Жижиглэн худалдаа эрхлэгчдийн “Их хүрээ-2018” үндэсний чуулган, “Хүрээ авардс-2017” худалдааны салбарын оны шилдгүүдийг шалгаруулах ёслолын ажиллагаа арван хоёрдугаар сарын 25-ны өдөр болох юм байна. Чуулганыг Монголын жижиглэн худалдаа эрхлэгчдийн холбоо, “GS1 Mongolia” ТББ-аас Хүнс, хөдөө аж ахуй, хөнгөн үйлдвэрийн яам /ХХААХҮЯ/, Гадаад харилцааны яам, Нийслэлийн захирагчийн ажлын албатай хамтран зохион байгуулах ажээ.
Тусгаар тогтнолын ордонд болох “Их хүрээ-2018” чуулганд хот, хөдөөгийн жижиглэн бизнес эрхлэгчдийн төлөөлөл 800 гаруй хүн оролцох бөгөөд худалдааны салбарт дэлхийн орчин үеийн үйлчилгээний стандартыг нэвтрүүлэх, шинжлэх ухаан, технологи инновацийн ололтыг үйл ажиллагаандаа нэвтрүүлэх ямар боломжууд байгааг жижиглэн худалдааны дэлгүүрүүдийн стандартыг дэлхийд нэвтрүүлсэн Японы улсын туршлагыг тус улсын “Глобаль финанс” компанийн захирал Hidatako Ito танилцуулах гэнэ. Монгол Улс зах зээлийн нийгэмд шилжээд 27 жил болсон ч худалдааны бизнес эрхлэгчдийн бизнесийн харилцааг зохицуулах бие даасан хуульгүйгээр өнөөг хүрчээ. Гэтэл энэ салбарт маш олон стандарт шалгуур тавьж, хяналт шалгалтын тогтолцоо газар авснаар торгуулийн систем эрчимтэй ажилладаг нь дэлгүүрийн бизнес эрхлэгчдэд дарамт болдгийг тэд дуу нэгтэй хүлээн зөвшөөрч байна. Иймд худалдааны бизнес эрхлэгчдийн эрх ашгийг хамгаалах, үйлчилгээний стандарт тогтоох хууль эрхзүйн орчныг боловсронгуй болгож, торгууль, урамшууллын системийг ижил түвшинд ажиллуулахыг бизнес эрхлэгчид салбарын яамдаараа дамжуулан дуу хоолойгоо төр засагт хүргэх гэж байгаа юм.
Мөн хурлаар худалдааны салбарын стандарт, норм норматив болон инноваци техник технологийн дэвшлийг нэвтрүүлэх өргөн боломжуудын талаар ажил хэрэгч ярилцлагуудыг өрнүүлнэ. Бизнесээ өргөжүүлэх хөрөнгө оруулалтыг хэрхэн татах, яаж хөнгөлөлттэй зээл авах талаар Японы хөрөнгө оруулагчид үнэтэй зөвлөмжүүдийг өгч, ажил хэрэгч уулзалтуудыг зохион байгуулна хэмээн чуулганыг зохион байгуулагчид онцлов. Мөн өдрийн 18.00 цагт “Мишээл экспо” төвд эхлэх “Хүрээ авардс-2017” худалдааны бизнес эрхлэгчдийн нэгдсэн шинэ жилийн баярын арга хэмжээний үед салбарынхаа шилдэг бизнес эрхлэгчдийг “ГРАН ПРИ”, “Худалдааны ирээдүйн санаачилга”,”Цахим шийдэл”, “Тохижилттой дэлгүүр”, “Залуу худалдаачин”,”Интерпренер” зэрэг 11 номинациар шалгаруулна. Мөн үеэр 15 азтаныг шалгаруулж, гурван супер азтаныг Япон улсаддолоо хоногийн бизнес аялал хийх эрхийн бичгээр шагнах юм. Иймд салбарынхантайгаа танилцаж харилцан туршлагаа хуваалцах боломж, тулгамдсан асуудлаа хамтдаа шийдвэрлэх чухал уулзалт, баяр ёслолын арга хэмжээ гэж чуулганыг зохион байгуулагчид хэлж байна.
Онцгой байдлын ерөнхий газрын харъяа Аврах тусгай ангийн хамт олон 2017 оны ажлаа дүгнэж, тайлангийн хурлаа зохион байгууллаа.
