“Дэлхийн зөн Монгол” олон улсын байгууллагаас “Гамшигт тэсвэртэй Улаанбаатар” төслийн хүрээнд зорилтот хороод болон нийслэлийн төр захиргааны дөрвөн байгууллагын гадна талд “Гамшгийн үед түр цугларах цэг”-ийн тэмдгийг байрлуулж эхэллээ.
Түр цугларах цэгийн тэмдгийг Хан-Уул дүүргийн 12 дугаар, Сонгинохайрхан дүүргийн 2 дугаар, Чингэлтэй дүүргийн 7 дугаар хорооны байрны гадна байрлуулаад байна.
Мөн Баянгол дүүргийн 20 дугаар хороо, Сүхбаатар дүүргийн 17 дугаар, Баянзүрх дүүргийн 19 дүгээр, Налайх дүүргийн 5 дугаар, Багахангай дүүргийн 2 дугаар, Багануур дүүргийн 5 дугаар хороод болон нийслэлийн Эрүүл мэндийн газар, Боловсрол соёлын газар, Хүүхэд гэр бүл, хөгжлийн газар, Нийслэлийн Онцгой байдлын газрын байрны гадна аюулгүй талбайд байрлуулах юм.
“Дэлхийн зөн Монгол” ОУБ-аас олон улсын стандартад нийцүүлэн гаргасан зургаар “Алтан бэрх” ХХК уг тэмдгийг үйлдвэрлэсэн байна гэж нийслэлийн Онцгой байдлын газраас мэдээллээ.
Хэлэлцүүлгийг нээж Увс аймгийн иргэдийн Төлөөлөгчдийн Хурлын дарга Э.Насанбат, “Монгол Улсын Үндсэн хуульд оруулах нэмэлт, өөрчлөлтийн төслийн хэлэлцүүлгийг Увс аймагт бүсчилсэн хэлбэрээр зохион байгуулж байна. Хэлэлцүүлгийг Увс аймгийн Өмнөговь, Улаангом суманд хийсэн. Өнөөдөр Баруунтуруун суманд зүүн бүсийн сумдын төлөөллийг оролцуулан зохион байгуулж байна. Бид дараагийн шатны хэлэлцүүлгийг сум, багтаа хийж, иргэд, олон нийтийн саналыг авах болно. Үндсэн хуульд оруулах нэмэлт, өөрчлөлтийн энэ төсөл нийгэм, эдийн засагт чухал ач холбогдолтой учир идэвхтэй сайн оролцож, санал бодлоо чөлөөтэй илэрхийлэхийг хүсье” гэлээ.
Харин Улсын Их Хурлын гишүүн Н.Цэрэнбат, “Монголчууд бүгдээрээ хэлэлцвэл буруугүй гэж ярьдаг. Монгол Улсын хөгжилд чөдөр, тушаа болж байгаа асуудалд дүн шинжилгээ хийгээд Үндсэн хуулийн цөөхөн хэдхэн асуудалд нэмэлт, өөрчлөлт оруулан төсөл боловсруулж, ард түмнийхээ санал бодол, дуу хоолойг сонсохоор энэхүү хэлэлцүүлгийг хийж байна. Иргэд та бүхний хэлсэн, ярьсан саналуудыг УИХ-ын гишүүнийхээ хувьд анхааралдаа авч, цааш нь дамжуулах болно” хэмээсэн.
Улсын Их Хурлын Тамгын газрын ажилтнууд энэхүү төсөлд тусгагдсан “Монгол Улсын Их Хурал”, “Монгол Улсын Ерөнхийлөгч”, “Монгол Улсын Засгийн газар”, “Шүүх эрх мэдэл”, “Монгол Улсын засаг захиргаа, нутаг дэвсгэрийн нэгж, түүний удирдлага” гэсэн сэдвээр танилцуулга хийж, хэлэлцүүлэгт оролцогч иргэдийн сонирхсон асуултад хариуллаа.
Улсын Их Хурлын Тамгын газрын ажилтнууд хариултдаа, Үндсэн хуульд нэмэлт, өөрчлөлт оруулах асуудлыг үе үеийн парламентаар ярьж ирсэн. Тэдгээрийн боловсруулж байсан төслүүд болон Үндсэн хуульд нэмэлт, өөрчлөлт оруулах асуудлаар явуулсан ард түмний зөвлөлдөх санал асуулгаар хэлэлцсэн асуудлыг нэгтгээд уг төслийг боловсруулсан. Энэхүү төслийг ард түмнээрээ хэлэлцүүлж иргэд, олон нийтээс гарсан саналуудыг Улсын Их Хурлын Төрийн байгуулалтын байнгын хороонд 09 дүгээр сарын 10-ны дотор нэгтгэнэ. Нэгтгэсэн саналуудыг Улсын Их Хурлын гишүүн Д.Лүндээжанцангаар ахлуулсан Ажлын хэсэгт нэг бүрчлэн танилцуулсны дараа Үндсэн хуульд оруулах нэмэлт, өөрчлөлтийн төслийг эцэслэн боловсруулна.
