Month: January 2018

Улаанбаатар хотын Ерөнхий менежерийн 2017 оны “Гадна зар сурталчилгааны байгууламжийг буулгах ажлыг зохион байгуулах тухай” А/242 дугаар тушаалын дагуу “Нийслэлийн нутаг дэвсгэрт гадна зар сурталчилгааны байгууламж байршуулахад дагаж мөрдөх журам”-ын тавигдах шаардлагыг зөрчсөн гадна зар сурталчилгааны байгууламжийг албадан буулгах үйл ажиллагааг мэргэжлийн байгууллагатай хамтран маргааш эхлүүлнэ. Тодруулбал, уг ажил энэ сарын 12-19-ний хооронд зохион байгуулагдах юм. Зөвшөөрөлгүй байрлуулсан гадна зар сурталчилгаанууд нь нийслэлийн өнгө үзэмжийг алдагдуулахаас гадна дараах нийтлэг зөрчил дутагдлууд ажиглагдаж байна.

Албадан буулгах гудамжуудад Энхтайваны өргөн чөлөө, Юнескогийн гудамж, Манлайбаатар Дамдинсүрэнгийн гудамж, Их тойруу /Намянжүгийн гудамж/, Бага тойруу болон түүнээс дотогш гудамж, Жуулчны гудамж, Нарны зам дагуу, Наадамчдын зам, Зайсангийн гудамж тус тус орсон гэж Улаанбаатар хотын Захирагчийн ажлын албанаас мэдээллээ.

Нийслэлийн Засаг дарга бөгөөд Улаанбаатар хотын Захирагчийн 2017 оны А/918 дугаар захирамжийн дагуу Нийслэлийн Залуучуудын хөгжлийн газар 2018 оны хамгийн эхний эерэг хандлага төлөвшүүлэх сургалтыг Засаг захиргааны анхан шатны нэгж болох нийслэлийн Баянгол, Сүхбаатар, Хан-Уул, Сонгинохайрхан, Чингэлтэй дүүргийн 23 хорооны хэсгийн ахлагч нарын дунд зохион байгууллаа.

Сургалтын үеэр Нийслэлийн Залуучуудын хөгжлийн газрын дарга С.Сүх-Очир, “Эрдэнэ тав баг” ТББ-ын тэргүүн Н.Энхбаатар нар лекц тавин, хэсгийн ахлагч нартай цаашид хэрхэн хамтарч ажиллаж, залуучуудын эерэг хандлагыг нэмэгдүүлэх талаар санал бодлоо солилцов.

Нийслэлийн Залуучуудын хөгжлийн газар 2018 онд нийслэлийн 9 дүүргийн 152 хороонд “эерэг элч”-тэй болж тэднээр дамжуулан хороо бүрт хүрч ажиллахаар төлөвлөж байна гэж нийслэлийн Залуучуудын хөгжлийн газраас мэдээллээ.

Нийслэлийн Залуучуудын хөгжлийн газрын дэргэдэх “Нийслэлийн залуучуудын хөгжлийг дэмжих төв” БНСУ-ын Олон улсын хамтын ажиллагааны байгууллага “КОИКА”-тай хамтран мэдээллийн технологийн чиглэлийн нарийн мэргэжлийн сургалтууд болон компьютерийн үндсэн хэрэглээний сургалтуудыг иргэдэд үнэ төлбөргүй явуулж байна.

Төслийн хүрээнд компьютерийн үндсэн хэрэглээ, вэб дизайн, вэб хөгжүүлэгч, жава /JAVA/ ангиудын ээлжит сургалтуудыг зохион байгуулж, 2018 оны 01 дүгээр сарын 08-ны өдөр компьютерийн үндсэн хэрэглээний ангийн 33 төгсөгч, вэб дизайны ангийн 19, вэб хөгжүүлэгчийн ангийн 14, жава /JAVA/-гийн ангийн 19 төгсөгч, нийт 85 залуучууд амжилттай суралцаж сертификат гардан авлаа.

