Month: December 2017

-НИЙТДЭЭ 100 ГАРУЙ ӨСВӨР НАСНЫХАНД ХОЛБОГДОХ ЭРҮҮГИЙН ХЭРЭГ БАЙГАА ГЭВ-

Энэ сарын 8-ны өдөр “Urelee Bayaraa” гэх фэйсбүүк хаягтай охин өөрийн хуудсаараа дамжуулан лайв хийжээ. Тэрээр УИХ-ын гишүүд, томоохон группын захирал, Монголын томоохон баячууд, албан тушаалтны өсвөр насны хүүхдүүдтэй холбоотой хар тамхи, хүчингийн хэргийн талаар ноцтой мэдээлэл хүргэж, олныг цочирдуулав. Улмаар бүх нотлох баримт байгаа гээд, энэ сарын 9-ний өдөр Сүхбаатар дүүргийн Эрүүгийн хэргийн шүүхээр хэлэлцэгдэнэ хэмээжээ.

Тэрээр өөрийгөө УИХ-ын гишүүнээр гурван удаа сонгогдсон Уул уурхайн сайд асаны охин хэмээн танилцуулсан юм. 2015 онд энэ охин болон түүний дүүгийн ууж байсан зүйлд хар тамхи хийж мансууруулж байгаад хүчиндсэн тухай ч ярилаа. Шүүх хуралд хүчин болон хар тамхи, танхай, хүн дарамталсан, авлига өгөхийг санаархсан, хэрэг нуун дарагдуулсан, гэмт үйлдлийг таслан зогсоогоогүй гэх зэрэг хэрэгт нийтдээ 100 гаруй өсвөр насныхан холбогдсон байна.

-ХОЁР НАЙЗ МААНЬ МИНИЙ УУХ ЮМАНД МАНСУУРУУЛАГЧ ХИЙЖ БАЙГААД ХҮЧИНДСЭН-

Түүний лайвд дурдагдсан ноцтой мэдээллүүдийг хүргэж байна.

Тэрээр ярихдаа “Яг ямар шүүх хурал болох гээд байгаа вэ гэхээр миний оюун ухаан болон биед хохирол учруулсан. Би өөрийн өмгөөлөгч болон гэр бүлийн бүх хүмүүстэйгээ ярьж байгаад энэхүү лайвыг хийж байна. Мөн энэхүү хэрэг прокурорт шилжсэн байгаа. Хэрэв та бүхэн намайг инстеграм дээр дагадаг бол ер юу болсныг мэдэж байгаа. Юун түрүүнд энэ асуудал олон жилийн өмнөөс фэйсбүүк болон инстеграмаар явж байсан. Хамгийн анх надтай хэрэлдсэн …., түүний дараа ….., тухайн үед хамт байсан…., гэрчээр… гэх мэт маш олон хүнийг хамарсан шүүх хурал болох гэж байгаа.

Ер нь хар тамхи, хүчингийн хэрэгтэй холбоотой байж болох Эрүүгийн хамгийн хүнд гэмт хэргүүдтэй холбоотой гэмт хэргийг өсвөр насныхан хийсэн учраас өмгөөлөгчтэйгөө яриад прокурорын зааврын дагуу ерөнхийдөө юу болох гээд байгааг мэдээлэх гэсэн юм. Энэхүү шүүх хурал нээлттэй учраас маргааш та бүхэн хүрэлцэн ирж болно. Мөн жагсаал цуглаан зохион байгуулж болно гэсэн.

Яагаад гэхээр энэ хэрэг нэг талаас охид эмэгтэйчүүд, өсвөр насны охидын сэтгэл зүйд хамгийн хүндээр туссан. Жишээ нь, би өөрөө хэргийн хохирогч болсон. Энэ талаар манай найзууд бүгдээрээ гэрчилнэ. Тийм учраас надад айх аюул байхгүй. Надад бүх баримт нотолгоо байна. Хэн юу хэрэглэдэг, хэнээс хаанаас авдаг, ургуулдаг, ургуулдаггүй ургамал мөс хэрэглэдэг. Энэ талаарх бүх мэдээллийг Тагнуулын ерөнхий газартай хамтарч нэлээн том хавтаст хэрэг үүсгэсэн байгаа.

Хүчингийн хэргийг яагаад ингэж хүндээр хүлээж авч байна вэ гэхээр хүчин хийсэн болон тэнд хамт байсан, харсан бүх хүмүүс болон найз нөхөд гэх бүх хүмүүс энд холбогдоно. Маргааш шүүх хурал эхлэхэд бүх хүнээс цусны шинжилгээ авна. Яагаад гэхээр тэр ирсэн хүмүүс дунд хар тамхи хэрэглэдэг хүмүүс байгаа. Учир нь би хуулийн бүх шатанд өөрийнхөө гэм буруугүй гэдгийг нотолсон. Надаас мөн адил бүх төрлийн шинжилгээнүүдийг авсан.

-ГЭР БҮЛ РҮҮ МИНЬ ЗАЛГАЖ СҮРДҮҮЛЖ МӨНГӨ АМАЛСАН-

Хэрэг гардаг өдөр миний уух юман дотор нунтаг зүйл хийсэн. Тэр өдрийн орой нь зүрхний хэм алдагдаад, манай найз залуу бид хоёр түргэн дуудсан. Гэтэл пармадол гэх нунтаг эм хийсэн байсан. Хэн гэх хүн хийснийг одоо хэлэхгүй. Бидэнд бол өвстэй адилхан үйлчилгээтэй гэж хэлж, хэрэглэхэд тэр нь солиорлын үйлчилгээ үзүүлдэг юм билээ. Би уруу татагдсан гэдэг утгаараа хэрэг үүрэхгүй. Үүгээр намайг боож, хэрэг үүрүүлнэ гэвэл яг үнэндээ хохирогч нь би, та нар биш. Ээж рүү минь залгаж сүрдүүлэх, гэр бүл рүү залгаж хахууль өгөхийг оролдох хэрэггүй. Танай аав, ээж нар чинь Таван богд, АПУ, “Монос”байна уу үнэхээр хамаагүй. Тагнуулын албаны дарга байсан Б.Хурцын хамаатан байна уу тэр бол хамаагүй шүү. Яагаад гэхээр та нар хэрэг хийсэн. Миний биед гар хүрсэн, бас хүчингийн хэрэг хийсэн. Ийм учраас зохих ёсны хариуцлагаа хүлээ.

