ШУА-иас эрхлэн хэвлүүлдэг шинжлэх ухааны хялбаршуулсан цуврал номын нээлт өнөөдөр тус академийн байранд болов.
Шинжлэх ухааныг сурталчлах, түгээн дэлгэрүүлэх зорилгоор ЕБС-ийн сурагчид, хүүхэд залуус, олон нийтэд зориулан энэхүү цувралыг 2015 оноос нийтийн хүртээл болгож буй юм.
Тус цуврал бүтээл нь шинжлэх ухааны олон салбар, чиглэлийн мэдлэгийг энгийн ойлгомжтой хэлбэрээр хялбаршуулан бичсэнээрээ онцлог бөгөөд хүүхэд багачуудад шинжлэх ухааны мэдлэг олгох, цаашлаад шинжлэх ухаанч иргэн болгон төлөвшүүлэхэд ихээхэн ач холбогдолтой.
Эрдэмтэд энэ онд “Нар, нарны аймаг”, “Жигмэд, Тогмид хоёр жимсэнд”, “Элементүүдийн үүсэл”, “Монгол орны эртний амьтан ургамал”, “Усан орчны амьдрал”, “Монгол орны цэцэгт ургамал”, “Ой модны экологийн ач холбогдол”, “Эртний улсууд”, “Гуравдагч хөршүүд”, “Хеликобактери”, “Хэл ба сэтгэхүй” хялбаршуулсан номыг хүүхэд багчуудад бэлэг болгон барьж байна.
ШУА-ийн ерөнхийлөгч Д.Рэгдэл хэлэхдээ, “Аливаа эрдмийн байгууллага нь мэдлэгийг түгээн дэлгэрүүлэх, нийгмийг соён гэгээрүүлэх үүрэгтэй. ШУА энэ үүргийн хүрээнд сүүлийн жилүүдэд ЕБС-ийн сурагчид, насанд хүрэгчдэд зориулсан шинжлэх хааны хялбаршуулсан ном товхимол хэвлэж байна. Эрдэмтэд ямар сэдвээр бичихээ мэдэж байгаа ч хэрхэн бичвэл ахлах ангийн сурагчдын сонирхлыг татах, ЕБС-ийн сурагч, багш нар шинжлэх ухааны ямар асуудлыг хялбаршуулсан байдлаар хүлээж авах сонирхолтой байгааг мэдэхгүй байна. Тиймээс ШУА цаашид ЕБС-иуд, Нийслэлийн Боловсролын газартай хамтран ажиллана. Дараа жилээс багш, эрдэмтэд хамтран ном бичнэ. Цуврал ном хэвлүүлэх ажлыг тогтвортой үргэлжлэхийн тулд хэрэглэгч тал буюу ЕБС тэнцүү оролцох хэрэгтэй” гэв.
Хялбаршуулсан номыг Баянзүрх дүүргийн 79, 87, 88, Баянгол дүүргийн Сэтгэмж цогцолбор сургууль, 13 дугаар сургууль, Эрхэт эрдэм дунд сургууль, Сүхбаатар дүүргийн 1, 71, 11 дүгээр сургууль, Шинэ үе, Эрдэмтөгс бүрэн дунд сургууль, Сонгинохайрхан дүүргийн 42, 106, 124 дүгээр сургууль, Чингэлтэй дүүргийн 117 дугаар сургууль, Олонлог бүрэн дунд сургууль, Хан-Уул дүүргийн 118, 59 дүгээр сургуулийн удирдлагууд, хичээл сурлагаараа манлайлсан сурагчдын төлөөлөлд гардуулсан юм.
Энэ удаагийн 11 цуврал хэвлэгдсэнээр ШУА-иас эрхлэн гаргаж буй хялбаршуулсан номын 33 дугаар ийнхүү олны хүртээл боллоо.
Монгол Улс ОУВС-гийн Өргөтгөсөн санхүүжилтийн хөтөлбөрийн хүрээнд 79.1 сая ам.долларын санхүүжилт нэмж авах боломжтой болжээ. Учир нь ОУВС-гийн захирлуудын зөвлөл гурван жилийн хугацаатай Өргөтгөсөн санхүүжилтийн хөтөлбөрийн хэрэгжилтийн нэг болон хоёрдугаар шатны үнэлгээг энэ сарын 15-ны өдөр хэлэлцэж баталсан байна.
