Month: February 2018

Элсэлтийн ерөнхий шалгалтын бүртгэл ирэх даваа гарагт 09:00 цагаас орон даяар эхэлнэ. 2017 оноос эхлэн бүртгүүлэгчид өөрсдөө цахимаар шалгалт өгөх хичээлээ сонгон бүртгүүлдэг болсон журам энэ жил ч мөрдөгдөх бөгөөд бүртгэл, шалгалттай холбоотойгоор журамд бага зэрэг өөрчлөлт орно.

Энэ талаар Боловсролын үнэлгээний төвөөс бүртгэл эхлэх өдөр хэвлэлийн хурал хийн мэдээлэл өгөх аж. Мөн өнгөрсөн жилийн төгсөгчид дахин ЭЕШ-ын шалгалт өгөх бол энэ бүртгэл хамааралтай аж.

Хууль зүй, дотоод хэргийн сайдын эрхлэх асуудлын хүрээний улсын төсөвт, төрийн өмчит, аж ахуйн тооцоот үйлдвэрийн газруудын бүтээгдэхүүн танилцуулах үзэсгэлэн маргааш болно.

Өвөлжилтийн нөхцөл, байдалтай танилцах, орон нутгийн онцгой комиссын үйл ажиллагаатай танилцах, аймаг, орон нутагт тулгамдсан асуудлыг газар дээр нь шийдвэрлэн ажиллах, өвөлжилтийн нөхцөл байдалд үнэлэлт, дүгнэлт өгөх зорилгоор Улсын Онцгой комиссын дарга, Монгол Улсын Шадар сайд, ОБЕГ-ын дарга, хошууч генерал Т.Бадрал нараар ахлуулсан Шуурхай бүлэг өнөөдөр Хөвсгөл аймагт ажиллаж байна.

2018 оны Нохой жилийн сар шинийн баярыг угтан хэрэгжүүлэх арга хэмжээний тухай Нийслэлийн засаг даргын А/71 дүгээр захирамжийн дагуу нийслэлийн Тээврийн газраас дараах арга хэмжээг аваад байна.

Сар шинийн баяр болох гэж байгаатай холбогдуулан нийслэлийн Автозамын хөдөлгөөний ачааллыг бууруулах зорилгоор дугаарын хязгаарлалт хийгдэх өдрүүд буюу 2018 оны 2 дугаар сарын 03, 10-ны Бямба гаригууд, 2 дугаар сарын 04, 11-ний Ням гаригуудад тодорхой суурьшлын цэгүүдээс Нарантуул худалдааны төв рүү 10 их багтаамжийн автобус 10:00,12:30,15:00 цагт үйлчилнэ.

Сар шинийн баярыг угтаж томоохон худалдааны төвруу зорчих зорчигчдын хөдөлгөөн ихэсч, ачаалал үүсдэг “Дэнжийн 1000”-ын замын ачааллыг сийрүүлэх зорилгоор Дэнжийн 1000-ын замаар үйлчилдэг нийтийн тээврийн 4 чиглэлийн хөдөлгөөнийг нэг урсгалаар явуулах зохицуулалт хийгдэх тул Ч:21а “Булгын 19-р гудамж-Вокзал-3,4-р хороолол”, Ч:21б “Булгын 19-р гудамж-3,4-р хороолол-Вокзал”, Ч:31 “Улиастай-Баянбүрд-Зам гүүрийн автобааз”, Ч:55 “Зайсан-Дэнжийн 1000-ЗГАБ-Согоотын гудамж” чиглэлүүдийн хөдөлгөөний чиг доорх зураглалын дагуу үйлчилнэ гэж нийслэлийн Тээврийн газраас мэдээллээ.

