Month: December 2017

Саяхнаас аварга хүчний бэлтгэл хийж, эргэн сүмогийн дэвжээ буюу дохён дээр гарахаар болжээ.
Тодруулбал, 2010 онд зодог тайлсан их аварга Асашёорюү Японы интернет телевизийн шинэ жилийн баярын нэвтрүүлэгт оролцохоор болжээ. “АВЕМА” телевиз шинэ жилийн баярын өдөр буюу энэ сарын 31-нд “Асашёорюүг унагаагаад 10 сая иен” нэвтрүүлгээ үзэгчдэд хүргэх аж. Уг нэвтрүүлгийн хөтөлбөр хараахан олон нийтэд ил болоогүй ч Японы өнцөг булан бүрээс ирсэн хүчтэнүүд Асашёорюүтэй барилдаж, дэвжээнээс түлхэн гаргах эсвэл унагаах ёстой аж.

Тус телевиз өнгөрсөн тавдугаар сард “Мэргэжлийн боксчин Камэдаг ялбал 10 сая иен” анхны нэвтрүүлгээ хийж цацсан нь олон үзэгчдэд хүрч, шуугиан тарьсан юм. Ийн шоу бизнес, тэр дундаа Японы хамгийн олон үзэгчтэй байж мэдэх телевизийн нэвтрүүлэгт уригдсан Аса аварга улсын арслан Д.Азжаргал зэрэг үндэсний бөхчүүдтэй барилдах бэлтгэлээ хийж эхэлжээ.

Сонирхуулахад, тус нэвтрүүлгийн шагнал Монгол мөнгөн дэвсгэртээр 215 сая төгрөг аж.

Өчигдөр Хүүхдийн урлан бүтээх төвд Япон соёлын Бүнкёосай наадам боллоо. Энэхүү наадам нь жил бүр Соёл эрдэм дээд сургуулийн оюутнуудын дунд болдог аж. Энэ жил 20 дахь удаагаа болж байгаа юм байна. Япон соёлыг сонирхдог оюутан залуус тус улсын хэл, соёлыг хэрхэн сурч мэдсэнээ энэхүү наадмын үеэр тайлагнадаг гэнэ. Мөн тус наадмыг Японы их, дээд сургуулийн төлөөллүүд болон Монгол дахь Япон бизнес эрхлэгчид шүүдэг уламжлалтай аж.

Энэхүү наадмыг нээж Соёл эрдэм дээд сургуулийн захирад С.Төмөр-очир үг хэлэв. Мөн МУ-н шадар сайд асан Ц.Оюунбаатар энэхүү наадамд хүрэлцэн ирсэн юм. Тэрбээр “Япон Монголын хамтын ажиллагаанд алтан үсгээр бичигдэх нэгэн чухал үйл явдал бол Соёл эрдэнэ дээд сургууль байгуулагдаж 25 жилийн хугацаанд үйл ажиллагаа явуулж байгаа нь юм. Энэхүү сургуульд манай улсын 3000 гаруй хүүхэд залуус Япон хэл, соёлыг эзэмшиж байна. Түүнчлэн Япон улсад тус сургуулийн төгсөгчид ихээр ажиллаж амьдарч байгаа. Тус төгсөгч оюутнууд илүү том үүргийг хүлээх хэрэгтэй. Ялангуяа Монгол Японы хамтын ажиллагааг дэмжих нь чухал. Япон улсын тэргүүний технологи, эдийн засгийн хөгжил болон Монголын газрын баялаг, эрүүл экологийн хүнсний бүтээгдхүүн, ХАА-г дэмжхэд чухал үүрэг гүйцэтгэнэ гэдэгт итгэлтэй байна” гэв.

Тус наадмын урлагийн үзүүлбэрийгЯпон улсын найрал болон хамтлаг дуугаар тус сургуулийн нэгдүгээр курсын оюутнуудэхлүүлсэн юм. Үзэгчдийн дэмжлэгийг хамгийн их хүлээсэн уран бүтээл нь “Хайрын дуу” хамтлагийн “Secret base” дуу байлаа. Тус дуу нь Японы алдартай “Тэр зун” хүүхэлдэйн киноны soundtrack гэж тус хамтлагийн оюутнууд хэллээ. Хоёрдугаар курсын оюутнууд жүжигчилсэн тоглолтүзүүлсэн бол гуравдугаар курсын оюутнууд илтгэл тавьсан юм. Харин төгсөх курсын оюутнууд Япон хэлээр уран уншлага уншиж тус тэмцээнд өрсөлдөв.