Улсын Их Хурлын 2017 оны намрын ээлжит чуулганы өнөөдрийн /2017.12.14/ нэгдсэн хуралдаан 10 цаг 32 минутад 51.3 хувийн ирцтэй эхлэв. Хуралдааны эхэнд Монгол Улсын засаг захиргаа, нутаг дэвсгэрийн нэгж, түүний удирдлагын тухай хуульд нэмэлт оруулах тухай болон хамт өргөн мэдүүлсэн бусад хуулийн эцсийн найруулгыг сонслоо. Дараа нь өнөөдрийн хуралдаанаар хэлэлцэх асуудлыг танилцуулахад Улсын Их Хурлын гишүүн Ж.Батзандан, Ё.Баатарбилэг, Л.Болд, Д.Тэрбишдагва нар хэлэлцэх асуудалтай холбогдуулан санал хэлэв. Гишүүдийн саналтай холбогдуулан Улсын Их Хурлын дарга М.Энхболд тайлбарлахдаа “Элчин сайд эгүүлэн татах, томилохтой холбоотой асуудлыг 2017 оны арваннэгдүгээр сарын 15-ны өдөр Улсын Их Хурал хэлэлцэж эхлэх үеэр Аюулгүй байдал, гадаад бодлогын байнгын хороо уг асуудлаар нийтийн сонсгол хийх шаардлагатай гэж үзсэн. Мөн Тусгай хяналтын дэд хороо ч хэлэлцэх шаардлагатай гэсэн тул хойшлуулсан. Үүнээс гурван долоо хоног өнгөрсний дараа Аюулгүй байдал, гадаад бодлогын байнгын хороо Улсын Их Хурлаас томилогддог албан тушаалтны асуудлаар нийтийн сонсгол зохион байгуулах эрх зүйн зохицуулалттай, харин зөвшилцдөг албан тушаалтны асуудлаар нийтийн сонсгол зохион байгуулах боломжгүй. Харин Өргөдлийн байнгын хороо нээлттэй хэлэлцүүлэг хийх боломжтой тул тус Байнгын хороонд холбогдох материалыг шилжүүллээ гэдэг тайлбар ирүүлсэн юм. Энэ үеэр Элчин сайд эгүүлэн татах, томилохтой холбоотой асуудлыг Тусгай хяналтын дэд хороогоор хэлэлцэхээр нөхцөл үүсээгүй байна гэдэг тайлбарыг мөн ирүүлсэн.
Өргөдлийн байнгын хороо дээрх асуудалтай холбоотойгоор иргэдээс ирүүлсэн өргөдөл, гомдлыг судлах шаардлагатай гэсэн учир өнгөрсөн долоо хоногт чуулганы нэгдсэн хуралдаанаар хэлэлцэхээр төлөвлөсөн байсныг хойшлуулсан. Тус Байнгын хорооны дарга сая хэлэхдээ, нэг асуудлаар 900-аас доошгүй иргэн өргөдөл, гомдол ирүүлсэн тохиолдолд тухайн асуудлаар Өргөдлийн байнгын хороо нээлттэй сонсгол явуулах дэгтэй тул Элчин сайд эгүүлэн татах, томилохтой холбоотой асуудлаар нээлттэй сонсгол явуулах боломжгүй гэлээ. Иймд маргаашийн чуулганы хуралдаанаар дээрх асуудлыг хэлэлцэн шийдвэрлэнэ” гэлээ. Мөн маргаашийн (2017.12.15 Баасан гараг) 15.00 цагт Монгол Улсын Ерөнхийлөгч Үндэсний аюулгүй байдлын асуудлаар чуулганы нэгдсэн хуралдааны хаалттай горимоор мэдээлэл хийх тул холбогдох газрууд бэлтгэл ханган ажиллаж байгааг гишүүдэд дуулгасан.
Үүний дараа зарчмын зөрүүтэй саналын томъёолол нэг бүрээр санал хураалт явуулан шийдвэрлэв. Тухайлбал, төслийн 16 дугаар зүйлийн 16.5 дахь заалтыг “Энэ хуулийн 15.1-д заасан байгууллагын даргын албан тушаалд мал үржүүлэг, нөхөн үржихүйн чиглэлээр мэргэшсэн мал зүйч, Аймаг, нийслэлийн мал үржлийн албаны даргын албан тушаалд мал зүйч ажиллана”, мөн зүйлийн 16.6 дахь заалтыг “Сум, дүүргийн хөдөө аж ахуйн тасагт мал аж ахуйн үйлдвэрлэлийн технолги, малын генетик, нөөцийн бүртгэл, үржил, селекцийн асуудал хариуцсан мал зүйч ажиллана” хэмээн тус тус өөрчлөхийг хуралдаанд оролцсон гишүүд дэмжив. Мөн “Мал зүйч мэргэжилтний нийгмийн баталгаа” гэсэн 19 дүгээр зүйлийг төсөлд нэмж тусгахыг гишүүд санал нэгтэйгээр дэмжив. Дараа нь төслийг бүхэлд нь батлах санал хураалт явуулахад нэгдсэн хуралдаанд оролцсон гишүүдийн 73.2 хувийн саналаар Малын генетик нөөцийн тухай болон хамт өргөн мэдүүлсэн хуулиуд батлагдлаа.
Танилцуулгатай холбогдуулан Улсын Их Хурлын гишүүн Б.Бат-Эрдэнэ, Д.Тэрбишдагва нар зарим зүйлийг тодруулж, хариулт авлаа. Дараа нь “Хууль хэрэгжүүлэх зарим арга хэмжээний тухай” Улсын Их Хурлын тогтоолын төслийг анхны хэлэлцүүлгээр нь батлуулах Байнгын хорооны саналыг дэмжих эсэхээр санал хураалт явуулахад гишүүдийн олонх дэмжив. Иймд төслийг батлах санал хураалт явуулахад чуулганы нэгдсэн хуралдаанд оролцсон гишүүдийн 67.4 хувь дэмжсэнээр “Хууль хэрэгжүүлэх зарим арга хэмжээний тухай” Улсын Их Хурлын тогтоол батлагдлаа гэж Улсын Их Хурлын Хэвлэл мэдээлэл, олон нийттэй харилцах хэлтэс мэдээлэв.