Сар шинийн баяр дөхөж байгаатай холбоотойгоор орон нутгаас нийслэл хотыг чиглэсэн хөдөлгөөн болон томоохон зах, худалдааны төв рүү чиглэсэн иргэд, тээврийн хэрэгслийн хөдөлгөөний ачаалал эрс нэмэгдэж ачаалал үүсэх, түгжрэл саатал бий болдог тул Нийслэлийн Засаг даргын энэ сарын 25-ны өдрийн А/71 дугаарт захирамжийн дагуу нийслэлийн замын хөдөлгөөний ачааллыг бууруулах, иргэдийг түргэн шуурхай, аюулгүй зорчуулах зорилгоор дараах арга хэмжээг авч хэрэгжүүлэх гэж байна.

Тухайлбал:

1. Амралтын өдрүүдээр буюу ирэх сарын 3,10-ны “Бямба” гарагуудад автомашины улсын дугаарын сүүлчийн орон тэгш тоогоор /0,2,4,6,8/ төгссөн, тухайн сарын 04,11-ний “Ням” гарагуудад автомашины улсын дугаарын сүүлчийн орон сондгой тоогоор /1,3,5,7,9/ төгссөн тээврийн хэрэгслүүд замын хөдөлгөөнд оролцох зохион байгуулалтын арга хэмжээг авлаа. Жич: Автомашины улсын дугаарын сүүлийн оронгоор хязгаарлагдсан тээврийн хэрэгсэл дугаарын хязгаарлалтын өвлийн бүсчлэл дээр нэмэлтээр Саппоро төвийн уулзвараас Таван шарын уулзвар хүртэлх замд 10:00-20:00 цагийн хооронд автозамын хөдөлгөөнд оролцохыг хязгаарлана.

2. Чингэлтэй дүүргийн нутаг дэвсгэрт 2018 оны 2 дугаар сарын 03, 04, 10, 11-ний амралтын өдрүүдээр “Дэнжийн мянга” худалдааны төвийн замын хөдөлгөөнийг “Хүчит шонхор” худалдааны төвийн зүүн урд уулзвараас хойш үерийн далангийн уулзвар хүртэл урдаас хойш чиглэлд, далангаас зүүн тийш Судалт төвийн уулзвар хүртэлх авто замын хөдөлгөөнийг баруунаас зүүн чиглэлд 08:00-17:00 цагийн хооронд нэг чигийн хөдөлгөөнд оруулж, зохицуулалтын арга хэмжээ авч ажиллахаар боллоо.

3. Автомашины улсын дугаарын хязгаарлалт тогтоосон амралтын өдрүүдэд төвлөрсөн зах, томоохон худалдааны төвүүд рүү чиглэсэн авто замын хөдөлгөөний ачааллыг бууруулах зорилгоор төвийн 6 дүүргийн нутаг дэвсгэрт 1-2 байршилд мах, цагаан идээний өргөтгөсөн худалдаа зохион байгуулагдах тул иргэн та заавал томоохон худалдааны зах, төв рүү зорчилгүйгээр цаг зав, бензин шатахуунаа хэмнэх боломжтой юм.

Замын хөдөлгөөнд оролцож буй жолооч нар хязгаарлагдсан дугаартай автомашинтай хязгаарлалтын бүсэд зорчихгүй байх, цагдаагийн алба хаагчийн хууль ёсны шаардлагыг биелүүлэх, аль болох нийтийн тээврийн хэрэгслийг сонгож замын хөдөлгөөнд оролцохыг Замын цагдаагийн албанаас уриалж байна.

Тусгай сонирхлын аялал жуулчлалыг хөгжүүлэх, жуулчны улирлын хугацааг уртасгах, өвлийн улиралд Улаанбаатар хотод ирэх жуулчдын тоог нэмэгдүүлэх зорилгоор “Улаанбаатарын өвлийн наадам”-ыг Нийслэлийн Засаг даргын Тамгын газар, Нийслэлийн Аялал жуулчлалын газар Үндэсний цэцэрлэгт хүрээлэнтэй хамтран жил бүрийн 2 дугаар сарын эхний долоо хоногийн амралтын өдрүүдэд уламжлал болгон зохион байгуулдаг билээ.

