Month: December 2017

Энэ онд Монгол Улсын нутаг дэвсгэрт ой хээрийн томоохон хэмжээний хэд хэдэн түймэр гарсантай холбоотойгоор ой хээрийн түймэртэй тэмцэх, онцгой байдлын албыг бэхжүүлэх, шаардлагатай тоног төхөөрөмжөөр хангах, аврах, гал унтраах үйл ажиллагаанд ашиглах нисдэг тэрэгтэй болгох зорилгоор иргэд, олон нийтийн эхлүүлсэн хандивын аянд Хууль зүй, дотоод хэргийн салбарын нийт албан хаагчид нэгдэхээр болсон билээ.

Хууль зүй, дотоод хэргийн яам, түүний харьяа агентлаг, байгууллагуудын нийт 24 мянга гаруй ажилтан, албан хаагчдын нэг өдрийн цалин болох 640 сая төгрөгийн хандивыг ХЗДХЯ-ны Төрийн нарийн бичгийн дарга Г.Баясгалан, Төрийн захиргааны удирдлагын газрын дарга Г.Билгүүн нар ОБЕГ-ын дарга, хошууч генерал Т.Бадралд хүлээлгэн өгч батламж гардууллаа.

ОБЕГ-ын дарга хошууч генерал Т.Бадрал Хууль зүй, дотоод хэргийн яам болон түүний харьяа агентлаг, байгууллагуудын хамт олонд талархаж байгаагаа илэрхийлээд төрийн болон төрийн бус байгууллага, иргэдийн хандивласан болон энэхүү хандивын хөрөнгөөр жижиг оврын нисдэг тэрэг автожир /CALIDUS/, нисэх аппарат, гамшгийн голомтод ажиллаж буй гал сөнөөгч, аврагчдын эрүүл мэндийг хянах, эрт оношлох, урьдчилан сэргийлэхэд чухал шаардлагатай биохимийн шинжилгээний бүрэн автомат анализатор /PICCOLLO XPRESS/ болон багц шинжилгээ хийх нэг бүрийн оношлуур, хорт хий утаанаас хамгаалах баг зэрэг Онцгой байдлын албанд нэн шаардлагатай багаж, тоног төхөөрөмж худалдан авахаар төлөвлөөд байна гэж мэдэгдлээ.

НҮБ-ын ерөнхий ассамблейгаас жил бүрийн арванхоёрдугаар сарын 3-ны өдрийг Хөгжлийн бэрхшээлтэй хүмүүсийн эрхийг хамгаалах өдөр болгон зарлаж дэлхий нийтээрээ 26 дахь жилдээ тэмдэглэн өнгөрүүлж байна.

Нийслэлийн Нийгмийн халамжийн газраас Нийслэлийн Засаг даргын Тамгын газар, “Ачлалт хүүхдүүд” ТББ-тай хамтран Хөгжлийн бэрхшээлтэй иргэдийн эрхийг хамгаалах олон улсын өдрийг тэмдэглэн өнгөрүүлэх өдөрлөг, арга хэмжээг өнөөдөр зохион байгууллаа.

Энэхүү арга хэмжээнд Хөдөлмөр, нийгмийн хамгааллын яамны дэд сайд С.Мөнгөнчимэг, Хөдөлмөр, халамжийн үйлчилгээний ерөнхий газрын Нийгмийн халамжийн асуудал хариуцсан дэд дарга Т.Бадрахбаяр, Нийслэлийн Ядуурлыг бууруулах, хөдөлмөр эрхлэлтийг дэмжих төслүүдийн удирдагч-Нийслэлийн Засаг даргын орлогч Д.Энхтөр, Нийслэлийн Засаг даргын Тамгын газрын Нийгмийн Бодлогын хэлтсийн дарга М.Эрдэнэжаргал, Нийслэлийн Нийгмийн халамжийн газрын дарга Т.Оюунчимэг тэргүүтэй албаныхан, дүүргүүдийн Хөдөлмөр халамж үйлчилгээний хэлтсийн удирдлага, ажилтан албан хаагчид, төрийн бус байгууллагуудын төлөөлөл, хөгжлийн бэрхшээлтэй иргэд, хүүхдүүд оролцов.

Өдөрлөгийг хөгжлийн бэрхшээлтэй иргэдийн баяр болгон тэмдэглэх зорилгоор,

Тус өдрийг тохиолдуулан бүтээлийн, ур чадварын, гар зургийн, эссэ бичлэгийн уралдаан тус тус зохион байгуулав.

“Би аюулгүй орчинд амьдрах эрхтэй” сэдэвт эссэ бичлэгийн уралдааны тэргүүн байрт Сонгинохайрхан дүүргийн 106 дугаар сургуулийн 8в ангийн сурагч М.Цэлмэг, дэд байрт Чингэлтэй дүүргийн 25 дугаар сургуулийн сурагч Б.Энхсайхан, гутгаар байрт Сүхбаатар дүүргийн 29 дүгээр сургуулийн 12в ангийн сурагч О.Эрдэнэдалай нар шалгарлаа.

