“Мехико-1978” ДАШТ болон “Москва-1980” зуны XXII олимпийн наадмын хүрэл медальт, Ионгол Улсын гавьяат тамирчин Дугарсүрэнгийн Оюунболд агсны дурсгалд зориулсан 23 хүртэлх насны чөлөөт бөхийн аварга шалгаруулах тэмцээн Сэлэнгэ аймагт болно.
Сэлэнгэ аймгаас төрөн гарсан бөхийн алдартнуудын гавьяаг мөнхжүүлэх зорилготой уг тэмцээн энэ сарын 13-15-нд Сэлэнгэ аймгийн Сүхбаатар хотын Биеийн тамир спортын ордонд зохион байгуулна. Тэмцээнд 23 хүртэлх насны тамирчид оролцох бөгөөд одоо хүчин төгөлдөр мөрдөгдөж буй дэлхийн бөхийн нэгдсэн холбоо /ДБНХ/-ны дүрмээр болон МЧБХ-ны тэмцээн зохион байгуулах журмын дагуу явагдана.
Тэмцээнд оролцогч эрэгтэйчүүд +57, 61, 65, 70, 74, 86, 97, 125 кг, эмэгтэйчүүд +48, 53, 55, 58, 60, 63, 69, 75 кг жинд өрсөлдөх бөгөөд жингийн зөрүү +2 кг байхыг зөвшөөрч байгаа юм. Сэлэнгэ аймгийн алдарт бөх Д.Оюунболд агсны дурсгалд зориулсан уг тэмцээнд ДБНХ-ны баталгаажсан “TAISHAN” фирмийн хоёр дэвжээг ашиглах бөгөөд стандартын дагуу дэвжээг өндөрлөн бэлтгэнэ.
Тус тэмцээний эрэгтэй, эмэгтэй жин бүрд алтан медаль хүртсэн тамирчид “U23” дэлхийн аварга шалгаруулах тэмцээнд оролцох эрх авах юм. Тэмцээнийг МЧБХ, Сэлэнгэ аймаг дахь Монголын чөлөөт бөхийн салбар хороо, Мэргэд, Хангай клуб хамтран зохион байгуулна.
Цөлжилт нь яг үнэндээ, монгол үндэстний хувьд маш ашигтай болсон том наймааны төлбөр билээ. Нэгдэлжих хөдөлгөөн 1959 онд ялснаар малчдад дөрвөн улиралд хаана байхыг нь хатуу зааж өгсөн. Ингэснээр улиралдаа тохируулан байгалийн бүс бүслүүрээр нүүдэг байсан нүүдлийн мал аж ахуйн уламжлалын мөн чанар бус хэлбэр нь үлдэж бэлчээр талхигдан цөлжилт эхлэсэн. Нэгдэлжих хөдөлгөөн ялснаас яг 15 жилийн дараа явагдсан бэлчээрийн хомсдолоос үүдэн, олон зуун мянган аргаль, угалз эх нутгаасаа дайжин нүүсэн их нүүдэл буюу 1974 оны долдугаар сарыг цөлжилт эрчимжиж эхэлсэн үе гэж үзэхэд буруутах зүйлгүй юм. Амьтдыг байгалийн индикатор гэдэг. Амьтан элбэг байвал ургамал, ус, агаар, хөрс экосистем хэвийн байна гэсэн үг. Гэтэл өнөөдөр монгол улс түүхэндээ байгаагүй цөөн амьтан, ургамлын нөөцтэй болжээ. Өөрөөр хэлбэл эх нутгийнхаа 77,8 хувийг цөлжүүлчихээд сууж байна. Энэ нь өнөөгийн монголчууд бид түүхэндээ байгаагүйгээр байгальдаа гай болж байна гэсэн үг. Гэхдээ цөлжилт нь монгол үндэстний хувьд маш ашигтай болсон том наймааны төлбөр гэдгийг мартаж болохгүй.
Гэрэл зургийг Г.БАЗАРРАГЧАА
Нийслэлийн иргэдийн Төлөөлөгчдийн Хурлын Тэргүүлэгчдийн Хуралдаан өнөөдөр 15.00 цагаас нийслэлийн ЗДТГ-ын А зааланд болно. Хуралдаанаар Нийслэлийн эдийн засаг, нийгмийг 2017 онд хөгжүүлэх үндсэн чиглэлийн хэрэгжилтийн явц, Нийслэлийн эдийн засаг нийгмийг 2018 онд хөгжүүлэх үндсэн чиглэл, Газар эзэмших эрх шилжүүлэх /Гал түймэр унтраах, аврах 63 дугаар ангийн эзэмшил газраас 6000 м2 газарт ажилчдын 512 айлын орон сууц, 250 хүүхдийн цэцэрлэг барих зориулалтаар шилжүүлэх/, Ногдол ашгийн хувь хэмжээг тогтоох, Шашны чиглэлээр үйл ажиллагаа явуулж байгаа байгууллагуудын зөвшөөрлийн хугацаа сунгах, Нийслэлийн өмчид хөрөнгө бүртгэх /Хан-Уул дүүргийн 10, 16 дугаар хороо, цэцэрлэгийн 3 барилга, 171 барилгын гадна шугам сүлжээ, Чингэлтэй дүүргийн 16, 17 дугаар хороо, бага сургууль цэцэрлэг, цэцэрлэгийн барилга, Ус дулаан дамжуулах төвийн барилга/, Хуралдаан зарлах тухай зэрэг асуудлыг хэлэлцэх юм.
Автотээврийн үндэсний төвөөс “Автотээврийн менежментийг сайжруулах жил”-ийн хүрээнд хийсэн үйл ажиллагаа болон хийж хэрэгжүүлсэн ажлуудынхаа талаар мэдээлэл өгч, сурталчлах, өвөлжилтийн бэлтгэл ажлыг олон нийтэд нээлттэй танилцуулах “Өвөлд бид бэлэн” нэгдсэн өдөрлөгийг “Сүхбаатарын талбай”-д зохион байгууллаж байна.