Монгол түмний минь Үндэсний их баяр наадам тун удахгүй болно. Хүсэн хүлээдэг эл баяраараа монгол түмэн хамгийн гоё, сайхнаараа хувцаслахыг эрхэмлэдэг. Тиймдээ ч загварын салон, дизайнерууд баяр наадамдаа зориулж тухайн жилийн загвар, хийц, өнгөний сонголтыг үндэснийхээ хэв маягт тааруулан урладаг билээ. Ингээд энэ жилийн наадмын гоёо ямар байхыг дараах дизайнеруудын бүтээлээс тольдоцгооё.
“O Couture Brand”
“Шилмэл загвар”
“Urban jeans”
Энэ сард арав гаруй хоног бүх нийтээр амрах тул иргэд амралтын өдрүүдээ хэрхэн тэмдэглэхээ төлөвлөж байгаа. Зарим нь гэртээ кино үзэн амарч, зарим нь аялал, зугаалга, хөдөө, гадаа явахаар зэхэж буй байх. Иймд Монголд нээлтээ хийсэн, хийхээр төлөвлөж буй Холливудын кинонуудыг танилцуулж байна.
“DESPICABLE ME 3”
Зургадугаар сарын 30-ны өдөр Монголд нээлтээ хийгээд буй “Сарыг хулгайлах төлөвлөгөө-3” киног зөвхөн хүүхэд багачууд гэлтгүй насанд хүрэгчид ч сонирхон үзэж байна. “Universal pictures” кино компанийн минионуудын түүхийг өгүүлэх энэхүү бүтээл одоогоор “Бокс оффис” жагсаалтыг тэргүүлсэн хэвээр байна. Энэ удаагийн кинонд Гругийн амьдралд түүний ихэр Дру орж ирснээр үйл явдал өрнөнө. Дру нь сэтгэл булаам, сэргэлэн, хөгжилтэй бас Гругээс илүү сайхан амьдралтай, гэвч Дру түүнтэй хамтарч сүүлийн гэмт хэргийг үйлдэхийг хүссэнээр киноны адал явдал өрнөх аж.
Кино Тэнгис, Өргөө, Гэгээнтэн кинотеатруудаар өдөр бүр гарч байна.
“ХҮН ААЛЗ ЭРГЭН ИРСЭН НЬ”
Энэ лхагва гаригт Монгол Улсад нээлтээ хийгээд буй “Хүн аалз иргэн ирсэн нь” эйкшн төрлийн кино Өргөө, Тэнгис, Гэгээнтэн кинотеатруудын дэлгэцнээ гарч байна. Энэ удаагийн өндөр барилга дундуур дүүлэн нисэгч супер баатар хүн аалз болон жирийн нэг ахлах сургуулийн өсвөр насны хүү Петер Паркерын амьдралыг хэрхэн хослуулж буй талаар кинонд өгүүлнэ. Түүний үйл хөдлөл бүрийг Тони Старк зааж зааварчилж, Паркер удалгүй Хүн аалз хэмээх баатрын дүрд орж эхэлнэ. Кинонд хэрцгий Тас гарч ирснээр түүн хувьд үнэтэй бүхний амьдралд аюул заналхийлэх болно. Энэ бол түүний хувьд бүх хүчээ дайчилсан тулаан байх болно. Хүн аалз эргэн ирсэн нь кино нийт 133 минут үргэлжилнэ.
