Month: September 2017

Өнөөдөр Имартын хороолол дахь салбар нээлтээ хийлээ. Газар дээр нь очиж сурвалжлахад нээлтийн өдөр гэсэн шиг хөл хөдөлгөөн ихтэй байв. Бас И-март гэх бичигтэй шар дугуйтай цүнх чирсэн хүмүүс их харагдана. Энэ нь нээлтийн бэлэг гэнэ. Хамгийн түрүүнд 100.000 төгрөгөөс дээш худалдан авалт хийсэн 10.000 хэрэглэгчидэд өгнө гэж байна. За тэгээд бум бужигнасан Имартын худалдааны тасаг руу орлоо. Хөл гишгэх зайгүй урсгалаа даган явах үйлчлүүлэгчид улаанбаатарын замд түгжирч яваа аятай харагдана. Хамгийн эхэнд нүдэнд туссан зүйл гэвэл шалны модонд оочирлох хүмүүс байлаа. Оочирлох ч биш аль авхаалж самбаатай нь авч байх шиг харагдана.

ХЯМДРАЛ БАС ДАХИН ХЯМДРАЛ

Худалдан авагчдад хүнсний тасаг, цахилгаан бараа, гоо сайхан гээд дугаарлахгүй тасаг гэж байсангүй.Тасаг бүр хямдралтай байлаа. Жишээлбэл цахилгаан бараанууд 20-30 хувь, гэр ахуйн бараа бүр огцом хямдарсан. Шургуулга гэхэд 57.000-аас 39.000 хүртэл хямдарсан байна. Харин хүнсний тасгийн оочер хамгийн их нь байв. Үйлчлүүлэгч та бүхэн хамгийн бага зардлаар хүнсний бүтээгдхүүнээ цуглуулахыг хүсвэл Имартыг зориорой гэж зөвлөе.

ИМАРТЫН ҮНЭГҮЙ ҮЙЛЧИЛГЭЭНҮҮД

Тус хэйпэрмаркетийн орчимд интернэт хэрэглээ үнэгүй гэнэ. Мөн хүүхэд хуурайлах зориулалтын өрөө ч бий. Утасны чинь цэнэг дуусаад байна уу? санаа зоволтгүй цэнэглэх өрөө ч бас байгаа. За тэгээд зогсоол, баглах хэсэг, гишүүнчэлийн карт, тээш хадгалах, нэг удаагийн хэрэгслүүд, хүргэлт гээд цөм үнэгүй.

Имарт дотор нэгэн худалдан авагчтай хэсэгхэн хором ярилцлаа.

---

-Шинээр нээгдэж байгаа и-мартын үйлчилгээнд хэр сэтгэл хангалуун байна?

-Ер нь Дажгүй сайхан байна. Гэрт ч ойртчихлоо амар байна. Нээлт болохоор хүн ихтэй байна. Тэрнээс сайхан зохион байгуулжээ. Нэг давхрынхаа тасгаас шууд гардаг болчвол их зүгээр санагдлаа.

-Имарт нээлтий хямдрал зарласан байна. Энэ талаар ямар сэтгэгдэлтэй байна?

-Хямд үнэ, өргөн сонголт, бүгдийг нэг доороос авах боломжыг нээж өглөө.

-Та ямар худалдан авалт хийв?

-Хүнсний бүтээгдхүүнээ цуглууллаа. Шал угаагч авлаа. Бас Пицца.

-Эндхийн Пиццаг хүргэлтийн пиццанаас юугаар давуу гэж боддог вэ?

-Амт чанар сайтайн дээр хямд үнэтэй нь давуу тал юм бол уу гэж бодож байна.

За таньд баярлалаа.

Бэлтгэсэн: Б.АМАРТҮВШИН

Хөтөлийн “Цемент шохой” ХХК-ийн захирал А.Шоовдортой цемент үйлдвэрлэл болоод борлуулалтын талаар ярилцлаа.

---

-Сайн байна уу. Хөтөлийн “Цемент шохой” ХК энэ онд хэчнээн мянган тонн цемент үйлдвэрлэж, зах зээлд нийлүүлэхээр төлөвлөсөн бэ. Төлөвлөгөө амжилттай биелж байна уу?

