Month: July 2017

Монгол Улс тав дахь Ерөнхийлөгчөө батламжилж, дэлхийд ганцхан монгол наадам дэнж хотойлгон эхэллээ. Азийн цээжин дэх Монголын тал нутагт нар асгарч, хур буусан дэлгэр зун үргэлжилж байна. Дэлхийн монголчууд бидний Тулгар төрөө байгуулсны 2226 жил, Их Монгол Улсаа байгуулсны 811 жил, Ардын хувьсгалын 96 жилийн ойн баяр наадам дэлгэр дүүрэн эхэлж байна.

Монголын үндэсний өдөр тутмын хэвлэл “Өдрийн сонин” нийт уншигч, захиалагч, хамтран ажилладаг түнш байгууллагууд, реклам сурталчилгаагаа нийтэлдэг аж ахуйн нэгж компаниуддаа Үндэсний их баяр наадмын мэндчилгээ дэвшүүлж байна. “Өдрийн сонин”-ы хувьд Монголын шилдгийн шилдэг сониноор шалгарч, сэтгүүлчид маань хэвлэл мэдээллийн салбарын тэргүүн дээд шагналуудыг хүртэж, хийж бүтээсэн өгөөжтэй сайхан жил үргэлжилж байна. Монголын гурван сая гаруй иргэн буюу хамгийн олон хүн “Өдрийн сонин”-оос мэдээлэл авч, мэдлэгээ тэлсэн гайхалтай мэдээг судалгааны байгууллагууд гаргаад байгаа билээ. Манай сонинтой хамтран ажилладаг харилцагчид Та бүхний улс орондоо бүтээн байгуулж буй ажил үйлс тань дэвшин дээшилж, бизнесийн үйл ажиллагаа тань улам амжилтад хүрэхийг хүсэн ерөөе.

Домгийн шувуу үргээж монгол наадам эхэллээ

Дорнын хөх тэнгэрийг донсолгож хүлэг морьд эргэлээ

Дэлхий дүүргэж дэвээд хүчит бөхчүүд гарлаа

Дээлтэй наадмын хойморт дархан нум эвшлээ

Хотол түмнээрээ сайхан наадаарай.

“ӨДРИЙН СОНИН” ӨГЛӨӨ БҮР ТАНТАЙ ХАМТ

Тулгар төрийн 2226, Их Монгол Улсын 811, Ардын хувьсгалын 96 жилийн ой, Үндэсний их баяр наадамд зориулан өчигдөр орой “Улаанбаатарын үдэш” шоу тоглолт төв талбайд боллоо.

Жил бүрийн улсын баяр наадмын 11-ний орой нийслэлчүүдийг цуглуулдаг арга хэмжээ болж, нэгэнт уламжлал болжээ, энэ цэнгүүн. Цэнгүүнд урлаг соёлынхон оролцож ая дуугаа өргөсөн юм. Гэрэл зургийн сурвалжлагаар хүргэж байна.

Тулгар төрийн 2226, Их Монгол Улс байгуулагдсаны 811, Ардын хувьсгалын 96 жилийн ойн үндэсний их баяр наадмын гурвын даваа үргэлжилж байна. Энэ даваанд улсын заан Б.Батмөнх Увс аймгийн харьяат аймгийн Д.Болдбаатарт өвдөг шороодлоо. Улсын цолонд олон жил нэр нь яригдаж буй аймгийн хурц арслан Ш.Мөнгөнбаатар улсын харцага А.Бямбажаваар гурав давлаа. Мөн бүх цэргийн наадмын түрүү бөх аймгийн хурц арслан Б.Хишигбаатар улсын начин Г.Баасандоржоор гурав даваад байна. Ингээд гурвын давааны төгсгөлийн дүйзийг хүргэе. Энэ даваанд Хөвсгөл аймгийн харьяат улсын начин Ч.Хөхчирэнгэр аймгийн арслан, уран барилдаант бөх Шархүүгийн Пүрэвгарьд нарыг хэнч амлалгүй тунагалаа.