Хамгийн багадаа тэнд байсан хүүхдүүд “Corpоrate”-д болсон, санаатайгаар хүний биед гар хүрсэн гэдэг зүйл ангиар зургаан сар хоригдоно. Тэнд байсан хүмүүсийн өмсөж байсан хувцас хунар эд хөрөнгө, сэтгэл санааны хохирол гээд доод тал нь 20 сая төгрөг болно. Тэнд байсан бүх охид болон тэдгээртэй хамт байсан найз залуу, хамт алхаж байсан бүх хүмүүс хамаарах учраас шалгана шүүнэ, байцаалт авна. Та нарыг ямар айлын, хэний хүүхэд болохыг би мэдэж байгаа.

Миний аав, ээж амьд сэрүүн байна. Хуулийн байгууллага миний талд байна. Одоо эмэгтэйчүүдийн эрхийг хүндэтгэж сэргээх цаг болсон юм бишүү. Би энэ жил сургуулиа хамт төгссөн, нэг ангийн сайн найз хоёр залууд хүчиндүүлсэн. Мөнхцацралтын гэрт байсан хүмүүс бүгд гэрчилнэ. Тэнд байсан бүх хүний нэрийг цагдаад бичээд өгсөн.

-МОНГОЛЫН БАЯЧУУДЫН ХҮҮХДҮҮД АРД ТҮМНИЙ МӨНГӨӨР ОХИН ХҮЧИНДЭЖ, ХАР ТАМХИ ХЭРЭГЛЭДЭГ-

Би “Цаасан дээр бичиж, хэргээ өөрсдөө хүлээх юм бол хэрэг чинь хөнгөрнө” гэж хэлсэн. Тэгсэн харин эсрэгээрээ залгаж сүрдүүлсэн, дарамталсан, хахууль амалсан. Монголд хар тамхи үнэхээр дэлгэрсэн. Та нар /түүний нэг сургуулийн болон найз нөхөд, өсвөр насныхан/ өөрсдөө хэрэглэдэг. Танай аав ээж, хамаатан садангууд тээвэрлэж оруулж ирдэг. Хар тамхитай холбоотой бүх айлд нэгжлэг үзлэг хийнэ. Энэ хэрэг хуулийн байгууллагын хамгийн том ололт амжилт болж байна. Монголын томоохон баячуудын хүүхдүүд ард түмний мөнгөөр хэр их хар тамхи хэрэглэж, хэр их охин хүчиндэж, ямар олон муухай хэрэг хийж буй талаар эхнээс нь илрүүлж байна.

Эхнээсээ та нарын тогтоол чинь гарсан. Монголд яагаад мөнгөөр бүх хэргийг шийдэж болдог юм бэ. Охид эмэгтэйчүүдийн хүчирхийлэл, өсвөр үеийнхний аймшигт хэргүүдийг бид бүгдээрээ зогсоох хэрэгтэй. Олигархи, УИХ-ын гишүүний хүүхэд гэхээрээ хүн алчихаад зугтаж болдог юм уу. Та нар манай аавын тухай ярьж болно. Манай аав Уул уурхайн яамны сайд байсан. Хэдэн охин аавын намыг унагаана гэсэн. Тэрний бүх нотлох баримт хэлсэн үг, дуу бичлэг, захидал зэрэг бүгд байгаа. Хэрэгт холбоотой хүмүүсийг сүүлийн арав хоног утас болон чатыг нь чагнаж хянасан.

Би эхэндээ хүчингийн хэргийн тухай ярихаас айдаг, ичдэг, нуудаг байсан. Сүүлийн 2-3 жил би хүчингийн хэргийн улмаас сэтгэл санааны цочролд орж, сэтгэцийн эмнэлгээр явж нойрны эм уусан. Энэ ялзарсан нийгмийг сайд дарга нар болон Ерөнхий сайд, Ерөнхийлөгч өөрчлөхгүй. Бид өөрчлөх ирээдүй нь байх ёстой.

Би энэ улсын ирээдүй. Мөн энэ бүх аймшигт хэргийн хохирогч. Та нарын хамтран хар тамхи хэрэглэсэн, бүлэг зодоон, хүчин, ах эгч нар чинь амиа хорлосон гэх мэтчилэн бүх мэдээлэл надад байгаа. 2015 оны зургадугаар сарын 16-нд би төрсөн өдрөө “Blue Sky”-д хийсэн. Түүний дараа кино үзэх гэж байснаа болиод, хөлбөмбөг тоглоод, Удирдлагын академид байдаг Мөнхцацралын гэрт очиж уусан.

16 насны төрсөн өдөр гээд би ээжийнхээ зөвшөөрлөөр согтууруулах ундаа авч орсон. Тэнд байсан хүмүүс юу гэж өөрсдийгөө хамгаалж байна вэ гэхээр намайг өөрөө дуртай байсан гэж байгаа. Дуртай байсан бол би орилж хашгирч, эсэргүүцэл үзүүлэхгүй. Энэ хоёр жилийн хугацаанд ийм сэтгэлийн дарамттай амьдрахгүй байсан. Тэр үед эрүүлжүүлэхээс манай жолооч та нарыг авсан шүү дээ.

-ХҮЧИНДҮҮЛСЭН БҮХ ОХИДЫН ӨМНӨӨС ДУУ ХООЛОЙ БОЛЖ, БАРИМТ ДЭЛГЭНЭ-

“Ramada”-д байдаг нэг айлд 2-3 охинтой хамт …… хийсэн гэхээсээ илүү манай дүү хүчиндүүлсэн. Тэр хүн бол олны танил хүн учраас нэрийг нь хэлмээргүй байна. Одоо энэ лайвыг үзээд сууж байна. Та манай дүүтэй бэлгийн харьцаанд орсон. Гэхдээ манай дүү хүсээгүй байсан. Анир гэх охин байсан. Мөн Анархүү, Мөөнөө, Цог байсан. Таны нэрийг хүндлээд би хэлэхгүй. Манай дүүтэй бүгд унтсан. Юу хэрэглэж, тэнд юу болсныг чинь мэдэж байгаа.

Өнөөдөр би МИАТ руу залгаж асуухад нийт 32 хүн Бээжин чиглэлд нисэх хүсэлтийг нэг цагийн дотор гаргасан байна лээ. Гэхдээ та нарыг хил гаргахгүй. Бүх нэрийг чинь өгчихсөн байгаа. Саяын хоёр дахь өдөр “Crew”-д байсан бүх хүнийг шалгана. Биднийг дэмжих хүмүүс маргааш нэг цагаас Сүхбаатар дүүрэг дээр хүрч ирээрэй. Анхан шатны шүүх хурал болно. Энэхүү шүүх хуралд нийтдээ 100 гаруй хүн ирнэ гэж тоо гарсан байна.