-Хөтөлийн Цемент шохойн үйлдвэр өнгөрсөн гуравдугаар сарын 9-нөөс үйлдвэрлэлээ эхэлсэн. Энэ онд бид 450 мянган тонн цемент үйлдвэрлэх төлөвлөгөөтэй ажиллаж байна. Өнгөрсөн зургадугаар сарын 18 хүртэл үйлдвэрлэл жигд ажиллалаа. Үндсэндээ 90-ээд мянган тонн чулуунцар, 10-аад мянган тонн цементийн нөөцтэй ажиллаж байна. Өнгөрсөн зургадугаар сарын 18-нд баруун бүсийн төвийн эрчим хүчинд доголдол үүссэнээс үйлдвэрийн тоног төхөөрөмжүүд гэмтэл авч, үйл ажиллагаагаа зогсоосон. Улмаар үүнтэй холбоотойгоор энэ жилийн засвар үйлчилгээгээ нэг мөр оруулж, хийлээ. Борлуулалтын хувьд 2015 онд тогтсон үнээрээ энэ онд борлуулж байна. Борлуулалтыг Улаанбаатар дахь төлөөлөгчийн салбараар Улаанбаатарын болоод тухайн бүсийн ойр орчмын хэрэглэгчиддээ цементээ хүргэж байна. Хоногт 12-14 крети вагон ачиж байна. Өөрөөр хэлбэл, хоногт 2500-3000 тонн цементийг вагоноор зах зээлд нийлүүлж байна. Үүний дээр Эрдэнэт, Дархан-Уул, Сэлэнгэ, баруун аймгууд руу машинаар ачиж байгаа.

-Үнийг тодруулбал?

-Нэг тонн цемент задгай нь 145200, савлагаатай нь 157500 төгрөгийн үнэтэй.

-Үйл ажиллагаа тодорхой шалтгааны улмаас түр зогссон байна. Үүнтэй холбоотойгоор цементийн эрэлт ихэсч, зах зээл дэх хомсдолыг даган үнэ хөөрөгдөх байдал ажиглагдаж байгааг иргэд ярьж буй. Энэ талаар таны бодол?

-Ченжүүд үнэ хөөрөгдөж зардаг байдал жилийн жилд гардаг. Зах зээлд янз янзын чанартай, чанаргүй цемент борлуулагдаж байна. Өөрөөр хэлбэл, Хятадаас оруулж ирсэн цемент Монголын энэ салбарын зах зээлийн 70 хувийг эзэлж байгаа. Манай үйлдвэрийн хувьд жил бүрийн 4, 5 дугаар сард ачаалал багатай ажилладаг. Зургадугаар сар гараад ирэхээр л барилга, иргэдийн ажил идэвхжиж, эрэлт огцом ихэсдэг. Энэ оны хувьд манай үйлдвэр яг эрэлттэй үед нь үйлдвэрлэл зогсож, хомсдол үүссэн нь үнэн. Гэхдээ нөөц байсаар байхад л ченжүүд үнэ хөөрөгдсөөр байсан. Үүний цаана иргэд, аж ахуйн нэгж хохирч байгаа. Ченжийн гар дээрээс бус үйлдвэрээс нь үйлдвэрийнх нь үнээр худалдаж авах нь мэдээж иргэд, аж ахуйн нэгж, байгууллагуудад ашигтай.

-Гэхдээ өнгөрсөн долоо, наймдугаар сард цементийн тонн тутмын үнэ 190 мянга хүрч, зарим үед түүнээс ч давж байсан. Энэ үед ч үнээ нэмээгүй юм уу?

-Барилга хот байгуулалтын яамнаас бидэнтэй холбогдсон. Цементийн үнэ 190 мянгад хүрсэн байна. Танайх үнээ нэмсэн юм уу” гэж. Бид үнийн ямар ч өөрчлөлт хийгээгүй. Харин чанарын хувьд улам сайжирсан. Энэ жилийн хувьд бид үнэ мөнгөний хойноос хөөцөлдсөнгүй. Үйлдвэрлэлийн хүчин чадлаа сайжруулах, чанартай бүтээгдэхүүн үйлдвэрлэж, иргэд харилцагч байгууллагууддаа хямд үнээр хүргэх гол зорилтоо хангахыг зорилоо.

-Ачаалал хэр их байна вэ?

-Ачаалал бол жилийн жилд байдаг л асуудал. Гэхдээ бид аль болох хурдан шуурхай үйлчлэхийг л зорьж байна. Манай үйлдвэрийнхэн 12-24 цаг ажиллаж байна. Үйлдвэрийн элдэв гэмтэл осол гарахгүй л бол биднээс шалтгаалж ачилт удаашрахгүй гэсэн үг.

-Нэг үеэ бодвол Монголд цемент үйлдвэрлэл овоо ахиж байна. Хэд хэдэн үйлдвэр баригдаж эхэлсэн. Зарим нь эхнээсээ ашиглалтад ороод байгаа. Ингэхээр чанарын өрсөлдөөнөөс гадна үнэ буурах болов уу гэх хүлээлт нийтийн дунд байх шиг байна?