Улаанбаатарын өвлийн наадам нь гадаад дотоодын жуулчдад Монголынхоо ёс заншил, өв уламжлал, үндэсний тоглоом наадгай, соёлыг сурталчлан таниулах, шинэ тутам хөгжиж буй нийтийн биеийн тамир, спорт, аяллын төрлүүдийг ард иргэдэд сурталчлах ач холбогдолтой юм.

Тус наадмын үеэр Монгол улсын өнцөг булан бүрийн сур болон шагай харваачид идэр есийн хүйтнийг үл ажран цэц мэргэнээ сорьж улсын аваргаа шалгаруулна. Энэ жилийн хувьд олон улсын хэмжээний наадам болтлоо өргөжин хөрш хоёр орон болох БНХАУ болон ОХУ-ын сур харвааны тамирчид цэц мэргэнээ сорихоор хүрэлцэн ирнэ. Монголчууд нэн эртнээс уухайлах ёсыг хийморь сэргээн жавар үргээдэг хэмээн бэлэгшээдэг байна. Иймд иргэд та бүхнийг мөсөн сур харваж шагайгаар наадан Монголынхоо ёс заншил, өв уламжлал, үндэсний тоглоом наадгайтай танилцан айлчлан ирж буй Шар Нохой жилийн аз хийморийг шинжихийг урьж байна.

Мөн залуучуудын дунд эрчимтэй хөгжиж буй орчин үеийн спорт болох снөүбоард, рагби, тэшүүр, мөсөн хананд авиралтын үзүүлбэр тэмцээнүүдийг сонирхож өвлийн дугуй, нохой чаргаар гулган амьтадтай зураг даруулж амралтын өдрөө хөгжилдөн өнгөрүүлээрэй.

Гэр бүл найз нөхдийн хамт хүрэлцэн ирснээр гэр бүлийн буухиа тэмцээн болон олс таталтын тэмцээнүүдэд оролцон мөн хамгийн сайхан үндэсний хувцастай оролцогчоор шалгаран шагналын эзэд болох боломжтой. Үүнээс гадна 3,5 метрийн диаметртэй том тогоонд мастер тогооч нар цуйван сэгсэрч хоолны шоу үзүүлбэр үзүүлэн хүрэлцэн ирсэн иргэдийг дайлна.

Тэмцээн болон ивээн тэтгэгчдийн нийт шагналын сан 10 сая төгрөг бөгөөд наадамд ирсэн иргэд, жуулчид тэмцээн уралдаануудыг үзэж сонирхохоос гадна өөрсдийн биеэр оролцох боломжтойгоороо онцлогтой. Үндэсний цэцэрлэгт хүрээлэнд 02-р сарын 03-04-ний өдрүүдэд зохион байгуулагдах тус наадамд Монгол бахархал болсон дээл хувцсаараа гоён өргөнөөр оролцохыг иргэд нийслэлчүүддээ уриалж байна гэж нийслэлийн Аялал жуулчлалын газраас мэдээллээ

Тусгай сонирхлын аялал жуулчлалыг хөгжүүлэх, жуулчны улирлын хугацааг уртасгах, өвлийн улиралд Улаанбаатар хотод ирэх жуулчдын тоог нэмэгдүүлэх зорилгоор “Улаанбаатарын өвлийн наадам”-ыг Нийслэлийн Засаг даргын Тамгын газар, Нийслэлийн Аялал жуулчлалын газар Үндэсний цэцэрлэгт хүрээлэнтэй хамтран жил бүрийн 2 дугаар сарын эхний долоо хоногийн амралтын өдрүүдэд уламжлал болгон зохион байгуулдаг билээ.

Улаанбаатарын өвлийн наадам нь гадаад дотоодын жуулчдад Монголынхоо ёс заншил, өв уламжлал, үндэсний тоглоом наадгай, соёлыг сурталчлан таниулах, шинэ тутам хөгжиж буй нийтийн биеийн тамир, спорт, аяллын төрлүүдийг ард иргэдэд сурталчлах ач холбогдолтой юм.