Энэ шүүх хурал миний талд гарч, орцонд болон машинд, юм хэрэглэж байгаад хүчиндүүлсэн бүх хөөрхий охидын өмнөөс дуу хоолой болно. Эмэгтэйчүүдийн эрхийг хамгаалахын төлөө, өсвөр насныхны эрх хаана зөрчигдөж байна тэрний төлөө энэ шүүх хурлыг эхлүүлж байна.

-НАМАЙГ ТЭР ХҮҮХДҮҮДИЙН ААВУУД ХАЙГААД, БИ НУУГДАЖ БАЙНА-

Тэрээр лайваар дамжуулан асуултад хариулж эхлэв.

-Монголчууд ийм аймаар болчихсон юм уу?

-Монголчууд тэр чигтээ биш. Төрөөс төрсөн тэрбумтаны хүүхдүүд мөнгөө юунд үрж байна вэ гэхээр хар тамхи хэрэглэж, гэм зэмгүй 1998-2004 оны охидыг хүчиндэж, дээрэлхэж, шантаажилж байгаа юм. Ийм л байна. Бүх залуусыг тийм хэрэгтэн гэх гээгүй. Баячуудын хүүхдүүд гэдгээрээ өөрсдийгөө хаацайлж байна.

-Шүүх хурал дээрээ лайв хийх үү?

-Шүүх хурлын үеэр телевизийн шууд нэвтрүүлэг явна. Нээлттэй учраас та хүсвэл ирээд хэн нэгнийх нь талд орж болно.

-Өвс зүрхний хэм алдагдуулдаггүй юм даа?

-Өвс, хайш гэх зэрэг ургамлыг АНУ зэрэг хөгжингүй орнуудад хэрэглэж болохоор болчихсон.

-Архи ууж яваад хүчиндүүлсэн юм байна. Миний дүү энэ асуудлаа дуусгаад дахиж битгий архи уугаарай?

-Тэр үед 16 настай сэтгэлийн хөөрлөөр хандсан байсан. Тэр үед найзыгаа гэж бодож байсан. Энэ онд “….” сургуулийг төггсөн төгсөгчдөд хүчиндүүлсэн.

-Лайв аа хадгалах уу?

-Би лайваа устгахгүй. Тарааж болно. Удахгүй хоёр сэтгүүл дээр томоохон ярилцлага гарна. Яагаад гэхээр томоохон хэргүүд болон томчуудын хэргийн талаар ярьж байгаа учраас би өөрийн амь насаараа дэнчин тавьж байна.

-Чиний дүү гэхээр хэдтэй охин бэ?

-Миний дүү Номинзул 2001 оны охин байгаа.

-Шүүх хурлыг ямар сувгаар цацах вэ?

-Тэр телевизтэй маргааш ярина. Хэн нэгэн эрх мэдэлтний хувийн телевиз биш. Бүр болохгүй бол лайв хийсэн ч болно.

-Тухайн үедээ яагаад цагдаад хандаагүй юм бэ?

-Тухайн үедээ би өөрөө маш их “шок”-нд орсон. Юу хийж, яахаа мэдэхгүй байсан. Нэг хэсэг намайг “Орчлон” сургуулиар дүүрэн сэтгэл мэдрэлийн өвчтэй гэж ярьсан. Намайг эрүүл мэндийн асуудалтай байсныг багш нар захирал хүртэл батална. Сүүлийн гурав хоног уйлж өнжлөө. Хүүхдүүдийн ээж, аав нар залгаж, манай аав ээжийг дарамталсан, мөнгө амалсан. Үүнээс болоод зарим хүүхдүүдийн аав нь намайг хайж байна. Би “Гранд Мед” эмнэлэгт хэвтэж байгаад нуугдах гээд энэ газраа ирсэн байна. Бас одоо хамгаалалттай байна. Яагаад гэхээр ална хэмээн заналхийлж байгаа.

-Баячуудын хүүхдүүд сурдаг сургуулийнхан гэмт хэрэгтэн юм байна?

-Ганцхан “Сант” гэлтгүй, “Орчлон”, олон улсын АНУ-ын сургууль, олон улсын салбар сургуулиуд, нэгдүгээр, Орос гурав, Монгол гурав, 23-р сургууль зэрэг сургуулийн хүүхдүүдийн сурагчдын холбогдсон хэрэг. Хөрөнгөтэй айлын ёс суртахуунгүй хүүхдүүдийн хийсэн хэргийн төлөө би лайв хийгээд, шүүх хуралд олон хохирогчийн өмнөөс дуу хоолой болоод явж байна. БСШУСЯ, ЭМЯ үүний эсрэг юу ч хийж байгаагүй. Нэр дурдагдсан хүмүүст доромжлуулсан хохирогч нар ирж мэдүүлэг өгч болно хэмээлээ.

Түүний үгийг тоймлон хүргэвэл ийм. Ямартаа ч тэр ийнхүү өгүүлжээ. Гэхдээ үнэн худлыг шүүх байгууллагаас бусад хэн ч байсан шүүхгүй. Хэрвээ үнэн бол нэн даруй гүйцэтгэх ажиллагаа явуулж эрх нь зөрчигдөж буй охидын төлөө, насанд хүрээгүй хүүхдүүдийн хар тамхины хамаарлаас ангижируулахын төлөө хуулийн байгууллага ажиллах ёстой. Харин энэ бүхэн худал, аливаа байгууллага, хэн нэгэн иргэний нэр хүндийг гутаан дрмжилсон бол мөн л хууль хүчний байгууллага арга хэмжээ авч нийгмийн сэтгэлзүйг айдаст автуулсан хэргээр шийтгэлийг нь оннгдуулах нь зүйн хэрэг биз ээ.

У.УРАНЦЭЦЭГ

Нийслэлийн Баянзүрх дүүрэгт нүүрлэсэн засаглалын хямралын талаар тус дүүргийн ИТХ-ын Төлөөлөгч Б.Дэмбэрэл, Г.Хонгор нартай ярилцлаа.