“ТРАНСФОРМЕРС – СҮҮЛЧИЙН БААТАР”
“Трансформерс-5” буюу “Сүүлчийн хөлөг баатар” кино нь энэ зуны төдийгүй ойрын жилүүдийн хамгийн өндөр хүлээлттэй уран бүтээлд зүй ёсоор тооцогдож байна. Алдартнуудын цугларал Холливудын алдарт найруулагч Майкл Бэй-ийн найруулсан энэ бүтээлийн гол дүрд нь Марк Уоллберг, Антони Хопкинс, Жош Духамел зэрэг алдарт жүжигчид тоглосноос гадна залуу дуучин, бүжигчин Изабелла Мөүнер Робот франчайзад нэгджээ. Сонирхолтой өгүүлэмж, тайлал бүхий 2007 онд эхэлсэн уг цувралын тав дахь бүтээл болох “Сүүлчийн хөлөг баатар” хэмээх энэ цувралд хүн төрөлхтөний түүхийн нэг хэсэгтэй трансформуудын түүх огтлолцох юм. 12 хөлөг баатрын сүүлчийнх нь хэн байх, түүхийн нууцын нугачаанд тэдний аврах түлхүүр хаа нэгтээ нуугдаж байгааг энэхүү кинонд техник, технологийн дэвшлийг ашиглан гайхалтай үзүүлсэн бөгөөд энэ нь тайлал болох юм байна.
Кино Тэнгис, Өргөө, Гэгээнтэн кинотеатруудаар өдөр бүр гарч байна.
-ТУН УДАХГҮЙ ДЭЛГЭЦНЭЭ-
“БИЧИН ГАРИГИЙН ДАЙН”
Анх 2011 онд “Rise of the Planet of the Apes” буюу “Бичин гаригийн сэргэн мандалт” нэртэйгээр гарч байсан энэ кино “The Dawn of the Planet of Apes” нэртэйгээр 2014 онд хоёр дахь цувралаа үзэгчдийн хүртээл болгосон байдаг. Хүн бичний тулаан өнгөрсөн удаад Цезараар удирдуулсан генетикийн өөрчлөлттэй бичний сүрэг өдөр ирэх тусам өсөн нэмэгдэж, хэрэгцээ шаардлага нь өсч буйгаар өрнөдөг. Харин нөгөө талаас арав гаруй жилийн турш хүн төрөлхтөний дунд вирус тархсаны улмаас хүн ам нэлээдгүй цөөрсөн байна. Тэд зэрэгцэн амар амгалан оршихын тулд хэн нь илүү давамгай болохоо харуулна. Харин энэ удаа хүн бичний хооронд юунаас болж дайн өрнөх бол? Бичнүүд хүн төрөлхтөнөөс дутахгүй зэвсэг, техниктэй болж, мөргөлдөөн үүсэхэд хүмүүс бичнүүдийг олзлож буйгаар кино өрнөнө. Гэхдээ тэд нэгэн ертөнцөд мөр зэрэгцэн амьдрах уу, эсвэл аль нэгийгээ зүйл дуусгах уу гэх сонголтын өмнө ирнэ.
Нийт 101 минут үргэлжлэх “Бичин гаригийн дайн” кино долдугаар сарын 14-ний өдрөөс эхлэн Өргөө, Тэнгис кинотеатрын дэлгэцнээ гарч эхэлнэ. Одоогоор цагийн хуваарь төлөвлөгдөөгүй байна.
“ВАЛЕРИАН”
Найруулагч Люсь Бессоны бүтээл “Валериан” адал явдалт, уран зөгнөлт энэхүү кинонд ирээдүйд байж болох гаригийг дүрслэн, хүн төрөлхтөнтэй мөр зэрэгцэн амьдрах харийн амьтдыг дүрслэн гаргажээ. 130 минут үргэлжлэх энэ киног 13-аас дээш насныхан үзэх боломжтой юм. Францын алдарт “Валериан ба Лаурелин” комикоос сэдэвлэсэн тус кинонд цаг хугацаагаар аялан даалгавар биелүүлэгч хүмүүний ертөнцийн тусгай ажилтан Валериан өөрийн хамтрагч Лаурелинтай галактикын эзэнт гүрнийг мөрдөх даалгавар авснаар гариг эрхсийн дунд байрлах ертөнцийн өнцөг булан бүрээс ирсэн мянга мянган өөр төрөл зүйлийн амьтад амьдардаг гайхамшигтай хот Альфад очин үйл явдал өрнөнө.