Тус наадмын үеэр Монгол улсын өнцөг булан бүрийн сур болон шагай харваачид идэр есийн хүйтнийг үл ажран цэц мэргэнээ сорьж улсын аваргаа шалгаруулна. Энэ жилийн хувьд олон улсын хэмжээний наадам болтлоо өргөжин хөрш хоёр орон болох БНХАУ болон ОХУ-ын сур харвааны тамирчид цэц мэргэнээ сорихоор хүрэлцэн ирнэ. Монголчууд нэн эртнээс уухайлах ёсыг хийморь сэргээн жавар үргээдэг хэмээн бэлэгшээдэг байна. Иймд иргэд та бүхнийг мөсөн сур харваж шагайгаар наадан Монголынхоо ёс заншил, өв уламжлал, үндэсний тоглоом наадгайтай танилцан айлчлан ирж буй Шар Нохой жилийн аз хийморийг шинжихийг урьж байна.

Мөн залуучуудын дунд эрчимтэй хөгжиж буй орчин үеийн спорт болох снөүбоард, рагби, тэшүүр, мөсөн хананд авиралтын үзүүлбэр тэмцээнүүдийг сонирхож өвлийн дугуй, нохой чаргаар гулган амьтадтай зураг даруулж амралтын өдрөө хөгжилдөн өнгөрүүлээрэй.

Гэр бүл найз нөхдийн хамт хүрэлцэн ирснээр гэр бүлийн буухиа тэмцээн болон олс таталтын тэмцээнүүдэд оролцон мөн хамгийн сайхан үндэсний хувцастай оролцогчоор шалгаран шагналын эзэд болох боломжтой. Үүнээс гадна 3,5 метрийн диаметртэй том тогоонд мастер тогооч нар цуйван сэгсэрч хоолны шоу үзүүлбэр үзүүлэн хүрэлцэн ирсэн иргэдийг дайлна.

Тэмцээн болон ивээн тэтгэгчдийн нийт шагналын сан 10 сая төгрөг бөгөөд наадамд ирсэн иргэд, жуулчид тэмцээн уралдаануудыг үзэж сонирхохоос гадна өөрсдийн биеэр оролцох боломжтойгоороо онцлогтой. Үндэсний цэцэрлэгт хүрээлэнд 02-р сарын 03-04-ний өдрүүдэд зохион байгуулагдах тус наадамд Монгол бахархал болсон дээл хувцсаараа гоён өргөнөөр оролцохыг иргэд нийслэлчүүддээ уриалж байна гэж нийслэлийн Аялал жуулчлалын газраас мэдээллээ.

Газрын харилцааны салбарын удирдах ажилтнуудын ээлжит зөвлөгөөн өнөөдөр эхэллээ. Гурван өдрийн турш үргэлжлэх зөвлөгөөнд Газар зохион байгуулалт, геодези, зураг зүйн газар болон аймгуудын Газрын харилцаа, барилга, хот байгуулалтын газар, Нийслэл, дүүргийн газрын албаны удирдах ажилтнууд оролцож байна.

Зөвлөгөөнийг Газар зохион байгуулалт, геодези, зураг зүйн газрын дарга Ц.Ганхүү нээж, 2017 онд салбарын хэмжээнд хэрэгжүүлсэн томоохон ажлуудынхаа үр дүнг танилцууллаа. Тухайлбал,

Улсын хэмжээнд бүх хот, суурин газрын нутаг дэвсгэрийг 1:1000-ны масштабтай байр зүйн зургаар зурагжуулан мэдээллийн санг буй болгож, хэрэглээнд гаргахад бэлэн болгосон, нийслэл болон 19 аймгийн төвийн газар дээрх, доорх шугам, сүлжээний мэдээллийн санг буй болгон байгууллагын орон зайн өгөгдлийн дэд бүтцэд оруулж, хэрэглээнд гаргахад бэлэн болголоо.

