Боксын насанд хүрэгчдийн 2017 оны дэлхийн аварга шалгаруулах тэмцээн Герман улсын Хамбург хотод болно. ДАШТ-нд оролцохоор манай улсын дөрвөн боксчин өнөөдөр эх орноосоо мордлоо. Монголын боксчид дэлхийн 3The AIBA” тэмцээнээс алт 1, мөнгө 4, хүрэл 4 авч байсан бөгөөд нийт 9 медаль хүртэж 21-т эрэмбэлэгдэж байна.
Month: August 2017
Өчигдөр МАН-ын “Ээлжит бус онц их хурлын төлөө” хөдөлгөөнөөс МАН-ын бага хурлыг наймдугаар сарын 25-ны дотор зарлан хуралдуулж, их хурлын товыг зарлахыг шаардсан билээ. Тэгвэл МАН-ын дарга М.Энхболд өөрийн албан ёсны фэйсбүүк хуудсаараа дамжуулан Бага хурал ирэх есдүгээр сард болно гэдгийг мэдэгдэв. Өмнө нь мөн цахим хуудсаараа энэ талаар мэдээлж байсан юм.
Мэдэгдэлд:
“МАН-ын Удирдах зөвлөлийн долоодугаар сарын 08-ны өдрийн 10 дугаар хурлаар дараах асуудлыг оруулж хэлэлцүүлсэн.
Үүнд:
- Ард түмний сонголтыг хүндэтгэн үзэж, шинэ ерөнхийлөгчийг наадмын өмнө тангараг өргүүлэх,
- Ерөнхийлөгчийн сонгуулийн үйл ажиллагаа, үр дүнгийн талаар анализ хийж, дүгнэлт гаргах,
- 2017 оны 09 дүгээр сард намын Бага хурлыг зарлан хуралдуулах, сонгуулийн үр дүнгийн талаарх дүгнэлтийг хэлэлцэх, намын их хурлыг товлон зарлах
- МАН-ын ээлжит их хурлаар өнгөрсөн 27 дугаар их хурлаас хойших үр дүн, алдаа дутагдлыг авч хэлэлцэх, намын дунд хугацааны зорилго зорилтыг тодорхойлох, шинэ удирдлага 2020 оны сонгуульд бэлтгэх ажлыг эхлүүлэх нь зүйтэй хэмээн санал оруулсныг Удирдах Зөвлөлийн гишүүд дэмжсэн болно” гэжээ.
ОБЕГ, НҮБ-ын Хөгжлийн хөтөлбөртэй хамтран хүн бүрт гамшгаас хамгаалах мэдлэг, чадвар, хандлага олгох зорилгоор сургуулийн өмнөх наснаас эхлэн бүх насны суралцагчдад зориулсан сургалтын хөтөлбөр, сэдэвчилсэн төлөвлөгөөний төслийг мэргэжилтэн, багш, сурган хүмүүжүүлэгчдийн багийн оролцоотой цогц байдлаар боловсруулсан.
Улмаар Монгол Улсын Гамшгаас хамгаалах тухай хууль, Гамшгаас хамгаалах талаар төрөөс баримтлах бодлого, Гамшгийн эрсдэлийг олон нийтийн оролцоотой бууруулах үндэсний хөтөлбөрийг хэрэгжүүлэх ажлын хүрээнд боловсруулсан уг сургалтын хөтөлбөр, сэдэвчилсэн төлөвлөгөөний дагуу их, дээд сургууль, коллежийн оюутнуудад зориулсан сургалтын хөтөлбөрт гамшгаас хамгаалах мэдлэг, чадвар олгох хичээлийн хөтөлбөрийг тусгах саналыг БСШУСЯ-нд хүргүүлсэн.
Тэгвэл БСШУС-ын сайдын тушаалаар 2017-2018 оны хичээлийн жилээс эхлэн оюутнуудад гамшгаас хамгаалах мэдлэг, чадвар олгох “Гамшгаас хамгаалах менежментийн үндэс” хичээлийг их, дээд сургуулиудын заавал судлах суурь хичээлийн хөтөлбөрт оруулжээ.
