Улс төр, бизнесийн хүрээнийхний хүүхдүүд хар тамхи мансууруулах бодис хэрэглэдэг, бүлэглэн хүчингийн хэрэг үйлддэг гэх дуулианыг Эрүүгийн цагдаагийн албанаас шалгаж эхэлсэн талаар өчигдөр мэдээлсэн. Уул уурхайн сайд асан Д.Ганхуягийн охин Г.Номуундарь фэйсбүүк хуудсаараа дамжуулан улс төр, бизнесийн хүрээнийхний хүүхдүүд хар тамхи мансууруулах бодис хэрэглэдэг, бүлэглэн хүчингийн хэрэг үйлдсэн тухай мэдээлэл цацсан юм.
Харин эл хэрэгтэй холбогдуулан Улсын ерөнхий прокурорын газрын Хэвлэл мэдээлэл хариуцсан хяналтын прокурор Ц.Өлзийжаргал “Бичлэгт нэр дурдагдсан хүүхдүүд болон тэдний эцэг эх болох 50-иад хүнээс байцаалт мэдүүлэг авсан. Мөн шалгалтын явцад Г.Номуундарийн ярьсан “Манай дүү хүчиндүүлсэн” хэмээн ярьсан нь худлаа байсан бөгөөд шүүх эмнэлгийн шинжилгээгээр энэ нь тогтоогдсон. Шалгалтын ажиллагаа үргэлжилж байна” хэмээн www.newspress.mnсайтад ярьсан байна.
2015 оны 7 дугаар сарын 16-ны өдрийн 10 цагийн байдлаар
Монгол Улсын Засгийн газрын 2017 оны 325 дугаар тогтоолоор Улсын нөөцөөс зарим аймгуудад ариутгал,халдваргүйтгэлийн болон шуурхай албаны автомашиныг олгохоор болсон.
Өнгөрсөн есдүгээр сарын 27-ноос 28-нд шилжих шөнө Булган аймгийн Хутаг-Өндөр сумын Уньт баг, Төлүүгийн давааны орчим, “Дондогийн булаг” гэдэг газар автын онц ноцтой осол гарсан. Ослын улмаас мотоциклтой зорчиж явсан иргэн Ч “Мерседес Бенз Жи класс” маркийн … улсын дугаартай машинд мөргүүлж нас барсан билээ. Осол гаргасан машинд Засгийн газрын нэр бүхий сайд, олны танил урлагийн хүнтэй согтуурсан байдалтай хамт явсан гэх мэдээлэл цахимаар тархаад байсан.Энэ мэдээлэл гарсан өдөр нэр бүхий сайд өөрийгөө илчилж, Төрийн ордонд мэдээлэл хийж байв. Тодруулбал, Хөдөлмөр, нийгмийн хамгааллын сайдыг түр орлон гүйцэтгэгч Н.Номтойбаяр “Өнгөрсөн долоо хоногт яамны Тамгын газрын харьяа жолооч болон бусад хүмүүсийн хамт Хөвсгөл, Булганы чиглэлд зорчиж байсан. Өдрийн 15:00 цагийн үед Булган аймгийн төвөөс баруун зүгт 50 км орчим төв замтай огтлолцсон туслах замаас мотоциклтой эрэгтэй хүн зогсолгүй уулзварт нэвтэрч, машинд мөргүүлсэн осол гарсан. Осол гарсан даруйд тэнд явсан хүмүүс мотоциклын жолоочийг Булган аймгийн төв эмнэлэгт хүргэж, эмч нар яаралтай тусламж үзүүлсэн.Мотоциклын жолоочийн биеийн байдал сайжирч, улмаар эмч нараас “Шартаад байна, ам цангаад байна, миний хувцас, халаасанд байсан мөнгө хаана байна” гэх зэргээр агсам тавьж байсан. Хэдийгээр өвчтөний биеийн байдал сайжирсан ч гэсэн тухайн эмнэлэгт компьютер оношилгоо, томографик байгаагүй учраас эмч нарын зөвлөл хуралдаж, өвчтөнийг хамгийн ойр байрлах тоног төхөөрөмжтэй эмнэлэгт хүргэх шийдвэр гаргасан. Үүний дагуу Эрдэнэт хотод байрлах Япон-Монголын хамтарсан эмнэлэгт хүргэж шинжилгээ өгөөд, дараа нь Эрдэнэтийн бүсийн оношилгоо, эмчилгээний төвд хэвтүүлэхээр ор захиалсан.Эмч нарын зөвлөлийн гаргасан шийдвэрийн дагуу тухайн өвчтөнийг Эрдэнэт рүү тээвэрлэх явцад нөгөө өвчтөн маань ухаан алдсан тул буцааж эмнэлэгтээ оруулсан. Үүнийг холбогдох эмч нараас нь асууж тодруулахад ясных нь бэртэл Эрдэнэт рүү тээвэрлэх хөдөлгөөний явцад гол артерийн судсыг хагалж, цус алдсаны улмаас зүрх нь зогсож, тэр шөнөдөө өвчтөн нас барсан. Шаардлагатай тоног төхөөрөмж нь тус эмнэлэгт байхгүй учраас иргэн харамсалтайгаар нас барлаа” хэмээн ярьж байсан билээ.
Мэргэжлийн сумо бөхийн 68 дахь Их аварга Асашёорюү Д.Дагвадорж сүүлийн өдрүүдэд хүчний бэлтгэлийг эрчимтэй хийж байгаа бөгөөд 12 дугаар сарын 31-нд Японы “ABEMA” интернэт телевизээр гарах “Асашёорюүг унагаагаад 10 сая иен” нэвтрүүлэгт оролцохоор ийнхүү зэхэж байна.
Хэвлэл мэдээллийн хэрэгсэл болон интернэт орчинд 12 дугаар сард огцом хүйтэрнэ гэсэн ташаа мэдээлэл цацагдаж байгааг Ус, цаг уур, орчны шинжилгээний газраас залруулсан байна.
2017 оны жилийн эцсийн “Шилэн тайлан”-гаа “Фэйсбүүк” компани гаргажээ. Засгийн газруудын хүсэлттэй холбоотой болон зохиогчийн эрхийн зөрчлийн мэдээллийг энэхүү “Шилэн тайлан”-гаараа олон нийтэд ил мэдээлж, зарласан байна.