-Одоогийн байдлаар цементийн дөрвөн үйлдвэр байнгын ажиллагаанд орохоор тоног төхөөрөмж, технологийн туршилтын ажлуудаа хийж байна. Аль аль нь жигд үйл ажиллагаа явуулахад хугацаа шаардлагатай байгаа. Манай давуу тал бол өнгөрсөн хоёр жилд түлш, түүхий эдийн тохиргоогоо хийлээ. Тоног, төхөөрөмжүүдээ шинэчилж, тохиргоог нь хийчихлээ. Өөрөөр хэлбэл, үйлдвэрлэл, эрэлтийнхээ хүчин чадалд хүрч ажиллах бүрэн боломжтой болчихсон байна.

-Өмнө нь цементийг ихэвчлэн задгайгаар борлуулдаг байснаа савлаж эхэлсэн нь хүчин чадал сайжирсантай холбоотой юу?

-Өмнө нь нийт үйлдвэрлэж байгаа цементийнхээ 10-15 хувийг савладаг байсан бол энэ жилээс 50 хувьд хүргэсэн. Савлагаатай цементийг крети вагонд ачдаг. Крети багтаамж багатай, эргэлт удаантай. Тэгэхээр хоногт 12-15 крети вагоныг зах зээлд нийлүүлж байгаа. Бусдыг нь машинаар ачиж байна. Тодруулбал, өдөрт 20-оод вагон савлагаатай цемент зах зээлд гаргаж байна. 20-30 вагоныг задгайгаар нийлүүлдэг.

-Ченжүүд цементийг тонн тутамд нь үнэ нэмсээр ирсэн. Тэгвэл иргэн ч бай, албан байгууллага ч бай үйлдвэрийн үнээр авах боломжийг хэзээ, хэрхэн бий болгох юм бэ?

-Шийдэх нэг арга нь бид Улаанбаатарт төмөр замтай ойрхон борлуулах цэг нээх. Өөрөөр хэлбэл, вагоноос буулгаад шууд өөрийн цэгтээ хүргэж, тэндээс хэрэглэгчиддээ үйлдвэрийн үнээр хүргэнэ. Тэгэхээр бид ирэх жил терминал барихаар төлөвлөөд байгаа. Терминал ашиглалтад орохоор үйлдвэрийн үнээр цементээ борлуулж эхэлнэ.

-Цементээс гадна барилгын компаниудад шохой нийлүүлж байгаа юу?

-Барилгын байгууллагууд, дулааны хавтангийн үйлдвэрүүд манайхаас шохой авч байна. Манай шохойн үйлдвэрлэл жигд сайн ажиллаж байна. Саяхан тоног төхөөрөмжөө шинэчилсэн. Гол худалдан авагч нь одоогоор “Эрдэнэт үйлдвэр” байна. Мөн хөнгөн блокны үйлдвэрүүд түүхий эд болгож байна.

Г.БАТЗОРИГ

Өнөөдөр “дэлхийн эрүүл мэндийн өдөр”-ыг тохиолдуулан Улсын гуравдугаар эмнэлэг, Нийслэлийн эрүүл мэндийн газар, АШУҮИС, Монголын зүрхний холбоо, ХААН банк сантай хамтран энэхүү үйл ажилгааг Сүхбаатарын талбайд зохион байгуулж байна. Энэ үеэр ард иргэдэд зөвлөгөө зөвлөмж өгч, цусны даралт, зүрхны үйл ажилгааг суурин автомат аппартаар үнэгүй үзэж, судалгаанд хамруулж байгаа юм. Цагаан асарт хүмүүс дараалал зогсож эрүүл мэндийн боловсролд зориулсан сурталчилгааны жижигхэн зурган комик номыг сонирхон үзэж буй харагдана. Асар бүрт байгууллагууд өөр өөрийн үйл ажилгаагаа танилцуулан сурталчилж байв. Нэгээс нөгөө рүү явахад эмч, сувилагч нар иргэдэд эмийн зохиостой хэрэглээ, хэрхэн зөв хооллох болон үзлэг хийж байлаа.

