Month: December 2017

ХӨСҮТ-өөс “Олон эмд тэсвэртэй сүрьеэгийн богино хугацааны эмчилгээний эмнэл зүйн ур чадварыг сайжруулах” сэдэвт сургалт боллоо.

Сургалтад ХӨСҮТ-ийн эмчилгээ хариуцсан дэд захирал М.Тунсаг, тус төвийн Сүрьеэ тандалт судалгааны албан дарга Д.Энхмандах, Эмзүйн албаны дарга Б.Баярцэцэг, их эмч П.Янжиндулам, сүрьеэгийн тандалт судалгааны албаны эм хариуцсан мэргэжилтэн Р.Дорждэрэм болон ХӨСҮТ-ийн олон эмд тэсвэртэй сүрьеэгийн тасгийн эмч нар, судалгааны багийнхан, АШУҮИС-ийн Уушгины эмгэг судлалын танхимын багш нар оролцлоо.

Тус сургалтад олон эмд тэсвэртэй сүрьеэг эмчилдэг 10 аймаг, 9 дүүрэг, СЭМҮТ, хорих ангийн нийт 30 гаруй эмч нар хамрагдлаа.

Сургалтын үр дүнд аймаг, дүүргийн эмч нар өмнө хоёр жилийн хугацаагаар олон эмд тэсвэртэй сүрьеэг эмчилдэг байсан бол өвчтөнг тодорхой шалгуур үзүүлэлтээр ялгаж богино хугацааны буюу 6-9 сарын эмчилгээгээр бүрэн эмчлэх боломжтой болох аж.

ХӨСҮТ-ийн их эмч П.Янжиндулам хэлэхдээ “Монгол улсад олон эмд тэсвэртэй сүрьеэг оношилж, эмчилдэг болсноос хойш 10 гаруй жил өнгөрч байна. Сүүлийн гурван жилд олон улсын туршилт судалгаанд Монгол улс хамрагдаж эхэлсэн. Тус судалгаагаар олон эмд тэсвэртэй сүрьеэгээр өвчилсөн өвчтөнг хоёр жил эмчилдэг эмчилгээний горимыг богиносгож нэг жил хүртэлх хугацаагаар багасгах горим руу шилжиж байгаа. ДЭМБ 2016 онд зөвлөмж болгосны дагуу манай орон хөтөлбөрийн хүрээнд хэрэгжүүлж эхлэх гэж байна. Энэ ажлын бэлтгэл ажлын хүрээнд эмч мэргэжилтнүүдээ сургах, өвчтөнг эмчлэх байр нөхцөлөө сайжруулах зэрэг ажлууд шат дараатайгаар хийгдэж байгаа юм.

Өнөөдрийн сургалтад олон эмд тэсвэртэй сүрьеэ өвчин ихтэй аймаг, дүүргийн эмч нар хамрагдаж байна. Сургалтаар олон эмд тэсвэртэй сүрьеэ өвчин манай оронд ямар байгаа, олон улсын туршилт судалгааны үр дүн, олон эмд тэсвэртэй сүрьеэгийн богино хугацаагаар эмчлэхэд юунд голчлон анхаарах вэ гэсэн сэдвүүдийн хүрээнд эмч нарт мэдээлэл өгсөн. Олон эмд тэсвэртэй сүрьеэгийн оношилгоо, эмчилгээ хоёр бол тус тусдаа ойлголт. Гол оношилгоо бол ХӨСҮТ-ийн сүрьеэгийн лавлагаа лабораторид хийгдэж байна. Өвчлөл өндөртэй аймаг болох Дархан, Дорнод болон хорих ангиудад сүрьеэ­гийн эсрэг гол антибиотик болох Рифа­ми­цинд тэсвэртэй эсэхийг шалгадаг “GeneXpert” аппаратыг ашиглаж байна. Цаашид энэ аппаратын хэрэглээг нэмэгдүүлэх арга хэмжээг авч ажиллана” гэв.

Томуугийн вакцин нь нэг жилийн турш хүний биед дархлаа тогтоож, томуугаас сэргийлдэг биологийн бэлдмэл юм.

