УИХ-ын чуулганы өнөөдрийн хуралдаанаар Банкны тухай хуулийн анхны хэлэлцүүлгийг хийх байсан ч хойшлууллаа. Учир нь тус хуулийг дахин нягтлуулахаар Эдийн засгийн байнгын хороонд буцаасан юм.
Банкны тухай хуульд нэмэлт, өөрчлөлт оруулах тухай хуулийн төслийг Улсын Их Хурлын гишүүн Г.Занданшатар нарын 10 гишүүн энэ оны 11 дүгээр сарын 03-ны өдөр хэлэлцүүлэхээр өргөн мэдүүлжээ.
ХБНГУ-ын нийслэл Берлин хотын төв дэх худалдааны төв рүү том оврын ачааны автомашинаар халдлага үйлдсэн хэрэг гарснаас хойш нэг жилийн хугацаа өнгөрчээ. Тус халдлагад амь үрэгдсэн хүмүүсийн дурсгалыг хүндэтгэхээр мягмар гарагт халдлагаас амьд үлдсэн хүмүүс болон Германы өндөр дээд албан тушаалтнууд цугларч лаа асаах ёслолд оролцсон байна. Берлин хотын баруун хэсэгт орших Кайзер Вильгельмийн сүмд болсон хүндэтгэлийн үйл ажиллагааны дараа Канцлер Ангела Меркел сэтгүүлчдэд өгсөн ярилцлагадаа хохирогсдын ар гэрийнхэн болон халдлагад өртсөн хүмүүстэй уулзаж тэдний санал бодлыг сонссоноо хэлжээ. Германд сүүлийн хэдэн арван жилд тохиолдоогүй хамгийн их хор хохирол учруулсан тус халдлагыг цагдаагийн албаныхны эрэн сурвалжилж, Тунис гаралтай этгээд үйлдсэн нь тодорхой болсон юм. Гэмт хэрэгтэн Исламийн Улс бүлэглэлийн гишүүн байсан бөгөөд Герман улсын хилийг давж зугтаж чадсан ч хэдхэн хоногийн дараа Италийн цагдаа нарт буудуулж амь үрэгдсэн нь тогтоогдсон байна.
Өнөөдөр Лос Анжелос Лэйкерс багийн залуус Хьюстон Рокетсын талбайд зочлон очиж 122-116-ийн харьцаатай пуужингуудыг буулган авлаа. Лэйкэрс тус тоглолтын эхний үеийг 15 онооны зөрүүтэй дуусгасан нь тоглолтын турш тэргүүллээ хадгалахад тус болсон юм. Ийнхүү Пуужингууд хожигдсоноор 14 тоглолт дарааллан ялсан хожлын цувралаа зогсоолоо. Мөн Крис Полын улиралд 15-0 амжилт нь дуусч энэ улиралд ялагдаагүй цорын ганц тоглогчоор Никола Миротич үлдэв.
Тоглогчдын статистик үзүүлэлт
Лэйкерс :
-Довтлогч Кайл Кузма: 38 оноо, 7 самбараас бөмбөг авалт, 4 оновчтой дамжуулалт, 1 хаалт
-Хамгаалагч Кори Брүвер: 21 оноо, 5 самбараас бөмбөг авалт, 1 оновчтой дамжуулалт, 3 бөмбөг таслалт
-Холбон тоглогч Лонзо Болл: 16 оноо, 9 самбараас бөмбөг авалт, 4 оновчтой дамжуулалт, 1 бөмбөг таслалт, 2 хаалт
-Хүчний довтлогч Ларри Нансе: 13 оноо, 9 самбараас бөмбөг авалт, 4 оновчтой дамжуулалт, 2 бөмбөг таслалт
-Довтлогч Брэндон Инграм: 13 оноо, 6 самбараас бөмбөг авалт, 6 оновтой дамжуулалт
Рокетс:
-Хамгаалагч Жэймс Харден : 51 оноо, 3 самбараас бөмбөг авалт, 9 оновчтой дамжуулалт, 1 бөмбөг таслалт, 1 хаалт
-Хамгаалагч Эрик Гордон: 21 оноо, 4 самбараас бөмбөг авалт, 1 бөмбөг таслалт, 1 хаалт
-Жижиг Довтлогч Трэвор Ариза : 18 оноо, 11 самбараас бөмбөг авалт, 2 оновчтой дамжуулалт, 3 бөмбөг таслалт, 1 хаалт
-Хамгаалагч ПЖ Такер: 10 оноо, 10 самбараас бөмбөг авалт, 1 оновчтой дамжуулалт
Б.АМАРТҮВШИН
Амьсгалын замын цочмог халдвар буюу томуу, томуу төст өвчний үед гэрийн нөхцөлд хийх асаргаа сувилгаа болон эмчилгээний талаархи зөвлөмжийг утсаар хэрхэн авах тухай энэхүү мэдээллээс аваарай.