Энэхүү хичээлийг ийнхүү их, дээд сургуулиудын заавал судлах хичээлийн хөтөлбөр оруулсан нь оюутнуудад гамшгаас хамгаалах, гамшгийн эрсдэлийг бууруулах үйл ажиллагааны үндсэн ойлголт, эрх зүй, удирдлага зохион байгуулалтын талаар мэдлэг олгож, тохиолдож болзошгүй аюул, ослын эрсдэлийг үнэлж, урьдчилан сэргийлэх, хор уршгийг арилгах арга хэмжээг удирдан зохион байгуулах чадвар, дадал эзэмшүүлэх, гамшгаас хамгаалах үйл ажиллагааг дэмжих хандлагыг төлөвшүүлэх ач холбогдолтой юм.
Өөрөөр хэлбэл, их, дээд сургууль төгссөн хүн бүр аливаа гамшиг ослын үед авч хэрэгжүүлэх арга хэмжээ, өөрийгөө болон бусдыг хамгаалах, тохиолдож болзошгүй аюул, ослын эрсдэлийг үнэлж, урьдчилан сэргийлэх мэдлэгтэй болох юм гэж Онцгой байдлын ерөнхий газраас мэдээллээ.
Чили Улсын Сантьяго хотноо жүдо бөхийн өсвөр үеийн ДАШТ-д оролцохоор Монгол улсын шигшээ баг өмнөд америк тивийг зорилоо. Тус тэмцээнд дэлхийн 68 улсын эрэгтэй 235, эмэгтэй 206 жүдоч хүч үзэхээр мэдүүлгээ өгсөн бөгөөд манай улсаас 14 тамирчин зодоглоно. Тэднийг “Монголын жүдо академи”-ийн дасгалжуулагч ОУХМ, олон улсын шүүгч, Л.Лувсандэмбэрэл, “Боржин төв” дэвжээний дасгалжуулагч, олон улсын шүүгч Д.Алтантуяа, Чингэлтэй дүүргийн дасгалжуулагч С.Баяржаргал нар дасгалжуулах юм байна.
ДАШТ-д оролцох Монгол Улсын баг:
Хөвгүүд:
50 кг: Ганбүргэдийн Тэмүүжин /Чингэлтэй дүүрэг/
Бямбажавын Цогт-Очир /”Хангарьд” спорт хороо/
55 кг: Бямбасүрэнгийн Сүхбат /Баянзүрх дүүрэг, “Женко” клуб/
60 кг: Баянмөнхийн Нармандах / Баянзүрх дүүрэг, “Женко” клуб/
Батбаатарын Намуунбаяр /Монголын жүдо академи/
73 кг: Батхуягийн Адъяасүрэн /Сүхбаатар аймаг/
Гантулгын Мөнх-Эрдэнэ /ШШГЕГ-ын “Сүлд” спорт хороо/
81 кг: Сэргэлэнгийн Мөнхбаяр /Булган аймаг/
Охид
44 кг: Ганболдын Бүрнээбаяр /”Боржин төв” дэвжээ/
Баасансүрэнгийн Ойдовчимэд /Хан-Уул дүүрэг, “Женко” клуб/
48 кг: Эрдэнэдалайгийн Нүрзэдмаа /Баянхонгор аймаг/
52 кг: Лхагвасүрэнгийн Сосорбарам /Баянхонгор аймаг/
57 кг: Цэрэнжавын Цэрэндолгор /Чингэлтэй дүүрэг/
70 кг: Саранцэцэгийн Лхагвадулам /Чингэлтэй дүүрэг/
Нийслэлийн төрийн өмчийн цэцэрлэгт шинээр элсэж байгаа хүүхдийг энэ жилээс эхлэн цахимаар бүртгэхээр болсон. Цэцэрлэгийн цахим бүртгэл өнгөрсөн долдугаар сарын 25-аас энэ сарын 24-ний өдрийг хүртэл үргэлжилнэ. Наймдугаарын сарын 8-ны өдрийн байдлаар 17,649 хүүхэд буюу 45 хувь нь цахим бүртгэлд хамрагдаад байна. Цахимаар бүртгүүлэх боломжгүй иргэдэд 8 сарын 10-аас эхлэн цэцэрлэг дээр нь нэгдсэн журмаар багш ажилтнууд бүртгэж өгч, туслах юм байна.
