“Хариуцлагатай бичил уурхайн төлөө хамтдаа” үндэсний чуулган яг одоо “Блюй Скай” зочид буудалд болж байна.
Чуулганы зорилго нь бичил уурхайгаар ашигт малтмал олборлохтой холбогдсон журам, дүрэм, аргачлалыг хэрэгжүүлэх талаар аймаг, сумдын орон нутгийн захиргааны болон өөрөө удирдах байгууллагын удирдлагууд, бичил уурхайчдын төлөөлөлд нэгдсэн ойлголт өгч буй юм. мөн журмын хэрэгжилтийг хангах, эрчимжүүлэх, хууль бусаар ашигт малтмал олборлох үйл ажиллагааг таслан зогсоох, өөр ажлын байранд бичил уурхайчдыг шилжүүлэх боломж, алтны худалдааг албажуулах зэрэг асуудлын талаар хэлэлцэж байна.
Тус чуулганд УУХҮЯ, БОАЖЯ, ХНХЯ, ЭМЯ, АМГТГ, Монгол банк, ЦЕГ, Үндэсний статистикийн хороо зэрэг төрийн байгууллагууд, бичил уурхай бүхий аймаг, сумдын удирдлага, холбогдох албан тушаалтнууд оролцож байна. Түүнчлэн олон улсын байгууллагууд, хувийн хэвшил, сургалтын байгууллага, монголын бичил уурхайн нэгдсэн холбоо, орон нутгийн бичил уурхайчдын төлөөлөл зэрэг нийт 250 гаруй хүн хүрэлцэн иржээ.
Чуулганыг нээж УУХҮЯ–ны Төрийн нарийн бичгийн дарга Г.Нандинжаргал хэлэхдээ: “Уул уурхайн салбар нь манай улсын эдийн засагт шийдвэрлэх байр суурь эзэлж байгаа учир салбарын үйл ажиллагаа хэдий чинээ ил тод, хариуцлагатай байна тэр хэмжээгээр улсын эдийн засагт нөлөөлнө. Бид өмнөх Засгийн газраас хэрэгжүүлж байсан хариуцлагатай уул уурхайг хөгжүүлэх, дэмжих үйл ажиллагааг үргэлжлүүлэн эрх зүйн орчныг улам боловсронгуй болгох, бичил уурхай тойрсон асуудлуудыг шийдвэрлэх талаар холбогдох байгууллагуудтай хамтарч ажиллах болно.
Хууль бусаар хувиараа ашигт малтмал олборлох үйл ажиллагааг эрх зүйн зохицуулалттай болгох талаар үе үеийн Засгийн газар тодорхой арга хэмжээ авч хэрэгжүүлсээр өнөөдрийг хүрсэн байна. Гэсэн хэдий ч бичил уурхайн үйл ажиллагаа төдийлөн хууль тогтоомжийн дагуу бүрэн цэгцэрч албажаагүй, хууль бус ашигт малтмал олборлох үйл ажиллагаа үргэлжилсээр байгаа нь бидний хувьд сорилт хэвээр байсаар байна. Тухайлбал, бичил уурхайгаар олборлосон алтыг орон нутагт сорьц тогтоох, худалдан авах, Монгол банканд тушаалгах эрх зүйн зохицуулалт одоогоор бүрдээгүй байгаа нь бидний шийдвэрлэх шаардлагатай асуудлын нэг” гэлээ.
Монгол Улсын Засгийн газраас Бичил уурхайгаар ашигт малтмал олборлох журмыг шинэчлэн баталж улмаар бичил уурхайн аюулгүй байдлын дүрэм, бичил уурхайн нөхөн сэргээлтийн аргачлалыг салбарын сайд нарын тушаалаар баталсан нь эрх зүйн орчныг боловсронгуй болгоход хийгдсэн бодлогын шийдвэр бөгөөд энэхүү эрх зүйн актуудын хэрэгжилтийг хангах нь Монгол Улсад хариуцлагатай уул уурхайг төлөвшүүлэхэд дорвитой хувь нэмэр оруулна гэж зохион байгуулагчдын зүгээс хэлж байлаа.
