БНСУ-д дөрвөн жил, 10 сар хөдөлмөрийн гэрээгээр ажиллаж байгаад хугацаандаа нутагтаа ирсэн иргэдийн дунд солонгос хэлний “тусгай” шалгалтыг авахаар болсон билээ. Тэгвэл энэхүү шалгалтыг дөрөвдүгээр сарын 28-30-ны өдрүүдэд авахаар болжээ. Шалгалтыг Хөдөлмөр, халамж үйлчилгээний ерөнхий газарт авах бөгөөд бүртгүүлсэн иргэд http://www.monkor.net сайтаас хуваариа харах юм байна.
Монгол, Солонгосын Хөдөлмөрийн яамд хоорондын байгуулсан Хөдөлмөр эрхлэх зөвшөөрлийн тогтолцооны хүрээнд ажиллах хүч илгээх Санамж бичгийн дагуу энэхүү тусгай шалгалтыг нэмэлтээр авахаар болсон билээ.
Солонгос хэлний шалгалт болон бусад бүртгэлийн арга хэмжээтэй холбогдуулан анхааруулга мэдээллийг иргэдэд өглөө.
Хөдөлмөр, халамж үйлчилгээний ерөнхий газраас БНСУ-д ажиллах хүсэлтэй иргэдэд зориулсан анхааруулга гаргалаа. Уг анхааруулгадаа ‘Засгийн газрын хэрэгжүүлэгч агентлаг Хөдөлмөр, халамжийн үйлчилгээний ерөнхий газар нь Хөдөлмөр эрхлэх зөвшөөрөл олгох тогтолцооны дагуу БНСУ-д ажилтан илгээх болон хүлээн авах тухай харилцан ойлголцлын санамж бичигт зааснаар БНСУ-д хөдөлмөрийн гэрээгээр ажиллах хүч, дадлагажигч илгээх үйл ажиллагааг голлон хариуцах Засгийн газрын цорын ганц байгууллага билээ. Манай байгууллага нь дээрх тогтолцоог хэрэгжүүлэх зорилгоор иргэдэд хандаж байгууллагын цахим хаяг /www.hudulmur-halamj.gov.mn/ болон бусад хэлбэр /утас, танхим, мэдээллийн самбар гэх мэт/-ээр шаардлагатай мэдээ мэдээлэл, зөвлөгөөг үнэ төлбөргүйгээр ил тод, шуурхай хүргэн ажиллаж байна. Гэтэл олон нийтийн цахим сүлжээнд солонгос хэлний түвшин тогтоох шалгалт өгч байгаа иргэдийг залилан мэхлэх зорилгоор ‘СХТТШ-д тэнцүүлж өгнө. Миний ах, эгч, дүү, найз тэнд ажилладаг, Солонгосын Хөдөлмөрийн биржээс татуулна, Хөдөлмөрийн гэрээгээр виз авахад найдвартай туслана, ажлын байрны санал хурдан хугацаанд авч өгнө” гэх зэргээр иргэдээс янз бүрийн шалтгаанаар зуучлалын хөлс авч буй мэдээллүүд сошиал сувгуудаар явагдах боллоо. Дээрх байдлаар иргэдээс итгүүлэн үнэмшүүлэх арга заль ашиглаж хууль бусаар их хэмжээний мөнгө авч байгааг онцгойлон сэрэмжлүүлж байна. Хууль бус үйл ажиллагаа явуулж буй зарим нэг иргэд, байгууллагуудыг манай байгууллага хууль хяналтын байгууллагуудтай хамтарч шалгаснаар прокурорын болон шүүхийн шатанд шийдвэрлэгдээд байгаа билээ. Цаашид ч энэ төрлийн гэмт хэргээс урьдчилан сэргийлэх чиглэлээр иргэд та бүхэнтэй байнга хамтран ажиллаж байх болно’ гэжээ.
Солонгос хэлний “тусгай” шалгалтын мэдээллийг Хөдөлмөр халамжийн үйлчилгээний Ерөнхий газрын http://hudulmur-halamj.gov.mn, БНСУ-ын Аж үйлдвэр, хүний нөөцийн хэрэг эрхлэх газрын Монгол дахь төлөөлөгчийн газрын www.monkor,net сайтаар дамжуулан хүргэж байгаа аж.
Монголын морин спорт уяачдын холбоо жил бүр “Монгол уяач 3000” уяачдын Улсын зөвлөгөөнийг улс орон даяар зохион байгуулдаг уламжлалтай. Уг зөвлөгөөн нь нийслэл дүүрэг болон хөдөө орон нутагт ажиллаж амьдардаг уяачид, хурдан морины зүтгэлтнүүд, уралдаанч хүүхдүүд, хамтран ажилладаг байгууллага, иргэд, морь сонирхогчдын санал бодлыг сонсож тэдгээрийн дуу хоолой, санал зөвлөмжийг олон нийтэд хүргэх, холбооны бодлого үйл ажиллагаанд тусгаж ажиллах зорилготой юм.
