаардлага” MNS 6264 : 2011 стандартыг шинэчлэх ажлын хэсэг Стандарт, хэмжил зүйн газар дээр байгуулагдан ажиллаж байна.

Морь унаач хүүхдийн хамгаалалтын хувцас, морины хэрэгсэл үйлдвэрлэгч, нийлүүлэн борлуулагч нараас стандартыг шинэчлэхтэй холбоотой санал, санаачлагыг хүлээж авна. Дээрх мэдээллийг www.masm.gov.mnвэб сайтын “Стандартын төсөлд санал авч байна” холбоосоор орж мэдээлэлтэй танилцана уу.

Стандартын төсөл болон асуумжийн хүрээнд иргэн, аж ахуйн нэгж, төрийн болон төрийн бус байгуулагууд өргөнөөр оролцож холбогдох саналаа өгнө үү.

Харилцах утас: 455284

Стандарт, хэмжил зүйн газар

Өнөөдөр МАХН, ИЗНН, МҮАН, МНН-аас Сүхбаатарын талбайд Оюу толгойн гэрээг цуцлах шаардлагатай хэмээн жагслаа. Мөн эх орны баялаг, ашиг шим ард иргэддээ ирэхгүй, хэдхэн эрх баригчидын ашиг сонирхолд үйлчилж байгааг эсэргүүцэж байгаа гэнэ.

Тус жагсаалын үеэр МАХН-ын ёс зүйн хорооны дарга Г.Давааням ярихдаа: Монгол ардын хувьсгалт нам, Иргэний зориг ногоон нам, Монголын үндэсний ардчилсан нам, Монголын ногоон намхамтран энэхүү жагсаалыг зохион байгуулж байна. Оюу толгойн гэрээг цуцлах шаардлага тавин жагсаж байна. Өмнө нь сонинд шаардлагаа хэвлүүлэн гаргасан. УИХ-ын хаврын чуулганы нээлтийг тохиолдуулан тамга тэмдгээ даруулж шаардлагаа өгнө. Оюу толгойн хөрөнгө оруулсан гэрээг хүчингүй болгож, Монголын ард түмэнд ашигтай гэрээгээр солъё гэх шаардлага тавьж байгаа. Мөн Эрдэнэт Монголын мэдэлд байна уу, үгүй юу гэдэг асуудал болж байна. Монгол Оюу толгойн тал хувийг худалдаж авдаг. Ашиггүй гэрээ хийсэн. 2037 оноос ард иргэд ашгийг нь авна гэж байгаа. Ашиггүй гэрээг өөрчилмөөр байна. Өнөөдөр шаардлагаа УИХ-д өргөн барина. Хэрвээ шаардлага биелүүлэхгүй бол бид УИХ тарахыг шаардана гэлээ.

Сүхбаатарын талбайд тусгайн тоноглол бүхий аксент маркийн 17 автомашиныг нийслэлийн есөн дүүргийн Цагдаагийн хэлтсүүдэд хүлээлгэн өгөх арга хэмжээ боллоо.

Тус автомашинууд БНСУ-ын Хьюндай корпорацид 2018 онд үйлдвэрлэгдсэн юм байна. Цагдаагийн албанд зориулан тусгайлан тоноглосон ажээ.

Улсын хэмжээнд өнгөрсөн онд бүртгэгдсэн нийт 32259 гэмт хэргийн 68 хувь буюу 21900 орчим нь нийслэлд үйлдэгдсэн байна.

УИХ-ын хаврын чуулган өнөөдөр нээлтээ хийсэн. Энэ үеэр Улсаа аврах ард түмний үндэсний хөдөлгөөнийхөн УИХ-ыг тараахыг шаардлаа. Тэд энэ сарын 2-5-ны хооронд Д.Сүхбаатарын талбайд санал асуулга явуулж, өнөөдөр Төрийн ордны гадаа улс төрийн жагсаал хийв.

Улсаа аврах ард түмний үндэсний хөдөлгөөнийхөн “Улс төрийн намуудыг бодлогын нам биш мөнгөний нам болсон. Парламентад суудалтай хоёр нам өөрсдөө хууль зөрчдөг учраас татан буулгах ёстой” гэж үзэж байгаа юм. Мөн төрийн эсрэг гэмт хэрэг мэдүүлсэн 60 тэрбумын асуудал оффшор дансанд баялгийн мөнгийг нуун дарагдуулсан гэмт хэрэгтнүүд болон Оюу толгой, Таван толгой, Эрдэнэт үйлдвэрийг хувьдаа завшсан хууль бус асуудлыг шийдвэрлэж чадахгүй тэднийг хаацайлан дэмжиж байгаа УИХ-ыг тараахыг тулган шаардаж байгаа юм.