Month: July 2017

Сонгинохайрхан дүүргийн X хороо, Баянхошууны тойрог орчимд 40 тоннын чингэлэг суудлын автомашин дээр унаж, нэг хүн, хоёр хүүхэд дарагдаж, бэртжээ. Тодруулбал, Чингэлгийг кранаар өргөж байгаад Приус-11 маркийн автомашины дээр алдсан байна. Ослын тухай дуудлага нийслэлийн Онцгой байдлын газарт өнөөдөр 12:10 цагт иржээ. Дуудлагын дагуу Нийслэлийн онцгой байдлын аврах ангийнхан очиж, газар дээр нь ажиллан, чингэлэгт дарагдсан машинд байсан хүмүүсийг гаргаж, 103-т хүлээлгэн өгсөн гэнэ. Приус-11 маркийн машинд 36 настай эрэгтэй, 16 настай эрэгтэй болон долоон сартай эрэгтэй хүүхэд байжээ. Тэд бүсэлхийнээс доош хэсгээрээ чингэлэгт дарагдсан аж.

Яаралтай тусламжийн эмч нар гэмтсэн хүмүүсийг ГССҮТ-д хүргэсэн бөгөөд долоон сартай хүүгийн биеийн байдал маш хүнд, бусад хоёр зорчигчийн биеийн байдал харьцангуй гайгүй байгаа гэв. Энэ талаар Яаралтай түргэн тусламжийн 103 төвөөс тодруулахад, “Чингэлэгт даруулсан дуудлагын дагуу очиж, яаралтай тусламж үзүүлэн, ГССҮТ-д хүргүүлсэн” гэлээ.

Б.УРАН

Аагим халуун зуны өдрүүд үргэлжилж, аялж зугаалахаар иргэд хөдөө орон нутгийг зорьж байна. Гэвч иргэдийн буруугаас үүдэлтэй Монгол орон даяар ой хээрийн түймэр асаж байна. Иймд та аялалд гарах гэж байгаа бол дараах зөвлөмжинд анхаарлаа хандуулна уу.

Урьдчилан сэргийлэх:

• Түлсэн гал, асаасан шүдэнз, татсан тамхины цог, нурмыг бүрэн унтраах
• Түймрийн хуурайшилт ихтэй үед ой, хээр ил задгай гал түлэхгүй байх
• Машин, техникийн утааны янданг оч баригчтай болгох
• Түймрийн аюултай үед гэр, байшин, майхан, малын хашаа, саравч, өвс тэжээл, худгийн эргэн тойронд 100-гаас доошгүй метрийн өргөнтэй цурав татах, шороон зурвас гаргах
• Түймрийн аюултай үед айл өрх бүр халуун үнс, нурмыг тусгайлан бэлдсэн таглаа бүхий нүх, саванд хийж байх
• Насанд хүрээгүй хүүхдийг шүдэнз, асаагуураас хол байлгах
• Гал түймэр унтраах багаж хэрэгсэлтэй байх

Түймрийг унтраахдаа:

• Шороо цацах
• Зурвас татах
• Хѳрсний ѳнгѳн хэсгийг хуулах
• Анжисаар хориг хагалалт хийх
• Цуравдах
• Химийн аргаар унтраах
• Усаар унтраах,
• Гар багаж, үлээгч аппарат ашиглах аргуудыг хэрэглэнэ.
• Бага хэмжээний түймрийн үед зурвасыг 0,5 метр, их хүчтэй үед 1 метр ба түүнээс дээш өргөнтэйгөөр хийнэ. Түймрийн голомтыг эзэнгүй орхихгүй байх хэрэгтэй.
• Түймрийн замд орших ямар нэгэн гол, горхи, зөрөг зам зэрэг газрыг олох буюу эсвэл хориг зурвас татаж түймрийн эсрэг өвсийг шатаана. Түймэр ба цуравны гал нийлмэгц дөл асар өндөр болж үлэмж дуу гарган унтардаг.

Хэрвээ та яг одоо аялалд гарах гэж байгаа бол ой хээрийн түймэр, үер усны аюул, бэртэл гэмтэл зэрэг хэлж биш хийсч ирдэг гамшиг эрсдэлээс хэрхэн сэргийлэх талаарх зөвлөмж мэдээллийг агуулсан Монгол орны аяллын газрын зургаа заавал аваарай. Мөн та Зэс картаараа тус газрын зурагт багтсан үйлчилгээний газруудад 5-10 хувийн хөнгөлөлт эдлэх боломжтой юм байна.

Иргэн та ой, хээрийн түймэр гарсан тохиолдолд Онцгой байдлын алба болон орон нутгийн төрийн захиргааны байгууллагад яаралтай мэдээлэх, түймэр унтраах ажиллагаанд иргэний үүргийн дагуу оролцох үүрэгтэй юм.

