Month: July 2017

09:30 цагт: Нийслэлийн Цагдаагийн газрын гадна талбайд Монголын цагдаагийн байгууллагын түүхт 96 жилийн ойг тохиолдуулан өргөсөн тангарагтаа үнэнчээр зүтгэж, эрхэлсэн ажилдаа амжилт гаргасан цагдаагийн алба хаагчдад цол, шагнал гардуулах ёслолын ажиллагаа болно.

11:00 цагт: БХБЯ-ны хурлын танхимд барилгын салбараас төрийн дээд одон медаль гардуулна.

11:30 цагт: MN-Мэдээллийн төвд Улсын дээд шүүх нь эрх баригч МАН-ын талд үйлчилж хууль бус шийдвэр гаргаж байгаа талаар Дундговь аймгийн Баянжаргалант сумын иргэд мэдээлэл хийнэ.

13:30 цагт: Тэц-4 дээр “Хөдөлмөрийн аюулгүй байдлын удирдлагын тогтолцоо”-г нэвтрүүлсэн сертификат гардуулах үйл ажиллагаа болно. Сертификат гардан авсанаар ТЭЦ-4 компани хөдөлмөрийн аюулгүй байдлыг мөрдөн ажилладаг 2 дахь жишиг байгууллага болж байгаа юм.

15:00 цагт: Цусны хорт хавдартай гэж оношлогдсон Г.Түшиглэн хүүд зориулсан уран зургийн үзэсгэлэн Хүүхдийн Номын Ордонд болно. Тус үзэсгэлэнг санаачлагчид нь зөн билэгтнүүд болох Муканжиши, Т.Баярмаа нар бөгөөд тэдний өөрсдийн гараар зурсан, энерги шингэсэн уран зургуудаас тус үзэсгэлэн бүрдэнэ.
Үзэсгэлэнгийн орлогыг Г.Түшиглэн хүүгийн эмчилгээнд хандивлах бөгөөд урилгаар шилдэг зөн билэгтэн Г.Эрдэнэбат, Н.Батцэнгэл нар оролцоно.

ШУА-ийн Түүх, археологийн хүрээлэн, Олон улсын Монгол судлалын холбоо хамтран зохион байгуулж буй “Бурхан багшийн айлдвар Монгол ганжуурын судалгаа” сэдэвт олон улсын хурал энэ сарын 20-нд Улаанбаатар хотноо болно.

Засгийн газрын 2002 оны 118 дугаар тогтоолоор түүх соёлын “Хосгүй үнэт” өвд бүртгэгдсэн Есөн эрдэнийн ганжуурыг ЮНЕСКО-ийн Дэлхийн өвд бүртгэсэн байдаг. Хуралд ОХУ, БНХАУ, АНУ, ХБНГУ, Польш, Япон, Казахстан, Унгар, Чех, ИБУИНВУ зэрэг орны эрдэмтэн судлаачид оролцож, судалгааны шинэ үр дүнгээс олон нийтэд танилцуулах юм. Тус хурал нь Ганжуур судлаач дэлхийд нэртэй эрдэмтэд Улаанбаатар хотноо анх удаа чуулж байгаагаараа онцлогтой.

Олон улсын хурлын хүрээнд энэ сарын 21-ний 14.00 цагт Үндэсний номын санд “Зарлиг эрдэний монгол соёл” үзэсгэлэн, 15.00 цагт Г.Занабазарын нэрэмжит дүрслэх урлагийн музейд “Монголчуудын Ганжууртай холбоотой ном бүтээлийн өв” үзэсгэлэн тус тус дэлгэгдэх юм.

Ойрын өдрүүдэд зарим газраар түр зуурын бороо орж, нутгийн хойд хэсгээр сэрүүвтэр байна гэж цаг уурчид мэдээллээ.

Баруун аймгуудын нутгаар солигдмол үүлтэй, бусад нутгаар үүлшинэ. Говийн аймгуудын ихэнх нутаг болон баруун, төв, зүүн аймгуудын нутгийн зарим газраар түр зуурын бороо орно. Дуу цахилгаантай. Салхи зүүн аймгуудын нутгаар зүүн өмнөөс, бусад нутгаар баруун хойноос секундэд 6-11 метр, зарим газраар түр зуур секундэд 14-16 метр хүрч ширүүснэ.

