Month: July 2017

Тулгар төрийн 2226, Их Монгол Улсын 811, Ардын хувьсгалын 96 жилийн ой, Үндэсний их баяр наадмын дааганы уралдаанд 254 даага бүртгүүлсэн ч гарааны зурхайгаас 71 гаруйхан даага гарчээ.

Дөрвийн даваа үргэлжилж байна. Э.Оюунболд арслан маргаантайхан дөрөв даваад байна. Тэрээр дөрвийн даваанд Хөвсгөл аймгийн арслан Б.Даваа-Очиртой хүч үзсэн юм. Даваа-Очирын хувьд тахимаа өгсөнгүй. Олимпийн аварга Н.Түвшинбаяр өнгөрөгч жил начин цол шинээр хүртсэн Ц.Чимэддоржоор дөрөв давсан бол уран барилдаант харцага Ө.Даваабаатар мөн шинэ начин Ч.Хөхчирэнгэрээр дөрөв давлаа. Архангай аймгийн Цэнхэр сумын харьяат аймгийн арслан М.Бадарч улсын заан Б.Соронзонболдоор даваагаа ахиуллаа.

Ингээд дөрвийн давааны оноолтын төгсгөлийг хүргэе.

• Т.Санчир у.з Б.Серик а.а
• Б.Соронзонболд у.з М.Бадарч а.а
• Ц.Содномдорж у.х О.Гантулга а.а
• Ө.Бат-Орших у.х Н.Золбоо а.а
• А.Цацавшир у.х Ш.Мөнгөнбаатар а.а
• Н.Батзаяа у.х Б.Хишигбаатар а.а
• Т.Баасанхүү у.х Б.Амарсайхан у.н
• Ө.Даваабаатар у.х Ч.Хөхчирэнгэр у.н
• Н.Түвшинбаяр у.х Ц.Чимэддорж у.н
• Н.Жаргалбаяр у.х Б.Батжаргал у.н
• Б.Бат-Өлзий у.х Л.Лха-Очир у.н
• Х.Гантулга у.х Б.Бадамсүрэн у.н
• Д.Бат-Эрдэнэ у.х Ч.Батчулуун у.н
• Э.Энхбат а.а Ц.Чулуунбат у.н
• Л.Цэрэннтогтох у.н Ч.Цогбаяр у.н

Дөрвийн давааны эхний дүйзийн барилдаанууд шуугиантай болж байна. Өнөө жилийн наадамд их дээшээ барилдана гэж олны таамаглаж байсан төрийн наадмын түрүү бөх улсын арслан Намсрайжавын Батсуурь Булган аймгийн Бүрэгхангай сумын харьяат аймгийн арслан Дармаагийн Тамирт өвдөг шороодлоо. Мөн ардын багш улсын аварга О.Балжинням Архангай аймгийн заан Ж.Дагва-Очирт тахимаа өглөө. Мөн улсын заан Б.Пүрэвсайхан аймгийн арслан О.Хангайд, улсын заан Т.Санчир аймгийн арслан Б.Серикт, улсын харцага Н.Батзаяа аймгийн арслан Б.Хишигбаатарт, улсын гарьд Ш.Жаргалсайхан аймгийн арслан Г.Ганжадад тус тус өвдөг шороодоод байна.

Ө.МАНЛАЙ

Үндэсний их баяр наадмын дөрвийн давааны оноолт маш халгаатай хатуу таарлаа. Тэр дундаас үзэгчдийг суудлаас нь өндөлзүүлсэн оноолт нь өнөө жилийн наадмын түрүү үзүүрт яригдаж буй Ховд нутгийн хоёр залуу хүчтэн болох улсын заан Б.Пүрэвсайхан аймгийн арслан О.Хангайтай оноолт таарлаа. Ингээд дөрвийн давааны эхний дүйзийн оноолтыг танилцуулъя.

• Г.Өсөхбаяр да.ав Д.Болдбаатар
• О.Балжинням у.ав Ж.Дагва-Очир а.з
• Г.Эрхэмбаяр у.ав Л.Отгонбаатар а.з
• Ч.Санжаадамба у.ав Т.Сайханжаргал а.а
• С.Мөнхбат у.ав Ц.Сандагдорж а.а
• П.Бүрэнтөгс у.а Ц.Мөнхбаяр а.а
• Н.Батсуурь у.а Д.Тамир а.а
• Э.Оюунболд у.а Б.Даваа-Очир а.а
• Д.Азжаргал у.а М.Эркебулан а.а
• Р.Пүрэвдагва у.а Б.Шаравнямбуу а.а
• Н.Ганбаатар у.а Т.Бэгзсүрэн а.а
• Б.Гончигдамба у.г Б.Отгонбаатар а.а
• Ж.Бат-Эрдэнэ у.г Ш.Дархабат а.а
• Ш.Жаргалсайхан у.г Г.Ганжад а.а
• Д.Баасандорж у.з Го.Отгонбаатар а.а
• М.Өсөхбаяр у.з Б.Бат-Эрдэнэ а.а
• Б.Пүрэвсайхан у.х О.Хангай а.а
• Б.Соронзонболд у.з М.Бадарч а.а

Ө.МАНЛАЙ

Хурдан соёолонгийн түрүүг авсан “Унаган хурд” гал дээр Асашёорюү Д.Дагвадорж өнөөдөр наадаж байна. Тэрбээр, “ Сэтгэл санаа, хийморь лундаа сэргээд сайхан байна. Өнөөдөр төв цэнгэлдэх явахгүй, эндээ өнжинө. Монгол түмэн минь сайхан наадаарай. Та бүхний залбирч шүтэж байгаа бөхчүүд үзүүр түрүүнд үлдэж, хүссэн цолондоо хүрэхийг хүсэн ерөөе” гэлээ.