Дараагийн ээлжийн компьютерийн үндсэн хэрэглээний сургалт 2018 оны 01 дүгээр сарын 10-ны өдөр, жава/JAVA/, вэб хөгжүүлэгчийн сургалтууд 2018 оны 01 дүгээр сарын 15-ны өдөр, вэб дизайны сургалт 2018 оны 01 дүгээр сарын 16-ны өдрөөс тус тус хичээллэж эхлэх юм.

Дээрх сургалтуудад хамрагдах сонирхолтой оюутан, залуучууд, иргэдийг Нийслэлийн Залуучуудын хөгжлийн газрын дэргэдэх “Нийслэлийн залуучуудын хөгжлийг дэмжих төв”-д ажлын өдрүүдэд 08:30-17:30 цагуудын хооронд бүртгэж байна. Сургалтын талаарх мэдээллийг 9712-5557, 70122999 дугааруудаас лавлана уу гэж нийслэлийн Залуучуудын хөгжлийн газраас мэдээллээ.

Нийтийн эзэмшлийн гудамж, талбайд ил задгай хог хаягдал үүсэх, хогийн савны багтаамж муутайгаас хог хаягдал хөглөрөх тохиолдол гардаг.

Тэгвэл уг асуудлыг шийдэж, Сүхбаатар дүүргийнхэн хог хамгийн ихээр хөглөрдөг 25 байршлыг тогтоон камер байршуулан, 24 цагийн турш хянаж эхэллээн.

Мөн уг байршлуудыг хянах удирдлагын төвийг ашиглалтад оруулахаас гадна эрүүл ахуйн шаардлага хангасан өнгө үзэмж, багтаамж сайтай, битүү хогийн савыг байрлуулж, гэрэлтүүлэг хийсэн аж.

Камерууд нь 360 градус эргэх учраас ойр орчимд ил задгай хог хаягдал үүсэх, аливаа гэмт хэрэг, зөрчил гарахаас урьдчилан сэргийлэх гэнэ.

Мөн хогны савны гадуур хог хаяж орчин бохирдуулж буй иргэн, аж ахуй нэгжийн зөрчлийг илрүүлэх, хог хаягдлыг цаг тухайд нь тээвэрлэж байгаа эсэхэд хяналт тавих нөхцөл бүрджээ.

Шударга өрсөлдөөн хэрэглэгчийн төлөө газраас нефть импортлогч аж ахуй нэгж, байгууллагуудад хандан мэдэгдэл гаргажээ. Тус мэдэгдэлд, Монгол Улсын Засгийн Газрын 2016 оны 15-р тогтоолоор байгуулагдсан “Нефтийн бүтээгдэхүүний хангамж, үнийг тогтвортой байдлыг хангах үүрэг бүхий хамтарсан зөвлөл”-ийн 2018 оны нэгдүгээр сарын 9-ний өдрийн VII хуралдаанаас гарсан шийдвэрийн хүрээнд нефть импортлогч аж ахуй нэгж, байгууллагуудад хандан шатахууныг хязгаарлахгүй байх, үнийг тогтвортой байлгахыг анхааруулсан байна.

Мөн “Өрсөлдөөний тухай хуулийн 13 дугаар зүйлийн 13.4-д “Засгийн газраас нийтийн ашиг сонирхол, үндэсний аюулгүй байдлыг хангах, үр ашигтай өрсөлдөөний нөхцөлийг бүрдүүлэх үүднээс зарим төрлийн аж ахуйн үйл ажиллагааны тусгай зөвшөөрөлд тодорхой хугацаагаар хязгаарлалт хийж болно” гэжээ.

“Нутгийн шийдэл сан” ТББ-аас Сүхбаатар дүүргийн Засаг даргын Тамгын газартай хамтран зохион байгуулсан “Жорлонгоо өөрчилье” сургалт амжилттай болж өндөрлөлөө.