---

-УИХ-ын ээлжит сонгуулийн дараагаас танай дүүргийн үйл ажиллагаа одоо болтол цэгцрээгүй байна. Үүний гол шалтгааныг та бүхэн хэрхэн харж байна вэ?

Төлөөлөгч Г.Хонгор:-Баянзүрх дүүрэг 350 мянга гаруй хүн амтай. Монгол Улсын нийт хүн амын 11 хувь нь төвлөрсөн том дүүрэгт засаглалын хямрал нүүрлээд бүтэн жил хагасын нүүр үзлээ. Энэ хугацаанд манай төлөөлөгчид дүүрэгтээ хуримтлагдсан хүндрэл бэрхшээлүүдийг цаг алдалгүй шийдэх ёстой гэсэн чиглэлээр тодорхой ажлуудыг хийсэн. Юун түрүүнд иргэдийнхээ оролцоог хангах үүднээс тэдний дунд саналын хайрцаг аялуулсан. Мөн Баянзүрх дүүрэгт үйл ажиллагаа явуулдаг босоо удирдлагатай бүх агентлагууд дээр очлоо. Ажил байдалтай нь танилцсан байгаа. Ажил гардан гүйцэтгэдэг хүмүүсийн сэтгэл санаа, тулгамдсан асуудлуудыг салбар салбараар нь мэдэж авсан. Иргэдийн амьдрал ахуй хөрсөн дээр ямар байгааг очиж танилцлаа. Энэ мэтчилэн Баянзүрх дүүрэгт үүссэн засаглалын хямралын шалтгаан, түүнд нөлөөлсөн хүчин зүйлсийг тогтоох ёстой. Засаглалын хямралыг зөв тогтоож чадвал гэтлэн давах арга замууд тодорхой болно.

– Энэ хүрээнд юу хийх ёстой юм бэ?

Төлөөлөгч Г.Хонгор:-Бид бүхэн засаглалын хамгийн дээд хэлбэр болох төрийн захиргааны төв байгууллагуудад хандан дүүрэгтээ нүүрлэсэн асуудлыг уламжилсан. Ер нь бол манайд доод шатандаа хууль тогтоомжийг мэддэггүй юм байна. Дээрээсээ тэрийгээ ч сайн сурталчилж өгдөггүй юм байна. Тиймээс төрийн албанд орсон хүмүүс дур дураараа өөр өөрсдийнхөөрөө аашилж, авирладаг. Энэ бол төсөв санхүүгийн харилцаан дээр тод томруун харагдаж байна.

-Баянзүрх дүүргийн төсвийн гүйцэтгэлд аудит ороод нэлээд зөрчил илрүүлсэн гэсэн байх аа. Энэ талаар дэлгэрэнгүй мэдээлэл өгөхгүй юу?

-Манай дүүргийн 2015, 2016 оны төсвийн гүйцэтгэлд нийслэлийн аудитаас хяналт шалгалт хийж, дүгнэлтээ гаргасан. 2015 оны төсвийн гүйцэтгэлд хийсэн аудитын дүгнэлтээр 1.5 тэрбум төгрөгийн зөрчил илэрсэн. Харин 2016 оны сонгуулийн жилд энэ дүнг гурав дахин өсгөөд 5.1 тэрбум төгрөгийн зөрчил гаргасан байна. Аудитын байгууллага ийм зөрчилтэй байна гээд хэлээд байхад манай дүүргийн одоогийн удирдлагууд “Ингээд акт тавиад өгөөрэй” гэсэн аястайгаар зөрчлийнхөө тоо хэмжээг ч өсгөдөг. Ийм алдаа дутагдлаа халдварт өвчин лугаа тарааж байдаг. Энэ байдал цаашид үргэлжлээд яваад байх юм бол Баянзүрх дүүргийн хөгжлийн асуудал, нийгэм эдийн засгийн доройтол улам газар авна. Эдийн засгийн хувьд сул дорой байна гэдэг бол бэлэнчлэх сэтгэлгээтэй болгож, бие даасан байдал арилдаг сөрөг талтай.

-Аудитын дүнгээр илэрсэн зөрчлийг арилгуулахын тулд та нар хаана хандсан бэ?

Төлөөлөгч Г.Хонгор:-Бид шат дараатай арга хэмжээ авахуулахаар НЗДТ-т хандсан. Ингээд Нийслэлийн Засаг дарга захирамж гаргаад Баянзүрх дүүрэгт бүрэн хэмжээний хяналт шалгалт явагдаж байгаа. Мөн бид Монгол Улсын Ерөнхий сайдад асуудлыг тавьсан. “Манай дүүргийн хямралыг арилгахын тулд төсөвт шалгалт хийж, удирдлага арга зүйгээр хангаж өгөөч” гэж хүссэн. Ингээд Сангийн яамнаас Баянзүрх дүүрэгт шалгалт оруулсан. Үнэхээр ноцтой зөрчлүүд тодорхой баримтуудаар илэрсэн. Баянзүрх дүүрэг бол төсөвт орлого төвлөрүүлэх ёстой. Гэтэл 2016 онд 821 сая төгрөгийн орлогыг дутуу төвлөрүүлсэн байна. 2017 оны наймдугаар сарын байдлаар 559.9 сая төгрөгийг дутуу төвлөрүүлжээ. Энэ бол дүүргийн удирдлагууд улсын төсвийн өмнө хүлээсэн онцгой үүргийг биелүүлж чадаагүй гэсэн үг. Жил дараалан шүү. Эндээс “Тэдэнд мэргэжил арга зүйн чадвар нь дутагдаад байна уу. Сэтгэл санаа хүсэл нь чамлагдаад байна уу” гэж харагдаад байна. Үүнээс гадна төсвийн хөрөнгийг зориулалтын бусаар зарцуулах явдал энгийн үзэгдэл болсон нь харамсалтай.

-Тухайлбал?

Төлөөлөгч Г.Хонгор:-Баянзүрх дүүргийн прокурорт төсвийн ерөнхийлөн захирагч нар 40 сая төгрөг дүүргийн төсвөөс хуваарилж байгаа. Энэ бол маш ноцтой байж боломгүй асуудал.

-Ер нь улсын хэмжээнд прокурорын байгууллагын төсөв санхүүг УИХ-аас батлаад өгдөг биз дээ?

Төлөөлөгч Г.Хонгор:-Тиймээ. Тэдэнд улсын төсвөөс мөнгө хуваарилсан байхад засаг захиргааны нэгжид ямар ч хамаагүй юм.