Тус кино долдугаар сарын 21-ний өдрөөс Өргөө кинотеатрт нээлтээ хийнэ.
Тулгар төр байгуулагдсаны 2226, Их Монгол Улсын 811, Ардын хувьсгалын 96 жилийн ойн улсын наадам урианхай сурын харваагаар өчигдөр /07.07/ эхэллээ.
Урианхай сурын харваанд энэ жил 172 харваач цэц сорьсон ба 12 мэргэн, хүндэт мэргэн дөрөв, спортын мастер 47, спортын дэд мастер 17, залуу харваач 95 байжээ.
Зөвхөн эрэгтэйчүүдийн ангилалд болдог уламжлалтай урианхай сурын харваанд Баян-Өлгий аймгийн Булган сумын харьяат, Төв аймгийн “Зуун мэргэн” холбооны харваач, спортын мастер Д.Баттулга 25 оноогоор түрүүлж, улсын мэргэн цолны болзол хангав.
Ховд аймгийн Дуут сумын харьяат, спортын мастер Ш.Батмөнх мөнгө, Баян-Өлгий аймгийн Алтанцөгц сумын харьяат, “Алдар” спорт хорооны харваач, улсын хошой мэргэн Д.Мөнхгэрэл хүрэл медаль хүртлээ.
Сурын талбайд болох наадам өнөөдөр Буриад сурын харваагаар үргэлжилж байна.
Тулгар төрийн 2226, Их Монгол Улс байгуулсны 811 жил, Ардын хувьсгалын 96 жилийн ой, Үндэсний их баяр наадмыг тохиолдуулан, Монгол Улсын Ерөнхийлөгч Ц.Элбэгдоржийн зарлигаар чөлөөт бөхийн үндэсний шигшээ багийн тамирчин Б.Номинд гавьяат тамирчин цол олгохоор болжээ. Тэрбээр ирэх даваа гарагт буюу долдугаар сарын 10-ны өдөр Төрийн ордонд эрхэм хүндэтээ шагналаа гардан авах юм байна.
Б.Номингийн хувьд ДАШТ-ий мөнгө, Азийн наадмын хүрэл, Азийн АШТ-ий мөнгө, хүрэл, залуучуудын ДАШТ-ий мөнгө, Германы Гранпригийн мөнгө, Дан Коловын нэрэмжит тэмцээний хүрэл, Буриадын Ерөнхийлөгчийн нэрэмжит тэмцээний хошой алт, мөнгө, хүрэл зэрэг томоохон амжилтуудын эзэн билээ.
.jpg)
Сонгуулийн ерөнхий хорооноос Ерөнхийлөгчийн сонгуулийн дүнг хараахан танилцуулаагүй байна.
Энэ эгзэгтэй мөчид Монгол улсын үндсэн хуульд ерөнхийлөгч гэж хэн болох, ямар үүрэг хүлээхийг тусгажээ. Хуулийн заалтуудаас онцлон хүргэж байна.
ҮНДСЭН ХУУЛЬ ДАХЬ ЕРӨНХИЙЛӨГЧТЭЙ ХОЛБООТОЙ ОНЦЛОХ 13 ЗААЛТ
ЕРӨНХИЙЛӨГЧ ЯМАР ЭРХ, ҮҮРЭГТЭЙ ТАЛААР ЕРӨНХИЙЛӨГЧИЙН ТУХАЙ ХУУЛЬД:
УИХ дахь АН-ын бүлэг өнөөдөр ээлжит бус хуралдаан зарласан байсан. Гэвч тус бүлэг хуралдаанаа тодорхойгүй хугацаагаар хойшлуулжээ.
СЕХ-ноос албан ёсны мэдээлэл хийгээгүй ч Ерөнхийлөгчийн сонгуулийн урьдчилсан дүнгээр АН-аас нэр дэвшигч Х.Баттулга сонгогчдын 50.6 хувийг саналыг авч, өрсөлдөгчөө тэргүүлсэн.