Соёл эрдэм дээд сургуулийн захирад С.Төмөр-очироос Бүнкёосай наадмын талаар тодрууллаа. Тэрбээр “Соёл эрдэм дээд сургууль нь Японы хөрөнгө оруулалттай байгуулагдсан их сургууль юм. Манай сургуульд Япон явж суралцах сонирхолтой Япон хэл сонирхдог оюутан залуучууд их суралцдаг. Япон хэл сурахад тус улсын соёлыг эзэмшиж, дуу бүжигт суралцах нь чухал үүрэг гүйцэтгэдэг. Тиймээс бид жил бүр Бүнкёосай соёлын наадмыг хийдэг юм. Энэ соёлын наадамд манай оюутнууд Япон хэл дээр Жүжиг тоглон, илтгэл тавьж, дуу, бүжгийн тоглолт үзүүлдэг. Урлагийн бүх төрлүүдийг хэрхэн эзэмшиж байгаагаа харуулдаг. Энэ бол манай оюутнуудын жил бүр хүсэн хүлээдэг баяруудын нэг юм. Энд өөрийн авьясыг сорьж оролцоно гэдэг нь Япон хэл хэр зэрэг сурсан, Японы соёлтой хэр зэрэг танилцаж байгаа гэдгээ үзүүлэх талбар болдог. Энэхүү наадамд байр эзэлсэн хүүхдүүд ихэнхи нь Японы их дээд сургуульд явж суралцаж мөн төгсөөд тэндээ ажилладаг. Зарим нь Япон Монголын хамтарсан компаниудад ажиллаж Япончуудтай нийлээд компани байгуулдаг. Зарим оюутнууд өөрийн чадвараа сайжруулах үүднээс Япон явж магистр, докторантурт сурж байна. Манай сургууль Япон хэл сургах чиглэлээр Монголдоо тэргүүлэх зэргийн сургууль гэж бид ойлгодог” гэв.

Б.АМАРТҮВШИН

Налайхын уурхайгаас нүүрс олборлож эхэлсний 102, Их уурхайг улсын мэдэлд авсны 95 жилийн ой энэ онд тохиож байна. Ойн хүрээнд Их уурхайд ажиллаж байсан болоод ажиллаж байгаа 40-с дээш насны уурхайчдын дунд гар бөмбөгийн тэмцээн зохион байгууллаа.

Тэмцээний нэгдүгээр байрт 4 дүгээр хорооны ахмад уурхайчид шалгарсан бол 2 дугаар байрт 1 дүгээр хороо, 3 дугаар байрт 7 дугаар хорооны ахмад уурхайчдын баг тамирчид шалгарлаа.

Мөн одоо ажиллаж байгаа болон залуу уурхайчдын дунд сагсан бөмбөгийн тэмцээнийг Голомт цогцолбор сургуулийн спорт зааланд зохион байгууллаа. Тэмцээнийг дүүргийн Засаг дарга Ч.Раднаабазар нээж үг хэлэн, баг тамирчиддаа спортын өндөр амжилт хүслээ.

Тэмцээнд 13 баг оролцож, өрсөлдснөөс алтан медаль, шилжин явах цомын эзнээр н.Энхсайхан ахлагчтай баг шалгарлаа. 2 дугаар байрыг Б.Аргонбек ахлагчтай бол эзэлсэн бол 3 дугаар байрыг Х.Бауржин ахлагчтай баг тамирчид тус тус хүртэв. Шагналыг дүүргийн Засаг даргын орлогч С.Тунгалаг, тэмцээнийг хамтран зохион байгуулагчид гардуулан өглөө.

Уурхайн ойг тохиолдуулан спортын тэмцээнийг дүүргийн ЗДТГ, Ойг зохион байгуулах комисс, БТСХ, Таван шүтээн ХХК, 6 нөхөрлөл, уурхайчин н.Золжаргал нар хамтран зохион байгуулсан юм гэж Налайх дүүргийн ЗДТГ-аас мэдээллээ.