-Танай дүүргийн ИТХ хоёр тамгатай яваад байсан. Энэ асуудал юу болсон бэ?

Төлөөлөгч Б.Дэмбэрэл:-Бид энэ асуудлаар Засгийн газарт хандсан. Аль нэг хүчинтэй тамгыг нь тогтоож, хүчингүйг нь устгаж өгөөч гэж хүссэний дагуу ЗГХЭГ-ын дарга Г.Занданшатар ЦЕГ-т үүрэг өгсөн. Одоо төсөв батлагдахаас өмнө энэ тамганыхаа учрыг олж авахгүй бол хоёр тамгаар хоёр төсөв дарагдаад явбал дараа нь хариуцлага хүлээнэ. Дараа нь өчнөөн гүйлгээ хийгээд, баахан зардал гаргасан иргэн, аж ахуйн нэгж хохирно шүү дээ. Магадгүй хэн нэгэн иргэн Үндсэн хуулийн цэцэд хандахад хүчингүй болсон тамгаар дарагдсан төрийн бүх акт хүчингүй болно. Үүний хохиролыг хэн хүлээх юм бэ. Тиймээс үүнийгээ нэг тийшээ болгож өгөөч гэж байгаа юм. Тэрнээс аль намын хэн гэдэг хүнд тамга байгаа нь бидэнд чухал биш.

Төлөөлөгч Г.Хонгор:- Хоёр тамганы асуудал яагаад үүсэв. Үүнд цагдаагийн байгууллага хяналт тавьдаг юм байна. Бид арга буюу энэ асуудлаар Засгийн газрын хэрэг эрхлэх газарт хандаж, арга хэмжээ авахаар болсон тухай Б.Дэмбэрэл төлөөлөгч сая ярилаа. Гэтэл өнөөдрийг хүртэл хууль бус тамгаар бүх эрх зйн акт тогтоолуудыг баримтжуулж баталгаажуулаад ирсэн юм байна. Энэ нь шүүх дээр очих юм бол маш их мөнгөн дүнтэй нөхөн төлбөр болж манай төсөв дээр ирэх аюултай. Аливаа байгууллага нэг тамгатай байх ёстой шүү дээ. Тиймээс манай дүүргийн ИТХ-ын хоёр тамганы учрыг эрх бүхий байгууллага нь шалгаж тогтоож өгөх ёстой.

Төрийн дээд шатны байгууллагууд сум, дүүрэгтээ анхаарал хандуулахгүй бол тэнд төсвийн хөрөнгийг хуулийн дагуу ашиглаж зарцуулахгүй байна. Ер нь бол хяналтгүй төсөв урсаж байгаа. Арвилан хэмнэлт гэсэн ойлголт алга. Төсвийн тухай хуулиар аливаа бүтээн байгуулалтын ажлыг иргэдийн оролцоотойгоор хийх ёстой. Юун түрүүнд тэднийхээ саналыг авч, тусгадаг байх хэрэгтэй л дээ. Гэтэл манай дүүрэг 2016 онд баталсан төсвөө зарцуулж явж байгаад он дуусахын даваан дээр хийх ажлуудаа төлөвлөж байна шүү дээ.

Төлөөлөгч Б.Дэмбэрэл:-2017 оны эдийн засаг, нийгмийг хөгжүүлэх үндсэн чиглэлийг 2017 оны наймдугаар сарын 15-нд баталсан. Үүнийг юу гэж ойлгох вэ. Уг нь Засгийн газар, Нийслэлийн Засаг даргын мөрийн хөтөлбөртэй дүүргийн нийгмийг хөгжүүлэх үндсэн чиглэл нь уялдаж байх ёстой. Улс төрийн намуудаас мөрийн хөтөлбөрүүдийг нь тусгаж байгаад дөрвөн жилээр нь батлах ёстой. Баянзүрх дүүргийн ИТХ-ын дарга Ганчимэгийн “Дүүргийн эдийн засаг, үндсэн чиглэл батлагдсантай холбоотойгоор дүүргийн ЗДТГ, харьяа хэлтэс, хороодын үйл ажиллагааг үндсэн чиглэлүүдийг хэрэгжүүлэхэд чиглүүлж, түүний үр дүнг жил бүрийн арванхоёрдугаар сард дүүргийн ИТХ-д тайлагнаж байхыг даалгав” гэсэн албан тоот бий. Гэтэл одоо болтол байхгүй. Аргагүй шүү дээ. Өнгөрсөн наймдугаар сарын 15-нд дөнгөж нийгэм, эдийн засгийнхаа үндсэн чиглэлийг баталсан болохоор ирэх 2018 оны төсвийг хэлэлцэх цаг нь тулчихсан. Тэгэхээр 2017 оныхоо үндсэн чиглэлийг яриагүй. Юу нь болсон, юу нь болоогүй вэ гэдэг үр дүнг хэлэлцээгүй. Ирэх 2018 онд хийх ажлынхаа саналыг Төлөөлөгчдөөсөө ч аваагүй. Энэ байдлаараа магадлгүй 2018 оныхоо үндсэн чиглэлийг 2018 оны наймдугаар сард батлах бололтой.

-Угтаа бодлого нь урдаа явах ёстой биз дээ?

Төлөөлөгч Г.Хонгор:-Тэгэлгүй яахав. Уг нь нийгэм, эдийн засгийн чиглэлийг хэлэлцүүлээд ямар ажлыг хийх ёстой юм гэж ярьж тохирсныхоо дараа үйл ажиллагаанд нь таарах төсвөө батлах ёстой. Гэтэл манайхан толгой нь уруугаа харчихсан. Эхлээд мөнгөө зарцуулчихаад дараа нь бодлогоо батлуулж байх жишээтэй. Баянзүрх дүүрэг дээр Засаг даргын гаргасан захирамж нэг сарын настай байдаг. Жишээлбэл, өнгөрсөн зургадугаар сард малын түр худалдааны цэг байгуулангуутаа удалгүй “Шүлхий өвчин гарна, хотын төвд малын худалдаа эрхлэхийг зогсоо” гэсэн. Ер нь ажлын уялдаа холбоо иймэрхүү л явж байна. Нийслэлийн Засаг даргын А-863 захирамж 2016 оны арванхоёрдугаар сард гарсан юм. Энэ захирамжийн дагуу нийслэлийн хэмжээнд зам гарцыг чөлөөлөх байв. Гэвч манай дээр ажил хийгдээгүй. Зургадугаар сарын сүүлчээр шаардаж байж захирамж гаргуулж байгаа юм. Ерөөсөө харь гариг дээр байгаа юм шиг тушаал шийдвэрийн хэрэгжилт биелэлт нь тааруу байна. Арга буюу манай дүүрэг дээр тухайлсан групп шалгалт явуулж байгаа юм.