2017 оны 11 дүгээр сарын 27-ны өдөр Баянгол дүүргийн нутаг, Авто вокзалын хойд замд “Toyota Spacio” маркийн автомашин тухайн үед гарцаар гарч явсан 10 настай Н-г мөргөж гэмтээсэн зам тээврийн ослын бичлэг цахим орчинд тарж, олон нийтийн анхаарлыг татаад байна.
УИХ-ын гишүүн, УИХ дахь Европын парламенттай харилцах бүлгийн дарга Н.Оюундарь, УИХ-ын гишүүн Л.Мөнхбаатар, Г.Мөнхцэцэг нар Брюссель хотноо 12 дугаар сарын 7-ны өдөр болсон Монгол Улсын Их Хурал, Европын парламент хоорондын 11 дүгээр зөвлөлдөх уулзалтад оролцов.
Монгол Улсын Их Хурал дахь Европын Парламенттай харилцах бүлэг болон Европын Парламентын Монгол Улс, Төв Азитай харилцах бүлэг хамтын ажиллагааны нэгэнт тогтсон хэлбэрүүдийг бэхжүүлж, цаашид хоёр ард түмний тусын тулд харилцан ашигтай харилцааг гүнзгийрүүлэн төрөлжүүлэхэд хувь нэмрээ оруулна гэдэгт итгэл төгс байгаагаа илэрхийлж уулзалтын дүнгээр хамтарсан мэдэгдэл гаргасан болно.
Мөн Монгол Улс, Европын Холбооны хооронд байгуулсан ТХАХ хүчин төгөлдөр болсонтой холбогдуулан талууд Монгол Улсын Их Хурал, Европын Парламентын хооронд Парламентын хамтын ажиллагааны Хороо байгуулахаар тохиролцов. Уулзалтын үеэр УИХ-ын төлөөлөгчид Европын Парламентын байранд залах Алтан гэрэгэ гардуулсан байна. Алтан гэрэгэ Нью-Йорк дахь НҮБ-ын төв байр болон Вена дахь төвийн гол танхимд залагдсан байдаг гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.
Бүгд Найрамдах Өмнөд Судан улсад явагдаж буй НҮБ-ын мандаттай Энхийг сахиулах ажиллагааны VII ээлжинд үүрэг гүйцэтгэж байгаа Онцгой байдлын албаны алба хаагчид шинэ жилийн баяр мэндчилгээ ирүүлсэн байна. Тус мэндчилгээнд “Монгол Улсын Онцгой байдлын албанд бие сэтгэл, оюун ухаанаа зориулан зүтгэж буй генерал, офицер, ахлагч ажилтан алба хаагчид, чөлөөнд байгаа ахмад дайчид та бүхэнд айлчлан ирж буй шинэ оны халуун мэндийг хүргэе. Агуу түүхтэй Онцгой байдлын албаны алтан аргамжаа бөх оршиг” гэжээ.
Эрүүл мэндийн бүртгэл мэдээллийн чиглэлээр, халдварт болон халдварт бус өвчний мэдээллийн тогтолцоог бэхжүүлэх, цахим эрүүл мэндийг хөгжүүлэх чиглэлээр цөөнгүй төсөл хөтөлбөр хэрэгжиж байгаа ч тэдгээрийн уялдаа холбоо, нэгдмэл байдлыг хангах, олон улсын хандивлагч байгууллагуудын техникийн болон санхүүгийн дэмжлэгийг зохицуулах, засгийн газрын үүрэг оролцоог нэмэгдүүлэх шаардлагатай байгааг онцлон тэмдэглэлээ. Түүнчлэн уулзалтын үеэр Цахим эрүүл мэндийн үйл ажиллагааны 2018-2021 онд хэрэгжүүлэх дунд хугацааны төлөвлөгөөг үндэсний түвшинд хэлэлцүүлэн, оролцогчдын санал, зөвлөмж тусгах юм байна.
Монгол орны ойн санг хамгаалах, дэлхийн дулааралтай тэмцэх зорилгоор БОАЖЯ-наас “Ойн доройтол, хомсдолыг бууруулах замаар уур амьсгалын өөрчлөлтийг сааруулах үндэсний хөтөлбөр”-ийг боловсруулж байна.
Улаанбаатар хотод замын түгжрэлд орж, банкинд дугаарлан олон нийтийг хамарсан урт дараалал үүсгэж, хүндрэл учруулж бухимдал төрүүлдэг төрийн үйлчилгээнүүдийг цахимжуулах ажлыг Нийслэлийн Засаг даргын Тамгын газар болон Нийслэлийн Мэдээллийн технологийн газраас шат дараатай хэрэгжүүлж байна.
