Их, дээд сургууль, коллежийн оюутнуудын улирлын амралт эхэлсэнтэй холбоотойгоор нийтийн тээврээр үнэ төлбөргүй зорчих смарт картны хэрэглээг хязгаарлажээ. Хязгаарлалт энэ сарын нэгний өдөр эхэлсэн бөгөөд хоёрдугаар сарын нэгнийг хүртэлх хугацаанд үргэлжлэх аж.
“Улаанбаатар смарт карт” ХХК-иас энэхүү шийдвэрийнхээ хүрээнд бүх их дээд сургууль коллежид албан бичиг хүргүүлсэн байна. Тиймээс оюутнууд нэг сарын хугацаанд нийтийн тээврээр үйлчлүүлэхдээ энгийн цахим картаар 500 төгрөгөөр үйлчлүүлнэ.
Өчигдрөөс эхлэн нийт нутгаар нойтон цас орж, зарим газраар цасан шуурга шуурч, шөнөдөө мөстөн замын гадаргууд их хэмжээний халтиргаа гулгаа үүсч, замын хөдөлгөөний нөхцөл байдал хүндэрч байгааг Цагдаагийн албанаас мэдээллээ.
Ялангуяа улсын болон орон нутгийн чанартай автозамуудад түүнчлэн Улаанбаатар-Өвөрхангай, Баянхонгор, Говь-Алтай чиглэл мөн Архангай аймгийн нутаг, Ховд аймгаас Булган сум, Ярантын боомт чиглэлийн авто зам, Бага улаан даваа орчмын автозамуудад халтиргаа үүсч тээврийн хэрэгсэл зорчиход хүндрэлтэй байгаа аж. Иймд Замын цагдаагийн албанаас жолооч, зорчигчдыг дээрх чиглэлийн замд гарахдаа техникийн бүрэн бүтэн байдлыг хангасан тээврийн хэрэгсэлтэй замын хөдөлгөөнд оролцох, шатах тослох материалын нөөцийг хангалттай авах, замын нөхцөлд үзэгдэх орчныг зөв тооцоолж, хурдаа тааруулах, тээврийн хэрэгсэл хоорондын зай барих, зорчигчид хувийн бэлтгэлийг сайтар хангаж дулаан хувцаслах, хамгаалах бүсийг тогтмол хэрэглэхийг зөвлөж байна.
Монголын жюү жицүгийн холбооны өсвөр үе, насанд хүрэгчдийн Улсын аварга шалгаруулах тэмцээн Спортын төв ордонд амжилттай үргэлжилж байна. Энэ удаагийн тэмцээнд хот, хөдөөгийн нийт 36 байгууллагын 350-иад тамирчин өрсөлдөж байгаа юм.
Тэмцээний эхний өдөр өсвөр үе, насанд хүрэгчид, мастерс ангиллын тэмцээн болж шилдгүүдээ тодрууллаа. Тус тэмцээний цагаан бүсний эрэгтэйчүүдийн мастерс хоёр ангиллын 69 кг-ын жинд “Garuda” клубийн тамирчин, “ТВ коктейл” хамтлагийн жүжигчин А.Өнөржаргал буюу Өөскө мөнгөн медаль хүртлээ.
Монголын жюү жицүгийн холбооны өсвөр үе, насанд хүрэгчдийн Улсын аварга шалгаруулах тэмцээний хоёр дахь өдөр No Gi болон контак жюүжицүгийн анхдугаар тэмцээн болно.
Амралтын өдрүүдэд үргэлжилж буй тус тэмцээн нь насанд хүрэгчдийн найм, мастерсийн дөрөв, No Gi төрлийн тав, өсвөр насны зургаа дахь удаагийн улсын аварга шалгаруулах тэмцээн болж байгаагаараа онцлог юм.
Дашрамд дурдахад, Арван жилийн ойтойгоо золгосон Монголын Жюү Жицүгийн холбоо энэ оны эхэнд хоёр том тэмцээн зохион байгуулж байгаагийн нэг нь өнөөдөр эхэлж буй улсын аварга шалгаруулах тэмцээн ажээ.