“Тесла” компани анхны цахилгаан ачааны машиныг арваннэгдүгээр сард танилцуулсан. Уг ачааны машин 200.000 ам.доллараар зарагдах ажээ. Үйлдвэрлэлт нь 2019 онд эхлэх бөгөөд худалдан авахыг хүсвэл урьдчилж 5000 ам.доллар төлөөд захиалж болох юм.Бэхжүүлсэн баттерейтэй тул гадны нөлөөнд эвдрэхгүй, хүндийн төв маш дор бүтээгдсэн тул аюул осол багатай гэдгийг “Тесла” компанийн захирал Элон Маск ярьжээ. Мөн жолоочийн бүхээг уламжлалт нэг талдаа суудалтай биш, жолооч голд нь сууж машиныхаа бүх талыг хянаж байхаар бүтээгдсэн байна. Машины гадна байрлуулсан камер нь замд тааралдах сэжигтэй зүйлсийг өөрөө мэдэрч жолоочид анхааруулдаг гэв.
Нэг цэнэглэлтээр 800 км зам туулна
Шинээр гаргасан өндөр хурдтай Megacharger цэнэглэгчээр гучин минут цэнэглэхэд 650 км зам туулах чадалтай болдог
Ачаагүй үедээ таван секундэд 0-100 км/цаг хүртэл хурдаа нэмж чаддаг
36 тонн ачаатай үедээ хорин секундэд ийм хурд авч чаддаг
Цуваанд нэг нь жолоочтой байхад бусад нь дагаад жолоочгүй явж чаддаг
Салхины шил нь тусгай хамгаалалттай материалаар хийгдсэн гэнэ
Шинэ машин нь нэг сая миль буюу 1.6 сая километр зам туултлаа эвдрэлгүй ажиллаж чадна гэдэгт Тесла итгэлтэй байгаа гэжээ.
Эрүүл мэндийн яамнаас хөнгөлөлттэй эм олгох шинэчилсэн зохион байгуулалтын талаар мэдээлэл өглөө. ЭМЯ, Эрүүл мэндийн даатгалын газраас хийсэн мэдээллээр бол хөнгөлттэй эмийг өдөр бүр олгох үйлчилгээг өнөөдрөөс мөрдөхгүй аж. Олон нийт өнөөдрөөс шууд эм авч болно гэсэн ойлголттой байсан. Ийм мэдээллийг ч холбогдох хүмүүс өгч байлаа.
