Кыргызстаны нийслэл Бишкек хотноо 2017 оны өсвөр үе, залуучуудын Азийн аварга шалгаруулах тэмцээн үргэлжилж байгаа билээ. Тэмцээний эхний өдөр өсвөр үеийн ангилалын хөнгөн жингийн барилдаанууд явагдахад хөвгүүдийн 60 кг-ын жинд Увс аймгийн Тэс сумын харьяат 2015 оны өсвөр үеийн ДАШТ-ий хүрэл медальт “Женко” клубийн тамирчин Баянмөнхийн Нармандах алтан медаль хүртлээ.
Тэрбээр эхний тойрогтоо Тажикстаны бөхийг хоёр вазари үнэлгээгээр буулгаж авсан бол хэсгийн аваргын төлөө Казахстаны бөхийг 2:09 минутад вазари үнэлгээгээр хожиж яваад иппон буулгасан. Харин хагас шигшээд Узбекистаныг, аваргын төлөө БНСУ-ын бөхчүүдийг тус бүр нэг вазари үнэлгээгээр ялж, тивийн аварга болсон байна. Мөн энэ өдөр 55 кг-ын жинд Женко клубийн тамирчин Бямбасүрэнгийн Сүхбат, 50 кг-д Чингэлтэй дүүргийн тамирчин Ганбүргэдийн Тэмүүжин нар мөнгөн медаль хүртлээ. Мөн охидын 44 кг-ын жинд олимпийн медальт Галбадрахын Отгонцэцэгийн төрсөн дүү Цэрэндолгорын Отгончимэг мөнгөн медаль, Монголын жүдо академийн тамирчин Лхагвасүрэнгийн Сосорбарам, Хан-Уул дүүрэг “Женко” клубийн тамирчин Алтанхундагын Номуундалай нар хүрэл медаль хүртлээ.
Амралт, аялал зугаалгын улирал эхэлж, хэт халуун өдрүүд үргэлжилж байгаа тул иргэд Та бүхэн амралт, чөлөөт цагаа өнгөрүүлэхдээ гол, усны ойролцоо амарч зугаалахгүй байх. Бага насны хүүхдэд тавих хараа, хяналтаа сайжруулах, голын эрэг дагуу хүүхдийг явуулахгүй, тоглуулахгүй байх. Согтууруулах ундаа хэрэглэхгүй, байгаль орчныг бохирдуулахгүй байх. Тээврийн хэрэгслийн жолооч нар баталгаатай зам, гүүрээр зорчиж гол усанд унах, осолдох эрсдэлээс урьдчилан сэргийлэхийг Хан-Уул дүүргийн онцгой байдлын хэлтсээс анхааруулав.
Үндэсний их Тулгар төрийн 2226, Их Монгол улсын 811, Ардын хувьсгалын 96 жилийн ой, Үндэсний их баяр наадмын өдрүүдэд банкуудын ажиллах хуваарийг хүргэж байна.
ТУЛГАР ТӨР БАЙГУУЛАГДСАНЫ 2226, ИХ МОНГОЛ УЛСЫН 811, ҮНДЭСНИЙ ЭРХ ЧӨЛӨӨНИЙ ХУВЬСГАЛЫН 106, АРДЫН ХУВЬСГАЛЫН 96 ЖИЛИЙН ОЙН БАЯРЫН ӨДРҮҮДЭД ХУДАЛДАА, ҮЙЛЧИЛГЭЭНИЙ ГАЗРУУДЫН АЖИЛЛАХ ЦАГИЙН ХУВААРИЙГ ХҮРГЭЖ БАЙНА.
Үндэсний Соёл Амралтын Хүрээлэн энэ сарын долооноос 23-ны өдрийг хүртэл “Найздаа туслая” аяныг зохион байгуулж байна. Аяны хүрээнд хүүхдийн паркт дөрвөн ширхэг шагай хандивлаад долоон тоглоомтой 20,000 төгрөгний “cool” багц, 10 тоглоомтой 25,000 төгрөгний “super” багцын тасалбаруудыг 50 хувь хямдруулан авах боломжтой ажээ. Үндэсний соёл амралтын хүрээлэн эдгээр шагайнуудаар хүүхдийн тоглоом бүтээх юм. 
Малчид, тээвэрчид, наадамчдын анхааралд: Ойрын өдрүүдэд ихэнх нутгаар өдөртөө бүгчим халуун байх тул наршихаас болгоомжлохыг анхааруулж байна. 
Михаэл Мюллер нь Берлин хотын Темпелхофт 1964 онд төржээ. Тэрээр Германы Социал-Демократ намын гишүүнээр 1981 онд элссэн. 2014 оны арванхоёрдугаар сарын 11-ээс Берлийн хотын даргаар ажиллаж эхэлжээ. Тэрээр эхнэр, хоёр хүүхдийн хамт амьдардаг. Берлин хотын захирагчийн ажлыг хүлээж авснаасаа хойш Германы нийслэлийн Темпелхоф нисэх онгоцны буудлыг орон сууцны хороолол болгох төслийг санал болгосон. Харамсалтай нь Берлин хотын оршин суугчид уг төслийг дэмжээгүй. Түүний хувьд Михаэл Мюллер нь Европын Соёлын асуудал хариуцсан хорооны гишүүнээр давхар ажилладаг. 
АНУ-ын Ерөнхийлөгч Д.Трамп Францад төрийн айчлал хийж байгаа билээ. Тэрээр өчигдөр Францын Ерөнхийлөгч Э.Макронтой хэлэлцээ хийхдээ хоёр улсын харилцаанаас гадна Сирийн асуудлыг хэлэлцсэн байна. Хоёр улсын тэргүүнүүд хэвлэлийн бага хурал хийлгэхдээ энэ талаар мэдэгджээ.