Асашёорюү Д.Дагвадорж аваргад дурласан охин өөрийн сонирхолтой мөрөөдлийг “Бидэнд тохиолдсон хүндхэн хөгтэй явдлууд” фейсбүүк хуудаст постлон хуваалцсан нь аваргын чихэнд хүрчээ. Тэрбээр охиныг болзоонд урьж “Никитон”-ы Баачка чамд зориулж дуу дуулж өгнө. Мөн Монголын хамгийн том студи чи, бид хоёрын зургийг авч өгөх болно” гэжээ.

Асашёорюү аваргад дурласан охин “Та нар тэгвэл Аса аваргатай гэрлэнэ гэж бүхэл бүтэн 10 жил мөрөөдөж үзээ юү? Жаахан байхдаа эмээтэйгээ сумо үзээд аваргыг уначихвал уйлдаг хүүхэд байлаа. Тэгээд олон ч жил гэрлэнэ гэж бодож явдаг байлаа ш д хахаха. Одоо бол тийм зүйл боддоггүй ээ. Зүгээр л мундаг хүн шиг санагддаг. Тэгээд сууна гэж бодож явдаг байхад аваргын хурим үндэсний телевизээр гараад үхтлээ уйлж билээ.

Одоо бодоход хүүхдийн гэнэн мөрөөдөл байсан юм шиг байна лээ. Нэг ч удаа уулзаж үзээгүй байж уйлж муйлаад алдаг байлаа шд. Нэг хүн хайрын модонд очоод хэнтэй ярих уу гэхээр нь “Аса аваргатай л ярих юмсан” гэж хэлээд санаа алдаж, нэг насны онигоонд орж билээ. Тэгээд бас Аса аварга хоёр мөсийг хооронд нь үрж гал гаргадаг гээд нэг нийтлэл маягийн юм яваад байсан тэрийг хүртэл уншихдаа мундаг аварга гээд л инээд алдаад ажлынхандаа уншиж өгч байсан. Хахаха одоо бодоход маш хүнд явдал шүү” хэмээн бичжээ. Сошиал ертөнц хэт хөгжих нь нэг талаар сул талтай ч зарим нэгэн хүнд мөрөөдлөө биелүүлэх боломж олгодог ажээ.

Авлигатай тэмцэх газраас Боловсрол, соёл, шинжлэх ухаан, спортын сайд Ц.Цогзолмаад өнөөдөр Зөвлөмж өглөө. Авлигатай тэмцэх үндэсний хөтөлбөрийг хэрэгжүүлэхэд дэмжлэг үзүүлэх чиглэлээр Авлигатай тэмцэх газраас томилогдсон ажлын хэсгүүд төрийн бүх шатны байгууллагууд 2015, 2016, 2017 оны I улирлын байдлаар авлигын эсрэг хууль тогтоомжийг хэрхэн хэрэгжүүлж байгааг шалгасан юм. Авлигатай тэмцэх газар шалгалтаар илэрсэн зөрчил, дутагдлыг дахин гаргуулахгүй байх үүднээс Зөвлөмж боловсруулсан бөгөөд уг Зөвлөмжийг яам, агентлагт хүргүүлэх ажлыг зохион байгуулж байна.

Хамгийн эхэнд Боловсрол, соёл, шинжлэх ухаан, спортын сайд Ц.Цогзолмаад нийт 14 чиглэл бүхий Зөвлөмжийг Авлигатай тэмцэх газрын Аюулгүй байдал, хяналт шалгалт, нууцын албаны дарга, ахлах комиссар Т.Төгөлдөр, Хяналт шалгалтын албаны ахлах ажилтан, ахлах комиссар В.Энхтүвшин нар гардуулан өглөө.

Зөвлөмжид ерөнхий боловсролын лаборатори сургуулиудын захирлыг сонгон шалгаруулалтын үндсэн дээр томилох, боловсролын байгууллагын удирдах албан тушаалтны ёс зүйн хэм хэмжээг батлах, суралцагчдад ногдох хувьсах зардлын хэмжээг үндэслэлтэй, оновчтой болгон тогтоох, хууль бусаар олгогдсон хувьсах зардлыг төсөвт буцаан төвлөрүүлэх арга хэмжээ авах, Боловсролын зээлийн сантай байгуулсан гэрээний үүргээ биелүүлээгүй этгээдээр хохирлыг нөхөн төлүүлэх, зээлийн сангийн санхүүжилтээр суралцагчдыг төрийн бус байгууллага, мэргэжлийн холбоо, шинжээчдийн багийн төлөөлөлтэйгөөр сонгон шалгаруулж, олон нийтийн хяналтын тогтолцоог бий болгох, улсын хилээр соёлын өв нэвтрүүлэх чиглэлээр яамны гүйцэтгэх үүрэг, тавих хяналтыг сайжруулах, үнэт олдворын үнэлгээ, чанарыг тодорхойлох жишиг тогтоон мөрдүүлэх, улсын шалгалт, элсэлтийн ерөнхий шалгалтыг зохион байгуулах үйл ажиллагаанд тавих дотоод хяналтыг сайжруулах зэрэг арга хэмжээг авч хэрэгжүүлэхийг тусгажээ.