Нийгэм, эдийн засгийн 27 салбарын 642 үндсэн үзүүлэлтийн 2532 утга бүхий дэд үзүүлэлтээс бүрдсэн мэдээллийн санг бүрдүүлэх ажлыг дуусган манай байгууллагын геопортал https://geoportal.nsdi.gov.mn сайтаар дамжуулан иргэд олон нийтэд нээлттэй хэрэглүүлэхээр вэб аппликэйшнийг холбож, бэлтгэл ажлыг хангаад байна. Мөн Засгийн газрын 2017 оны 287 тоот тогтоолоор “Газрыг улсын тусгай хэрэгцээнд авах, гаргах түүний хэмжээ заагийг тогтоох, ашиглах журам”-ыг баталсан. Энэхүү журманд улсын тусгай хэрэгцээний газарт тавигдах шаардлагыг тодорхойлж, улсын тусгай хэрэгцээнд авах, гаргах үйл ажиллагааг алхам бүрээр зааж өгсөн ба газрыг өөр газраар солих буюу нөхөн олговор олгох асуудлыг зохицуулсан байна. Мөн газрыг улсын тусгай хэрэгцээнд авах хүсэлт гаргасан буюу тухайн газарт үйл ажиллагаа явуулах төрийн захиргааны төв байгууллагад тусгай хэрэгцээний газрын гэрчилгээг олгож, гэрээ байгуулах замаар газрыг хамгаалах, эзэнжүүлэх асуудлыг шийдвэрлэсэн байна.

Уг арга зүйг баримтлан тухайн сумын нутаг дэвсгэрийн газар ашиглалт, байгалийн нөөц, нөхцөлийн онцлогийг бүрэн тодорхойлсны үндсэн дээр нийгэм, эдийн засгийн тогтвортой хөгжлийн бодлогыг дэмжсэн, иргэд, олон нийтийн оролцоо, тэдний санал санаачилга, орон нутагтаа баялаг бүтээх боломжийг бүрдүүлсэн цогц үйл ажиллагаа бүхий дунд хугацааны төлөвлөгөө боловсруулах нөхцөл бүрдсэн юм.

Газрын кадастрын мэдээллийн санг улсын хэмжээнд бүрдүүлж, газар зүйн мэдээллийн системийн “Лэнд менежер” програм хангамжийг 21 аймаг, 330 сум, нийслэлийн Чингэлтэй, Баянгол, Хан-Уул, Налайх, Багануур, Баганхангай дүүрэгт нэвтрүүлэв. Газрын биржийн програм хангамжийг хөгжүүлэн газрын дуудлага худалдааг цахимаар зохион байгуулах, барьцаа, зах зээлийн үнийн мэдээ цуглуулах, олон нийтэд нээлттэй, ил тод, түргэн шуурхай үйлчлэх боломжийг бүрдүүллээ. Байгууллагын орон зайн өгөгдлийн дэд бүтцийг амжилттай байгуулж цаашлаад салбарын болон салбар дундын орон зайн өгөгдлийн дэд бүтцийг байгуулах ажлыг эхлүүлсэн зэрэг ажлуудыг дурдаж болох юм.

Мөн Зөвлөгөөнд Барилга хот байгуулалтын сайд биечлэн оролцсон бөгөөд тэрээр хэлсэн үгэндээ “Газар нь байгалийн бүх төрлийн нөөц баялагийн эх сурвалж, орон зайн үүрэг гүйцэтгэдэг баялаг учраас байгалийн аль ч нөөцийг газартай уялдуулан нэгдмэл зарчмаар удирдах асуудал чухал” хэмээн онцолж, энэ онд Барилга, хот байгуулалтын яамны зүгээс салбарын хууль тогтоомжуудыг шинээр болон шинэчлэн боловсруулж Улсын Их хуралд энэ онд өргөн мэдүүлэх ажлыг зохион байгуулахад онцгой анхаарч ажиллахаа мэдэгдлээ.