• Т.Өсөх-Ирээдүй у.х О.Гантулга а.а
• А.Цацавшир у.х Б.Заяамандах у.н
• Д.Батболд у.х Н.Золбоо а.а
• Н.Батзаяа у.х Б.Ганбаатар а.а
• Т.Баасанхүү у.х Б.Батдорж а.а
• Ө.Даваабаатар у.х Б.Батжаргал а.а
• А.Бямбажав у.х Ш.Мөнгөнбаатар а.а
• Н.Түвшинбаяр у.х Ж.Алтаншагай а.а
• Н.Жаргалбаяр у.х Д.Тангад а.а
• Б.Бат-Өлзий у.х Д.Тогтохжаргал а.а
• Х.Гантулга у.х Э.Ванданцэрэн у.н
• Д.Бат-Эрдэнэ у.х Л.Гантулга у.н
• Э.Энхбат а.а А.Хосбаяр а.а
• Л.Цэрэннтогтох у.н А.Отгонбаатар а.а
• Ч.Баянмөнх у.н Б.Отгонбаатар а.а
• С.Батсуурь у.н М.Эркебулан а.а
• Б.Сангисүрэн у.н Б.Амарсайхан ун.
• А.Батмөнх у.н Б.Сандагдорж а.а
• Б.Амарзаяа у.н Т.Бэгзсүрэн
• Ч.Цогбаяр у.н Н.Батсайхан а.а
• Ж.Чулуунбат у.н Ж.Наранбаатар а.а
• Ц.Одбаяр у.н Д.Тамир а.а
• Ч.Батчулуун у.н Д.Амаржаргал а.а
• Б.Бадамсүрэн у.н Б.Суманчулуун у.н
• Л.Лха-Очир у.н Т.Пүрэвсүрэн а.а
• Г.Баасандорж у.н Б.Хишигбаатар а.а
• Ш.Шинэбаяр у.н Б.Серик а.а
• Ч.Ганзориг у.н Т.Сайханжаргал а.а
• Б.Батжаргал у.н Л.Батзориг у.н
• Б.Ганхуяг у.н Ц.Чимэддорж у.н
• Д.Анар у.н Б.Бат-Эрдэнэ а.а
• Ч.Хөхчирэнгэр у.н Ш.Пүрэвгарьд а.а

Ө.МАНЛАЙ

Тулгар төрийн 2226, Их Монгол Улс байгуулагдсаны 811, Ардын хувьсгалын 96 жилийн ойн үндэсний их баяр наадмын гурвын даваа үргэлжилж байна. Энэ даваанд улсын арслан Х.Мөнхбаатар, До.Ганхуяг, улсын гарьд И.Доржсамбуу, Д.Рагчаа нар тахимаа өгөөд байгаа тухай мэдээллийг бид өмнө нь хүргэсэн. Мөн аварга, арслан, гарьдууд хэн хэнийг амласныг хүргэсэн. Харин одоо гурвын давааны оноолтыг үргэлжлүүлэн хүргэе. Улсын цолонд хамгийн ойр яваа Ховдын О.Хангай, Увсын Ц.Мөнхбаяр, Архангайн М.Бадарч, Хөвсгөлийн Б.Даваа-Очир нар гурав даваад байна.