Харин удаах тэмцээн нь нэгдүгээр сарын 27-28-нд Улаанбаатар хотод болох Арабын нэгдсэн Эмират улсын холбоотой хамтран зохион байгуулах Азийн нээлттэй тэмцээн /Asia continental pro jiu-jitsu championship-GI/ юм байна.
Өчигдрөөс эхлэн нийт нутгаар нойтон цас орж, зарим газраар цасан шуурга шуурч, шөнөдөө мөстөн замын гадаргууд их хэмжээний хальтиргаа гулгаа үүсч, замын хөдөлгөөний нөхцөл байдал хүндэрч байгааг Цагдаагийн албанаас мэдээллээ. Өвөрхангай, Баянхонгор, Говь-Алтай, Архангай аймгийн нутаг, Ховд аймгийн Булган сум, Ярантын боомт чиглэлийн авто зам, Бага улаан даваа орчмын автозамуудад хальтиргаа үүсч тээврийн хэрэгсэл зорчиход хүндрэлтэй байгаа аж. Иймд Замын цагдаагийн албанаас жолооч, зорчигчдыг дээрх чиглэлийн замд гарахдаа техникийн бүрэн бүтэн байдлыг хангасан тээврийн хэрэгсэлтэй замын хөдөлгөөнд оролцох, шатах тослох материалын нөөцийг хангалттай авах, замын нөхцөлд үзэгдэх орчныг зөв тооцоолж, хурдаа тааруулах, тээврийн хэрэгсэл хоорондын зай барих, зорчигчид хувийн бэлтгэлийг сайтар хангаж дулаан хувцаслах, хамгаалах бүсийг тогтмол хэрэглэхийг зөвлөж байна.
Энэ удаагийн тэмцээний хамгийн ахмад настай оролцогч нь 83 настай Ц.Цэрэнчимэд, хамгийн залуу оролцогч 18 настай Б.Анхбаяр нар юм.
“Утааны эсрэг аав ээжүүд” ТББ-аас I сарын 13-ны өдөр Сүхбаатарын талбайд 12.00 цагт хэвтээ жагсаал зохион байгуулна. Засгийн газар нийслэлийн агаарын бохирдлыг бууруулах далайцтай арга хэмжээ авахгүй байна хэмээн хэвтээ жагсаал хийхээр болжээ.
Уул уурхай, хүнд үйлдвэрийн яамнаас “Тусгай зөвшөөрөл олгох сонгон шалгаруулалтын журам”-ын төслийг шинэчлэн боловсруулсан. Уг төслийн хэлэлцүүлгийг өнөөдөр/2018.01.05/ олон нийтийн дунд нээлттэйзохион явууллаа.
Хэлэлцүүлэгт УУХҮЯ, АМГТГ, “Геологийн судалгааны төв” ТӨҮГ болон Монголын уул уурхайн үндэсний ассоциаци, Уул уурхайн мэргэжлийн холбоодын зөвлөл, Монголын геологийн холбооны төлөөллүүд оролцов. Мөн Монголын үйлдвэрлэлийн геологчдын холбоо, Монголын геофизикчдийн холбоо, Монголын геологи, уул уурхайн мэргэжлийн институт зэрэг ТББ-ууд, геологи, уул уурхайн чиглэлээр үйл ажиллагаа явуулдаг аж ахуйн нэгжүүдийн төлөөлөл зэрэг нийт 60 гаруй хүн хүрэлцэн иржжурмын төсөлтэй холбоотой санал бодлоо солилцлоо.
Хэлэлцүүлгээс гарсан саналуудыг “Тусгай зөвшөөрөл олгох сонгон шалгаруулалтын журам”-ын төслийг боловсруулсан Ажлын хэсгээс хууль эрх зүйн хүрээнд нягтлан үзэж, тохирох саналуудыг журмын төсөлд тусгах юм байна.
Цаг уур, орчны шинжилгээний газраас Монгол орны 2018 оны 1-2 дугаар сарын цаг агаарын ерөнхий төлөв байдлын мэдээг малчид, тариаланчид, нийт ард иргэддээ мэдээллэж байна. Мэдээллийг ЦУОШГ-ын Ерөнхий технологич инженер Ч.Сарантуяагаас авлаа.