21 аймгийн Газрын харилцаа, барилга, хот байгуулалтын газар болон нийслэлийн Газрын албаны дарга нар нь Газар зохион байгуулалт, геодези, зураг зүйн газрын даргатай Үр дүнгийн гэрээ байгуулан ажилладаг бөгөөд зөвлөгөөний үеэр 2017 оны үйл ажиллагааны төлөвлөгөөний хэрэгжилтийг үнэлж Үр дүнгийн гэрээгээ дүгнэн 2018 оныхоо төлөвлөгөөг хэлэлцэж байна. 2017 оны ажлаараа Өмнөговь аймаг тэргүүлж, Архангай, Хэнтий аймгуудын Газрын харилцаа, барилга, хот байгуулалтын газрууд 2, 3 дугаар байрыг эзэллээ.

Энэ жилээс эхлэн салбарын шилдэг албан хаагчдыг тодруулж байгаа бөгөөд 2017 оны “Шилдэг менежер”-ээр Хэнтий амйгийн Газрын харилцаа, барилга, хот байгуулалтын газрын дарга Д.Баярхүү, нийслэлийн Газрын албаны дарга Э.Болорчулуун нар, “Шилдэг мэргэжилтэн”-ээр нийслэлийн Газрын албаны ахлах мэргэжилтэн Б.Шижир, Өмнөговь аймгийн Газрын харилцаа, барилга хот байгуулалтын газрын мэргэжилтэн З.Мөнхцэцэг нар, “Шилдэг газрын даамал”-аар Увс аймгийн Ховд сумын газрын даамал Н.Адъяа, Архангай аймгийн Цахир сумын газрын даамал Б.Батсайхан, Өмнөговь аймгийн Цогтцэций сумын газрын даамал Ү.Наранбямба нар шалгарлаа гэж нийслэлийн Газрын албанаас мэдээллээ.

Өнөөдөр Эрүүл мэндийн дэд сайд Л.Бямбасүрэн “Эрүүл шүд-эрүүл хүүхэд” үндэсний хөтөлбөр боловсруулах ажлын явц, цаашид хэрэгжүүлэх үйл ажиллагаатай танилцлаа. Хуралдаанд Нийслэлийн иргэдийн төлөөлөгчдийн хурал, Нийгмийн хөгжлийн хороо, Нийслэлийн боловсролын газар, Анагаахын шинжлэх ухааны үндэсний их сургуулийн Нүүр ам судлалын сургуулийн хамтран хэрэгжүүлсэн “Улаанбаатар хотын сургуулийн өмнөх, сургуулийн насны хүүхдийн амны хөндийн өвчлөлийн талаарх судалгаа”-ны дүнг АШУҮИС-ийн НАСС-ын хүүхдийн тэнхимийн эрхлэгч Г.Оюунцэцэг танилцуулав. Уг судалгааг Улаанбаатар хотын 9 дүүргийн 1190 хүүхдийн дунд явуулсан бөгөөд судалгаанд хамрагдсан хүүхдийн 86% нь шүд цоорох өвчтэй, шүд цоорох өвчний эрчим нь 6.2 цла/ш буюу ДЭМБ-ын шалгуураар үнэлэхэд “ӨНДӨР” түвшинд байна. Мөн судалгаанд хамрагдсан хүүхдүүдийн 44% нь шүд, эрүү нүүрний гажигтай байна.Дэд сайд Л.Бямбасүрэн эрдэм шинжилгээний байгууллагуудыг түшиглэн нотолгоонд суурилсан цогц хөтөлбөр боловсруулах, хувийн хэвшлийн оролцоог нэмэгдүүлэх, сайн туршлагыг нэвтрүүлэх зэргийг анхаарч ажиллах талаар зөвлөлөө.