Month: December 2017

Categories
онцлох-нийтлэл туслах-ангилал

“Байхгүй хүнийг байнгын хорооны даргаар томилсон чуулганы бантан” нийтлэл хэвлэгдлээ

Өглөө бүр тантай хамт байдаг “Өдрийн сонин”-ы даваа гаригийн дугаар 20 нүүрээр хэвлэгдэж, та бүхний гар дээр хүрч байна.

Хүндийн өргөлтийн ДАШТ-ийн хүрэл медальт М.Анхцэцэгийн багш, дасгалжуулагч Ц.Хосбаярынд өнжсөнийг тэргүүн нүүрнээс хүлээн аваарай.

Өчигдөр Монгол Улсын Ерөнхийлөгч дүүргийн эмнэлгүүдээр ажилласан юм. Үүний талаар улс төрийн хоёрдугаар нүүрэн дэх “Цэргийн госпиталь болон Төрийн тусгай албан хаагчдын нэгдсэн эмнэлгийг ханиад томууны улиралд хүүхдүүдэд зориулах боломжтой” сурвалжилгаас хүлээн авч үзээрэй.

“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог, баримт, үзэл бодлын гуравдугаар нүүрэнд “Байхгүй хүнийг байнгын хорооны даргаар томилсон чуулганы бантан” нийтлэлийг хүлээн авч үзээрэй.

Засгийн газрын ээлжит бус хуралдаан өнгөрсөн баасан гаригт болж хэд хэдэн асуудал шийдвэрлэсэн байна. Энэ талаар улс төрийн дөрөвдүгээр нүүрэн дэх “Сурагчид нэг сар амарна” сурвалжилгаас хараарай.

Хүний эрхийн үндэсний комиссын гишүүн, хууль зүйн ухааны доктор П.Оюунчимэгтэй хийсэн ярилцлга XII нүүрэнд хэвлэгджээ. Тэрээр “Хүнээ мартсан улсад хүний эрхийн тухай яригдаггүй” гэжээ.

Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35

\ъсалбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завьяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.

Та бүхэн манай сонины цахим хувилбарыг https://admin.dnn.mn/plugins/news/login/хаягаар хүлээн авч уншаарай.

“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-оос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 99090658, 88085029 дугаарт холбогдож дэлгэрэнгүй мэдээллийг лавлаарай.

“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАТ

Categories
мэдээ спорт

“Монголын шатрын холбоо” Азийн шилдэг холбоодын нэг боллоо

Азийн шатрын холбооноос 2017 оны “Шилдэг арга хэмжээ зохион байгуулагч холбоо”-гоор Монголын шатрын холбоог шалгаруулсан байна.

Өнгөрсөн жил буюу 2016 онд Монголын шатрын холбоог Ази тивийн 52 шатрын холбооноос “Хурдацтай хөгжиж буй шилдэг холбоо”-гоор шалгарсан бол энэ жил ийнхүү дахин шилдгээр тодорлоо. Дөрөв дэх жилдээ зохион байгуулж байгаа Азийн шатрын холбооны шилдгүүдийг тодруулах ёслолд Монголын шатрын холбооны ерөнхийлөгч Ц.Сайнбаяр, тус холбооны тэргүүн дэд ерөнхийлөгч, УИХ-ын дэд дарга Я.Санжмятав нар уригдан оролцож байна.

Энэ үеэр Дэлхийн шатрын холбооны ерөнхийлөгч Кирсан Илюмжинов Монгол Улсад оюуны спортыг амжилттай хөгжүүлж байгаа ажил үйлсэд нь Монголын шатрын холбооны ерөнхийлөгч Ц.Сайнбаярт талархал илэрхийлж, амжилт хүссэн байна.й

Categories
гадаад мэдээ

НҮБ-ын санал хураалтад оролцоогүй Монгол зэрэг улсуудыг АНУ талархлын хүлээн авалтад урьжээ

Пүрэв гаригт НҮБ-ын ерөнхий ассемблейн тусгай чуулган хуралдаж, Иерусалем хотыг Израйлийн нийслэлээр зарласан АНУ-ын шийдвэрийг эсэргүүцэх зорилготой санал хураалт явуулсан билээ.