Үндэсний их баяр наадмын гурвын даваа шувтарч, дөрвийн даваа хэдхэн мөчийн дараа эхлэх гэж байна. Гурвын даваанд улсын арслан Х.Мөнхбаатар, До.Ганхуяг, улсын гарьд И.Доржсамбуу, Д.Рагчаа, улсын заан Б.Батмөнх, улсын начин Б.Амарзаяа, Ц.Одбаяр, Ч.Ганзориг гээд олон хүчтэй бөхчүүд өвдөг шороодсон. Улсын цолонд яригдаж байсан бөхчүүдээс Завхан аймгийн харьяат уран барилдаант бөх Ш.Пүрэвгарьд, Булган аймгийн арслан Д.Амаржаргал, Ховд аймгийн арслан Н.Батсайхан, “Хилчин” спорт хорооны бөх аймгийн арслан Б.Ганбаатар, Б.Батдорж гээд олон шилдэг залуучууд тахимаа өгч дараа жилийн наадмыг хүлээхээс өөр аргагүй боллоо.

Харин Ш.Мөнгөнбаатар, О.Хангай, М.Бадарч, О.Гантулга, Ц.Мөнхбаяр, Т.Сайханжаргал, Б.Хишигбаатар, Б.Даваа-Очир, Б.Сандагдорж, Б.Бат-Эрдэнэ, Д.Тамир, Ш.Дарханбат нарын залуучууд гурав даваад байна. Тэд дөрвийн даваанд хүчтэй заан, харцагуудтай цолны эрэмбээр оноолт таарах юм. Ж.Дагва-Очир, Л.Отгонбаатар, Д.Болдбаатар нарын аймгийн заанууд цолны эрэмбээр Г.Өсөхбаяр, О.Балжинням, Г.Эрхэмбаяр нарын аваргуудтай учраа таарна. Оноолт хэрхэн гарахыг бөх сонирхогчид сэтгэл догдлон хүлээж сууна.

Ө.МАНЛАЙ

Үндэсний их баяр наадмын өдөр буюу өчигдөр Эх нялхаст 28 хүүхэд мэндэлжээ. Дуу хадаан төрсөн бяцхан үрсийн 17 нь хүү бол 11 охин аж. Мөн хоёр ээж ихэр хүүхдүүд төрүүлсний нэгнийх нь ихэр хоёулаа эрэгтэй хүүхэд бол нөгөө ихэрүүд эрэгтэй, эмэгтэй юм байна. Ихэрүүд 2.250-3300 жинтэй төржээ. Ихэр хүүхдүүд хийсвэрээр төрсөн ч эх, хүүхдийн биеийн байдал сайн байгаа гэж Эх нялхасын төрөх тасгийн лавлагааны төвөө мэдээлэл өглөө. Тус эмнэлгийн төрөх тасаг баяр наадмын өдрүүдэд багагүй ачаалалтай багйаа ажээ. Монголын үрс маш олон болтугай.

Н.ГАН

Улсын баяр наадмын өдрүүдэд эхлэхтэй зэрэгцэн хэд хэдэн аймгийн баяр наадам өндөрлөсөн. Тэгвэл өнөө жилийн аймгуудын наадмаас хэд хэдэн аймгийн арслан төржээ.

Увс аймаг

Увс аймгийн Тэс сумын харъяат аймгийн харцага Н.Хүрэлсүх түрүүлж аймгийн арслан цол, Увс аймгийн Зүүнговь сумын харъяат аймгийн харцага Т.Хайдав үзүүрлэж аймгийн заан цол хүртсэн байна.

Өвөрхангай аймаг

Өвөрхангай аймгийн Зүүнбаян-Улаан сумын харьяат Их монголын хүчтэн дэвжээний бөх аймгийн залуу харцага Баянзулын Цэдэнсодном түрүүлж аймгийн арслан цол хүртжээ.

Говь-Алтай аймаг

Өнөө жил тус аймагт Халиун сумын харъяат аймгийн заан Д.Буянт түрүүлж Аймгийн арслан цол хүртсэн бол аймгийн харцага Д.Ганцоож үзүүрлэж Аймгийн заан цол хүртсэн байна.

Архангай аймаг

Өнөө цагийн хүчтэнүүдийн өлгий нутаг Архангай аймагт Хотонт сумын харъяат аймгийн заан Л.Жамбал түрүүлж аймгийн арслан боллоо. Түүний хувьд өнгөрсөн жил мөн нутгийнхаа наадамд сайн барилдаж үзүүрлэж байсан удаатай.

Хэнтий аймаг

Хэнтий аймгийн наадамд энэ жил 18 настай залуу хүү түрүүлжээ. Сүүлийн жилүүдэд жүдо бөхөөр хичээллэн олонд танигдаж эхлэж байгаа О.Цэцэнцэнгэл тус аймагт түрүүлж, залуу авъяастнуудын буухиаг үргэлжлүүлжээ.

Мөн Ховд аймгийн баяр наадамд н.Адъяа, Дархан-Уул аймагт С.Очирбат, Сүхбаатар аймагт н.Зоригтбаатар нарын залуус түрүүлж шинээр аймгийн арслан цол хүртсэн мэдээтэй байна.