Мөн Монгол Улсын Үндсэн хуульд оруулах нэмэлт, өөрчлөлтийн төсөлд баг, тосгон, хорооны Засаг даргыг харьяалах сум, дүүрэг, хотын Засаг дарга дөрвөн жилийн хугацаагаар томилно гэж тусгасан байгаа. Төсөл батлагдвал Монгол Улсын засаг захиргаа, нутаг дэвсгэрийн нэгжийн тухай, Хот тосгоны эрх зүйн байдлын тухай болон холбогдох бусад хуульд нэмэлт, өөрчлөлт оруулж, эрх зүйн зохицуулалт хийх шаардлага гарна. Өөрөөр хэлбэл, төсөл батлагдвал холбогдох хуульд нэмэлт, өөрчлөлт орж багийн Засаг даргыг томилох шалгуур тодорхой болно. Харин сумын Засаг даргыг шууд томилох асуудал хөндөгдөөгүй.
Түүнчлэн Улсын Их Хурал нийтийн ашиг сонирхол хөндсөн тодорхой асуудлаар хянан шалгах түр хороо байгуулж болно. Улсын Их Хурлын нийт гишүүний дөрөвний нэгээс доошгүй болон УИХ-дахь нам, эвслийн бүлэг уг хороог байгуулах саналыг албан ёсоор тавибал Улсын Их Хурал дахь олонхи цөөнхийн бүлгийн тэгш төлөөлөлтэйгөөр УИХ-ын дарга түр хороо байгуулна гэж тусгасан байгаа. Өөрөөр хэлбэл, төрийн өндөр албан тушаалтны хээл хахууль, нийгмийн ашиг сонирхол хөндсөн ноцтой асуудлаар УИХ хяналт шалгалт хийнэ гэсэн хариултуудыг өглөө.
Хэлэлцүүлэгт оролцсон иргэдийн олонхи Монгол Улсын Үндсэн хуульд оруулах нэмэлт, өөрчлөлтийн төслийг дэмжиж байв. Тухайлбал, Увс аймгийн Тэс сумын иргэн Л.Наваан “Засгийн газрын бүрэлдэхүүнээ тогтоох, гишүүдээ томилох, чөлөөлөх эрхийг Ерөнхий сайдад олгох болсныг дэмжиж байна. Ерөнхий сайдад эрх мэдлийг нь өгч, хариуцлагыг нь сайжруулах чухал” гэж байсан бол Увс аймгийн Тэс сумын иргэн С.Намчин “Багийн Засаг даргыг харьяалах дээд шатны удирдлагаас шууд томилохоор болсныг зөв алхам гэж бодож байна. Энэ бол нүдээ олсон, хөрсөн дээрээ буусан асуудал болжээ” гэж байлаа. Мөн Увс аймгийн Малчин сумын иргэн Б.Бумцэнд “Ерөнхий сайд танхимаа бүрдүүлээд хариуцлага алдвал танхимаараа огцрох асуудал төсөлд тусгагдсаныг зүйтэй гэж бодож байна. Харин Ерөнхий сайдаас бусад нь давхар дээлгүй байх нь чухал. Түүнчлэн сумын Засаг даргыг ард нийтээс нь сонгодог болгох саналтай байна” гэж байлаа.
Монгол Улсын Засгийн газрын ээлжит хуралдаан өнөөдөр /2017-08-16-нд/ болж, дараахь шийдвэрүүдийг гаргалаа.
Монгол Улсын Үндсэн хуулийн тодорхой заалтуудад нэмэлт, өөрчлөлт оруулах төслийг УИХ-ын гишүүдээс 2000, 2011, 2012, 2015 онд УИХ-д өргөн мэдүүлж байсан. УИХ-ын 2016 оны 45 дугаар тогтоолоор баталсан “2016-2020 оны Засгийн газрын үйл ажиллагааны мөрийн хөтөлбөр”-т “…эрх мэдлийн харилцан хяналттай,тогтвортой, хариуцлагатай төрийг бий болгохын төлөө Үндсэн хуулийн нэмэлт, өөрчлөлтийг өнөөгийн хэрэгцээ, шаардлагыг харгалзан ард түмнээсээ асууж шийдвэрлэнэ” хэмээн тусгасан юм.