НҮБ-ын гишүүн 193 орны төлөөлөгч санал хураалтад оролцох ёстойгоос нийт 64 орны төлөөлөгч Вашингтоныг дэмжсэн санал өгч, мөн санал хураалтад оролцолгүй өнгөрсөн юм. Эдгээрийн 35 нь түдгэлзэж, 8 нь АНУ-ын бодлогыг дэмжсэн бол 21 нь чуулганд оролцоогүй.Монгол улсын төлөөлөгч санал хураалт явагдсан чуулганд оролцоогүй, эзгүй байсан.Тэгвэл НҮБ дахь АНУ-ын төлөөлөгч Никки Хэйли өчигдөр твиттер хуудсандаа эдгээр орнуудад талархаж байгаагаа илэрхийлжээ.“НҮБ-ын бодлогогүй үйлдлийг дагаагүй эдгээр орнуудад бид талархаж байна” гэж тэр бичсэн байна.Санал хураалтаар НҮБ-ын гишүүн орнуудын дөрөвний гурав нь Вашингтоны шийдвэрийг эсэргүүцсэн тогтоолыг дэмжсэн юм. Санал хураалт эхлэхээс өмнө Никки Хэйли аль улс өөрийнх нь эсрэг санал өгснийг бүртгэж, Дональд Трампад мэдэгдэнэ хэмээн сүрдүүлж байв. Урд өдөр нь ерөнхийлөгч Трамп эсрэг санал өгсөн улс орнуудад үзүүлэх тусламж, дэмжлэгээ зогсоохоо мэдэгдсэн юм.Хэйли мөн дээрх 65 орны төлөөлөгчдийг нэгдүгээр сарын 3-ны өдөр болох хүлээн авалтад урьж, АНУ-тай найрамдалт харилцаатай байсанд нь талархахаар болжээ.Урилгын гэрэл зургийг Америкийн хэвлэлүүд нийтэлсэн байна.

Categories
гадаад мэдээ

Хахууль өгсөн, авсан аль нь ч хариуцлага хүлээх ёстой гэв

malaysia prime minister zahid hamid зурган илэрцүүд

Малайзын Ерөнхий сайдын орлогч Датук Сэри Ахмад Захид Хамиди тус улсад авлигын асуудал бат бөх оршсоор байгаад хахууль өгөгч, авагч адилхан бурууг үүрэх ёстой гэж хэлжээ.

Авлигын эсрэг хороонд ирүүлсэн нийт гомдлын ихэнхийг хахууль өгсөн хүмүүс эзэлдэг. Учир нь тэд төрийн албан хаагчдад өгсөн хээл хахуулийнх нь хариуд хүсэлтийг нь биелүүлээгүй бол тус хороонд гомдол гаргах тохиолдол их байдаг аж. Иймд Ноён Захид тус хороог хээл хахууль өгсөн, авсан аль алиныг нь мөрдөн шалгах ёстой гэж нэмж хэлжээ.

Тэрээр авлига бол “хоёр замын гүйлгээ” гэдгийг сануулаад олон нийт аливаа авлигын хэрэг шүүхээр эцэслэн шийдвэрлэгдээгүй байхад “шүүж”, шуугиан тарих ёсгүй гэжээ.

Categories
мэдээ соёл-урлаг

“Щелкунчик”-тэй хамт үлгэрийн орноор аялах боломжтой

Холбоотой Зураг

Маша охин, Щелкунчик, цэцгэн вальс, цасан ширхгүүд, модон хүүхэлдэйнүүд гээд балетын урлагийн оргил “Щелкунчик” яг л Санта Клаус, гацуур мод, энд тэнд гялалзах гэрлэн чимэглэл шиг шинэ оны нэгээхэн хэсэг болсон билээ.

Алдарт хөгжмийн зохиолч П.И.Чайковскийн “Щелкунчик” балетыг Улсын дуурь, бүжгийн эрдмийн театрын тайзнаа энэ сарын 23, 24-ний өдөр 17:00 цагаас тоглож, үзэгчдийн хүртээл болгох гэж байна.