Манай орон төдийгүй Дэлхийн хүн амын нас баралтын тэргүүлэх шалтгаан нь зүрх судасны өвчин байсаар байна. Жишээ нь АНУ-д 40 секунд тутамд нэг хүн тархины харвалт болж, 4 минут тутамд нэг хүн нас барж байна. Харин зүрхний шигдээс болж 42 секунд тутамд нэг хүн зүрхний шигдээс болж, нэг минут тутамд нас барсан гэсэн тоо байдаг. Тэгвэл энэ байдал үргэлжилсээр 2030 он гэхэд 23 сая болж өснө гэсэн тооцоо гараад байна. Гэхдээ хүн бүр өөрийн эрүүл мэнддээ анхаар ч давсны зохистой хэрэглээг баримталж, өдөр тутам идэвхитэй хөдөлгөөн хийж, илүүдэл жингээс татгалзах нь цусны даралт ихсэх өвчнийг бууруулах боломжтой юм. Зүрх судасны өвчний нас баралтын гол шалтгаан тархины харвалт 62 хувь, зүрхний цусан хангамж хомсдох өвчний 49 хувийг цусны даралт ихсэлт үүсгэдэг. Мөн ДЭМБ-аас зуурдаар нас барах гол шалтгааны нэг цусны даралт ихсэлт гэж онцолжээ.

Улсын гуравдугаар төв эмнэлгийн эмчилгээ хариуцсан орлогч дарга С.Наранцэцэг: Хүн бүр эрүүл мэнддээ анхаарч гэр бүлээ болон бусдад үлгэр дуурайлал үзүүлэх хэрэгтэй

-Өнөөдөр “Дэлхийн эрүүл мэндийн өдөр” тохиож байна. Ямар үйл ажилгаа зохион байгуулж байгаа вэ?

-Баянгол дүүргийн Хаан банкны Баруун хүрээ тооцооны төвд цусны даралт хэжих булангийн нээлт болж байгаа. Мөн бид даралт үзэж, зөвлөгөө өгч байна. Дэлхийн эрүүл мэндийн байгууллагаас бусад байгууллагуудыг эрүүл мэндийн төлөө үйлст оролцуулахыг уриалж байгаа юм. Энэ чиглэлээр иргэдэд зөв зохистой мэдээлэл өгөх үйл ажилгааг ХААН банк сантай хамтраад улс орон даяар цусны даралтын эсрэг аян эхлүүлээд байна. Мөн Аюулгүй аж төрөх, хөдөлмөрийн өндөр бүтээмжтэй байх, хөдөлмөрийн чадвар алдалт, нас баралтаас урьдчилан сургийлэхийн тулд “ЦУСНЫ ДАРАЛТАА МЭДЭЦГЭЭЕ” аяныг цахим сүлжээгээр зохион байгуулна.

-Энэ өдрийг ямар зорилгоор зохион байгуулж байна вэ?

-Өнөөдөр бол дэлхийн зүрхний өдөр. Энэ өдөр нь зүрх судасны эсрэг үйл ажилгаа явуулж, эрт илэрүүлэх, оншлогоо эмчилгээ хийх, иргэдэд зүрх судасны өвчин тэр дундаа артерийн даралт ихсэлтээс сэргийлэх талаар мэдээлэл өгөх зорилготой. Энэ өдөр Нийслэлийн эрүүл мэндийн төвүүд талбай дээр цуглаад байна. Иргэд даралтын хэрхэн үзэх, ямар тохиолдолд эмчид хандах вэ гэдэг талаар асар бүрт очиж өөрт хэрэгтэй зөвлөгөөгөө нээлттэй үзэж, эмчээс зөвлөгөө авч болно.

– Манай улсын хүн амын зүрх судсны өвчин залуужиж байгаа гэсэн. Тэр талаар яриач.

-Манай улсын хүн амын дунд зүрх судсны өвчин болон артерийн даралт ихсэлт залуужиж байгаа. Үүнээс болоод хүндрэл их гарч байна. Уг өвчний хүндрэл нь тархинд цус харвах, зүрхний шигдээс , таргалалт юм. Ес дүгээр сарын байдлаар тархинд цус харвах өвчний дундаж нас 16-аас дээш, зүрхний шигдээс 25-с дээш. Өөрөөр хэлбэл залуу хүнд тохиолддоггүй өвчний хүндрэлүүд их гарч байгаа. Ид хийж бүтээх нас нь дээрээ явж байгаа хүмүүст энэ өвчнөөр өвчилж байгаад харамсаж байна.

-Тэгвэл зүрхний өвчнөөс ард иргэд маань яаж сэргийлэх ёстой вэ?

-Жингийн илүүдэл, буруу хоололт, хөдөлгөөний дутагдал мөн нийгмийн стресс нь зүрхний үйл ажилгаанд тодорхой хэмжээнд нөлөөлж байна. Иймээс хүн бүр эрүүл мэнддээ анхаарч гэр бүлээ болон бусдад үлгэр дуурайлал үзүүлэх хэрэгтэй. Та өөрийн эрүүл мэнддээ анхаарч эрүүл хоол идэж зүрхээ цэнэглэ, дасгал хөдөлгөөн хийж зүрхээ хөдөлгө, жингээ бууруулж, тамхиа хаяж зүрхээ хайралцгаая.