“Би аюулгүй орчинд амьдрах эрхтэй” сэдэвт гар зургийн уралдааны тэргүүн байранд Сүхбаатар дүүргийн 29 дүгээр сургуулийн 6а ангийн сурагч Б.Сэргэлэн, Баянгол дүүргийн 70 дугаар сургуулийн 5а ангийн сурагч Г.Маралмаа, гутгаарт Багануур дүүргийн “Сод” сургуулийн 7а ангийн сурагч Б.Батбаяр нар шалгарав гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Байгаль орчин, аялал жуулчлалын яам (БОАЖЯ), “Монгол Улсын олборлох салбарын менежментийг бэхжүүлэх” (СЕСМИМ) төсөлтэй хамтран “Олборлох салбар дахь байгаль орчны менежмент” сэдэвт семинарыг төр, хувийн хэвшлийн 100 гаруй төлөөлөгчдийн дунд зохион байгуулав. Семинараар Монгол Улсын олборлох салбар дахь байгаль орчны аудитын өнөөгийн нөхцөл байдал, үйл ажиллагааг дүгнэн хэлэлцэж холбогдох талууд нэгдсэн ойлголтод хүрч, байгаль орчны аудит болон байгаль орчинд нөлөөлөх байдлын үнэлгээ хоорондын уялдааг сайжруулах замаар энэ чиглэлийн менежментийг бэхжүүлэх арга замуудыг тодорхойлж холбогдох зөвлөмж гаргалаа. Энэ удаагийн сургалт семинарт БОАЖЯ, УУХҮЯ, СЯ, Үндэсний аудитын газар, АМГТГ, аймгийн байгаль орчин, аялал жуулчлалын газар, уул уурхай компани, байгаль орчны үнэлгээ, аудитын мэргэжлийн байгууллага, олон улсын байгууллага, төсөл хөтөлбөрийн төлөөллүүд оролцсон юм.

Сэтгэцийн эрүүл мэндийн үндэсний төвийн Донтох эмгэг судлалын клиникийн Өдрийн эмчилгээний “Өөртөө туслах бүлэг” –ийнхэн Чингэс зочид буудлын “Өргөө” ресторанд энэ жил 2 дахь удаагаа Архигүйгээр шинэ жилээ тэмдэглэлээ. Өдрийн эмчилгээний “Өөртөө туслах бүлэг” нь 2015 оны 01 сард үүсэн байгуулагдаж, СЭМҮТ-д 7 өрөөнд үйл ажиллагаагаа явуулдаг бөгөөд нийтдээ 700 гаруй хүнийг сэтгэл зүйн сургалтанд хамруулж, энэ хүмүүсээс 350 гаруй нь архиныхаа асуудлыг бүрэн шийдэж, архигүй амьдралаар амьдарч байна. Энэ хугацаанд архигүйгээр аялал зугаалга, уралдаан тэмцээн, явган алхалт, цуглаан, Хөвсгөл, Сэлэнгэ, Эрдэнэт, Дархан, Завхан, Төв аймгуудаар явах зэргээр олон үйл ажиллагааг өөрснөө бие даан зохион байгуулж, архигүй амьдралыг сурталчилдаг болно. Өөрийгөө ялсан энэ гайхамшигтай хүмүүсийн үлгэр дууриалалаар Монгол даяараа архигүйгээр баяр ёслолыг тэмдэглэж хэвшицгээе.

НОБГ-ын Хан-Уул дүүргийн Онцгой байдлын хэлтсээс “Говь” ХК-д аюулт үзэгдэл, ослын үед ажиллах гамшгаас хамгаалах штабын дадлага, үзүүлэх сургуулийг зохион байгууллаа.

Уг арга хэмжээнд нийслэлийн Онцгой байдлын газрын дэд дарга, дэд хурандаа Н.Нямхорлоо, Гал түймэртэй тэмцэх хэлтсийн дарга Б.Мөнхсайхан, дүүргийн Онцгой байдлын хэлтсийн дарга, хурандаа Д.Даваасүрэн нар оролцож, сургуулийн үйл ажиллагаатай танилцсан юм.

Сургалтыг танхимын болон дадлагын гэсэн 2 үе шаттайгаар “Говь” ХК-ийн гамшгаас хамгаалах төлөвлөгөөний дагуу мэргэжлийн анги, бүлгэмүүд болзошгүй гамшиг,аюулт үзэгдлийн үед эмнэлгийн анхны тусламж үзүүлэх, гал түймэр унтраах, аврах ажиллагаа, цахилгаан, аваар техникийн үед ажиллах, холбоо зарлан мэдээлэл дамжуулах, гамшгаас хамгаалах нөөц, хангалтаар гүйцэтгэх үүргүүдээр, онцгой байдлын байгууллага, мэргэжлийн ангиудын харилцан ажиллагаа, дэмжлэг үзүүлэх талаар дадлага олгох сургалт боллоо.

Дадлага сургуульд Нийслэлийн аврах анги, Гал түймэр унтраах, аврах 10, 14, 30 ангийн нийт 40 алба хаагч 10 автомашинтай, ‘Говь’ ХХК-аас 220 ажилтан 3 автомашинтайгаар дадлага сургуулийг зохион байгуулан ажиллалаа гэж нийслэлийн Онцгой байдлын газраас мэдээллээ.