Олон улсын жүдо бөхийн холбоо оны эцэст дэлхийн чансааг тэргүүлсэн шилдэг 14 жүдочид тус бүр 50 мянган ам.долларын шагнал гардуулахаар болсон аж. Өнгөрсөн амралтын өдрүүдэд ОХУ-ын Санкт Петербург хотод явагдсан “Мастерс” тэмцээний дараа тамирчдын нэрсийг олон нийтэд зарлажээ. Манай улсаас М.Уранцэцэг, Д.Сумъяа нар уг урамшууллыг хүртэхээр болсон байна. Өнгөрсөн жил тэд өөрсдийнхөө жинд дэлхийн чансааг тэргүүлж 50 000 ам.доллараар шагнуулж байсан юм. Энэ оны хамгийн сүүлийн “Мастерс” тэмцээнээс Монгол Улсын гавьяат тамирчин М.Уранцэцэг хүрэл медаль хүртсэн. Харин уг тэмцээнд дөрөв дэх удаагаа түрүүлж, дээд амжилт тогтоосон Хөдөлмөрийн баатар, гавьяат тамирчин Д.Сумъяа жиндээ тасархай тэргүүлж, ямар ч эргэлзээгүйгээр урамшууллын эзэн болж байна.
Монгол Улсаас БНХАУ-ын засаг захиргааны онцгой бүс Хонконгт суугаа Ерөнхий консул С.Эрдэнэ өнгөрсөн баасан гариг буюу энэ сарын 15-нд Хятадын Макаогийн засаг захиргааны онцгой бүсийн захиргааны төв байранд тус бүсийн засаг захиргаа, хууль зүйн газрын дарга Чэн Хайфаньтай 
Монголын улаан загалмай нийгэмлэгээс Гамшгаас хамгаалах үйл ажиллагааг манлайлан удирдаж, хүний амь нас, эд хөрөнгийг авран хамгаалж, Монгол Улсад хүмүүнлэгийн үйлсийг түгээн дэлгэрүүлэхэд үнэтэй хувь нэмэр оруулсан тул Онцгой байдлын ерөнхий газрыг “Оны шилдэг хүмүүнлэгийн байгууллага”-аар тодрууллаа.
“Ард түмний гавьяат” гэгддэг Арго багш хэвлэлийн бага хурал зарлаж “Мөрөөдлийн театр”-ынхан болон олон мянган хөгжлийн бэрхшээлтэй иргэдийг доромжилж байгаа хошин шогийн бүх уран бүтээлчдэд энэ үйлдээ таслан зогсоо хэмээн шаардлаа.
Олон нийтийн сүлжээгээр хуурамч цагаан будаа зарж байна гэсэн мэдээлэл цацагдсан тул Нийслэлийн Мэргэжлийн хяналтын албанаас өнөөдөр тайлбар өгөв. Хуурамч будаа импортоор орж ирсэн эсэхийг илүү тодруулахын тулд Нийслэлийн мэргэжлийн хяналтын газрын төв лабораторид шинжилгээ хийж байна. “Шинжилгээний дүн нэгдсэн байдлаар гарах үед хэвлэлийн хурал зарлана” хэмээн Нийслэлийн мэргэжлийн хяналтын газрын хэвлэлийн төлөөлөгч Д.Дариймаа хэлэв. “Цагаан будаа импортлох аж ахуйн нэгж нь хамгийн түрүүнд МХЕГ-аас импортын мэдэгдэл буюу зөвшөөрөл авдаг. Энэ хүрээнд Худалдааны гэрээ, цагаан будаа нийлүүлэгчийн чанарын баримт (Чанарын удирдлагын тогтолцоотой нэвтрүүлсэн, баталгаатай үйлдвэр болохыг гэрчилсэн баримт) бүтээгдэхүүний шинжилгээ тэргүүтнийг хавсарган, хүсэлт тавина. Үүнийг МХЕГ шалгадаг. Бас цагаан будаа нийлүүлэх бүс нутагт хорио цээрийн дэглэм тогтоосон, эсэхийг нягталдаг. Улмаар импортлох, эсэхийг нь шийддэг. Дээр нь Хил, гааль, хорио цээрийн хяналтад орно. Будаа нь өндөр эрсдэлтэй бүтээгдэхүүнд багтдаг. Иймд биет үзлэг хийж, дээж авч шинжилгээнд хамруулан худалдах эрхийг олгодог. Тиймээс шинжилгээний хариуг гарсны дараа албан мэдээлэл өгөх юм гэдгийг НМХГ-аас мэдээллээ.