Өмнөговь аймгийн Онцгой байдлын газрын гал сөнөөгчид Хангайн аймгуудад гарч буй ой хээрийн түймрийн голомтод ажиллахаар болжээ. Тодруулбал, 2 бүлгийн 32 албан хаагч, 2 автомашинтайгаар өнөөдөр өглөө 06:00 цагт Улаанбаатар хотруу хөдөлжээ. Тус аймгийн Онцгой байдлын газрын гал сөнөөгчдийг аюулгүй ажиллагааны бүх хэрэгсэлээр бүрэн хангасан хэмээн эх сурвалж мэдээллээ.

Ц.МИШЭЭЛ

Сүхбаатар дүүргийн Засаг
даргын Тамгын газар нийслэлийн Засаг даргын Тамгын газар, Аялал жуулчлалын
газраас 11 дэх жилдээ зохион байгуулсан “Дээлтэй Монгол-2017” наадамд 1200
гаруй хүний бүрэлдэхүүнтэй оролцон дэд байрт шалгарч, өргөмжлөл, мөнгөн
шагналаар шагнуулсан. Өнөөдөр дүүргийн Засаг даргын орлогч Ц.Шижир, Засаг
даргын Тамгын газрын дарга Н.Энхболд нар уг наадамд амжилттай оролцсон
хамт олондоо баяр хүргэлээ. Энэ үеэр дүүргийн Засаг даргын Тамгын газрын дарга
Н.Энхболд “Дээлтэй Монгол наадамд амжилттай оролцсон бүх хэлтэс, алба, 1-20
хорооны Засаг даргын Ажлын алба, иргэд, хамт олондоо баяр хүргэж, та бүхнийхээ
цаашдын ажилд амжилт хүсье. Баяр, амралтын өдрүүдэд эх орон минь шатаж байна
гэсэн харамсалтай мэдээг бид сонсч, харж байна. Тийм учраас дүүргийн Засаг
дарга, түүний Тамгын газрын хамт олны санаачилгаар энэхүү шагналын мөнгө болох
720 мянган төгрөгийг Онцгой байдлын Ерөнхий газарт хандивлахаар болсноо
дуулгая. Бидний энэхүү хандив галын шугаманд ажиллаж байгаа онцгой байдлын алба
хаагчдад хоол, хүнс, бусад шаардлагатай эд зүйлс болон хүрнэ гэдэгт итгэлтэй
байна. Та, бид эх орныхоо өмнө тангараг өргөсөн төрийн албан хаагчид” гэдгийг
тодотгов. Сүхбаатар дүүргийн Засаг даргын Тамгын газрын дарга Н.Энхболд ОБЕГ-т
Сүхбаатар дүүргээс хандивлаж буй мөнгөн хандивыг дүүргийн Онцгой байдлын
хэлтсийн дарга, дэд хурандаа Б.Анхбаярт гардуулан өглөө.

Үндэсний баяр наадмын үеэр БЗД-ийн Цагдаагийн 1-р хэлтсийн цагдаагийн ахмад О.Пүрэвсүрэнгээр ахлуулсан ХСИС- ийн багш, сонсогч нар болон БЗД-ийн Цагдаагийн хэлтсийн офицер ахлагч нар хамтран ажиллав Үндэсний цэцэрлэгт хүрээлэн дээр долдугаар сарын 10-14 хүртэл гэмт хэргээс урьдчилан сэргийлэх чиглэлээр Мики маус цагдаа, Өсвөрийн сэргийлэгч нар эргүүл хийж ард иргэдийнхээ хүсэлтээр балчир дүү нарынхаа хамт дурсгалын зураг татуулах сонирхолтой ажил зохион байгуулжээ. Баярын үеэр төөрсөн дөрвөн хүүхдийг олж эцэг эхэд нь хүлээлгэн өгч, дугуй унаж явахдаа түр амрах үедээ цүнхтэй эд зүйлээ сандал дээрээ мартаж явсан хүүхдүүдэд эд зүйлийг нь бүрэн бүтэн хүлээлгэж өгчээ Мөн огтуугаар биеэ авч явах чадваргүй гурван иргэнийг ар гэр асран хамгаалагчид нь хүлээлгэн өгч , олон нийтийн газар согтуугаар танхайрсан хоёр иргэнийг цагдаагийн саатуулах байранд хүлээлгэн өгч ажилласан байна.

Ц.МИШЭЭЛ

Фэйсбүүкдэх “Гал сөнөөгчдөд туслах групп”-ийн залуус Онцгой байдлын алба хаагчдад тусалж сайн дурын аяныгөрнүүлээд байгаа билээ. Тус группын залуучууд өчигдрөөс эхлэн гал унтраах хэрэгсэл, хоол хүнс, цэвэр ус болон мөнгөн хандив зэргийг цуглуулсан юм.Өнөөдрийн байдлаар хандивийн хэмжээ 30.395.516 төгрөгт хүрсэн бөгөөд иргэдээс ирүүлсэн эхний хандивын эд зүйлсийг түймрийн бүсэд хүргэжээ.

Ц.МИШЭЭЛ