• Ж.Бат-Эрдэнэ у.г Б.Адъяахүү у.н
• Ш.Жаргалсайхан у.г Ц.Лхагвасүрэн у.н
• Ц.Мягмарсүрэн у.з Ц.Мөнхбаяр а.а
• Д.Бумбаяр у.з О.Хангай а.а
• Д.Баасандорж у.з Г.Алтангэрэл у.х
• М.Өсөхбаяр у.з Ж.Амартүвшин у.х
• Б.Батмөнх у.з Болдбаатар а.з
• Б.Пүрэвсайхан у.х Д.Батсайхан а.з
• Т.Санчир у.з Буянжаргал а.а
• Д.Амгаланбаатар у.з Г.Ганжад а.а
• Б.Соронзонболд у.з Ш.Мөнх-Од а.а
• Ц.Содномдорж у.х Т.Амартүвшин у.х
• Г.Элбэг у.х Б.Даваа-Очир а.а
• Т.Мөнгөнцоож у.х М.Бадарч а.а
• Ш.Уламбаяр у.х Ш.Дарханбат а.а
• Ө.Бат-Орших у.х Б.Баянмөнх а.а

Ө.МАНЛАЙ

Аялж зугаалж байх үедээ гол гатлах шаардлагатай тулгардаг. Хэрвээ гаталж байхад машин унтарвал асаах үйлдэл хийхгүйгээр даруй татаж гаргаад доорх дарааллаар шалгана уу.

Таны машин БЕНЗИН хөдөлгүүртэй бол

Аливаа голоор гарахын өмнө гарам байгаа эсэхийг шалгах, ус ихтэй үед нутгийн хүмүүсээс хаагуур гарч болохыг лавлаж асуух, залгууралгүй бууж усны төвшинг шалгах хэрэгтэй.

Хэрвээ голоор гаталж байхад САЛОНД УС ОРЖ ирсэн бол дараах дарааллаар цэвэрлэж, үнэргүй болгоно.

• Mашин доторх сандлуудыг авч хивсэнцэрийг хуулна
• Цахилгаан залгууруудыг салгана
• Бүх хаалга цонхийг нээж хатаах хэрэгтэй.
• Хэрвээ хэт гүнзгий ус туулсан, салон бүхэлдээ усанд автсан бол машины компьютерууд усанд орсон байх магадлалтай. Энэ үед аккумуляторыг салгаж ECU-г яаралтай бүрэн хатаах хэрэгтэй.

Хивсэнцэрийг хуулаагүй удсанаас болж хивсэнцэрийн доорх цулхай өмхийрч, эвгүй үнэр гаргах. Мөн шалаар явсан цахилгааны утсанд масс өгөх, цахилгаан утасны шонг гэмтээх, хөндийрүүлэх улмаар аль нэг систем ажиллагаагүй болох эрсдэлтэй байдаг.

Улс үндэсний их баяр наадмаар монгол хүн бүр наадмын хуушуур худалдаж авахыг хүсдэг. Гэвч та баяр наадмын өдрүүдэд хуушуур худалдан авахаасаа өмнө энэ зөвлөмжийг нэг уншаарай. Нийгмийн эрүүл мэндийн үндэсний төвөөс иргэн танд хандаж гаргасан зөвлөмжийг хүргэж байна.

1. Борлуулж буй газрын ажиллагсад нь ариун цэвэр сахиж, малгай бээлий өмссөн байдлыг ажиглан худалдаж авахаа шийдэх
2. Та аль болох шинэ тосонд чанасан, шинэ халуун хуушуурыг хүнсний зориулалтын сав, баглаа боодолд хийлгэх
3. Шинэ тосонд чанасан хуушуурын өнгө цайвар шаргал байхад, хуучин тосонд чанасан тохиолдолд илүү бараан байдаг. Учир нь хуучин тосонд олон төрлийн урвал явагдаж, улмаар хавдар үүсгэх магадлалтай аюултай бодис үүссэн байдгийг судлаачид тогтоосон байдаг.
4. Ялангуяа хуучин тосонд чанасан хуушуурыг хэрэглэснээр ходоод, гэдэсний хямрал үүсэх магадлалтай тул анхаарна уу?
5. Худалдан авсан хуушуур болон бусад түргэн муудах бусад хоол хүнсийг халуунд удаан хадгалаж болохгүй тул худалдан авсан даруйдаа хэрэглээрэй.
6. Та хуушуур идэхийн өмнө гарын ариун цэврээ сахиарай.