Тулгар төрийн 2226 жил, Их Монгол Улсын 811 жил, Ардын хувьсгалын 96 жилийн ойн их баяр наадмын Үндэсний сурын харвааны эрэгтэй, эмэгтэй шигшээ харваа энэ цагт Сурын талбайд болж байна. Эрэгтэйчүүдээс 40 сумнаас 37 оноогоор улсын мэргэн Баасанхүүгийн Ёндон түрүүлж, улсын даян мэргэн цолны болзол хангалаа. Удаах байруудад спортын мастер Б.Бумцэнд 36 оноогоор улсын гарамгай мэргэн, спортын мастер Б.Хатансайхан 35 оноогоор гоц мэргэн цолны болзол хангав. Энэ жилээс эхлэн улсын их баяр наадмын дэд, гуравдугаар байрт орсон харваачдад шинээр цол олгохоор болсон билээ.
Эрэгтэй шилдэг наймд дараах харваачид шалгаран үлдлээ. Тодруулбал,
Эрэгтэй: \36 оноо\
Спортын мастер Б.Бумцэнд – 34 оноо \Баян-Өлгий аймаг, Алтанцөгц сумын харьяат, “Мондэ” багийн харваач\
Гавьяат тамирчин, улсын дархан мэргэн Ц.Хүдэрчулуун -33 \Дорнод аймаг, Баян-Уул сумын уугуул, Баянзүрх дүүрэг, “Бурхан халдун” групп\
Улсын мэргэн Б.Ёндон – 33 оноо \Завхан аймгийн Дөрвөлжин сумын уугуул, ХХЕГ 208р анги, “Хилчин” спорт хороо, Есүйнхэн мэргэн клуб\
Спортын мастер, аймгийн мэргэн А.Энхтөр – 33 \Архангай аймаг, Эрдэнэбулган сумын уугуул, Орхон аймаг, “АПУ Трейдинг” компани, “Хангарьд” спорт хороо\
Спортын мастер Ж.Насанбат – 32 оноо \Төв аймгийн Эрдэнэсант сумын уугуул, Төв аймаг Зуун мэргэн холбоо, Макс-Эксим компанийн харваач\
Спортын мастер Б.Хатансайхан – 32 оноо \Завхан аймгийн Тэс сумын уугуул, Худалдаа хөгжлийн банкны ажилтан, Налайх дүүрэг “Мондэ” компани\
Улсын даяар дуурсах мэргэн Л.Отгонбаяр –31 оноо \Ховд аймгийн Булган сумын уугуул, Орхон аймгийн Уулын баяжуулах “Эрдэнэт” үйлдвэр “Хангарьд” спорт хороо\
Спортын мастер, аймгийн мэргэн М.Баясгалан – 31 оноо \Говь-Алтай аймгийн Баян-Уул сумын уугуул, “Засагт хан” клуб, “МОН СО БАЯН” компанийн хүч бөөний төвийн харваач\ тус тус шалгаран үлдсэн.
Тулгар төрийн 2226 жил, Их Монгол Улсын 811 жил, Ардын хувьсгалын 96 жилийн ойн их баяр наадмын Үндэсний сур харвааны эмэгтэй харваа өндөрлөлөө. Энэ жилийн баяр наадамд спортын мастер Батбаярын Баярчимэг 40 сумнаас 34 онож, улсын мэргэн цолны болзол хангалаа. Тэрбээр Дорнод аймгийн Дашбалбар сумын уугуул, “Алдар” спорт хорооны тамирчин, Зэвсэгт хүчний 284 дүгээр анги, “Жем интернэйшнэл” компанийн харваач юм. Удаах байруудад спортын мастер Б.Аззаяа 33 оноогоор, улсын мэргэн Б.Пунсалдулам 31 оноогоор орж гарамгай, гоц мэргэн цолны болзол хангав.
Тулгар төрийн 2226, Их Монгол улсын 811, Ардын хувьсгалын 96 жилийн ойн их баяр наадам Үндэсний бөхийн зургаагийн даваагаар үргэлжилж байна. Наадмын үеэр цагдаа, хүчний байгууллагынхан өндөржүүлсэн бэлэн байдалд, баярлах ч завгүйгээр наадамчин олныхоо тав тух, амар тайван байдлыг ханган ажиллаж байна.
