Энэ сарын 28-наас 30-нд Архангай аймгийнхан тус аймгийн Булган сумын харьяат, Монгол Улсын гавьяат тамирчин (1998), Монгол Улсын арслан Д.Мөнх-Эрдэнэд хүндэтгэл үзүүлж, наадам зохион байгуулахаар төлөвлөжээ.
Мөнх-Эрдэнэ арслангийн эцэг Дуламжавын аав Гомбосүрэн асар их хүч чадалтай нэгэн байсан ч лам хүн учир олигтой барилдаагүй байна. Харин ээжийнх нь ах Дэндэв аймгийн арслан цолтой, мөн ээжийнх нь төрөл “Бүргэд” хочтой Очир гэж шаггүй барилдаанч хүмүүс байсан аж. Д.Мөнх-Эрдэнэ нийслэлийн 28-р сургуульд сурч байхдаа Монголын пионерийн ордны бөхийн дугуйланд Гомбо багшийн шавь болсноор бөх болох замнал нь эхэлжээ.
Тэрбээр 1991 онд 5 давж улсын начин, 1992 онд 8 давж үзүүрлэн улсын заан, 1993 онд 8 давж үзүүрлэсэн билээ. Мөн 1994 онд 6 давж, 1995 онд 8 давж үзүүрлэн улсын арслан цол хүртсэн. Улмаар 1996 онд 8 давж үзүүрлэсэн бол, 1997 онд 8 давж үзүүрлэсэн. 1998-2002 онуудад тус тус 6 даван наадамчин олноо баясгасан хүчтэн билээ.
Дашрамд дурдахад, Дуламжав дөрвөн охин, хоёр хүүтэй бөгөөд Мөнх-Эрдэнийн дүү Мөнхбаяр 1998 онд Төв аймгийн баяр наадамд үзүүрлэж, аймгийн заан цол хүртэж байжээ.
Тулгар төрийн 2226, Их Монгол Улс байгуулагдсаны 811, Ардын хувьсгалын 96 жилийн ойн баяр наадам уяачдын бараар Хүй долоон худагт өнөөдөр үргэлжилж байна. Энэ үеэр бөхийн барилдаан болж байгаа билээ. Уяачдын баярт 64 бөх зодоглож байгаа бөгөөд Улсын начин Алтанхуяг, аймгийн арслан Баярбаатар нарын улс аймгийн цолтой бөхчүүд зодоглож байгаа юм.
“PlayTime 2017” амьд хөгжмийн наадам долдугаар сарын 14-16-ны өдрүүдэд Монгол Шилтгээнд болно. 
Дулааны улиралд Онцгой байдлын албанд иргэдээс ирдэг дуудлагын ихэнх хувийг гол усны ослын дуудлага зонхилдог байна. Иргэдийн санамсар болгоомжгүй байдал, бага насны хүүхдийг хараа хяналтгүй орхисноос, согтууруулах ундаа хэрэглэсэн үедээ гол усанд орох зэрэг шалтгаанаар гол усны осол гарч байна.
Тулгар төрийн 2226, Их Монгол Улсын 811, Ардын хувьсгалын 96 жилийн ой, Үндэсний их баяр наадам өнөөдөр Хүй долоон худагт үргэлжилж байгаа билээ. Уяачдын наадмын үеэр жороо морьдын уралдаан болсон юм. Жороо морьдын уралдааныг Булган аймгийн Рашаант сумын уяач Д.Жаргалсайханы цавьдар морь өнгөлж, тод магнай торгон жолоо өргүүлжээ. Аман хүзүүнд Өвөрхангай аймгийн Баян-Өндөр сумын С.Мөнхбаярын харлаг, гуравт Сэлэнгэ аймгийн Мандал сумын Батнарангийн хээр, дөрөвт Архангай аймгийн Эрдэнэмандал сумын Даваадоржийн хээр, тавд Сэлэнгэ аймгийн Сант сумын Батмөнхийн хүлэг тус тус айргийн тавд оржээ.
Тулгар төрийн 2226, Их Монгол Улсын 811, Ардын хувьсгалын 96 жилийн ой, Үндэсний их баяр наадмын барилдаанд хүчит 512 бөх уран мэхээ уралдуулж, хүч бяраа сорьсон. Тэдний дундаас монгол түмний хайртай хүү, олимпийн аварга, найдлага алдаж үзээгүй Найдангийн Түвшинбаяр үнэн хүч, урам мэхээ уралдуулж заан цолны болзол хангаж монгол түмнийг баясгасан билээ. Тэгвэл өнөөдөр Хүй долоон худагт Уяачдын наадмын үеэр Улсын заан Н.Түвшинбаярт хүрэл медаль, долоон сая төгрөгийн бай шагналыг нь өгсөн байна.