-Энэ шалгалтын дүн хэзээ гарах уу?

Төлөөлөгч Г.Хонгор:-Баянзүрх дүүрэг дээр хийгдэж буй нэгдсэн шалгалтын дүн удахгүй гарах байх. Бид үүнийг хүлээж байна. Бидний зорилго бол иймэрхүү сөрөг үзэгдлүүд цаашид дахин давтагдуулахгүй байхын төлөө ажиллаж байгаа. Үүний тулд хууль эрх зүйн талаас нь ямар арга хэмжээ авах юм бэ гэвэл сайн засаглалын зарчмыг дагаж мөрдөх ёстой. Төрийн алба тун хүнд сурталтай байдгийг бүгд мэднэ. Үйл ажиллагааны ил тод байдал ойлгомжгүй. Мэдээллийн ил тод байдал, төсвийн тухай хуулийн холбогдох заалтыг дагаж мөрддөггүй.

-Баянзүрх дүүргийн Боловсролын хэлтэс зочид буудалд байрлаж байна гэж нэг хэсэг шуугисан. Байртай болж чадсан уу?

Төлөөлөгч Г.Хонгор:-Өнөөдрийг хүртэл боловсролын хэлтсийн асуудлыг шийдвэрлэж чадаагүй. Зочид буудлаасаа гаргаад дүүргийн захиргааны МАН-ын бүлгийн нэг өрөөнд оруулчихсан байна. Зарим эд хогшил нь коридорт байх жишээтэй. Яагаад ийм байр савны хүрэлцээ муу байгааг удирдлагуудаасаа асуухаар орон тоо ихэдсэн гэдэг. Аудитын шалгалтаар нэг ноцтой зөрчил илэрсэн. Урьд нь дүүргийн ИТХ-ын 41 төлөөлөгчид төрийн захиргааны хурлын ажлын албаны 52 хүн ажилладаг байж л дээ. Тэгтэл тэр нь одоо 68 болчихсон байна. Уг нь төсөв 900 саяд багтдаг байсан бол 1.9 тэрбум болчихсон байна. Тэгэхээр манайд төсвийн сахилга бат, санхүүгийн хариуцлага үнэхээр сул байгаа юм. Бүтээн байгуулалтын ажил нь хүүхдийн талбай тохижуулах, өвс, шарилж зулгаахад зориулдаг. Манай дүүрэг төсвийн өмнө хүлээсэн үүргээ биелүүлж чадахгүй байна. “Муу дээрээ муухай. Муухай дээрээ улцан” гэгчээр төсвөөс авсан мөнгөө хуулийн дагуу зарцуулж чадахгүй байна.Төсвийн мөнгөө улс төрийн үйл ажиллагаанд ашигладаг, сонгуулийн зардал, сурталчилгаанд зориулаад явж байх жишээтэй. Энэ талаар бидэнд тоо баримттайгаа бий. Энэ бүгдийг таслан зогсоохын төлөө явж байна. Ер нь бол шалгалт хийгээд яваад байхаад сум, дүүргийн хэмжээнд олон ноцтой зөрчлүүд гарч байгаа. Нийтийн эрх ашигт хамааралтай асуудлаар манай удирдлагууд бодлогын шийдвэрүүдийг тодорхойлж, гаргаж чадахгүй байна. Хүчин төгөлдөр үйлчилж буй хууль тогтоомжийн хүрээнд ажиллаж чаддаггүй. Зүгээр л ажлыг хэлбэр маягаар явуулдаг. Бодит хөрсөн дээр буусан иргэдийн аж амьдралыг дээшлүүлэх тал дээр ажиллахгүй байна.

Төлөөлөгч Б.Дэмбэрэл:-Баянзүрх дүүрэгт эрүүл мэнд боловсролын салбарын үйлчилгээ байхгүйтэй адил. Хүмүүс бухимдалтай байна. Дээрээс нь Монгол Улсын хэмжээнд гарсан жигшүүрт хэрэг манай дүүрэгт толгой цохиж байна. Архидан согтууралт, гэмт хэрэгтэй тэмцэх ажил Баянзүрх дүүрэгт хангалтгүй байгааг иргэд хэлдэг. Тэгэхээр иргэдээ амгалан тайван, эрүүл, аюулгүй орчинд амьдруулах тал дээр нийт ИХТ нартаа хандаж уриалга гаргаад байгаа юм.

-Баянзүрх дүүрэгт газар зохион байгуулалтын ажил хийгдээгүй гэл үү?

Төлөөлөгч Б.Дэмбэрэл:- Тухайн жилийнхээ газар олголтынхоо төлөвлөгөөг иргэдийн хурал баталдаг хуультай. Гэтэл 2017 оны газар олголтын төлөвлөгөөг батлаагүй учир энэ онд иргэдийг нэлээд чирэгдүүлсэн. Мөн газрын гэрээ, гэрчилгээ сунгах захирамж гараагүй их удсан. Иргэдийн бухимдал үүн дээр их байна. Тэгэхээр Баянзүрх дүүргийн Төлөөлөгч нар ажлаа хийж чадахгүй. Төрийн үйлчилгээг ард иргэдэд хүргэж чадахгүй байдал үүснэ. Тэднийхээ саналыг хийх ажилдаа тусгаж чадахгүй байна. Дээрээс нь дүүргийн ИТХ-ыг зарлах, бичиг цаас канондахад төсвөөс цалинжаад 68 хүн ажиллаж байгаа юм. Засгийн газар “Яаж төсвөө хэмнэх вэ. Яаж өр ширнээсээ гаргаж, хямралыг эрсдэлгүй даван туулах вэ” гэж байхад доогуураа төрийн түшмэдүүд төсвийн мөнгөөр гараа угааж байдаг.

– Баянзүрх дүүрэгт нүүрлэсэн засаглалын хямралын талаар та бүхэн шүгэл үлээж байна. Бусад Төлөөлөгч нар яагаад дуугардаггүй юм бэ?