Тулгар төр байгуулагдсаны 2226 жил, Их Монгол Улсын 811 жил, Ардын хувьсгалын 96 жилийн ойн баярт зориулсан баяр наадмын бөхийн барилдааны зургаагийн даваа үргэлжилж байна.
Тулгар төрийн 2226, Их Монгол Улсын 811, Ардын хувьсгалын 96 жилийн ой, Үндэсний их баяр наадмын хурдан дааганы уралдаан өнөөдөр болж өнгөрсөн. Хурдан морины салбар хорооноос уралдааны дүнг удаан хүлээлгэсний эцэст хүргэлээ. Салбар хорооны шийдвэрээр түрүү болон аман хүзүүлж орж ирсэн хоёр даагыг эрлийз гэсэн үндэслэлээр хассан тухайгаа мэдээлэв. Энэ талаар Хурдан морины салбар хорооны нарийн бичгийн дарга Ч.Галбадрах ярихдаа “Барианд орохдоо түрүүлж ирсэн хоёр даага байгаа. Нэг нь Монгол Улсын тод манлай Бат-Эрдэнийн зээр даага, хоёрт Баянхонгор аймгийн Богдын Д.Ганболдын хонгор даага байсан юм. Энэ хоёр даагыг комиссын шийдвэрээр хаслаа. Энэ хоёр нь анхны үүлдэрлэг байдлыг тогтооход уягдаж хасагдсан. Уягдсан хоёр даагыг хамгаалалтын ажилчдын нэг тавьж явуулсан байна. Хэн тавьж явуулсныг цагдаагийн байгууллага удахгүй тогтооно. Уг хоёр даага үүлдэрлэг байдлаараа хасагдсан нь манай бүртгэлд баталгаажсан байгаа. Сая дахин шинжихэд сэрвээний өндөр болон гадаад үүлдэрлэг байдал нь эрлийз байна гэсэн үндэслэлээр хасч бусад даагуудыг урагшлуулж байгаа юм” гэлээ.
Улсын аварга Ч.Санжаадамба аймгийн арслан Г.Ганжад нарын барилдаан маргаан дагуулж, дуулиан шуугиан дэгдээгээд байна. Хөлийн цэц Ч.Санжаадамба аваргыг унасан, Ганжадыг давсан гэх шийдвэр гаргасан. Ингээд аваргыг тахимаа өгөхийг шаардсан. Үүнд Санжаадамба эсэргүүцэл үзүүлж, телевизийн бичлэгийг харуулж байна. Мөн тэрээр наадамчиддаа хандаж үг хэлсэн юм. “Хэрвээ би уначихсан бол шууд тахимаа өгнө. Илт давчихсан, өрсөлдөгч бөхийн тохой түрүүлж хүрсэн, хэдэн талаас нь авсан бичлэг байхад би тахимаа өгөхгүй” хэмээн мэдэгдэж байна. Ингээд Ч.Санжаадамба аварга тугаа тойрсон. Цэнгэлдэхэд шуугиан намжаагүй байна.
Монгол Улсын Ерөнхийлөгч Х.Баттулга өнөөдөр өглөө эртлэн Хүй долоон худагт очиж хурдан соёолонгийн уралдаан үзэж сонирхлоо. Соёолонгийн уралдаанд Архангай аймгийн Батцэнгэл сумын харьяат Г.Батбаатарын саарал үрээ тод магнай болж торгон жолоогоо өргүүллээ.
Тавын даваанд Ч.Санжаадамба аварга Төв аймгийн харьяат аймгийн арслан Г.Ганжадтай хүч үзсэн. Барилдаан маргаантай болсон. Хөлийн цэцийн шийдвэр Г.Ганжадыг давсанд тооцсон. Гэвч Санжаадамба эсэргүүцэж байна. Телевизийн бичлэгийг хөлийн цэц Д.Мягмар заан нарт үзүүллээ. Тэрээр Төв аймгийн харьяат улсын заан Ц.Баярсайхан нар нутгархаж шийдвэр гаргалаа хэмээн үзэж байна. Ийнхүү өнгөрөгч жилийн түрүү бөх Санжаадамба аваргын барилдаан маргаантай байгаа бол түрүү жилийн үзүүр бөх улсын арслан Р.Пүрэвдагва улсын харцага А.Цацавширт барьц сонгуулиад өвдөг шороодлоо.