Month: October 2017

2017 оны Газар зохион байгуулалтын төлөвлөгөөнд тусгагдсаны дагуу ХУД-ийн 11 дүгээр хорооны нутаг дэвсгэр буюу ХААИС-ийн уулзварын өргөтгөл шинэчлэлийн ажлын нөлөөлөлд нийт 9 нэгж талбар өртсөн. Үүнээс 3 ТҮЦ-ийг албадан нүүлгэж, 1 хуулийн этгээдийг нөхөх олговортойгоор, 5 нэгж талбарыг зөвшилцөн газрыг 100 хувь чөлөөлж, өргөтгөн шинэчлэх ажил 100 хувь хийгдэж дууслаа.

Мөн Зайсан толгойн урдуур хийгдэж байгаа авто замын өргөтгөл, шинэчлэлийн ажлын нөлөөлөлд газар ашиглах гэрээтэй 22 нэгж талбар өртөж, Нийслэлийн Авто замын хөгжлийн газар болон гүйцэтгэгч байгууллага, Богд уулын дархан цаазат газрын захиргаатай хамтран чөлөөллөө. Зам засварын ажил хийгдэж байна.

Эх

АНЭУ-ын Абу Даби хотод энэ сарын 14-19-ны
өдрүүдэд болох “Дэлхийн ур чадвар”-ын 44-р
тэмцээнд оролцох Монголын багийнханд Хөдөлмөр нийгмийн хамгааллын дэд
сайд С.Мөнгөнчимэг, Төрийн нарийн бичгийн дарга Г.Өнөрбаяр нар Төрийн далбаа
гардууллаа.

Монгол Улс 2014 онд Дэлхийн ур чадварын олон улсын
байгууллагын 69 дэх гишүүн орноор элссэн бөгөөд 2017 онд Бразилын Сан Пауло
хотод болсон “Дэлхийн ур чадвар” тэмцээнд есөн төрлөөр оролцон, 42 дугаар
байрыг эзэлж байжээ. 44 дэх удаагийн тэмцээнд 76 орны баг, нийт 50 мэргэжлээр
өрсөлдөх юм байна. Манайхаас мужаан, өрлөг гагнуур, цахилгаан, сантехник,
тогоочийн ур чадвараар өрсөлдөх юм.

6-нд баруун, төв болон зүүн аймгуудын нутгийн зарим газраар, 7-8-нд ихэнх нутгаар, 9-нд нутгийн өмнөд хэсгээр хур тунадас, нойтон цас орно. Салхи 6-7-нд ихэнх нутгаар, 8-нд говь, тал хээрийн нутгаар түр зуур секундэд 18-20 метр хүрч шороон болон цасан шуурга шуурна. 6-нд нутгийн хойд хэсгээр, цаашдаа ихэнх нутгаар хүйтэрч Алтай, Хангай, Хөвсгөл, Хэнтэйн уулархаг нутгаар шөнөдөө 12-17 градус, өдөртөө 3-8 градус, говийн бүс нутгийн өмнөд хэсгээр шөнөдөө 0-5 градус хүйтэн, өдөртөө 6-11 градус дулаан, бусад нутгаар шөнөдөө 6-11 градус хүйтэн, өдөртөө 2 градус хүйтнээс 3 градус дулаан байна гэж Цаг уур, орчны шинжилгээний газраас мэдээллээ.

Нийслэлийн нийтийн тээврийн үйлчилгээнд өнөөдрийн байдлаар нийт 88 чиглэлд 950 автобус, троллейбус үйлчилгээнд ажиллаж, өдөрт 800 мянган зорчигч тээвэрлэж байна. Улаанбаатар хотын 378 жилийн ойг угтан Нийслэлийн Тээврийн газраас зохион байгуулж байгаа ажлуудын талаар өнөөдөр тус газрын орлогч дарга Г.Доржпалам, Х.Булгаа нар мэдээлэл хийлээ.

Нэгдүгээрт, өвлийн улиралд автобусны цонх цантаж, гаднах орчныг харахад зорчигчдод хүндрэл үүсдэг талаарх иргэдийн санал хүсэлтийн дагуу дуу хоолойгоор зогсоол зарлах автомат системийг автобуснуудад суурилуулсан байна. Нийт 1200 гаруй нийтийн тээврийн автобусанд суурилуулж, системийн хэрэгжүүлэлтийг хийж гүйцэтгэн, нийтийн тээврийн үйлчилгээнд энэ сарын 10-наас эхлүүлэх бэлтгэл хангагджээ. Автоматаар зогсоол зарлах систем нэвтэрч байгаа нь харааны бэрхшээлтэй иргэд нийтийн тээврээр зорчих боломж бүрдэж байгааг хэллээ.

Хоёрдугаарт, Улаанбаатар хотын замын хөдөлгөөний хэт ачааллыг бууруулах зорилгоор “Миний сонголт-Нийтийн тээвэр” аяныг нийслэл, дүүргийн орон нутгийн төсвөөс санхүүжиж буй албан хаагчдын дунд энэ сарын 1-ний өдрөөс эхлэн зарласан байна. Аяны хүрээнд 5000 гаруй албан хаагч ажлын нэг өдрийг сонгон, ажилдаа ирэх болон буцахдаа нийтийн тээврийн үйлчилгээг ашиглах юм.

Гуравдугаарт, Нийтийн тээврийн үйлчилгээний чанар, соёлыг сайжруулах, аж ахуйн нэгж, байгууллагуудад тавигдах стандартын шаардлагыг хангуулж, сахилга бат, хариуцлагыг дээшлүүлэх зорилгоор аж ахуйн нэгж, байгууллагуудын дунд болзолт уралдааныг эхлүүлжээ. Тус уралдаан 2017 оны 9 дүгээр сарын 25-ны өдрөөс 10 дугаар сарын 25-ны өдөр хүртэл үргэлжлэх бөгөөд нийтийн тээврийн үйлчилгээ эрхлэгч 21 байгууллага, такси үйлчилгээ эрхлэгч 11 байгууллага хамрагдах юм байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Монгол банк болон Засгийн газар хамтран есдүгээр сард 24.6 тэрбум төгрөгийн ипотекийн зээлийн санхүүжилт гаргасан байна. Үүнээс 258 зээлдэгчийн 15.7 тэрбум төгрөгийн зээлийг Монгол банкнаас санхүүжүүлсэн бол 133 зээлдэгчид 8.9 тэрбум төгрөгийг Засгийн газраас олгожээ. Мөн банкнуудын ипотекийн зээлийн тайланг энэ оны наймдугаар сарын байдлаар нэгтгэсэн байна.

Энэ дүнгээр ипотекийн зээлийн нэгдсэн үлдэгдэл 4.1 их наяд төгрөгт хүрсэн нь өмнөх оны мөн үеэс найман хувиар өссөн байх юм. Сүүлийн нэг жилийн хугацаанд банкууд 827 зээлдэгчид 39.9 тэрбум төгрөгийн ипотекийн зээл олгосон байна. Нийт зээлийн үлдэгдлийн 95.3 хувь нь хэвийн, 2.8 хувь нь хугацаа хэтэрсэн бол 1.9 хувь нь чанаргүй зээлд шилжжээ.