Нийслэлийн Засаг дарга бөгөөд Улаанбаатар хотын Захирагч С.Батболд өнөөдөр иргэдээ хүлээн авч уулзлаа. Энэ удаагийн уулзалтад Баянзүрх, Чингэлтэй, Хан-Уул, Баянгол дүүргийн иргэд хотын даргатайгаа санал бодлоо солилцож өөрсдийн хийж бүтээсэн бүтээл болон нийслэлчүүддээ хэрэг болох шинэлэг санаа санаачилгын талаар ярилцлаа.
Баянзүрх дүүргийн иргэн Ш.Нарантуяа 2014 оноос өөрийн оршин суудаг гудамжныхаа 40-өөд айлтай нийлж “Хуримтлалын бүлэг” байгуулан амьдрах орчноо сайжруулах ажлуудыг хийсэн бөгөөд энэхүү ажил нь үлгэр жишээ болж өргөжсөөр 10 хуримтлалын бүлгэгт 200-аад айлыг нэгтгэжээ. Дүүргийнхээ “Хөгжлийн төв”-тэй хамтран байгуулсан хуримталын бүлгээрээ дамжуулан 200-аад айлынхаа дунд “Газар өмчлөгчдийн холбоо” байгуулан замаа сайжруулах, камержуулах, гэрэлтүүлэгтэй болгох ажлуудыг хийжээ. Цаашдаа харин “Газар өмчлөгдийн холбоо”-ны 200 айлынхаа дунд “Сервис центр” байгуулах хүсэлтэй байгаагаа танилцуулсан бөгөөд хотын даргын зүгээс бүх талаар дэмжин ажиллахаа илэрхийлж холбогдох албаны хүмүүстэй нь холбож өглөө.
Чингэлтэй дүүргийн Б.Жадамбаа 2014 оноос нярай хүүхдийн хувцас өлгий оёх оёдлын цехийг орчин үеийн тоног төхөөрөмжөөр эрүүл ахуйн шаардлага хангасан даавуу мөн олон улсын чанарын шаардлагад нийцсэн “Муслин”, “Бамбаа” брендийн самбаа даавууг ашиглан бүтээгдэхүүнээ үйлдвэрдэг юм байна. Б.Жадамбаагийн хүсэлт болох үйлдвэрлэсэн бүтээгдэхүүнээ худалдаалах төрөх эмнэлгүүдэд цэг байгуулах асуудлыг шийдэж Нийслэлийн эрүүл мэндийн газар, Нийслэлийн мэргэжлийн хяналтын газар татгалзах зүйлгүй гэдгээ хэлсэн бөгөөд “Амгалан” амаржих газарт худалдаа эрхлэх боломжтой гэсэн хариуг өглөө.
Мөн Баянгол дүүргийн иргэн С.Түвдэндоржийн гэрт өвлийн нөхцөлд тохирсон бага квт-ийн цахилгаан халаагуур, Чингэлтэй дүүргийн иргэн Ц.Ганболдын автомашины хорт утаа ялгаруулалтыг бууруулах шүүлтүүр, Хан-Уул дүүргийн иргэн Л.Эрдэнэхуягийн газрын гүний дулаанаар гэр хорооллын дахин төлөвлөлтийн дулааныг шийдэх зэрэг асуудлуудыг дэмжихээ илэрхийлж холбогдох газрын удирдлагуудад үүрэг даалгавар өгч хамтран ажиллахаар боллоо гэж НЗДТГ-ын Хэвлэлмэдээлэл, олон нийттэй харилцах хэлтсээс мэдээллээ.
УИХ дахь АН-ын бүлэг төсвийн тодотголд тавьсан Ерөнхийлөгчийн хориг, 2018 оны төсвийг хэлэлцжээ. Тус бүлгийн дарга Д.Эрдэнэбат ярихдаа “Бүлгийн хурлаар 2017 оны Төсвийн тодотголд тавьсан Ерөнхийлөгчийн хоригийн талаар болон 2018 оны Төсвийн тухай хуулийн ажлын хэсгийн дүгнэлтийг сонсож хэлэлцсэн.
Азийн 19 хүртэлх насны АШТ-ий эрхийн төлөөх тэмцээний I хэсэгт өрсөлдөж буй Монголын залуучуудын хөлбөмбөгийн шигшээ баг хэсгийн хоёр дахь тоглолтоо Тайландын багтай даваа гарагт хийж хожигдол хүлээлээ.
УИХ-ын Хууль зүйн байнгын хорооны хуралдаан үргэлжилж байна. Байнгын хорооны хуралдаанаар Хуулийн этгээдийн улсын бүртгэлийн тухай хуульд нэмэлт оруулах тухай хуулийн төслийн анхны хэлэлцүүлгийг хийсний дараа Ерөнхийлөгчийн хоригийг хэлэлцэж эхэллээ. 
Ихэнх нутгаар их хэмжээний цас орсонтой холбогдуулан Өвөрхангай аймаг, Бүрд сум Их-Боригдой багийн “Шартын даваа” гэдэг газар /аймгийн төвөөс зүүн хойд 120 км-т/ Улаанбаатар хотоос Өвөрхангай, Ховд, Өвөрхангай аймгаас Улаанбаатар хотын чиглэлд зорчиж явсан ачааны болон суудлын автомашин цасанд суусан дуудлагаар /2017.11.06-ны өдрийн 08:35, 10:10 цагт/ аймгийн Онцгой байдлын газрын Гал түймэр унтраах аврах 12-р ангийн алба хаагчид ажиллан нийт 53 зорчигчтой, 4 автомашиныг цасанд суусаныг татан гаргасан байна гэж Онцгой байдлын ерөнхий газраас мэдээллээ.
Хөвсгөл аймгийн Мөрөн сумын Нисэх багийн Дэлгэрмөрөн голд тус сумын харьяат иргэн Н /55 настай, эмэгтэй/, М /57 настай, эмэгтэй/ нар живж байна гэсэн дуудлагаар /2017.11.06 -ны 14:29 цагт/ аймгийн Онцгой байдлын газрын Эрэн хайх аврах салбарын алба хаагчид ажилласан байна. Аврагчид шуурхай ажиллан хоёр иргэний амийг авран эмнэлгийн байгууллагад хүлээлгэн өгчээ.
2017 он түүхэн дэх хамгийн дулаан жилүүдийн гуравдугаарт орох магадлал өндөр байна гэж Дэлхийн цаг уурын байгууллага мэдэгдсэнийг “Шиньхуа” агентлаг уламжлав.