2017-2018 оны өвөл-хаврын бэлчээрийн даацын зураг (багийн нутгаар)
.jpg)
Ган зуншлагын нөхцөл байдал дээр ирэх өвөл-хаврын бэлчээрийн даацыг тооцоолж гаргасан дүнгээс үзэхэд нийт нутгийн 80 шахам хувьд бэлчээрийн даац хэтэрч, 40 хувьд нь олон дахин хэтэрч гарсан нь ирэх өвөл, хавар байгалийн бэлчээрийн нөөц муу, хүрэлцээгүй байхыг харуулж байна.
MODIS Хиймэл дагуулын үүлний зураг (2017-10-10-ны байдлаар)
Цасан бүрхүүлийн байдал (2017\11\10 )
.jpg)
Нутгийн 50 орчим хувьд цастай байгаагаас Баян-Өлгийн Даян /Сагсай/, Хөвсгөлийн Галт, Архангайн Хашаат, Булганы Рашаант, Төвийн Эрдэнэ, Баянжаргалан, Мөнгөнморьт, Хэнтийн Баянмөнх, Цэнхэрмандал, Дорнодын Халхгол сумдад 11-20 см, нягт нь 0,10-0,27 г/см3, Өвөрхангайн Бүрд, Булганы Дашинчилэнд 30-33 см зузаан цастай, нягт нь 12-0,30 г/см3
2017-2018 оны Зудын эрсдэлийн төлөв (2017\11\10)
Нийт нутгийн 30 орчим хувьд нь их, 30 гаруй хувьд дунд зэрэг эрсдэлтэй. Увс, Завханы зааг нутаг, Ховд, Говь-Алтайн хойд, Баянхонгор, Өвөрхангайн хойд, Архангайн зүүн, Булган, Төв аймгийн залгаа нутгаар хамгийн их эрсдэлтэй. Мөн Төв аймгийн зүүн, Хэнтийн өмнөд, Сүхбаатарын хойд хэсэг, Өмнөговийн зарим сумдын нутгаар их эрсдэлтэй.
MODIS хиймэл дагуулын цасан бүрхүүл
Цасан бүрхүүлийн байдал (2017\12\10 )
.jpg)
12 дугаар сарын 10-ны байдлаар нутгийн 50 гаруй хувьд цастай, Баян-Өлгийн Сагсай /Даян/, Увсын Малчин, Баруунтуруун, Хяргас, Тариалан, Завханы Баянтэс, Цэцэн-Уул, Тосонцэнгэл, Баянхайрхан, Түдэвтэй, Тэс, Өвөрхангайн Өлзийт, Булганы Сэлэнгэ, Могод, Сэлэнгийн Ерөө /Бугант/, Төвийн Бүрэн, Цээл, Хэнтийн Өндөрхаан, Мөрөн, Дорнодын Халхгол, Сүхбаатарын Асгат, Мөнххаан сумдад 11-20 см, нягт нь 0,10-0,30 г/см3, Завханы Сонгино, Хөвсгөлийн Жаргалант, Өвөрхангайн Бүрд, Есөнзүйл, Булганы Гурванбулаг, Бугат, Бүрэгхангай, Дашинчилэн, Орхон, Хангал, Хишиг-Өндөр, Баяннуур, Рашаант, Орхоны Баян-Өндөр, Жаргалант, СэлэнгийнОрхонтуул, Баруунбүрэн, Төвийн Лүн, Баян-Өнжүүлд 21-40 см зузаан цастай,12-0,32 г/см3 нягттай байна.
12 дугаар сарын сүүлийн хагасын цаг агаарын урьдчилсан төлөв
12 дугаар сарын 19-нд төвийн нутгийн зүүн, зүүн аймгуудын нутгаар ялимгүй цас орж, явган шуурга шуурна. 22-нд баруун аймгуудын нутаг, төвийн нутгийн баруун хэсгээр, 23-нд төв, говь, зүүн аймгуудын зарим нутгаар, 24-нд төв, зүүн аймгуудын нутгийн хойд хэсгээр, 25-26нд зүүн аймгуудын нутгаар, сарын эцсээр зарим нутгаар бага зэргийн цас орж, салхилж зөөлөн цасан шуурга шуурч цасны зузаан нэмэгдэн малын бэлчээрлэлт болон зам тээвэрт хүндрэлтэй нөхцөл бүрдэх төлөвтэй.