“Щелкунчик” балет нь манай тайзнаа 1982 онд анх тавигдаж байжээ. Анхны тоглолтын удирдаачаар Ч.Жамсранжав, дэглэн найруулагчаар В.Феодонин, зураачаар А.Морозов нар ажиллаж байсан түүхтэй. Жүжгийн үйл явдал 18 дугаар зууны сүүл үеийн Германы жижигхэн хотод зул сарын баяраа тэмдэглэж буй нэгэн гэр бүлд өрнөдөг. Хүүхэд бүрийн хүндэтгэн хайрладаг хүүхэлдэйн алдарт мастер Дроссельмейер өөрийн хийсэн хөдөлгөөнт хүүхэлдэйнүүдээр хүүхдүүдэд үлгэр ярьж өгөн, үлгэрийн баатар Цөмөөхэй буюу ‘Щелкунчик’-ийг Маша охинд өгнө. Маша охинд самар цөмөгч хүүхэлдэйн тухай шидэт үлгэр маш гүн сэтгэгдэл төрүүлсэн учир охины зүүд нь “Щелкунчик” бүжгэн жүжгийн үйл явдал болж өрнөдөг.

Categories
мэдээ нийгэм

Өнөөдөр НӨАТ-ын урамшууллын сугалааны азтанууд тодорно

Өнөөдөр НӨАТ-ын урамшууллын сугалааны азтанууд тодорно зурган илэрцүүд

Өнөөдөр НӨАТ-ын урамшууллын энэ сарын сугалааны тохирол “Боловсрол суваг” телевизээр орон даяар шууд явагдана. Иргэд арваннэгдүгээр сарын 1-нээс 30-ны өдөр хүртэлх хугацаанд худалдан авалт хийсэн баримтаа бүртгүүлснээр энэ сугалаанд оролцох эрхтэй юм. Өөрөөр хэлбэл, энэ сарын 23-ны өдрийн 23:59 цагаас өмнө бүртгүүлсэн баримтыг тохиролд хамруулна. Энэ удаагийн тохирлын азтанууд болон супер азтан 100 сая төгрөгийн эзэн тодрох юм.

Сугалаанд оролцогч нь сугалааны тохирлоор хожсон урамшууллаа тохирол явагдсанаас хойш 90 хоногийн хугацаанд дараах харьяаллын дагуу хүсэлт гаргаж, баталгаажуулна. Сугалааны тохирлын урамшууллын хэмжээ 500,000 (таван зуун мянга) төгрөг хүртэлх бол http://www.ebarimt.mn цахим хуудсанд сугалааны тохирлын урамшуулал авах хүсэлтээ бүртгүүлнэ.

Сугалааны тохирлын урамшууллын хэмжээ 500,000 (таван зуун мянга) төгрөг буюу түүнээс дээш бол харьяалах татварын албанд биечлэн очиж, холбогдох сугалааны тасалбар, иргэний үнэмлэх түүнтэй адилтгах баримт бичгийг хүсэлтийн хамт гаргаж өгнө. http://www.ebarimt.mn цахим хуудсанд урамшуулал авах хүсэлтээ баталгаажуулсан сугалаанд оролцогчийн сугалааны тохирлыг бүртгүүлсэн дансны дугаараар ийнхүү хүсэлт гаргаснаас хойш ажлын 20 хоногийн дотор олгоно.

Categories
мэдээ нийгэм

Томуугийн эсрэг уламжлалт эмчилгээний арга

Хүйтний улиралд амьсгалын замын цочмог халдвар болон томуу, томуу төст өвчний тархалт нэмэгддэг. Иймд уламжлалт аргаар эдгээх мэргэжлийн байгууллагын зөвлөмжийг хүргэж байна.