Төлөөлөгч Б.Дэмбэрэл:-Бид бүхэн дүүрэгтээ нүүрлэсэн засаглалын хямралын талаар арваннэгдүгээр сарын 6-нд бид нар Ерөнхийлөгч Х.Баттулгад хүсэлт хүргүүлсэн. “Монгол Улсын хүн амын 11 хувь нь амьдардаг энэ дүүрэгт засагллын хямрал нүүрлээд байна. Тэд төрийнхөө үйлчилгээг авч чадахгүй байна. Ерөнхийлөгч гэдэг бол намчирхахгүй, эв нэгдлийг хангах ёстой хүн. Та үүнд анхаарал хандуулж, эв нэгдлийг сахиулаач” гэж хүссэн. Одоо хүртэл ямар хариу ирүүлээгүй байна. Ерөнхийлөгч Х.Баттулга ирэх оныг гэмт хэрэг авлигатай тэмцэх жил болгон зарласныг бид дэмжиж байгаа. Тэгвэл Ерөнхийлөгчийн зөвлөх Пүрэвдаваа өмнө Баянзүрх дүүргийн Засаг даргаар ажиллаж байсан. Тэрбээр өнгөрсөн хугацаанд Баянзүрх дүүргийн төсөв зориулалтын бус зарцуулагдсан тухай Сангийн яамны шалгалтын дүн харуулсан. Тэр хугацаанд Пүрэвдаваа манай дүүргийг удирдаж байсан юм. Тэгэхээр ноён Ерөнхийлөгч авлига, албан тушаалын гэмт хэрэгтэй тэмцэх шүгэлээ зөвлөхүүдээсээ эхэлж үлээгээсэй.

Х.Төгөлдөр

Хөдөлмөрийн гавьяаны улаан тугийн одонт “Чингис хаан” Олон улсын нисэх буудлынхан 2017 онд түүхэндээ анх удаа 1 сая 200 мянган зорчигч хүлээн авч байна. Нисэх буудлын удирдлагууд, хэлтэс, албадын дарга нар өнөөдөр өглөө буюу 2017 оны 12 дугаар сарын 15-нд 1,200,000 дахь зорчигчдоо угтан авч хүндэтгэл үзүүлэв. Өглөө 07.35 цагт “Чингис хаан” Олон улсын нисэх буудалд буусан “МИАТ” компанийн ОМ-136 аяллын агаарын хөлгийн 103 зорчигч болон тус хөлгийн багийн гишүүдэд сарнай цэцэг бэлэглэсэн юм. Энэ онд 60-н жилийн түүхт ой нь тохиож буй тус нисэх буудлыг өнгөрсөн долоодугаар сард Ерөнхийлөгчийн зарлигаар Хөдөлмөрийн гавьяаны улаан тугийн одонгоор шагнасан юм.

“Чингис хаан” Олон улсын нисэх буудлаар зорчсон гадаад, дотоодын зорчигчдын тоо жил бүр тасралтгүй өссөөр байгаа бөгөөд 2013 онд 1,1 сая зорчигч хүлээж авч байсан бол үүнээс хойш дөрвөн жилийн дараа зорчигчдын тоо ийнхүү 1,2 сая болж өсч байгаа нь энэ юм. Мэргэжилтнүүдийн тооцоо, судалгаагаар цаашид энэ тоо жил бүр өсөх юм байна. Тус нисэх буудал нь өнөөдрийн байдлаар агаарын тээвэрлэгч гадаадын тав, дотоодын гурав, бусад долоо, нийт 15 байгууллагатай хамтарч ажилладаг. Агаарын тээвэрлэгч эдгээр компаниуд өнөөдрийн байдлаар Москва, Сөүл, Берлин, Стамбул зэрэг Олон улсын тогтмол 15, Дубай, Бангкок, Дели, Хошимин зэрэг захиалгат ес, нийт 22 чиглэлд, мөн орон нутгийн тогтмол есөн чиглэлд “Чингис Хаан” Олон улсын нисэх буудлаас нислэг үйлдэж байна.

Нийслэлийн Засаг даргын захирамжийн дагуу нийслэлийн хэмжээнд шинэ жилийн баярыг тэмдэглэн өнгөрүүлэх ажлыг зохион байгуулах ажлын хэсгийг байгуулан ажиллаж эхэлсэн бөгөөд энэ сарын эхнээс эхлэн Д.Сүхбаатарын талбайд сүндэрлэж эхэлсэн “Сүлд мод” засагдаж дууссан бөгөөд өнөөдөр 18:30-д гэрэл асаах ёслолоо хийнэ.

Дэлхийн хотуудын жишгээр жил бүрийн шинэ жилийн баяраар төв талбайдаа сүлд модоо засч, нийслэлийн иргэд шинэ жилийн баяраа тэмдэглэн өнгөрүүлдэг бөгөөд энэ жилийн хувьд 22 метр өндөр сүлд мод засагдсан бөгөөд өнөөдөр болох сүлд модны гэрэл асаах ёслолд, Нийслэлийн удирдлагууд, ажилтан албан хаагчид, урлаг соёлын одод болон нийгмийн салбар салбарын нэр хүндтэй төлөөллүүд уригдан оролцоно. Түүнчлэн шинэ жилийн баярын утга учир болсон өвлийн өвгөн аав, цасан охид, үлгэрийн баатрууд, циркийн жүжигчид, хамтлаг дуучид төв талбайд цугласан иргэддээ тоглолтоо толилуулна

НҮБ-ын Гамшгийн эрсдэлийг бууруулах газраас зохион байгуулж буй Азийн түншлэлийн хуралдаан Тайландын Вант Улсын Бангкок хотноо хоёрдахь өдрөө үргэлжилж байна.

Тус хуралдаанд Шадар сайдын Ажлын албаны дарга бөгөөд ахлах зөвлөх Л.Саянаа, ОБЕГ-ын дэд дарга, хурандаа Ц.Ганзориг, Бодлого зохицуулалт, хамтын ажиллагааны газрын дарга, дэд хурандаа Л.Өлзийбаяр, Гамшгийн эрсдэлийн удирдлагын газрын дарга, дэд хурандаа Д.Баасансүрэн нар оролцож байгаа юм.