Элсэлт авах хүүхдийн тоо хэтэрсэн цэцэрлэгүүд дээр 8 сарын 25-ны өдөр 10 цагт санамсаргүй сонголтын аргаар онлайнаар элсэлтийг зохион байгуулна. Санамсаргүй сонголтын аргаар тухайн хүүхэд сонгогдсон, эс сонгогдсон талаарх мэдээллийг эцэг, эхчүүдийн бүртгүүлсэн гар утсанд мессежээр хариу илгээх юм. Эцэг, эхчүүд хүүхдээ элсэж орсон эсэхийг цэцэрлэг дээр нь очиж, лавлах шаардлагагүй бөгөөд цахим системээс харах боломжтой юм.
Харин өмнөх хичээлийн жилд цэцэрлэгт хамрагдсан болон тухайн цэцэрлэг нь 3-5 насны хүүхдийг шинээр элсүүлэн авах бол бүртгэлийг энэ сарын 21-24-нийг хүртэл уламжлалт аргаар цэцэрлэг тус бүр дээр зохион байгуулна.
Түүнчлэн тухайн цэцэрлэгийн онцлог, ачаалал зэргийг харгалзан зорилтот бүлгийн хүүхдийг. энэ сарын 21-24-ний өдрүүдэд мөн уламжлалт аргаар цэцэрлэг дээр нь бүртгэнэ.
УИХ-ын гишүүн Д.Гантулга холбогдсон хүчингийн хэргийн талаар хэвлэлийн хурал боллоо. Хохирогчийн эгч Ч.Саранзаяа, өмгөөлөгч хуульч М.Ичинноров нар уг хэвлэлийн хуралд оролцсон юм. М.Ичинноров мэдээлэхдээ “Шүүх эмнэлгийн дүгнэлтэд Д.Гантулга гишүүн санаатайгаар нөлөөлж, хуурамч дүгнэлт гаргуулсан хэмээн үзэж, нотлох баримтуудыг АТГ-т хүргүүлэн, гишүүнийг болон Шүүх эмнэлгийн хүрээлэнг шалгуулах хүсэлт гаргасан” гэв. Харин АТГ-аас энэхүү хүсэлтийг тав хоногийн дотор шуурхай шалган хариу гаргасан ч тэр нь хохирогчийн гар дээр албан ёсоор ирээгүй байна. Уг шийдвэрт “Шүүх эмнэлгийн дүгнэлтэд нөлөөлсөн зүйл байхгүй, авлигын үйлдэл илрээгүй. Эрүүгийн хэрэг үүсгэн шалгах үндэслэлтэй тул прокурорт шилжүүлж, Нийслэлийн прокуророос Сүхбаатар дүүргийн цагдаа руу эрүүгийн хэрэг үүсгэж шалгах мэдэгдэх хуудас явуулсан” гэжээ.
АТГ тавхан хоногийн дотор нотлох баримт, гэрчийн мэдээллийг харгалзахгүйгээр авилгын хэрэг илрээгүй гэсэн дээрх хариуг өгчээ. “АТГ УИХ-ын гишүүн Д.Гантулгад давуу байдал бий болгон, өөрсдөө авилгын шинжтэй үйлдэл гаргасан” гэж өмгөөлөгч М.Ичинноров дүгнэв. Мөн УИХ-ын гишүүн бусармаг үйлдлийнхээ тухай Төрийн ордонд мэдээлэл хийж, завхай бусармаг үйлдлээ илчлээд олон хүнийг доромжилж гүтгээд байхад хууль хяналтынхан гишүүнийг эргүүлэн татах арга хэмжээ авахгүй харин ч хаацайлсан шинжтэй байгаа тул УИХ-ын Хууль зүйн байнгын хороонд энэ асуудлаар хандаж, энэ хүнийг эргүүлэн татах асуудлыг шийдвэрлэж өгөөч гэж хүссэн хэмээн өмгөөлөгч М.Ичинноров мэдэгдсэн юм. Гишүүнээс эргүүлэн татаж, эрүүгийн хэрэг үүсгэхэд дэмжлэг үзүүлээч гэж тэд хүсчээ.