С.ОЮУНЖАРГАЛ

Хан-Уул дүүргийн 72 дугаар цэцэрлэгийн харъяа “Эрчим” цэцэрлэгийн нээлт боллоо. Эрчим хүчний салбарын түүхт 95 жилийн ой энэ жил тохиож байгаа. Монгол Улсын гал голомт болсон Эрчим хүчний салбарт өнөөдөр 20 мянга гаруй хүн ажилладаг бөгөөд “ТЭЦ III”, “ТЭЦ IV” ТӨХК-иар 2600 орчим хүн овоглож байна. Эрчим хүчний салбарын инженер техникийн ажилтны нийгмийн асуудлыг шийдвэрлэх бодлогын хүрээнд тус салбарын ажилчдын хүүхдүүдийг хамруулах цэцэрлэг өнөөдөр нээлтээ хийлээ.

“Эрчим” цэцэрлэг нь 180 хүүхдийн багтаамжтай, 30 орчим ажилтан албан хаагчтай бөгөөд Эрчим хүчний яамны дэмжлэгтэйгээр “ТЭЦIII”, “ТЭЦ IV” ТӨХК-ийн хөрөнгө оруулалттайгаар байгуулсан нь ажиллагсдынхаа нийгмийн хамгааллын асуудлыг шийдвэрлэж, тогтвор суурьшилтай ажиллах хүний нөөцийн бодлогыг хэрэгжүүлэх болон ажиллах бүтээмжийг нэмэгдүүлэх зэрэг олон давуу талтай гэнэ.

“Эрчим” цэцэрлэгийн нээлтэнд ЭХЯ-ны төлөөлөн удирдах зөвлөлийн дарга М.Баярмагнай, “ТЭЦ IV” ТӨХК-ийн гүйцэтгэх захирал С.Анхбаяр, “ТЭЦ III” ТӨХК-ийн дэд захирал Д.Баянжаргал болон бусад албаны хүмүүс оролцлоо.

Удахгүй болох “Монголын Ахмадын өдөр”-ийг угтан Монгол Улсын Их Хурлын дарга М.Энхболд, Улсын Их Хурлын Тамгын газрын Ерөнхий нарийн бичгийн дарга Ц.Цолмон нар олон жил үр бүтээлтэй ажиллаж байгаад өндөр насны тэтгэвэрт гарсан ахмадуудаа өнөөдөр (2017.09.29) хүлээн авч уулзан, хүндэтгэл үзүүллээ.

Хот хоорондын замд үйлдэгддэг гэмт хэрэг, зөрчлөөс урьдчилан сэргийлэх, иргэдийн аюулгүй зорчих нөхцөлийг бүрдүүлэх зорилгоор цагдаагийн байгууллагаас энэ сарын 11-ний өдрөөс эхлэн улсын чанартай автозамд байрлах 13, орон нутгийн 19 хяналтын цэг 24 цагийн байнгын ажиллагаатай болгож, үйл ажиллагааг нь эрчимжүүлж эхэлсэн байна.

Тухайлбал, Өвөрхангай аймгийн хяналтын постод ажиллаж байсан Замын цагдаагийн албаны зохицуулагч, цагдаагийн ахлах дэслэгч Б.Бямбацэрэн эрэн сурвалжлагдаж байсан этгээдийг илрүүлжээ. Баянзүрх дүүрэг дэх Цагдаагийн III хэлтсээс эрэн сурвалжлагдаж байсан Ж-г “Приус-20” маркийн тээврийн хэрэгсэл жолоодон явж байхад нь саатуулан Өвөрхангай аймаг дахь Цагдаагийн газарт хүлээлгэн өгч ажилласан гэнэ.

Дундговь аймгийн хяналтын постод үүрэг гүйцэтгэж байсан эрүүгийн мөрдөгч, цагдаагийн ахлах дэслэгч Мягмаррагчаа, эргүүлийн цагдаа цагдаагийн дэд ахлагч Отгонбаатар, замын цагдаа дэд ахлагч Ёндонпэрэнлэй нар бусадтай бүлэглэн ирэн А-гийн биед хүнд гэмтэл учруулаад зугтсан эрүүгийн хэрэгт эрэн сурвалжлагдаж байсан Ч гэгчийг илрүүлэн баривчилсан гэв.