Агаарын температур 20-21-нд ихэнх нутгаар, 22-нд нутгийн зүүн хагаст хүйтний эрч харьцангуй суларна. 22-нд баруун аймгуудын нутгаар, 23-наас ихэнх нутгаар хүйтний эрч бага зэрэг чангарч гуравдугаар арав хоногийн дунд үеэр шөнөдөө томоохон голуудын хөндийгөөр -32..-42, говийн нутгаар -18..-23, бусад нутгаар -23..-28 градус хүрэх төлөвтэй.
Дундговь аймгийн Баянжаргалан, Говь-Угтаал, Цагаандэлгэр сумдад гарсан шүлхий өвчний нөхцөл байдалтай холбогдуулан ОБЕГ-ын дэд дарга, хурандаа Б.Ууганбаяр, Гамшгийн шуурхай удирдлагын газрын дарга, хурандаа Б.Мандахгэрэл, Улсын мал эмнэлэг үржлийн газрын Мал эмнэлгийн хэлтсийн дарга бөгөөд улсын малын ерөнхий эмч н.Цолмон нар тус аймагт ажиллаж байна.
Дээрх сумдад гарсан шүлхий өвчний голомт нь томорч байгаа бөгөөд зээрийн хөдөлгөөн, бусад аймгийн отор нүүдэл ихэссэнтэй холбогдуулан хариу арга хэмжээ авах, өвчлөлийг таслан зогсооход хүндрэлтэй байгаа юм. Иймд Онцгой байдлын ерөнхий газрын дэд дарга, хурандаа Б.Ууганбаяр аймгийн Онцгой комиссын өргөтгөсөн хурлыг зохион байгуулж, 15 сумын Онцгой комиссын бүрэлдэхүүнтэй видео хурлыг хийн, шүлхий өвчинтэй тэмцэх ажлыг эрчимжүүлэх, төрийн алба хаагч, иргэдийн хариуцлагыг дээшлүүлэх талаар тодорхой үүргийг өглөө. Үүнд,
-Гамшгаас хамгаалах тухай хуулинд зааснаар иргэн нь гамшгаас хамгаалах хууль тогтоомж, эрх бүхий байгууллага, албан тушаалтнаас гаргасан шийдвэрийг биелүүлэх үүрэгтэй. Иймд аймаг, сумын онцгой комиссын гишүүд малчны хотонд ажиллаж, соён гэгээрүүлэх ажлыг хийж, хариуцлагыг таниулж, малаа хариулга маллагаатай байлгаж, зэрлэг амьтад, зээрийн сүрэгтэй ойртуулахгүй байх үүргийг өгч, гарын үсэг зуруулж, хариуцлагатай ажиллах,
-Шүлхий өвчинтэй тэмцэх арга хэмжээг эрчимжүүлж, зээр болон тандалт судалгааг мэргэжлийн байгууллагууд хамтран хийж, эрүүл, өвчтэй бүсүүдийн зааг хязгаарыг дахин тодорхой болгох,
-Голомтын бүсэд байгаа нутгийн болон отор нүүдлээр яваа малчин өрхийн нарийвчилсан судалгаа гаргах, өрхийн тоо, хүн амын тоо, эрүүл мэндийн байдал, өмнө нь хийгдсэн вакцинжуулалт баримт нотолгоог тодорхой болгох,
-Аймаг, сумын хэмжээнд хүнс болон өвс тэжээлийн судалгааг гаргах, голомтын бүсэд байгаа айл өрхийн хүнсний хангамжийн, хүрэлцээг нарийвчлан гаргах,
-Голомтын бүс томорч болзошгүй тул эргүүл хяналтын постын ажлыг эрчимжүүлэх, сумын шуурхай командын бие бүрэлдэхүүнийг дайчлах, Засгийн газрын 340 дүгээр тогтоолоор сумын Засаг дарга нь дайчилгаа явуулах эрхтэй тул хүн хүчийг дайчилж, шүлхий өвчинтэй тэмцэх ажлыг зохион байгуулах,