Сайнцагаан сумын иргэн М.Цогзолмаа “Миний хувьд төрийн албан хаагчийн нийгмийн баталгааг хангасан нэмэлт, өөрчлөлт Үндсэн хуульд орж байгаад талархалтай байна. Нийт төрийн албан хаагчид надтай санал нэг байгаа гэдэгт эргэлзэхгүй байна. Ер нь шинээр нэмэгдэж байгаа заалтуудыг бүхэлд нь дэмжиж байна. Цаашид төрийн тогтвортой үйл ажиллагаа алдагдахгүй, мөн улс төрийн сонгуулийн дүнгээр төрийн албан хаагчдыг олноор нь халдаг байдал эцэслэх эхлэл тавигдаж байна гэж ойлгож байна” гэв.
Мөн Говь-Угтаал сумын иргэн Б.Доржсүмбэр хэлэхдээ “Үндсэн хуулийн өөрчлөлт бол нийгмийн дэвшил гэж хэлж болно. Амьдралын туршлагаас урган гарч байгаа нийгмийн захиалга ч гэж хэлж болно. Өнөөдөр нийгэмд шүүмжлэлтэй байгаа олон бодит асуудлуудад тулгуурлан Үндсэн хуулийн төслийг боловсруулсан байх. Оруулсан заалтуудад санал хэлмээр санагдаж байна. Тухайлбал, Ерөнхий сайдыг УИХ-аас томилоод, сайдуудыг Ерөнхий сайд өөрөө томилох заалт орж байна. Мөн Ерөнхий сайдыг огцруулахад УИХ-ын гишүүдийн ¼ -ийн санал авч, УИХ-аар хэлэлцүүлнэ гэж оруулсан байна. Энэ нь Засгийн газраа бэхжүүлэх гэж байгаа юм шиг боловч, нөгөө талдаа эмзэг болгочихож байгаа юм биш байгаа гэсэн бодолтой байна. Төсвийг УИХ зөвхөн ёсчлон батлах юм шиг харагдаж байна. Энэ нь бүхэл бүтэн улсын төсвийг 10 гаруй сайд л дур мэдэн батлахаар харагдаж байна. Дараагийн нэгзаалт нь үндсэн чиг үүргийн яамны тоог нэмж байгаа нь зөв гэж бодож байна. Харин “давхар дээл”-ний хувьд “Үндсэн чиглэлийн яамны сайд давхар дээлтэй байж болно” гэж шууд тусгах саналтай байна” гэлээ.
Говь-Угтаал сумын иргэн Д.Амгалан хэлэхдээ “Ерөнхийлөгч, УИХ-ын гишүүдийг сонгох хугацаа ахархан байна. Дөрвөн жилийн хугацаа бол “Хэлд ороод хөлд орох” төдий л байна.Дараагийн нэг санал бол газар нутгийн хил заагийг Үндсэн хуульд тодорхой оруулмаар байна. Учир нь хятадууд газар нутагт шунах, эзэмших байдал хэрээс хэтэрлээ” гэх санал хэлсэн юм.
Дундговь аймагт зохион байгуулсан Үндсэн хуульд нэмэлт, өөрчлөлт оруулах тухай хуулийн төслийн бүсчилсэн хэлэлцүүлгийг Засаг даргын орлогч, Зохион байгуулах ажлын хэсгийн ахлагч Ж.Мөнхчулуун хааж хэлсэн үгэндээ “Манай аймагт Үндсэн хуульд нэмэлт, өөрчлөлт оруулах хуулийн төслийн хэлэлцүүлгийг наймдугаар сарын 14-17-ны өдрүүдэд зохион байгууллаа. Үүнтэй холбогдуулан аймгийн Засаг даргын захирамж гарч, хэлэлцүүлгийг сумдад бүсчилсэн байдлаар зохион байгуулж, ард нийтийн саналыг авч байна. Иргэд хэлэлцүүлэгт маш идэвхтэй оролцож, хуулийн төсөлд нэмэлтээр ороогүй үнэтэй саналуудыг өглөө. Голдуу өөрсдийн амьдралд түлхүү тохиолддог засаг захиргаа, нутаг дэвсгэрийн маргаантай асуудлуудыг цэгцлэх саналыг Үндсэн хуульд тусгахыг хүсч байна. Мөн УИХ-ын гишүүдийг хариуцлагажуулах зүйл заалтыг маш тодорхой оруулж өгөх ёстой гэх саналыг гурван сумдын хэлэлцүүлэгт оролцогчид онцоллоо. Дараа нь хэлэлцүүлгийг сум сумандаа мөн зохион байгуулж иргэдийн саналыг сонсоно” гэсэн юм.