Эм үйлдвэрлэл технологийн газрын дарга Н.Мөнхтулга хэлэхдээ “Эрүүл мэндийн сайдын өгсөн үүрэг даалгаврын дагуу эрүүл мэндийн даатгалын сангаас хөнгөлөлттэй олгодог эмийн хүртээмж хангалтгүй байгаагаас иргэд эрүүл мэндийн даатгалын үр шимийг хүртэхгүй байгаа асуудлыг, судалж шийдэх албан даалгавар өгсөн. Даалгаврын дагуу бид эрүүл мэндийн Төрийн нарийн бичгийн даргаас аймаг нийслэлийн эрүүл мэндийн газарт албан тоот хүргүүлсэн. Үүний дагуу нийслэлийн эрүүл мэндийн газарт аймаг, нийслэлийн эрүүл мэндийн газруудад эмийн сангуудын ачааллыг бууруулах талаар эрүүл мэнд нийгмийн даатгалын ерөнхий газар, Эрүүл мэндийн газар, Эрүүл мэндийн яам хамтран ажлын хэсгүүд гарч ажиллаа.Өгсөн үүрэг даалгаврын ирүүлсэн судалгааны дүнг нэгтгэн, цаашид ямар арга хэмжээ авах гэдэг талаар ажиллаж байна” гэлээ.
Мөн Эрүүл мэндийн Даатгалын Бодлогын хэлтсийн дарга И.Энхбат ярихдаа “Нийтдээ эрүүл мэнд нийгмийн даатгалын ерөнхий газар нь улсын хэмжээнд 861 эмийн сантай гэрээ байгуулан ажилладаг. Эмийн сангуудад байдаг нийтлэг зөрчлөө арилгах чиглэлийг өгсөн. Улсын хэмжээнд 28 тэрбум төгрөгийг иргэд, даатгуулагчиддаа хөнгөлөлттэй олгох эмд зарцуулдаг. Нийслэлийн 321 эмийн санд сардаа нэг тэрбум 31 сая төгрөгийн хөнгөлөлттэй эмээр үйлчлэх эрхийг өгдөг. Үүний дагуу эмийн сангууд үйл ажиллагаагаа явуулж байна.Харин эмийн хүртээмжийг нэмэгдүүлэх, хөнгөлөлттэй олгох эмийн жагсаалтыг шинэчлэхээр ажлын хэсэг гарч, 2018 онд шийдвэрлэхээр ажиллаж байгаа. Мөн одоогийн байдлаар 300 гаруй эмийн санд шалгалт хийж олон зөрчлийг илрүүлсэн. Бүх эмийн санд шалгалт хийгдэж дууссаны дараа хөнгөлөлтийг хэзээнээс эхлэн өдөр бүр олгохоо мэдэгдэнэ” гэсэн юм.
Үндсэн хуулийн цэцийн Их суудлын хуралдаан өнөөдөр болж, 2012 оны 02 дугаар тогтоолоор хүчингүй болсон Монгол Улсын Их Хурлын тухай хуулийн 6 дугаар зүйлийн 6.9.1 дэх заалтыг УИХ агуулгаар нь дахин сэргээн баталсан эсэх маргааныг хяналтын журмаар хянан шийдвэрлэлээ.
Монгол Улсын Их Хурал 2013 оны 1 дүгээр сарын 17-ны өдөр Монгол Улсын Их Хурлын тухай хуульд өөрчлөлт оруулахдаа, гэмт хэрэг үйлдэж байхад нь буюу хэргийн газарт нотлох баримттайгаар баривчилсан тохиолдолд УИХ-ын гишүүний бүрэн эрхийг түдгэлзүүлэх саналыг Улсын ерөнхий прокурор УИХ-д оруулахаар хуульчилсан байна. Ингэснээр Үндсэн хуулийн цэцийн 2012 оны 02 дугаар тогтоолоор хүчингүй болсон Монгол Улсын Их Хурлын тухай хуулийн заалтыг УИХ агуулгаар нь төдийгүй үгийн утгаар нь илүү явцууруулан дахин сэргээн баталсан байна гэдгийг Үндсэн хуулийн цэц тогтоож тус хуулийн заалтыг хүчингүй болгов.
Мөн Үндсэн хуулийн цэцийн тогтоолоор хүчингүй болсон хуулийн заалтыг агуулгаар нь дахин сэргээснээрээ УИХ өөрөө Үндсэн хуульд заасан хууль дээдлэх зарчмыг зөрчсөн байна гэж Үндсэн хуулийн цэц үзлээ.