Хохирогчийн эгч болох Ч.Саранзаяа өөрийн фэйсбүүктээ нотлох баримтуудыг дэлгэсэн боловч түүний нүүр хуудсыг хаалгасан гэлээ. Ч. Саранзаяа өөрийн нэрийг ашиглан сошиал дээр ямар ч үйлдэл хийж болохоо больсон гэж мэдээлэв. Мөн Ч.Саранзаяагийн нэр дээр хуурамч аккаунт үүсгэн, 500 сая төгрөг аваад фэйсбүүк хаачихлаа гээд алга болсон гэх арга ядсан үйлдэл гаргасан гэв.
Гишүүнтэй ямар холбоотой байсаныг тодруулсан сэтгүүлчийн асуултанд Ч.Саранзаяа “УИХ-ын гишүүн Д.Гантулгатай оюутан байхдаа ангийн найзууд байсан” гэв. Тэрбээр мөн “Би мөнгө авсан бол хэвлэлийн хурал хийж явах байсан уу, үнэхээр мөнгө авах байсан бол сонгуулийн дараа Д.Гантулгыг тохиролцъё гэхэд нь өгснийг нь аваад алга болж болох байсан. Хүнд мөнгөөр худалдаж болохгүй нандин зүйл гэж байдаг. Надад итгэж найдаж байгаа олон хүмүүс бий. Тиймээс тэр хүмүүсийн итгэлийг хүндэлж, эцсээ хүртэл явна” гэж мэдэгдлээ.
Б.ӨЛЗИЙБАЯР
“Dawa” цомын нэрэмжит “Үзэсгэлэнт Улаанбаатар-2017” олон улсын өртөөт марафон манай улсын нийслэл Улаанбаатар хотод энэ сарын 13-нд болно. Анхдугаар тус арга хэмжээг ЗГХА, Биеийн тамир, спортын газар, нийслэлийн Биеийн тамир, спортын хороо, “Grand china sport” холбоо хамтран зохион байгуулах юм. Тэмцээн “Жуулчин”, “Гэр бүл”, “Найзууд”, “Сэтгэлд хоногшсон Улаанбаатар” гэсэн төрөлд явагдана. Тухайлбал, “Жуулчин” ангилалд гадаадын 2-3 хүн нэг баг болж оролцох бол “Гэр бүл” ангилалд 3-11 насны нэг хүүхэдтэй эцэг, эх, өвөө, эмээ нийт гурван хүн нэг баг болж оролцох юм байна. Мөн “Найзууд” ангилалд 18-аас дээш насны 2-3 хүн нэг баг болж өрсөлдөх бол “Сэтгэлд хоногшсон Улаанбаатар” ангилалд 50-65 хүртэлх насны 2-3 хүн баг болж оролцох боломжтой.
Ангилал тус бүрт оролцогчид таван өртөөг дамжин өгөгдсөн даалгаваруудыг хамгийн богино хугацаанд биелүүлсэн нь тэмцээний ялагч болох юм. Тэмцээнд оролцогчдын тоо хязгаартай бөгөөд оролцохыг хүсэгчид биеэр ирж бүртгүүлнэ. Бүртгэлийг Спортын төв ордны нэг давхарт энэ сарын 10-ыг хүртэл хийнэ гэж нийслэлийн Биеийн тамир, спортын хорооноос мэдээллээ.
Нийслэлийн Баянзүрх дүүрэгт НҮБ-ын Хүүхдийн сангийн “Schools for Asia” хөтөлбөр хэрэгжихээр боллоо. Хөтөлбөрийн хүрээнд дүүргийн Хөдөлмөр эрхлэлт, нийгмийн хөгжлийн асуудал хариуцсан Засаг даргын орлогч дарга Т.Баясах НҮБ-ын Хүүхдийн сангийн төлөөлөгч нарыг өнөөдөр хүлээн авч уулзавв Уулзалтын үеэр нийслэлийн хамгийн олон хүн амтай Баянзүрх дүүрэгт хөтөлбөрөө хэрэгжүүлэх болсондоо баяртайгаа байгаагаа төлөөлөгч нар хэлж байсан. Мөн уг хамтын ажиллагааны хүрээнд тус сангийн хөрөнгө оруулалтаар Баянзүрхийн таван цэцэрлэгийг бүрэн засварлахаар боллоо. Тодруулбал, дүүргийн 9,1,20,15,18 дугаар хороонд байрлах 3,22,63,122,129 дугаар цэцэрлэгийн засварын ажлыг НҮБ-ын Хүүхдийн сангийн “Schools for Asia” сангийн буцалтгүй тусламжаар хийж, гүйцэтгэхээр болсон юм.
