Аваргуудын лигийн 13 удаагийн аварга Реал мадрид их шөвөгт шалгарлаа. Тэд энэ шатанд Италийн Ювентус клубтай тоглож хоёр тоглолтын нийлбэр дүн 4:3-аар буулгаж авсан юм.
Хоёр багийн эхний тоглолт долоо хоногийн өмнө Итальд явагдахад Реалмадрид 3:0-ээр илүүрхэж Ювентусыг нуман тулгуурт оруулаад байсан юм.
Хариу тоглолт өнгөрсөн шөнө Сантиаго Бернабеуд явагдахад Ювентус амар бууж өгөлгүй Реал мадридын хаалганд Марио Манзукич хоёр, Блэсь Матиуди нэг гоол оруулж тоглолтын уур амьсгалыг өөрийн багийн талд эргүүлсэн. Гэсэн ч шүүгчийн мэдлийн цагийн 94 дэх минутад Ювентусын хамгаалагч Бенатиа Васкуэз дээр алдаа гаргасныг шүүгч Майкл Оливер гярхай харж пеналт заав. Үүнийг эсэргүүцсэн Буффон шүүгчийн биед халдаж улаан картаар торгуулж талбайг чөлөөлсөн юм. Торгуулийн цохилтыг Кристиан Роналдо найдвартай гүйцэтгэж багаа их шөвөгт шалгаруулсан юм.
Нөгөө талд Байерн Мьюнхен талбайдаа Испаний Севияаг хүлээн авч 0:0-ээр тэнцжээ. Тэд эхний тоглолтод 2:1-ээр илүүрхсэн тул тэмцээнээ цааш үргэлжлүүлэхээр болж байна.
О.ДАШНЯМ
“Жаст” группын захирал Ш.Батхүүг цагдан хориод нэг сар өнгөрчээ. Энэ хугацаанд түүний сахарын өвчин нь хүндэрч бие эрс муудсан бөгөөд эрчимтэй эмчилгээг цаг алдалгүй яаралтай хийхгүй бол амь насанд нь аюул тулгарч болзошгүй хэмээн эх сурвалжууд мэдээлж байна. Харин түүний цагдан хорионы хугацаа өнгөрсөн шөнийн 00 цагт дууссан ч, хууль бусаар үргэлжүүлэн хорьсоор байна хэмээн өмгөөлөгч нь мэдэгдлээ. Энэ талаар Ш.Батхүүгийн өмгөөлөгч ШШГЕГ-ын харъяа 461 дүгээр ангийн удирдлагад хандаж шаардлага хүргүүлжээ. Шаардлагыг сийрүүлбэл, Сүхбаатар дүүргийн Эрүүгийн хэргийн анхан шатны шүүхийн шүүгчийн 2018 оны гуравдугаар сарын 12-ны өдрийн 67/9 дугаартай захирамжаар Ш.Батхүүд цагдан хорих таслан сэргийлэх арга хэмжээ авсан. Дээрх захирамжийн захирамжлах хэсгийн 1-т “Яллагдагч Ламдан овогтой Шаравламдангийн Батхүүг 2018 оны 03 дугаар сарын 12-ны өдрөөс эхлэн яллагдагчаар 1 /нэг/ сарын хугацаатай цагдан хорих таслан сэргийлэх арга хэмжээ авсугай” гэж шийдвэрлэсэн. Эрүүгийн хэрэг хянан шийдвэрлэх тухай хуулийн 11.1 дүгээр зүйлийн 5-т “Хугацааг сараар тоолоход сүүлийн сарын мөн өдөр хугацаа дуусна…” гэж хуулчилсан. Шүүгчийн захирамжид заасны дагуу 2018 оны 03 дугаар сарын 12-ны өдрөөс эхлэн Ш.Батхүүд цагдан хорих таслан сэргийлэх арга хэмжээ авсан бөгөөд 1 /нэг/ сарын дээд тал нь 31 хоногтой гэж тооцож хүснэлтээр үзүүлэв. Эндээс харахад Ш.Батхүү нь 32 хоногтоо цагдан хоригдаж байх бөгөөд хуанлийн сараар тодорхойлбол нэг сард хамгийн дээд тал нь 31 хоног байх тул 2018 оны дөрөвдүгээр сарын 12-ны өдрийн 08 цаг 30 минутын байдлаар Ш.Батхүүг 8 цаг 30 минут хууль бусаар цагдан хорьж байна….