МЗХ-ноос хоёр дахь жилдээ санаачлан зохион байгуулж буй оны шилдэг залуу эмч шалгаруулах “Үндэсний ирүүлийг сахигч” ёслолын үйл ажиллагаа өчигдөр болов.
Энэ үеэр МЗХ-ны Эрүүл мэндийн байнгын хорооны дарга Ж.Амарсанаа, “Манай улсын эрүүл мэндийн салбарын ажиллах гол хүчийг залуучууд бүрдүүлж байна. Тиймээс МЗХ-ноос залуу эмч нарынхаа хөдөлмөрийг үнэлж, цаашдынх нь ажилд урам нэмэх үүднээс Үндэсний ирүүлийг сахигч нарыг хоёр дахь жилдээ шалгаруулж байна. Та бүхэн эрүүл мэндийн салбарт төдийгүй нийгмийн эрүүл мэндийн талаас нь онцгой анхаарч, ард иргэдээ соён гэгээрүүлэх ажилд хүчин зүтгээсэй гэж хүсч байна” гэв.
“Үндэсний ирүүлийг сахигч” шагналд эрүүл мэндийн салбарт тасралтгүй таваас дээш жил ажилласан, эмнэлгийн мэргэжилтний ёс зүйн зөрчил, мэргэжлийн алдаа дутагдал гаргаагүй, ажил мэргэжлийн ур чадвараараа бусдыгаа манлайлан ажилласан, дотоод болон гадаадын эрдэм шинжилгээ, онол практикийн хуралд илтгэл тавьж оролцсон, нийгэм олон нийтийн ажилд идэвхтэй оролцогч, санаачлагч, зохион байгуулагч байх зэрэг шалгуур болзлыг хангасан 40 гаруй шилдэг эмч нар материалаа ирүүлсэн юм.
Үүнээс Эмгэг судлалын үндэсний төвийн эмгэг судлаач эмч О.Энхээ, УНТЭ-ийн Чих, хамар, хоолойн ахлах зэргийн эмч О.Мөнгөнчимэг, Баянзүрх эмнэлэг ХХК-ийн уушгины их эмч Д.Адьяасүрэн, ЭХЭМҮТ-ийн Хүүхдийн зүрх судасны их эмч Н.Баярмаа, Топдент эмнэлгийн нүүр ам, согог заслын их эмч Х.Анхбаяр, Хаппи Веритас эмнэлгийн дүрс оношилгооны их эмч П.Баярмаа, Ходоод, дотрын дурангийн их эмч С.Чанцалсүрэн, Зэвсэгт хүчний 027 дугаар ангийн Мэс заслын их эмч Н.Жанчив, Говь-Алтай аймгийн лабораторийн их эмч Г.Эрхэмцэцэг, “Бурхан андууд” эмнэлгийн хүүхдийн зөвлөх эмч, анагаах ухааны доктор, клиникийн профессор Н.Энхбаяр нар оны шилдэг залуу эмчээр шалгарч МЗХ-ны “Тэргүүний залуу эмч” цол тэмдэгээр энгэрээ мялаалаа.
“Эхнэрийн урхи” киноны Үнжэгийн ээжийн дүрээр Монголчууд бидний танил болсон Солонгосын жүжигчин Жон Ай Ри Монголд хоёр дахь удаагаа ирж хандивын ажил хийжээ.
Тэрбээр гайхалтай авьяаслаг жүжигчин төдийгүй дэлхийн өнцөг булан бүрт хүнд хэцүү амьдралыг туулж буй бяцхан хүүхдүүдэд тусалдаг сайхан сэтгэлт нэгэн. Тэрбээр Монголд “Дэлхийн зөн” олон улсын байгууллагын шугамаар хүрэлцэн ирж олон Монгол хүүхдийн амьдрал өөрчлөгдөхөд хувь нэмрээ оруулж явна. Жүжигчин Жон Эй Ри өмнө нь хоёр ч удаа ирсэн байдаг. Сүүлд ирэхдээ орон гэргүй хүмүүст гэр авч өгч, тэднийг суралцахад тус болохуйц мөнгө хандивлаад буцсан байна.