Судалгаа, шинжилгээнд суурилсан хууль тогтоох ажиллагааг хөгжүүлэх, парламентат ёс, парламент судлал, Үндсэн хуулийн эрх зүй, үндэсний эрх зүйн тогтолцоог хөгжүүлэх чиглэлээр үнэ цэнэтэй, томоохон бүтээл туурвисан эрдэмтэн, судлаачдыг хөх
Буудлага спортын Ази тивийн аварга шалгаруулах тэмцээн өнөөдөр Японд эхэлж байна. 12 дугаар сарын 11-нийг хүртэл үргэлжлэх тэмцээн зөвхөн хийн бууны дасгалаар явагдана. Мөн өсвөр, залуучууд, насанд хүрэгчид гэсэн гурван насны ангилалд тамирчид өрсөлдөнө.
УИХ-аар Төрийн албаны тухай хуулийн төслийн эцсийн хэлэлцүүлгийг хийж, гишүүдийн 76 хувийн саналаар дэмжин, баталлаа.
УИХ-ын НББСШУ-ны байнгын хорооны дарга Ё.Баатарбилэг өнөөдөр (2017.12.07) Монголын үйлдвэрчний эвлэлийн холбооны төлөөллийг өөрсдийнх нь хүсэлтээр хүлээн авч уулзлаа. Уулзалтад МҮЭ-ийн холбооны Ерөнхий нарийн бичгийн дарга Г.Адъяа, Төмөр замчдын ҮЭ-ийн холбооны дарга Б.Баяраа, Тээвэр, холбоо, газрын тосны ажилтны ҮЭ-ийн холбооны дарга Б.Рагчаа, Барилгачдын ҮЭ-ийн холбооны дарга Б.Батцогт нар оролцов.
МҮЭ-ийн холбооны Ерөнхий нарийн бичгийн дарга Г.Адъяа:
Байнгын хорооны дарга Ё.Баатарбилэг хариу хэлэхдээ “Цаашид хамтын ажиллагаагаа өргөжүүлэн ажиллана. Та бүхэнд тодорхой санал, зөвлөмж байвал бичгээр ирүүлээрэй. Тэтгэврийн насыг цаашлуулсан асуудлаар маш их санал, гомдол ирж байгаа. Иймээс өнөөдрийн уулзалтаар яригдсан асуудлуудыг нэгтгэн Засгийн газарт бичиг хүргүүлье. Мөн ирэх 4,5 дугаар сард хамтраад өргөн хүрээний хэлэлцүүлэг зохион байгуулья. Энэ хүрээнд хэлэлцүүлэг зохион байгуулахаас өмнө танай байгууллагын зүгээс ОУВС-гийн хөтөлбөр хэрэгжүүлж байгаатай холбогдуулан хөдөлмөр эрхлэгчдэд ямар хүндрэл, бэрхшээл тулгарч байна вэ гэдэг дээр судалгаа явуулж, тайлан гаргахыг хүсье” гэв хэмээн УИХ-ын Хэвлэл мэдээлэл, олон нийттэй харилцах хэлтсээс мэдээлэв.
Монгол Улсын Ерөнхийлөгчийн Тамгын газрын хамт олон “Жендэрт суурилсан хүчирхийлэлтэй тэмцэх 16 хоногийн аян”-д нэгдэн, жендэрт суурилсан хүчирхийлэлтэй тэмцэхэд олон нийтийг уриалан ажиллаж байгаа юм.
Дэлхийн 180 гаруй оронд жил бүрийн 11 дүгээр сарын 25-наас 12 дугаар сарын 10-ны өдрүүдэд “Жендэрт суурилсан хүчирхийлэлтэй тэмцэх 16 хоногийн аян”-ыг нэгдмэл зорилго, нэг уриан дор тэмдэглэн өнгөрүүлдэг. Харин манай улсын хувьд тус аянд 1998 оноос нэгдсэн байдаг.
Америкийн “Тime” сэтгүүл 2017 оны “Оны хүн”-ээр “Аниргүйг эвдэгсэд”-ийг буюу бэлгийн дарамт, хүчирхийллийн эсрэг дуу хоолойгоо нэгтгэсэн хүмүүсийг нэрлэлээ.