Алтай, Хангай, Хөвсгөл, Хэнтийн уулархаг нутгаар 20-25 хэм, говийн бүс нутгийн өмнөд хэсгээр 28-33 хэм, бусад нутгаар 24-29 хэм дулаан байна.

УЛААНБААТАР ХОТ: Үүлшинэ. Түр зуурын бороо орно. Дуу цахилгаантай. Салхи зүүн өмнөөс баруун хойш эргэж секундэд 7-12 метр. 24-26 хэм дулаан байна.

“Өдрийн сонин”-ы лхагва гаригийн дугаар 16 нүүрээр хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.

Нэгдүгээр нүүрт манай улсад төрийн айлчлал хийж буй Япон улсын парламентын Төлөөлөгчдийн танхимын дарга ноён Т.Оошимагийн айлчлалын хүрээнд ямар асуудал хэлэлцэж байгаа талаарх мэдээллийн дэлгэрэнгүйг хүлээн авч уншаарай. Мөн үүний үргэлжлэл хоёрдугаар нүүрэнд бий.

“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болж байдаг алдарт гуравдугаар нүүрэнд нэрт нийтлэлч Баабарын “Намуудын дампуурал” нийтлэл хэвлэгдлээ.

Харин улс төрийн тавдугаар нүүрнээс өчигдөр болсон Засгийн газрын ээлжит хуралдаанаас ямар, ямар шийдвэр гарсан тухай сонирхон хараарай.

Нийгэмд болсон гол үйл явдлуудыг сэрэмжлүүлж, олон нийтэд таниулдаг баримт үйл явдлын долоодугаар нүүрнээс Говь-Алтай аймгийн Цагдаагийн газрын захиргааны зөрчлийн тоо бүртгэгч, цагдаагийн сургагч ахлагч, П.Дагийцэрэнтэй хийсэн ярилцлагыг хүлээн авч уншаарай. Тэрбээр ярилцлагадаа “Хууль мэдэхгүйгээс болчимгүй үйлдэл гаргаж, гэмт хэрэгт холбогдох тохиолдол их байна” хэмээн онцлон хэлжээ.

Соёл урлагийн арвангуравдугаар нүүрнээс Монголын мисс Алтангэрэлийн
Баярцэцэгийн ярилцлагыг сонирхоорой. Тэрбээр “Miss World-2016” буюу Дэлхийн мисс шалгаруулах тэмцээнд эх орноо
төлөөлөн амжилттай
оролцож шилдэг XI байрт
шалгарсан юм. Мөн дэлхийн миссийн тэмцээнд
амжилттай оролцсоноос
хойш эх орондоо нийгмийн
сайн сайхны төлөө хүмүүнлэгийн ажил
тасралтгүй хийсээр ирсэн
билээ. Түүнчлэн өнгөрсөн
зургадугаар сард үе үеийн
дэлхийн миссүүд оролцсон
томоохон арга хэмжээнд
оролцоод ирсэн байна.

Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.

“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.

“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ

Наадмын маргааш намар гэдэг. Намрын ургац хураалтын ажил эхлэх цаг хугацаа ойртсоор л байна. Монгол орны баруун хязгаар Ховд аймгийн Буянт сум тарвасаараа алдартай гэдэг. Тэгвэл Ховдын тарвас энэ долоо хоногийн эхээр худалдаанд гарчээ. Гэхдээ бүрэн ургац авах хугацаа болоогүй байгаа аж. Худалдаанд гарсан шинэхэн тарвас нэг килограм нь 3000 төгрөг гэнэ. Хоног хугацаа өнгөрч, намрын ид ургац хураалтын үеэр Ховдын тарвасны үнэ килограмм нь 150 төгрөг хүрэх ч тохиолдол бий. Юутай ч шинэ ургацын тарвасыг Ховдчууд амсаад эхэлжээ.

Нийт нутгаар гандуу, зуншлага муу байгаа учир өвс, тэжээл экспортлохыг өнөөдрөөс эхлэн хориглолоо. Одоо бэлтгэсэн болон цаашид бэлтгэх өвс, тэжээлийн нөөцийг нэн шаардлагатай газруудад оновчтой хуваарилж, яаралтай хүргэх арга хэмжээ авахыг Хүнс, хөдөө аж ахуй, хөнгөн үйлдвэрийн сайд П.Сэргэлэнд үүрэг болголоо.