Боловсрол, соёл, шинжлэх ухаан, спортын сайд Ц.Цогзолмаа Зөвлөмжийг хүлээн аваад “Монгол Улсын төрөөс авлигатай тэмцэх чиглэлээр явуулж байгаа үйл ажиллагааг төрийн захиргааны төв байгууллагууд онцгойлон анхаарах ёстой. Боловсролын салбар бол нийгэмд авлигын эрсдэлтэй гэж тооцогддог. Тиймээс бид мэргэжлийн байгууллагаас өгсөн зөвлөмжийг ойрын хугацаанд хэрэгжүүлэх ажлыг шуурхай зохион байгуулж ажиллана” гэлээ.

Монгол Улсын Их Хурлын 2011 онд батлагдсан Гамшгаас хамгаалах талаар төрөөс баримтлах бодлогын үндсэн чиглэл, Гамшгийн эрсдэлийг бууруулах Сендайн үйл ажиллагааны хүрээ баримт бичгийн хүрээнд Монгол Улсын засаг захиргаа, нутаг дэвсгэрийн хэмжээнд гамшгийн эрсдэлийн ерөнхий үнэлгээ хийгдсэн зураглалыг 2017 оны байдлаар гаргаад байна. Эдгээр үнэлгээг НҮБ-ын MOH13/301 төсөл, Монголын Улаан загалмай нийгэмлэг, “Дэлхийн зөн Монгол” олон улсын байгууллага нь нийт 20 аймгийн 78 суманд хийсэн.

Энэ сарын 4-нд Увс аймгийн Давст сумын нутаг дэвсгэрээс эртний хүний олдвор /МУМИ/-ыг тус аймгийн цагдаагийн газрын алба хаагчид олжээ. Тодруулбал, тус аймгийн нутгийг иргэд Давст уулнаас олборлолт хийх явцад найман метрийн гүнээс тус эртний олдворыг ухаж гаргасан байна. Ийнхүү иргэдийн мэдээллийн мөрөөр цагдаагийн бие бүрэлдэхүүн хойшлуулшгүй ажиллагаа хийж, тус газрыг хамгаалалтанд авчээ. Одоогоор цагдаагийн алба хаагчид холбогдох газар нь мэдэгдсэн байна. Давст сумын эртний олдвор олдсон тухайн газрыг хамгаалалтад авч, мэргэжлийн байгууллага томилогдон ажиллаж эхэлжээ

Олон нийтийн мэдээллийн хэрэгслээр Япон улсад монгол иргэд хоорондоо зодолдсон гэх мэдээллийг Гадаад харилцааны яамны Консулын газар, Монгол Улсаас Япон Улсад суугаа ЭСЯ-аар дамжуулан албан ёсоор тодрууллаа.

Токио хотын Кита дүүргийн Акабанэгийн Цагдаагийн газрын мэдэгдсэнээр өнгөрөгч бямба гараг буюу арванхоёрдугаар сарын 2-ны өдрийн 19.20 цагийн үед Токио хотын Акабанэ галт тэрэгний буудалд монгол иргэд танхайрч, хоорондоо зодолдсон хэрэг гарсан бөгөөд энэ хэрэгтэй холбогдуулан хүний биед санаатайгаар гэмтэл учруулсан үндэслэлээр Монгол Улсын хоёр иргэнийг саатуулаад байгааг мэдэгдэв.

Хувь хүний нууцыг хадгалах үүднээс саатуулагдсан иргэдийн талаар дэлгэрэнгүй мэдээлэл өгөх боломжгүй хэмээн Гадаад харилцааны яамны Консулын газраас мэдээллээ.