Дашрамд мэдээлэхэд, Баянзүрх дүүргийн хэмжээнд цэцэрлэгийн насны нийт 34 мянган хүүхэд байгаагийн 25 мянга буюу 73 хувь нь сургуулийн өмнөх боловсролд хамрагдах боломжтой байгаа юм. Иймд тус сангаас дүүргийн Засаг даргын Тамгын газартай хамтран хүүхэд багачуудын сурч боловсрох таатай орчинг бүрдүүлэх, нэмэгдүүлэхэд бүхий л талаар туслахаа мэдэгдсэн. Түүнчлэн цэцэрлэгийн багш нарыг мэргэжлийн сургалтад үе шаттайгаар хамруулахад дэмжлэг үзүүлж хамтран ажиллахад бэлэн байгаагаа илэрхийллээ хэмээн Баянзүрх дүүргийн ЗДТГ-ын Хэвлэл мэдээллийн албанаас мэдээллээ.
Монгол Улс, Бүгд найрамдах социалист Вьетнам улсын Засгийн газар хоорондын комиссын 16 дугаар хуралдаан өнөөдөр /2017.08.08/ Улаанбаатар хотноо болж байна. Энэхүү хуралдаанд Засгийн газрын гишүүн, Хүнс, хөдөө аж ахуй, хөнгөн үйлдвэрийн сайд П.Сэргэлэн, Бүгд найрамдах социалист Вьетнам улсын Хөдөө аж ахуй, хөдөөгийн хөгжлийн сайд Нгуен Суан Кыонг нар даргалж оролцов.
Монгол Улс, Бүгд найрамдах социалист Вьетнам улсын Засгийн газар хоорондын комиссын 16 дугаар хуралдаанаар худалдаа, эдийн засаг, хөдөө аж ахуй, эрүүл мэнд, боловсролын салбарын хамтын ажиллагааг эрчимжүүлж, харилцан ашигтай хамтын ажиллагааг хөгжүүлэхэд чиглэгдэж байна.
Хуралдааны эхэнд Монгол Улс, Бүгд найрамдах социалист Вьетнам улсын Засгийн газар хоорондын комиссын дарга, Хүнс хөдөө аж ахуй хөнгөн үйлдвэрийн сайд П.Сэргэлэн Монгол Улсын нийгэм, эдийн засгийн байдлын талаар мэдээлж, ЗГХК-ын 15 дугаар хуралдааны шийдвэрийн хэрэгжилт, цаашид авах арга хэмжээний талаар танилцуулав. Тэрээр Эдийн засгийн бодит өсөлт 2015 онд 2.4 хувь, 2016 онд 1.3 хувьд хүрсэн байна. Засгийн газар байгуулагдсан цагаас эхлэн нэн тэргүүнд улс орны нийгэм, эдийн засагт тулгамдаад буй хүндрэлийг даван туулахаар тал бүрийн арга хэмжээ авч ажиллаж байна. Бид Засгийн газрын үйл ажиллагааны мөрийн хөтөлбөр, Монгол Улсын тогтвортой хөгжлийн үзэл баримтлалын дагуу “Эдийн засгийг сэргээх хөтөлбөр”-ийг баталсан. Эдийн засгаа сэргээх, төсөвт хэмнэлт хийх, үндэсний үйлдвэрлэлээ дэмжих бодлогыг шат дараатай хэрэгжүүлж эхэлсэн бөгөөд 2016 оны төсвийн урьдчилсан гүйцэтгэлээр төсвийн орлого анх удаа 504 тэрбум төгрөгөөр давж биелсэн гэв.