Монгол оронд Ардчилсан хувьсгал үүсэн байгуулагдсаны 28 жилийн ойд зориулсан бөхийн барилдаан өнгөрөгч бямба гарагт Бөхийн өргөөнд боллоо. Уг барилдаанд Улс, аймгийн алдар цолтой 256 бөх зодоглосноос харцага Б.Бат-Өлзий түрүүлж, заан Н.Жаргалбаяр үзүүрлэсэн юм.

Тэгвэл уг барилдааны үеэр МҮБХ, Допингийн эсрэг үндэсний төвтэй хамтран зарим бөхчүүдээс сэргээшийн шинжилгээ авчээ. Ингэхдээ бөхчүүдэд урьдчилан мэдэгдэхгүйгээр авсан байна.

Өнгөрсөн хавар бөхчүүд, бөх сонирхогчдоос ирүүлсэн саналыг харгалзан нэр бүхий бөхчүүдээс тус шинжилгээг авлаа гэж МҮБХ-ноос мэдээллээ.

Өнөөдөр өглөөнөөс “Тэс Петролиум” компани шатахууны үнийг 20 төгрөгөөр нэмжээ. Одоогийн байдлаар бусад шатахуун түгээх компаниуд шатахууны үнийг нэмээгүй байгаа бөгөөд ямар шалтгаанаар нэмсэн нь тодорхойгүй байна.

Шатахууны үнэ нэмэгдэх эсэх асуудлаар албаны тайлбар хийгдээгүй юм. Өнөөдрийн ханшаар “Петровис ХХК” А92 бензин 1640, төгрөг, “Тэс Петролиум”-д 1650 төгрөг, “Содмонгол”-д 1630 төгрөг, “М Ойл” 1620 төгрөгийн ханштай байна. Уг асуудлаар “Тэс Петролиум” компани руу залгаж тодруулах гэсэн ч тоймтой хариулт өгсөнгүй.

Төрийн ордонд УИХ дахь намын бүлгүүд хуралдана.

09.00 цагт “Континенталь” зочид буудалд ерөнхий боловсролын сургуулиудыг эрүүл мэндийн хичээлийн хөтөлбөртэй болгох талаар ЭМЯ, БСШУСЯ-ны удирдлагууд уулзалт хийнэ.
09.00 цагт Нээлттэй нийгэм форумд “Нийтйин ашиг сонирхлыг шүүхэд нэхэмжлэн хамгаалах нь” сургалт болно.
09.00 цагт “Туушин” зочид буудалд гадаад орнуудаас Монгол Улсад суугаа Элчин сайдын яамд болон олон улсын хандивлагч байгууллагуудын зөвлөлдөх уулзалт болно.
11.00 цагт Засгийн газрын XI байранд ХЭҮК, ШШГЕГ болон ЗХЖШ хамтран ажиллах санамж бичигт гарын үсэг зурна.
11.40 цагт Офицеруудын ордны гадна талбайд Урлагийн гавьяат зүтгэлтэн Ш.Гун-Аажавын “Манай цэргийн жавхаа” дууны хөшөөний нээлт болно.
13.00 цагт Төрийн ордонд Банкны зээлийн хүүний хувийн хэмжээг тогтоох тухай хуулийн төслийн нээлттэй хэлэлцүүлэг болно.
14.30 цагт “Улаанбаатар” төмөр замын төв буудалд Улаанбаатар-Эрхүүгийн чиглэлийн хурдан галт тэргийг анхны аялалд үдэн гаргах ёслол болно.
15.00 цагт СУИС-ын Радио, телевиз, медиа урлагийн сургуулийн “Дебют” театрт Тайваний Монгол дахь төлөөлөгчийн газраас оюутан залууст тэтгэлэг гардуулах ёслол болно.

“Үндэсний мэдээллийн төв”-д
11.00 цагт “Монголын худалдаачдын холбоо”-ноос цаг үеийн асуудлаар мэдээлэл хийнэ.
11.30 цагт Гэр хороолол хөгжлийн намаас Улсын Дээд шүүхийн шийдвэрийг эсэргүүцэж талаар мэдээлэл хийнэ.