-Сумын эрүүл мэндийн байгууллагын ажлыг сайжруулж, голомтын бүс дэх хүн амын эрүүл мэндийн тусламж үйлчилгээнээс гадна голомтын бүсэд ажиллаж байгаа бие бүрэлдэхүүний эрүүл мэндэд анхаарч ажиллах,
-Отор нүүдлийн судалгааг нарийвчлан гаргаж холбогдох аймгууд руу албан тоотоор дахиж отоор нүүдэл хүлээн авах боломжгүй талаар мэдээлэл хүргүүлэх, мөн Шадар сайдад асуудлыг танилцуулах,
-Вакцинжуулалтын ажилд онцгой анхаарч, бэлтгэл ажил болон явцын үеийн хийх ажлын төлөвлөгөө гаргаж, явах маршрутыг тодорхойлон, мал баригчийн боломж, тухайн хүн амын чадвар, тарих тунгийн хэмжээг урьдчилан тооцоолж ажиллах,
-Төрийн алба хаагчийн дэг журам, сахилга хариуцлагыг нэмэгдүүлж, 21 хоногийн дотор шүлхий өвчинтэй тэмцэх ажлын төлөвлөгөө гаргах, хариуцах эзнийг тодорхой заах, дотоод нөөц боломжоо бүрэн дайчлах, оны эхэн тул хөрөнгө санхүү хүндрэлтэй байна, иймд санхүү хөрөнгөөс гадна зохион байгуулалт, байгууллага хоорондын ажлын уялдааг сайжруулах,
-Мэргэжлийн хяналтын байгууллага шүлхий өвчинтэй тэмцэх ажил норм, стандартын дагуу зохион байгуулж байгаа эсэхэд хяналт тавьж, аймгийн Засаг даргад хууль тогтоомжийн хүрээнд зөвлөгөө өгч ажиллах зэрэг үүргийг өгсөн байна гэж Онцгой байдлын ерөнхий газраас мэдээллээ.
Өнөөдөр эрүүл мэндийн яамны Эмнэлгийн тусламжийн газрын дарга Я.Буянжаргалаар ахлуулсан 4 мэргэжилтэн өрхийн эрүүл мэндийн төвүүдийн үйл ажиллагаатай танилцлаа. Амралтын өдрүүдэд өрхийн эрүүл мэндийн төв 10-16 цагийн хооронд ажиллах хуваартай ч энэ өдөр зарим нэг өрхийн эрүүл мэндийн төв ажиллаагүй байна.
Мэргэжилтэн М.Оюунчимэг Баянзүрх дүүргийн 6 дугаар хорооны “Оцело сэргэлт” Өрхийн эрүүл мэндийн төвд ажиллалаа. Тус Өрхийн эрүүл мэндийн төвийн үйл ажиллагаа 11 цагт эхэлсэн. Эмч н.Амаржаргал, сувилагч н.Үзэркул нар ажиллаж байлаа. Энэ өдөр Томуу томуу төст өвчний шинж тэмдэгтэй үйлчлүүлэгч хандаагүй, тариа хийлгэхээр 3 үйлчлүүлэгч ирсэн, бямба гаригт 10-16 цаг хүртэл эмч, сувилагч ажиллаж байгаа ч ачаалал бага байгаа талаар хэллээ.
Түүнчлэн Хан-Уул дүүргийн “Энх титэм” өрхийн эрүүл мэндийн төв өглөө 9 цагт ажил нь эхлээд 2 хүнд тариа хийсэн. Мөн энэ үеэр Халдварт өвчин судлалын үндэсний төвийн эмч нар дархлаажуулалт бүхий халдварт өвчний оношилгоо, эмчилгээ сэдэвт сургалтын зохион байгуулж байсан.
Харин Сүхбаатар дүүргийн “Тэгш мэнд” эрүүл мэндийн төв 15 цагийн үед ажиллаагүй хаалга нь түгжээтэй байлаа. Мөн Баянзүрх дүүргийн 14 хорооны “Евро эм” эрүүл мэндийн төвд 12 цаг 30 минутанд очиход мөн л хаалга нь түгжээтэй гадна талдаа цагийн хуваарийн мэдээлэл байхгүй ажиллаагүй байсан юм.