Ерөнхийлөгчийн сонгуулийн дахин санал хураалттай холбогдуулан Нийслэлийн Засаг дарга бөгөөд Улаанбаатар хотын Захирагчийн захирамж гарсан билээ. Уг захирамжийн хүрээнд энэ сарын 6,7,8-ны өдрүүдэд Нийслэлийн нутаг дэвсгэрт архи согтууруулах ундаа худалдан борлуулах, түүгээр үйлчлүүлэхгүй байхыг анхааруулсан юм.
Уг захирамжийн үйлчлэх хугацаа энэ сарын 6-ны 00.00 цагаас 8-ны өдрийн 00.00 цаг хүртэл үргэжлэх юм. Тэгэхээр өнөөдөр 00.00 цаг хүртэл архи согтууруулах ундаагаар үйлчлэхгүй.
Эрдэмтэд судалгаа явуулсны үр дүнд шөнө идэж болох 10 бүтээгдэхүүнийг олсон байна. Үүгээрээ эрдэмтэд шөнө идсэн эдгээр бүтээгдэхүүний улмаас галбираа алдахгүйг нотолж, шөнө дор дурдсан бүтээгдэхүүний багахан орц (порц) бөх нойрсоход таатай нөлөөлдөгийг тогтоожээ.
1. Шөнө багахан хэмжээний хар шоколад идэж болно
Галбираа хадгалахад хоргүй бүтээгдэхүүний жагсаалтыг хар шоколад тэргүүлжээ. Гэхдээ түүнийг зооглох хэмжээ 1-2 хавтгай (дөрвөлжин).
2. Давсгүй фисташки
3. Тахианы шөл эсвэл ногооны шөл (бульон)
4. Хулууны үр, тавд зөгийн балтай сүү жагссан байна
5. Цөцгийтэй хар нэрс
6. Цагаан будаа
7. Бүйлсний жимс
8. Бяслагтай ролл эсвэл тахианы дан мах (филе)
9. Гаа (имбирный)-ны цай оржээ
10. Жимс
Яг одоо гадаадад байгаа монгол иргэдийн саналын хуудас тоолох, дүнг нэгтгэх ажлын хэсэг Европ, Азийн зарим улсад суугаа сонгогчдын саналын хуудас бүхий битүүмжилсэн дугтуйнуудыг нээж, саналын хуудсыг санал тоолох төхөөрөмжид хийж тоолох гэж байна.
Монгол Улсын Ерөнхийлөгчийн долоо дахь удаагийн сонгуулийн дахин санал хураалтын урьдчилсан байдлаар АН-аас нэр дэвшигч Х.Баттулга сонгогчдын 50.6 хувийн санал авч, ялалт байгуулаад байна. Гэхдээ Ховд аймгийн Үенч сум болон Европын улс дахь нэг хэсгийн хорооны дүн мэдээ хүлээгдэж байгаа юм.
Гадаад дахь сонгогчийн санал орой 23.00 цагт дипломат шуудангаар ирнэ гэж СЕХ-ноос мэдээлсэн. Тиймээс сонгуулийн албан ёсны дүн мэдээ өнөөдөр шөнө эцэслэгдэхээр байна.
Үүнээс гадна өнөөдөр Европын аюулгүй байдал, хамтын ажиллагааны байгууллагын Ардчилсан институт, хүний эрхийн газрын Сонгууль ажиглах хорооны ажиглагчид 14.30 цагт сонгуулийн үйл явцын ажиглалтын урьдчилсан дүгнэлтээ танилцуулах юм.
Харин АН, МАН-ын зүгээс өнөөдөр мэдээлэл хийх цаг нь товлогдоогүй байна. АН-ын тухайд өчигдөр нэр дэвшигч Х.Баттулгын хамт хэвлэлийн бага хурал хийж, ялалт байгуулсан гэдгээ зарласан билээ.