“Херо” энтертайнментийн найруулагч Б.Баатар болон Шадар сайд У.Хүрэлсүх нарын утсаар ярьсан бичлэг цахим орчинд тархаж, олны анхаарлыг татсан билээ. Тэгвэл тэрбээр уг асуудлыг шалгуулахаар прокурорын газарт ханджээ. Б.Баатар өргөдөлдөө “Херо энтертайнмэнт студийн найруулагч Баатар миний бие Монгол Улсын Шадар сайд У.Хүрэлсүхтэй утсаар ярилцсан бичлэгийг улстөрийн зорилгоор нийтэд тараажээ. Бичлэгийг эрх бүхий байгууллага тусгай тоног төхөөрөмж ашиглан хийсэн гэж үзэж байна. Энэ нь хувь хүниийг дагаж мөрдөж, тагнан туршиж байгаагийн илрэл юм. Миний бие улс орны аюулгүй байдал, нийгмийн тогтвортой байдлын эсрэг ямарваа үйлдэл хийж байгаагүй бөгөөд улсын нууцтай холбоотой төрийн албан тушаал хашдаггүй жирийн уран бүтээлч хүн. Энэ бол зөвхөн надтай холбоотой асуудал биш Монгол Улс дахь хүний эрхийн зөрчлийн нэг илрэл, гар утас ашигладаг хүн бүрийн эрхтэй холбоотой асуудал болохыг онцлон анхаарахыг хүсч байна. Уг бичлэгийг тараасны дараа бичлэгийг миний бие хийсэн мэт болгож харагдуулах гэж гүжир гүтгэлэг зохион байгуулжээ. Иймээс миний бөгөөд надтай утсаар ярьсан хүний нэр төрийг гутаах, олон нийтэд буруугаар ойлгуулахад чиглэсэн зорилготой, зохион байгуулалттай үйл ажиллагаа юм. Тиймээс энэ асуудлыг шалгаж, уг бичлэгийг хийсэн болон түгээсэн этгээдүүдийг олж тогтоон, хуулийн дагуу хариуцлага ногдуулахыг хүсч байна” гэжээ.
БНХАУ-ын Бээжин хотноо энэ сарын 03-13-ны өдрүүдэд Олон улсын балетын IV тэмцээн болж, Монголоо төлөөлөн ОХУ-ын Пермь хотын балетын академийн төгсөх ангийн оюутан Ө.Мөнхжин, Р.Булган нар амжилттай оролцоод ирлээ. Хоёр бүжигчин эхний шатанд бичлэгээ явуулж, тэмцээнд оролцох эрхээ авсан аж. Ингээд хоёрдугаар шатанд тайзнаа А.Аданы ‘Корсар’ бүжгэн жүжгийн Па-де-де, гуравдугаар шатандаа мөн А.Аданы ‘Жизель’ бүжгэн жүжгийн Па-де-де бүжиглэж мэргэжлийн үзүүлэлт, гүйцэтгэлийн техник, хослон бүжиглэх ур чадвар зэргээр шүүгчдийн анхаарлыг татсан байна. Эрэгтэй бүжигчин Ө.Мөнхжин уг тэмцээний NCPA SPECIAL AWARD шагналыг хүртжээ. Уг шагналыг дараа жил ХБНГУ-ын Берлин хот, БНХАУ-ын Шанхай хотноо болох олон улсын тэмцээний урилга дагалдаж буй юм. Тэдний дасгалжуулагч багшаар Монгол Улсын гавьяат жүжигчин Х.Гэрэлчимэг ажиллажээ. 
Ази тивдээ сүүлийн үед Япон, Солонгос, Хятад зэрэг улсууд тэргүүлэн олон улсын балетын тэмцээнийг олноор зохион байгуулах болж, манай бүжигчид тэдгээрт удаа дараалан өндөр амжилт гаргах болсон. Энэ төрлийн тэмцээн нь залуу бүжигчдэд харилцан туршлага судлах, суралцах, хөгжих бололцоог олгодгоороо үр дүнтэй, өгөөжтэй гэж үздэг. Түүнчлэн Монголын балетчид олон улсад, тэр дундаа Азидаа мэргэжлийн чадвараар үнэлэгдэхэд тодорхой хэмжээнд нөлөөтэй юм. 
Энэ сарын 