УЕПГ-ын хяналтын прокурор У.Эрдэнэтуяа камерын өмнө сэтгүүлч бүсгүйд “Юун олон юм асуудаг юм бэ. Ганц асуулт л асуугаач” гэж хэлсний төлөө нийгэм даяар шуугьж, түүнийг зүхэж дууслаа. Монголын нийгэм үнэхээр мунхаг харанхуй байна. Тэр дундаа ард түмнийг соён гэгээрүүлж, танин мэдүүлэх үүрэгтэй сэтгүүлчид бүр ч дор байгаа харагдах юм. Яг л приустэй ардууд гэрлэн дохио хамаарахгүйгээр уулзвар руу нэг нэгнийхээ өмнүүр чихцэлдэн дайрдаг шиг л манай сэтгүүлчид хүнээс юм асуухдаа зэрэгцээд шаагилддаг. Хэдэн талаас нь бүчиж зогсож байгаад хоорондоо ямар ч авцалдаагүй өөр, өөр асуултаар тал талаас бөмбөгдөж өгнө. Нэг нь асуултаа дуусгаагүй байхад нөгөөх нь давхцаж асууна. Микрофон барьж, камераар гарч сүгсэлзэж байгаагаа сэтгүүл зүй гэж эндүүрэх болжээ. Үнэндээ сэтгүүл зүйн хамгийн энгийн онолд сэтгүүлч ярилцагчаасаа нэг дор олон асуулт асууж болдоггүйг сургадаг юм. Аливаа мэдээлэл амьд, уншууртай, сонирхолтой болоход шууд сэтгүүлчийн мэдрэмжээс хамаатай. Тэр утгаараа хариултаас асуулт ургуулснаар ярилцлага амттай болдог . Харин нэг дор баахан асуулт ар, араас нь нэг амьсгаагаар тулгачихаар ойлгомжтой хариулт авч чадахгүй. Мэдээж тухайн хүн бүх асуултад хариулт өгөхгүй. Өөрт таалагдсан асуултдаа хариулах юм уу мэдэж байгаа сэдвийнхээ хүрээнд л бөөрөнхийлөн ярина. Эсвэл олон асуултын хамгийн сүүлчийнхийг нь тогтоож, хариулдаг. Ийм энгийн онол, практикийн хичээлийг орчин үеийн сэтгүүл зүйн боловсон хүчин бэлтгэж байгаа их, дээд сургуулиуд заадаггүй юм уу. Тэгвэл мэргэжлийн бүдүүлэг алдаа гаргасан сэтгүүлчийг “Байг чи” гэж хэлж чадсан прокурор эмэгтэйд үнэхээр талархал илэрхийлье. Хөндлөнгийн нүдээр бол У.Эрдэнэтуяа прокурорын хэлсэн үг хүүхдээ буруу зүйл хийхэд нь хориглож байгаа ээжийн зэмлэл шиг харагдсан. Түүний хэлсэн үг сэтгүүлчийн үнэмлэхээрээ түрүү барьж, хэн дуртайгаа загнаж, зүхээд мэдээлэл авч болдог гэсэн ойлголттой шинэ үеийнхэнд таалагдахгүй байгаа бололтой. Ер нь Монголд нийгмээрээ “Байг чи” гэж хэлэх хүнгүй болсон болохоор энэ үгийг их эмзэг хүлээж аваад байна. Улстөрчдийг “Байг” гэх хүн алга. Тийм болохоор л тэд ханаж цадахаа мэдэхгүй төрөөс хулгай хийж, луйвардаж байна шүү дээ. Монголчууд үнэхээр эх захаа алдаж байна. Ялангуяа сэтгүүлчид ичих булчирхайгүй, эрээ цээргүй болжээ. Тэднээс хүмүүс ихэд айж, эмээдэг болсон байна. Амьдрал дээр сэтгүүлчдийг зэрэг, зэрэг асууж, орилолдоод байвал “Байг” гээд хэлж болдог юм. Хариулж байгаа хүн нь тухайн сэтгүүлчийг заагаад “Таны асуултад хариулъя” гэдэг. Тэрнээс хэн чанга дуутай, түрэмгий сэтгүүлчийг сонгож хариулдаггүй юм. Харин тухайн хариулагчийн заасан сэтгүүлчийг асуулт тавьж эхлэхэд танхим дүүрэн хүн нам гүм болдог туршлага бий. Мэдээлэл өгч байгаа хүн үнэн зөвийг мэдээлдэг, буурьтай хэвлэл мэдээллийн байгууллагын сэтгүүлчийн асуултыг л сонгодог. Хариулагчид ийм сонголыг сэтгүүл зүй олгодог ёстой. Гэтэл манайхан Солонгос кинонд гардаг шиг гудамжинд баахан сэтгүүлчид шаагилдаад л, нэг нөхрийг бүчиж асуултаар балбаад байдаг үзэгдэл шиг л ажиллах юм. Энэ бол мэргэжлийн сэтгүүл зүй биш. Кинон дээр сэтгүүлчдэд асуугдаж байгаа хүн нь юу ч дуугарахгүй явсаар хар машинд суугаад явчихдаг л биз дээ. Энэ бол шар мэдээллийн хойноос хөөцөлдөж буйн жишээ. Нэр хүндтэй хэвлэл мэдээллийн байгууллага хэзээ ч ингэж гудамжинд “нугас” агнахаар хөөцөлддөггүй юм. Манайхан үүнийг сэтгүүл зүй гэж ойлгоод андуурдаг бололтой. Тэр дундаа парламентын сэтгүүлчид ийм алдаа гаргах нь элбэг. Тэдний энэ байдал сонгуулиас сонгуулийн хооронд ард түмэнд таалагдах гэж бялдуучилдаг зусарч улстөрчидтэй ч холбоотой. Камерын өмнө өөгүй тэгш сайхан, шударга хүн болж харагдахын тулд попорч, асуусан болгонд нь хариулж, аманд нь ордог төрийн түшээд сэтгүүлчдийг ийм алдаа гаргахад нөлөөлж байна. Төрийн ордны коридор, булан тохойд манай улстөрчид хэн дуртайд нь нэгнийгээ муулаад л зогсоцгоох юм билээ. Зарим нь бүр халаасны сэтгүүлчидтэй болоод ашиг сонирхлын төлөө сайн ах, дүүсийн барилдлагатай болчихсон ч байх шиг. Энэ бүхэн сэтгүүл зүйг муухай харагдуулж байна. Тэгээд ч зурагтаар гарах дуртай хөнгөн улстөрчид бол сэтгэлийн хөөрлөөр асуудалд хандаж, цээжний пангаар ярьдаг. Ийм хүмүүсийн төлөөлөл гэвэл Ц.Нямдорж, О.Баасанхүү, Х.Нямбаатар, Ж.Энхбаяр, Т.Аюурсайхан, Ж.Мөнхбат нарын олон хүн байгаа. Ер нь төрийн түшээд болон тулхтай улстөрчид дороо суурьтай, бодолтой баймаар сан. Төрийн ордонд сэтгүүлчдэд бөөрөлхүүлээд асуугдаж зогсохын оронд “Байг, чадахгүй” гээд өнгөрч болдоггүй юм уу.
Хамгийн сүүлд Монголын оюутны холбооноос 90 гаруй их, дээд сургуулийг жилдээ 30 гаруй мянган оюутан төгсөж, тэдний гуравны нэг нь 4-6 жил сурч эзэмшсэн мэргэжлээрээ ажилладаг гэсэн судалгаа гаргажээ. Харин 60 орчим Мэргэжил Сургалт Үйлдвэрлэлийн Төвийг жилд 40 орчим мянган оюутан төгсөж, тэдний 80 хувь нь мэргэжлээрээ ажиллаж, үлдсэн хувь нь дэвшин суралцдаг. Дээд сургуулиа төгсөөд шууд ажлын байртай золгохын тулд дунд сургуулиа төгсөөд мэргэжлээ хэрхэн зөв сонгох вэ гэдгээс шууд хамааралтай.
УИХ-ын дарга М.Энхболд хоёр цагийн өмнө өөрийн твиттертээ ийнхүү жиргэжээ.
УИХ-ын чуулганы пүрэв гарагийн хуралдаан эхэллээ.
‘’Их цэвэрлэгээний 90 минут’’ уриатай 4 дүгээр сарын 14-ний өдөр зохион байгуулагдах бүх нийтийн их цэвэрлэгээнд дүүргийн нутаг дэвсгэрт үйл ажиллагаа явуулж буй их, дээд сургуулиуд нэгдэн оролцохоор болсон билээ. Иймд их, дээд сургуулийн удирдлагуудад дүүргийн Дэд бүтэц, хот төлөвлөлт хариуцсан төслийн удирдагч-Засаг даргын орлогч Т.Батцогт болон Тохижилт, нийтийн аж ахуйн хэлтсийн дарга Б.Отгонхүү нар цэвэрлэгээг хэрхэн зохион байгуулан оролцох талаар заавар, зөвлөгөө өглөө. Тухайлбал энэхүү их цэвэрлэгээнд дүүргийн нутаг дэвсгэрт үйл ажиллагаа явуулж буй ШУТИС-ийн Бизнесийн сургууль, Улаанбаатар Их Сургууль, ОТИС, Газарчин дээд сургууль, Засагт хан дээд сургууль, СЭЗИС, ‘’Эм Ай Ю’’ дээд сургууль, БХИС зэрэг нийт 12 их, дээд сургуулийн багш, оюутнууд оролцохоор болсон юм. Үүний дагуу дүүргийн Тохижилт нийтийн аж ахуйн хэлтсээс цэвэрлэгээ хийгдэх газрын маршрутын зургийг гаргаж, танилцууллаа.
Гадаа дулаарч, хөхөө донгодох цаг хаяанд иржээ. Энэ зуныг хэрхэн өнгөрөөхөө эртнээс төлөвлөсөн үү. Хөдөөгүүр явах уу, эсвэл бүр гэртээ амрах төлөвлөгөөтэй байна уу. Зуныг зугаатай өнгөрүүлэх ямар боломж бидэнд байгааг судалж, дэлхийн олон улс оронд залуучууд зуныг хэрхэн өнгөрүүлж байгааг ажиглалаа.
