Наадмын өдөр наршилт, хоолны хордлого зэрэг асуудлаар Төв цэнгэлдэхэд байрлан ажиллаж буй түргэн тусламжийн эмч нарт хандаж байгаа билээ. Төв цэнгэлдэхэд нийслэлийн дүүргийн нэгдсэн эмнэлгийн эмч, мэргэжилтнүүд ажиллаж байгаа юм. Эмч нар 24 цагаар ажиллаж, наадамчин олонд үйлчилж буй аж. Өнөөдөр иргэд наршилт, хоолны хордлого зэрэг асуудлаар түргэн тусламжийн эмч нарт ханджээ.
“Одоогоор иргэдийн эрүүл мэндэд хүндрэл учирсан тохиолдол гараагүй. Бага насныхан хоолны хордлого, ахмад настанууд даралт ихсэх гэх мэт асуудлаар хандаж байна” гэдгийг түргэн тусламжийн эмч Б.Содномпил хэлж байв. Мөн баяр наадмын үеэр нарших, хоол ундаа тохируулж идэж, эрүүл мэндэдээ анхаарахыг сэрэмжлүүллээ.
Дундговь
Үндэсний их баяр наадмын хоёрын даваа төв цэнгэлдэх хүрээлэнгийн ногоон дэвжээнд үргэлжилж байна. Дархан аварга Г.Өсөхбаяр, улсын аварга ардын багш О.Балжинням тэргүүтэй таван аварга цолтон зодоглож буй наадмын хоёрын даваанд улсын начин цолтой бөхчүүд учраа бөхөө барсангүй. Тухайлбал, Дундговь аймгийн Эрдэнэдалай сумын харьяат улсын начин Алтангэрэлийн Алтанхуяг Говь-Алтай аймгийн Дэлгэр сумын харьяат аймгийн арслан Тогтохмэндийн Сайханжаргалд тахимаа өглөө. А.Алтанхуягийн хувьд хоёр жилийн өмнө Увс аймгийн Баруунтуруун сумын харьяат улсын аварга С.Мөнхбатаар тав давж улсын начин хүртэж байсан.
Хүй долоон худагт наадам өргөн дэлгэр үргэлжилж байна. Энэ жил ихэнх нутгаар гандуу байгаа тул айраг ховор ч наадмын талбай болон Хүй долоон худагт нэг дитерийг нь 4000 төгрөгөөр буюуөмнөх жилийнх шиг үнээр худалдааж байна. Ихэнх айраг Булган аймгийн Сайхан болон Могодын айраг байгаа бөгөөд амт чанар сайтай байна хэмээн наадамчин олон айрагаа авч ууцгааж байна.
Их Монгол Улс байгуулагдсаны 811, Үндэсний их баяр наадам, Ардын хувьсгалын 96 жилийн ойг тохиолдуулан Нийслэлийн эрүүл мэндийн байгууллагууд энэ сарын 10-16-ны өдрийг хүртэл Шүд, эрүү нүүрний төв, дүүргийн эрүүл мэндийн төвийн дотор, мэс засал, гэмтлийн кабинет болон Өрхийн эрүүл мэндийн төвүүд 10:00-15:00 цагийн хооронд иргэдэд эмнэлгийн тусламж, үйлчилгээг үзүүлнэ. Нийслэлийн эрүүл мэндийн газраас энэ сарын 10-17-ны өдрийг хүртэл хариуцлагатай жижүүр ажиллуулах талаар “Эмнэлгийн тусламж, үйлчилгээг зохицуулах тухай” НЭМГ-ын даргын А/93 тоот тушаал гарсан байна. Мөн энэ өдрүүдэд Өргөө, Хүрээ, Амгалан амаржих газарт ажиллах хариуцлагатай жижүүрүүдийг томилсон гэв. Харин Төв цэнгэлдэх хүрээлэн, Сурын талбай, Хүй долоон худагт Хан-Уул, Сүхбаатар, Чингэлтэй дүүргийн Эрүүл мэндийн төв, Нийслэлийн түргэн тусламжийн төвийн эмч нар иргэдэд эрүүл мэндийн тусламж, үйлчилгээг үзүүлж байгаа юм.