2016 оны байдлаар Монгол-Вьетнамын хоорондын худалдааны нийт бараа эргэлт 43.0 сая ам.доллар /2010 онд 10 сая ам.доллар/, үүнээс экспорт 2,9 сая ам.доллар, импорт 40,1 сая ам.доллар байгааг дурдав. Экспорт 2,9 сая ам.доллар /гянт болдын хүдэр үхэр, адууны шир, шевро, гэх мэт/, Импорт 40,1 сая ам.доллар /цагаан будаа, угаалгын бодис, кофе, ургамлын тос, лаазалсан ногоо, жимс, самар, чихэр, гурилан бүтээгдэхүүн, модон эдлэл эм, химийн бүтээгдэхүүн /будаг, угаалгын бодис, угаалгын нунтаг/, телефон, цахилгаан шуудан холбооны болон утсан холбооны аппаратууд гэх мэт/ байна.
Худалдаа, эдийн засаг, соёл, шинжлэх ухаан, техникийн хамтын ажиллагааг 2017-2019 онд Худалдаа, эдийн засаг, хөдөө аж ахуйн салбарын хамтын ажиллагааны хүрээнд хоёр талын худалдааны эргэлтийг 2020 онд 70 сая ам.долларт хүргэх, Монгол Улсаас ямааны гүн хөлдөөсөн мах, дулааны аргаар боловсруулсан мах, арьс шир, ноос, ноолууран бүтээгдэхүүн Вьетнамд, Вьетнамаас гүн хөлдөөсөн далайн бүтээгдэхүүн, бэлэн хувцас, өргөн хэрэглээний бараа худалдан авах боломжтой. Эдгээр ажлыг бодит ажил хэрэг болгоход хоёр улсын яам онцгойлон анхаарч дэмжлэг үзүүлэх шаардлагатай байгааг тэмдэглэв.
Монгол Улсын Гадаад харилцааны сайдын Вьетнам Улсад хийсэн айлчлалаар мах, махан бүтээгдэхүүнийг Вьетнам Улсад экспортлоход чухал ач холбогдолтой баримт бичигт гарын үсэг зурсан. Энэ удаагийн ЗГХК-ын хуралдаанаар Хүнсний эрүүл ахуйн Гэрчилгээг тохиролцсоноор хоёр улсын хооронд хүнсний бараа, бүтээгдэхүүн харилцан нийлүүлэх хууль, эрх зүйн орчин бүрдэж байна. Тиймээс 2017-2018 онд эхний ээлжинд туршилтын журмаар Монголоос 200 тонн гүн хөлдөөсөн ямааны мах, дулааны аргаар боловсруулсан махан бүтээгдэхүүн, Вьетнамаас гүн хөлдөөсөн далайн болон хүнсний бусад бүтээгдэхүүн харилцан нийлүүлэх боломжийг дэмжиж хэрэгжүүлэх саналыг энэ удаагийн хурлын үеэр хөндөв.
Монгол Улс, Бүгд найрамдах социалист Вьетнам улсын Засгийн газар хоорондын комиссын дарга, Хүнс хөдөө аж ахуй хөнгөн үйлдвэрийн сайд П.Сэргэлэн Вьетнам улсын Хөдөө аж ахуй, хөдөөгийн хөгжлийн сайд Нгуен Суан Гыонг-тэй ЗГХК-ын 16 дугаар хуралдааныг хамтран зохион байгуулсанд баяртай байгааг илэрхийлж, энэхүү яриа хэлэлцээ нь Монгол, Вьетнам найрсаг харилцаа, хамтын ажиллагааг идэвхжүүлэхэд түлхэц болно гэдэгт итгэлтэй байгаагаа илэрхийлэв.
Монгол Улс, Бүгд найрамдах социалист Вьетнам улсын Засгийн газар хоорондын комиссын хуралдаан салбар хуралдаанаар үргэлжилж байна.
Манай улсад жил бүр уламжлал болгон зохион байгуулдаг “Хааны эрэлд” энхийг дэмжих ажиллаганы олон улсын сургууль 11 дэх жилдээ амжилттай зохион байгуулагдлаа. Энэхүү уламжлалт сургуулилт Тавантолгой цэргийн бааз буюу Зэвсэгт хүчний 311 дүгээр ангид долдугаар сарын 23-наас наймдугаар сарын 4-ний хооронд болсон юм.