Categories
мэдээ нийгэм

Нус гоожсон үед антибиотик хэрэглэж болохгүй

Нус гоожсон үед зурган илэрцүүд

Хамраас нь шингэн нус гоожсон өвчтөнд антибиотик хэрэглэхгүй байхыг нийгмийн эрүүл мэндийн шинжээчид болон эмч нар онцолж байна. Хамраас нус гоожих нь ихэнхдээ вирусийн халдвараас үүсэлтэй байдаг ажээ. Тиймээс антибиотик хэрэглэснээр тэдгээр вирусийн эсэргүүцэх чадварыг нэмэгдүүлдэг. Эмч нар халдварыг бүрэн гүйцэт эмчлэхээс нааш антибиотик хэрэглэхгүй байхыг санууллаа. Антибиотик нь хэдэн триллион бактерийг хүний биед амьдрахад нөлөөлдөг гэсэн дүгнэлтэд хүрчээ. Хүмүүс антибиотик эмүүдийг төрөл бүрээр хэрэглэж буй нь нийгмийн сэтгэлийг зовоосон асуудал болон хувирч байна. Вирусийн халдвар, антибиотикт дасан зохицож, эцэстээ эмчлэхэд хүндрэлтэй болж болзошгүйг анхааруулжээ.

Categories
гадаад мэдээ

Нохойны сэтгэл зүйч жилдээ зуун мянган долларын орлого олдог

Холбоотой Зураг

Форбс сэтгүүлийн шинжээчид Дэлхийн хамгийн өндөр орлоготой ер бусын мэргэжлүүдийн жагсаалтыг гаргажээ. Энэхүү жагсаалтад нэлээн сонин мэргэжлүүд орсон байна. Тухайлбал байлдааны шумбадаг завины тогооч юм. Шумбадаг завин дээр хүн болгон ажиллаж чадахгүй боловч ийм тогоочийн жилийн орлого нь 200 мянган доллар гэнэ.

Харин Францын ресторанд дарс нийлүүлдэг, сайн дарс хадгалдаг сомелье гэдэг мэргэжлийн хүн жилдээ 160 мянган долларын орлоготой байдаг боловч ажил нь тун хөнгөхөн гэнэ. Ер нь, энэ жагсаалтад орсон зарим мэргэжлүүдийг та бүхэн хэзээ ч сонсоогүй байж болох юм. Тухайлбал, нохойны сэтгэл зүйчийн мэргэжилтэй хүн жилдээ 100 мянган долларын орлого олдог ажээ.

Барууны хотуудын хог цэвэрлэгч 12 сар хөдөлмөрлөөд яг төдий хэрийн мөнгө цуглуулж болох юм. Харин оршуулгын ажил эрхэлдэг буяны пүүсийн ажилтан жилдээ 80 мянган долларын цалин авдаг. Нас барсан хүмүүсийн шарилыг занданшуулдаг мэргэжлийн хүн жилдээ 44 мянган доллар олдог ажээ.

Categories
гадаад мэдээ

Хахууль өгсөн, авсан аль нь ч хариуцлага хүлээх ёстой

Хахууль зурган илэрцүүд

Малайзын Ерөнхий сайдын орлогч Датук Сэри Ахмад Захид Хамиди тус улсад авлигын асуудал бат бөх оршсоор байгаад хахууль өгөгч, авагч адилхан бурууг үүрэх ёстой гэж хэлжээ.

Авлигын эсрэг хороонд ирүүлсэн нийт гомдлын ихэнхийг хахууль өгсөн хүмүүс эзэлдэг. Учир нь тэд төрийн албан хаагчдад өгсөн хээл хахуулийнх нь хариуд хүсэлтийг нь биелүүлээгүй бол тус хороонд гомдол гаргах тохиолдол их байдаг аж. Иймд Ноён Захид тус хороог хээл хахууль өгсөн, авсан аль алиныг нь мөрдөн шалгах ёстой гэж нэмж хэлжээ.

Тэрээр авлига бол “хоёр замын гүйлгээ” гэдгийг сануулаад олон нийт аливаа авлигын хэрэг шүүхээр эцэслэн шийдвэрлэгдээгүй байхад “шүүж”, шуугиан тарих ёсгүй гэжээ.