Харин энэ удаа Монголд “Дэлхийн зөн” олон улсын байгууллагын шугамаар хүрэлцэн ирсэн бөгөөд орон гэргүй хүмүүст гэр авч өгч, жингийн алдагдалтай хүүхдүүдийн боловсролд зориулан мөнгө хандивласан байна.
УИХ-ын гишүүн, Уул уурхайн сайд асан Д.Ганхуягийн охин Номуундарь инстаграм хуудсаараа дамжуулж хийсэн шууд бичлэг нь нийгмийг шуугиулж байна. Гэтэл уг үйл явдалтай холбоотойгоор Улсын Ерөнхий прокурорын газрын Хэвлэл, мэдээлэл хариуцсан Хяналтын прокурор Ц.Өлзийжаргал ярилцлага өгч “Шалгалтын явцад Г.Номуундарийн ярьсан “Манай дүү хүчиндүүлсэн” гэх асуудал нь худлаа болох нь тогтоогдсон. Дүү гээд байгаа нь түүний хамаатны охин байх ба тэрээр өөрөө болон, түүний эцэг эх байцаалт өгсөн. Мөн шүүх эмнэлгийн шинжилгээний дүгнэлтээр тийм асуудал болоогүй болох нь тогтоогдоод байна” гэж мэдээллээ. За тэр яахав.
Энгийн байдлаар болж буй үйл явдлыг харахад Г.Номуундарь охин ингэж цахим ертөнцөд эцэг эхийнхээ нэр хүнд, амь насаа золин байж манай нийгэмд буй бэртэгчин залуусын далд, хаалттай атлаа үнэн бодит байдлыг шууд хэлэн идээ бээр, бэтгийг шахан байж мэдэгдэл хийсэн нь иргэний маш том зориг гаргасны дээр эрэмгий, өөртөө итгэлтэй байгаагийн илрэл. Өнөө үед хэн ингэж ил гарч чадах юм, хэн ингэж сошиал хэмээх айхавтар хүчтэй зүйлээр нүүрээ нуухгүйгээр болсон бүх зүйлийг ичихгүйгээр ард түмэндээ өчих юм бэ.
Сошиалд өрнөж буй элдэв мэдээлэл, “Цэнхэр үст” гэх Цэрэн бүсгүйн өгч буй мэдээ сэлтээс гарахад баян, хөрөнгө чинээтэй айлын хөвгүүд бяцхан охидоор бахаа баахан хангадаг бололтой. Түүнийг дам сонссон бусад нь, анги хамт олон, сургуулийнхан нь ярьж дооглож шоолж газрын гаваар ортол нь оролддог бололтой. Охидын ууж идэх зүйлд элдэв юм холиод эр эмийн ажил хийчихээд тэрийгээ бусдад ярьж нэр төрийг нь гутаадаг гэх. Үүнийг Номуундарь охин баримт нотолгоотой нь ярьчихсан, тэр бичлэгт. Учир мэдэхгүй жаахан охидын ууж идсэн зургийг дараад мөнгө нэхдэг ч бололтой. Ийм зүй бус, хүн чанаргүй үйл явдал болдгийг тэр охин хэлчихлээ, баталчихлаа бас илчилчихлээ. Үнэхээр аймаар, бас гомдмоор. Өөрийгөө, ирээдүйгээ, амь амьдралаа, нэр хүндээ, гэр бүлээ, амь нас, эрүүл мэндээ золиослон байж тэр бүгдийг мэдэгдлээ. Энэ бол аргаа барсан хүний л үйлдэл. Амь тасрахын наана, багтарч үхэхийн өмнөхөн, өөртөө удаан тээж явамгүй болоод л зовохдоо, тарчлахдаа хийсэн үйлдэл шүү дээ. Хүнд итгэх нь бүү хэл өөртөө ч итгэж боломгүй энэ үед хүн өөрөөсөө өөр бусдад, найз нөхөд, тойрон хүрээлэгчдэдээ өчүүхэн ч атугай итгэсээр л байдаг. Энэ чинь л хүн хэмээх бодгалын чухал шинж. Хүн байсныхаа, хүнд итгэснийхээ төлөөсөнд юу ч эдэлж, хожим нь дийлж гаршгүй хохирол амсч мэдэх нь. Яана. Охины ярьсан болгон нийгэмд, охидод, хүнээрээ байгаа хүн бүрт өгсөн том сэрэмжлүүлэг. Маш том сануулга, сэрэмжлүүлсэн айдастай өчил юм шүү.
Энэ хэргийн шүүх үйл явц дөнгөж эхэлж байна, анхан шатандаа явж байна. Уг бичлэг цацагдаж эхэлснээр гэмт хэргийн шинжтэй гэж үзэн цагдаагийн байгууллага шалгалтаа эхлүүлж нэр дурдагдсан хүмүүс болон тэдгээрийн эцэг эх зэрэг нийт 50-иад хүнээс байцаалт авч, бусад шаардлагатай ажиллагааг хийж эхлээд байна гэдгийг албаныхан хэлсэн. Гэтэл яагаад энэ прокурор гэнэт ийм мэдэгдэл хийчихэв. Яаран ийн ярьж, одоогоор олон түмний ойлгож байгаагаараа хохирогч гэгдээд буй Номуундарь охины талаар ийм болчимгүй мэдээлэл хийсэн нь ард нийтийн дургүйцлийг төрүүлж хууль хяналт, прокурорын байгууллагад итгэх итгэлийг улам сулруулаад байна.
Үүнээс нь харахад энэ үүсээд байгаа хэргийг ямар ч хамаагүй аргаар няцааж гарч буй мэдээллүүдийг нь үгүйсгэх гэсэн, баримт бүрийг аядуу зөөлнөөр, нэг нэгээр нь байхгүй болгох өнгө аяс байна гэдэг нь мэдрэгдэж эхэллээ. Прокурорын мэдэгдэгдлээс харахад прокурорын байгууллага хөрөнгө чинээтэй айлын хүүхдүүдийн талд үйлчлээд байна гэдэг нь хэнд ч харагдаж байна.
Шүүхээр тогтоогдоогүй байхад, зохих ёсны байгууллага нь албан ёсоор тайлбар хийгээгүй байхад яагаад Ц.Өлзийжаргал прокурор ингэж мэдэгдэл хийдэг юм бол?!? Бичлэг нийтэд дэлгэгдээд, Номуундарь охины аав монголчуудад үйл явдлын талаар хоолойгоо зангируулан байж яриад ганцхан хонож байхад прокурорын байгууллага яагаад гэнэт эл хэргийг үгүйсгэсэн нотолгоо гаргаад ирдэг билээ. Яахаараа?!? Уг мэдэгдэл, прокурорын байгууллагыг төлөөлж ярьсан энэ хүний яриа нь бүхэлдээ эргэлзээ төрүүлж байна. Үүнээс нь харахад ийм яарсан, нэг талд үйлчилсэн, олон нийтийн санаанд хууль бусаар нөлөөлөх гэсэн энэ мэдэгдэл нь эргээд хууль зөрчсөн үйлдэл болж байгаа юм шүү. Мэдэгдлийг алсаас, томруун байдлаар харахад үүсээд байгаа энэ асуудал, хэрэгт прокурорын байгууллага цагаа ололгүй яаран увайгүй мэдэгдэл хийчихэв шүү дээ. Юм дуусаагүй. Цэг тавих болоогүй байна. Дөнгөж эхэлж байна. Үүр цайж, дорноос наран мандаж улбар туяа нь баруунтаа тусч байна. Үүр хаяарч байхад юунд ингэж харанхуй бүрийн талаар ам нээв. Цэг тавих болоогүй байна, бүү яарцгаа прокурорынхоон!
Д.ГАНСАРУУЛ