Энэ удаагийн сургууль бригад, батальоны түвшний команд штабын сургууль, рот, салааны түвшний тактикийн хээрийн сургуулийн хэмжээнд 26 орны 1400 албан хаагчид харилцан туршлага солилцлоо. Алба хаагчид 11 хичээлийн цэг байгуулан дадлага сургуулилт хийжээ. Энэ жилийн сургуульд ротын хээрийн сургууль шинээр зохион байгуулагдаж буйгаараа онцлог юм. Иймээс Бүгд Найрамдах Өмнөд Судан Улсад явуулж байгаа НҮБ-ын Энхийг дэмжих ажиллагаанд Монгол Улсаас үүрэг гүйцэтгэх мото буудлагын батальоны нэг ротын бүрэлдэхүүнийг үүнд оролцуулж, тэднийг ажиллагааны арга техникт сургах, рот, салаагаар бие даан үүрэг гүйцэтгэх, бие бүрэлдэхүүний хувийн бэлтгэлийг хангах зэрэгт дадлагажуулахад чухал ач холбогдолтой хэмээн БХЯ, ЗХЖШ-ын зүгээс үзжээ.
Ази-Номхон далайн бүс нутгийн орнуудын энхийг дэмжих ажиллагааны чадавхийг нэмэгдүүлэх зорилготой энэхүү олон улсын сургуулийг Монгол Улсын Зэвсэгт хүчин, Номхон далай дахь АНУ-ын Хуурай замын цэргийн болон Тэнгисийн явган цэргийн командлал хамтран зохион байгуулсан юм. Анх 2003 оноос эхлэн Монгол улсын зэвсэгт хүчин нь Номхон далай дахь АНУын Зэвсэгт хүчинтэй хамтран “Хааны эрэлд” энхийг дэмжих ажиллагааны сургалт, дадлагыг хоёр талын сургууль хэлбэрээр явагдаж эхэлсэн бол 2006 оноос олон улсын сургууль болгон өргөжүүлсэн байна. “Хааны эрэлд 2017” энхийг дэмжих ажиллаганы олон улсын сургууль 11 дэх удаагийнх болж байна.
Өнгөрсөн хугацаанд дэлхийн таван тивийн нийт 51 улсын 11 мянга гаруй цэргийн алба хаагчид оролцжээ. Энэ удаагийн ‘Хааны эрэлд-2017” сургуульд 26 орны 1100 гаруй цэргийн албан хаагч оролцож байна.
Тус сургууль нь Ази-Номхон далайн бүс нутгийн орнуудын энхийг дэмжих ажиллагааны чадавхийг нэмэгдүүлэх чиглэлээр хэрэгждэг 5 гол арга хэмжээний нэг болоод байгаа ажээ.
СУРГАЛТЫГ ЖИЛ ИРЭХ ТУСАМ УЛАМ ӨРГӨЖҮҮЛЖ, САЙЖРУУЛЖ БАЙГАА НЬ ЭЦСИЙН ҮР ДҮН ГЭЖ ХАРЖ БАЙНА
АНУ-ын талын сургуулийн удирдагч, хурандаа Кэйт Фуллер:
Номхон далай дахь АНУ-ыг төлөөлж, сургуулийн удирдагчаар ажилласандаа туйлын баяртай байна. Надад маш том туршлага боллоо. Миний хувьд сургуулиуд болон хичээлийн цэгүүдээр тогтмол явж ажилласан. Энэ явцад олон орны алба хаагчдын идэвх санаачлага, оролцоо сайн байсан. Мэдээж манай хоёр улсын Зэвсэгт хүчний хувьд энхийг дэмжих ажиллаганд хамтран үүрэг гүйцэтгэдэг, хамтран олон улсын сургууль зохион байгуулдаг гээд онцлог чанарууд бий. Тэр утгаараа харахад сургалтыг жил ирэх тусам улам өргөжүүлж, сайжруулж байгаа нь эцсийн үр дүн гэж харж байна. Сургуулийн талаарх дүгнэлтээ тайландаа тусгана. Харинминий хувийн бодол гэвэл салаадын сургуулийн түвшинд орон орны цэргийн алба хаагчид цэгүүдэд хуваагдаж дангаараа үүрэг гүйцэтгэхээс гадна нэг цэгт төвлөрч хамтран үүрэг гүйцэтгэвэл нэгнээсээ харилцан туршлага солилцоход ач холбогдолтой байх. Өөрөөр хэлбэл, бүх цэгүүдэд өгөгдсөн хичээлийг нэгтгэсэн байдлаар цагийн байдал өгч шалгавал илүү дүнтэй байж мэднэ. Нөгөө талаас сургуулийн үеэр цагийн байдлыг улам хүндрүүлж өгч байх хэрэгтэй мэт санагдсан. Орон орны цэргийн алба хаагчид үүрэг гүйцэтгэх хугацаандаа хуримтлуулсан туршлага, сургамж, ажиллагааны арга техникүүдийг харилцан бие биедээ зааж сурган, мэдлэг, дадлагаа арвижуулж, дээшлүүлсэн зорилтоо бүрэн дүүрэн ханган биелүүлсэн гэдэгт итгэл төгс байна. Сургуулийг хамтран зохион байгуулж ирсэн Монгол улсын зэвсэгт хүчний удирдлага, алба хаагчид, сургуульд алба хаагчдаа оролцуулсан дэлхийн улс орнуудын удирдлагад талархал илэрхийлье.