Тус хуралдааныг Шадар сайдын Ажлын албаны дарга бөгөөд ахлах зөвлөх Л.Саянаа даргалж байгаа бөгөөд тэрээр Монгол Улсын Шадар сайд Ө.Энхтүвшингийн мэндчилгээг уламжлаад, “Монгол Улсын Засгийн газар, НҮБ-ын Гамшгийн эрсдэлийг бууруулах газартай хамтран 2018 онд зохион байгуулах Гамшгийн эрсдэлийг бууруулах Азийн сайд нарын 2 дугаар бага хурлаар дамжуулан бүсийн түвшинд түнш байгууллагууд хоорондын зөвлөлдөх платформыг бүрдүүлэн, гамшгаас урьдчилан сэргийлэх хамгаалах чиглэлээр Азийн бүс нутагт гарч буй тэргүүлэх туршлага солилцон сурталчлах эрхэм зорилготой юм. Монгол Улсын Засгийн газраас тус бага хурлыг ‘Гамшгаас урьдчилан сэргийлэх замаар Тогтвортой хөгжлийн ололтыг хамгаалах нь’ сэдвийн хүрээнд зохион байгуулах бөгөөд бүс нутаг, дэлхий дахинд гамшигт тэсвэртэй нийгмийг бий болгох нь бүх нийтийг хамруулсан, тогтвортой хөгжлийг бий болгох үндэс суурь” гэдгийг онцолжээ.

Хуралдааны үеэр ОБЕГ-ын дэд дарга хурандаа Ц.Ганзориг “Гамшгийн эрсдэлийг бууруулах чиглэлээр Монгол Улсад гарсан ололт амжилт, цаашдын төлөв”-ийн талаар танилцуулав.

Азийн түншлэлийн энэ удаагийн хуралдаанд НҮБ-ын Гамшгийн эрсдэлийг бууруулах газрын дарга нар, 19 улсын засгийн газрын төлөөлөгч, НҮБ-ын төрөлжсөн 15 байгууллага, Засгийн газар хоорондын болон бүсийн хамтын ажиллагааны 15 байгууллага, хувийн хэвшлийн нийт 110 гаруй төлөөлөгч оролцож байна.

Гамшгийн эрсдэлийг бууруулах чиглэлээр дэлхийн болон бүс нутгийн хэмжээнд хэрэгжүүлж бүй үйл ажиллагааны талаарх мэдээ мэдээлэл солилцох, гамшгийн эрсдэлийг бууруулах Сендайн хөтөлбөрийг хэрэгжүүлэх Азийн бүсийн төлөвлөгөөний хэрэгжилтийн явцыг дүгнэх, Улаанбаатар хотноо 2018 оны 7 дугаар сард зохион байгуулагдах “Гамшгийн эрсдэлийг бууруулах Азийн сайд нарын бага хурал”-ын бэлтгэл ажлын төлөвлөлт, гүйцэтгэлтэй танилцах, гамшгийн эрсдэлийг бууруулах Сендайн хөтөлбөрийн хэрэгжилтийн мониторингийн талаарх ойлголтыг дээшлүүлэхэд зорилгоор энэ удаагийн Азийн түншлэлийн хурал зохион байгуулагдаж байна гэж Онцгой байдлын ерөнхий газраас мэдээллээ.

Авлигатай тэмцэх үндэсний хөтөлбөрийг хэрэгжилтийг хангах төлөвлөгөөт ажлын хүрээнд Улсын гуравдугаар төв эмнэлэг Авлигатай тэмцэх газрын Урьдчилан сэргийлэх. соён гэгээрүүлэх хэлтэстэй хамтран нийт эмч ажилчиддаа 3 шатны сургалтыг ажилттай зохион байгууллаа.

2017 оны 12 дугаар сарын 14-ний өдөр “Ашиг сонирхлын зөрчил гэж юу вэ?” сэдэвт цуврал сургалтыг Авлигатай тэмцэх газрын Соён гэгээрүүлэх хэлтсийн хурлын танхимд зохион байгуулж, тус эмнэлгийн удирдах ажилтнууд болон 42 тасгийн эрхлэгч, албадын дарга нар хамрагдав.

Уг сургалтыг Авлигатай тэмцэх газрын Урьдчилан сэргийлэх Соён гэгээрүүлэх хэлтсийн ажилтан, комиссар Ж.Сарангэрэл удирдан явууллаа.

УИХ-ын гишүүн Ж.Батзандан, Л.Болд нарын гишүүдийн санаачилгаар БНСУ-д элчин сайдаар томилогдохоор нэр дэвшээд байгаа Б.Хурцын асуудлаар нээлттэй сонсгол хийж байна. УИХ-ын гишүүдийн бүрэн эрхийн хүрээнд зохион байгуулагдаж буй нээлттэй хэлэлцүүлэгт Б.Сүхбат, Л.Оюун-Эрдэнэ нар дэмжин оролцож байгаа юм. Хэлэлцүүлгийн үеэр Д.Энхбат агсны хамаатан садны төлөөлөл оролцохдоо “Бид Монголын төрийг Д.Энхбат агсны гэр бүлээс уучлал гуйгаасай гэж хүсэж, гомдож явдаг. Энэ хүнийг хэрхэн хэлмэгдүүлсэн, яаж амь насыг нь үрэгдүүлсэн талаар бид ярьсан яриагүй Монголын ард түмэн мэднэ” гэсэн байр суурь илэрхийллээ.

Мөн энэ үеэр Б.Сүхбат, Л.Оюун-Эрдэнэ нарын гишүүд УИХ Б.Хурцын томилгоог хаалттай хэлэлцэж буйд шүүмжлэлтэй хандаж буйгаа тодотголоо. Харин сөрөг тагнуул асан н.Цогтбаатарын өмгөөлөгч нээлттэй сонсголд оролцох үеэрээ Ерөнхийлөгч асан Ц.Элбэгдорж БНСУ-ын иргэдээс авлига авсан байж болзошгүй хэрэгт Б.Хурц санаатайгаар нөлөөлж, улсын нууцад оруулсан асуудлыг шүүмжилсэн юм.

Ж.Батзандан гишүүн “Хууль бус тушаалыг хэрэгжүүлэхгүй байх эрх Монгол Улсын иргэн бүрт байгаа. Хуулиас дээш тушаал байдаггүй юм. Үүнийг бид дүгнэлтдээ оруулна. Цаашдаа сөрөг тагнуул асан Цогтбаатарыг ялласан асуудлыг сэргээн шалгах, гадны орнууд дамжуулан Д.Энхбат агсныг хулгайлсан хэргийг бид дахин сэргээн шалгуулна. Эрдэнэтийн 49 хувийг нэг залууд Б.Хурц авч өгсөн гэдгээ тодотгосон. Энэ бол ТЕГ-ын даргын үүрэг биш.” гэв.