Монгол Улсын хөгжлийн тулгуур болох өсвөр үе, оюутан залуучуудад эерэг хандлага төлөвшүүлж, залуучуудын нийгмийн оролцоо, ёс суртахуун, хариуцлага, харилцааны эерэг соёлыг нэмэгдүүлэх, гэмт хэрэг, сөрөг зан үйл, хорт зуршлаас урьдчилан сэргийлэх, чөлөөт цагаа хэрхэн зөв боловсон өнгөрөөх тухай мэдлэгийг олгох зорилготой “ЭЕРЭГ ХАНДЛАГЫГ ЭРҮҮЛ ДАДЛААС ЭХЛҮҮЛЦГЭЭЕ” сургалтыг өнөөдөрИх засаг “Чингис СООСЭ” Олон Улсын их сургууль дээр Нийслэлийн Засаг даргын хэрэгжүүлэгч агентлаг Залуучуудын хөгжлийн газраас Сонгинохайрхан дүүргийн Гэр бүл, Хүүхэд, Залуучуудын хөгжлийн хэлтэс, СЭМҮТ, Эрдэнэ тав баг ТББ-тай хамтран зохион байгууллаа.
Тус сургалтад Ерөнхий боловсролын 42, 65, 107-р сургуулийн ахлах ангийн сурагчид, “Чингис Соосэ” Олон Улсын Харилцааны сургууль, “Их засаг” Олон улсын их сургууль, “Эдийн засгийн сургууль”, “Чингис Соосэ” Олон Улсын их сургуулийн дэргэдэх МСҮТ-ийн оюутнууд, нийт 1000 гаруй залуучууд хамрагдлаа. 
Нийслэлийн Залуучуудын хөгжлийн газрын дарга С.Сүх-Очир: Аливаа улс орны залуучууд гэгээн мөрөөдөлтэй, зөв зорилготой байж улс орон хөгждөг. Тиймээс манай газар нийслэлийн Иргэний дагаж мөрдөх зөв 10 дадлыг хэвшүүлэх, эерэг хандлага төлөвшүүлэх, хорт зуршлаас урьдчилан сэргийлэх, эрүүл мэндийн мэдлэг, мэдээлэл олгохоор ажиллаж байна. Эл аяны хүрээнд зохион байгуулах цуврал сургалтад нийслэлийн бүх дүүргийн иргэд, оюутан залуусыг өргөнөөр хамруулна. Зөв 10 дадлын тухайд, Олон нийтийн газар биеэ зөв авч явдаг иргэн, Замын хөдөлгөөнд соёлтой оролцдог иргэн, Бусдыг хүндэлдэг, талархлаа илэрхийлдэг иргэн, Ёс заншлаа дээдэлдэг, зөвөөр хэрэгжүүлдэг иргэн, Нийгмийн хэм хэмжээ, соёлд суралцсан иргэн, Санаачилгатай, оролцоотой иргэн, Эрүүл мэнд, эрүүл амьдралын хэвшилд анхаардаг хэрэгжүүлдэг иргэн, Бусдын төлөө сэтгэл гаргадаг иргэн, Ногоон орчин бүтээдэг иргэн, Цаг баримталдаг иргэн байх зорилтыг залуучуудтайгаа хамтран дэвшүүлсэн. “Эерэг хандлагыг эрүүл дадлаас эхлүүлцгээе” урианд нэгдэхийг залуучуудаасаа хүсье. хэмээлээ. гэж нийслэлийн Залуучуудын хөгжлийн газраас мэдээллээ.
2018 онд улсын хэмжээнд 408.9 мянган га-д үр тариа, үүнээс 390.4 мянган га-д улаанбуудай, 15.5 мянган га-д төмс, 8.4 мянган га-д хүнсний ногоо, 32 мянган га-д тэжээлийн таримал, 41.9 мянган га-д тосны ургамал, 6.5 мянган га-д жимс жимсгэнэ, нийтдээ 513.2 мянган га-д тариалалт хийнэ. 
Барилгын салбарын ханган нийлүүлэгчид болоод хэрэглэгчдийг нэгэн дээвэр дор нэгтгэх, уг салбарын бодлого, зорилтыг олон нийтэд танилцулах, гадны хөрөнгө оруулалт татах зорилго бүхий “BARILGA EXPO- 2018” олон улсын үзэсгэлэн Мишээл экспо төвд үргэлжилж байна.
Дэлхийн банкны санхүүжилтээр Монгол Улсын Засгийн газраас “Боловсролын чанарын шинэчлэл” төслийг 2015 оноос хэрэгжүүлж байгаа юм. Ирэх оноос төслийн дөрөв дэх шат хэрэгжих аж. Баян-Өлгий аймгийн Боловсрол, соёл, урлагийн газраас төслийн дараагийн шатанд бага ангийн хүүхдүүдийн монгол хэл болон казах хэлний боловсролын түвшинг дээшлүүлэхэд дэмжлэг үзүүлэх саналыг төсөл хэрэгжүүлэгчдэд тавьсан байна.
Хөвсгөл аймгийн Нэгдсэн эмнэлгийн Цусны салбар төв цусны аюулгүй байдлыг хангах, донорын эгнээг өргөжүүлэх, цус цусан бүтээгдэхүүний нөөцийг бүрдүүлэх, зохистой хэрэглээг хэвшүүлэх үйлст улсдаа ажил үйлсээрээ манлайлж тэргүүн байр эзэлжээ.