ЯПОНЫ ЦЭРГИЙН АНГИ 35 ХҮНИЙ БҮРЭЛДЭХҮҮНТЭЙ БАЙЖЭЭ
Японы цэргийн анги 35 хүний бүрэлдэхүүнтэй байжээ. Тухайн улсын тактикаас хамаарч цэг бүр дээрх сургуулилт өөр өөрийн онцлогооор хичээллэж байсан юм. Энэ Японы улсын хуулиндаа зөвхөн өөрийгөө хамгаалах хүчинтэй гэж заасан байдаг учраас хүмүүний эрхийг хамгаалах гэх мэт хичээлүүд ордоггүй, Америкийн хувьд хүний эрхийг дээдэлдэг ардчилсан улс учраас энэ нь зөрчиллдөг. Гэвч НҮБ-ын ерөнхий стандартын дагуу хамтарсан дадлага сургуулилтан дээр тухайн улс орнууд нэгдсэн байр суурьтай, нэг үзэл хандлагаар хичээллэдэг” гэж байв.
Энэ үеэр Салааны захирагч, ахлах дэслэгч Сэичи Минамигийн сэтгэгдлийг сонслоо.
“Хааны эрэлд” сургуульд анх удаагаа оролцсондоо баяртай байна. Япон улс энэ сургуульд салаагаас гадна сургагч багш нарын түвшинд ч оролцлоо. Манай алба хаагчид бусад орны цэргийнхэнтэй мэдлэг, туршлагаа хуваалцаж, ихийг сурсан гэдэгт итгэлтэй байна. Энэхүү сургууль цэргийн хамтын ажиллагааг хөгжүүлэх, харилцан туршлага солилцох боломж олгосон гэж харж байна. Миний хувьд Монголынталаар, цэргийн найзуудынхаа талаар сайхан сэтгэгдэл тээсээр буцлаа. Монголын байгаль үзэсгэлэнтэй сайхан, хүн ард нь тусарсаг нийтэч шиг санагдлаа. Сургуульд оролцсон олон орны дайчин нөхөддөө амжилт хүсье” гэсэн юм.
“ХААНЫ ЭРЭЛД” СУРГУУЛЬД ХОЁР ДАХЬ УДААГАА ОРОЛЦЛОО
Салааны захирагч, дэслэгч Янг Чинтэнг \БНХАУ-ын Ардын чөлөөлөх арми\
Юуны өмнө “Хааны эрэлд 2017” сургуульд оролцсон орон орны цэргийн алба хаагчдад энэ өдрийн мэндийг хүргэж байна. Би энэ жил 31 настай. Энэхүү сургуулд хоёр дахь удаагаа оролцож байна. Өмнө нь 2015 онд салаан захирагчаар орж байсан. Олон орны цэргийн алба хаагчдад энхийг сахиулах ажиллагааны чадвараа нэмэгдүүлж, хамтын ажиллагаагаа сайжруулж, соёлын хувьд харилцан суралцах боломж олгосон сургууль боллоон. Энэ сургуульд оролцсон минь нэр төрийн хэрэг юм. Сургуулийг зохион байгуулж байгаа бүрэлдэхүүн мэргэжлийн түвшинд байсан нь маш их таалагдлаа.
